గ్లోబల్ లాంచ్‌కు ముందే కొత్త Audi Q9 Flagship SUV ఇంటీరియర్ వెల్లడి

ఆడి తన కొత్త ఫ్లాగ్‌షిప్ SUV అయిన Q9ను 2026 జూలై 29న ప్రపంచవ్యాప్తంగా ఆవిష్కరించేందుకు సిద్ధమవుతోంది. విడుదలకు ముందే కంపెనీ Q9 ఇంటీరియర్ డిజైన్‌ను వెల్లడించింది. ఇందులో ప్రీమియం మెటీరియల్స్, మోనోక్రోమాటిక్ థీమ్, విశాలమైన కంఫర్ట్ & కన్వీనియన్స్‌తో పాటు అనేక ఆధునిక ఫీచర్లు ఉన్నాయి. కొత్త ఆడి Q9 గురించి తెలుసుకోవాల్సిన పూర్తి వివరాలు ఇవే:

ఆడి Q9 ఇంటీరియర్

• ఆడి Q9లో 6-సీటర్, 7-సీటర్ లేఅవుట్లు అందుబాటులో ఉంటాయి. కేబిన్‌లో డ్యూయల్ టోన్ బ్లాక్-అండ్-వైట్ థీమ్‌ను ఉపయోగించారు.

• డాష్‌బోర్డ్‌లో వెడల్పైన డ్రైవర్-ఓరియెంటెడ్ గ్లాస్ ప్యానెల్‌ను ఇచ్చారు. ఇందులో డిజిటల్ ఇన్‌స్ట్రుమెంట్ క్లస్టర్, సెంట్రల్ ఇన్ఫోటైన్‌మెంట్ టచ్‌స్క్రీన్, ప్రత్యేక ప్యాసింజర్ డిస్‌ప్లేలను కలిపారు. అదనంగా ఆంబియెంట్ లైటింగ్, వాహన ఫంక్షన్లు మరియు మ్యూజిక్ ప్లేబ్యాక్‌కు స్పందించే ఫుల్-విడ్త్ ఇంటరాక్షన్ లైట్‌ను కూడా ఇందులో సమీకరించారు.

• ఫ్లాట్-బాటమ్ స్టీరింగ్ వీల్, మెటల్ పెడల్స్ స్పోర్టీ లుక్‌ను అందిస్తుండగా, కార్బన్-ఫైబర్ స్టైల్ ట్రిమ్, మ్యాట్ ఫినిష్ ఉపరితలాలు మరింత ప్రీమియం ఫీల్‌ను తీసుకొచ్చాయి.

• డాష్‌బోర్డ్ మరియు డోర్ ప్యానెల్స్ అంతటా ఫుల్-విడ్త్ అంబియెంట్ లైట్ స్ట్రిప్‌ను అమర్చారు. దీని వల్ల ఇంటీరియర్‌కు హైటెక్ లుక్ వచ్చింది.

• సెంటర్ కన్సోల్‌లో క్లీన్, లేయర్డ్ డిజైన్‌ను ఇచ్చారు. ఇందులో హిడెన్ స్టోరేజ్, డ్యూయల్ వైర్‌లెస్ ఛార్జింగ్ ప్యాడ్స్, 100W USB-C పోర్టులు, స్లిమ్ టచ్ కంట్రోల్స్‌తో పాటు చాలా తక్కువ ఫిజికల్ బటన్లు ఉన్నాయి.

• ఫ్రంట్ స్పోర్ట్స్ సీట్లలో వెంటిలేషన్, మసాజ్ ఫంక్షన్లు ఉన్నాయి. వైట్ లెదర్ స్పోర్ట్స్ సీట్లకు టైట్ బోల్స్టరింగ్, పర్ఫొరేషన్, హెడ్‌రెస్ట్స్ దిగువన ఇల్యూమినేటెడ్ యాక్సెంట్స్‌ను అందించారు.

• ఆప్షనల్ 6-సీటర్ కాన్ఫిగరేషన్‌లో రెండో వరుసలో రెండు వెంటిలేటెడ్, ఎలక్ట్రిక్ అడ్జస్టబుల్ కెప్టెన్ చైర్స్ ఉంటాయి. వీటికి ఫోల్డ్-డౌన్ ఆర్మ్‌రెస్ట్స్, విశాలమైన లెగ్‌రూమ్, మూడో వరుసకు వెళ్లేందుకు వాక్-త్రూ సౌకర్యం ఉన్నాయి.

• వెనుక సీట్ల ప్రయాణికులకు ప్రత్యేక క్లైమేట్ కంట్రోల్స్, కప్‌హోల్డర్స్, ఛార్జింగ్ పోర్టులు సెంటర్ కన్సోల్ వెనుక భాగంలో అందుబాటులో ఉంటాయి.

• మూడో వరుస కూడా విశాలంగా కనిపిస్తోంది. ఇందులో కూడా అదే రిచ్ లుక్ కలిగిన వైట్ లెదర్ అప్హోల్స్టరీని ఉపయోగించారు.

• పనోరమిక్ గ్లాస్ రూఫ్‌లో ఇల్యూమినేటెడ్ సెక్షన్లు ఉన్నాయి. ఇవి ఆంబియంట్ లైటింగ్ ఎఫెక్ట్‌ను పైభాగం వరకూ విస్తరించి కేబిన్‌ను మరింత ప్రకాశవంతంగా, విశాలంగా కనిపించేలా చేస్తాయి.

ఆడి Q9 ఎక్స్‌టీరియర్ డిజైన్

ముందుభాగంలో ఆడి Q9 భారీ గ్లాస్ బ్లాక్ గ్రిల్‌తో వచ్చింది. దీనికి హెక్సాగనల్ ప్యాటర్న్, ఇల్యూమినేటెడ్ ఆడి లోగో, పిక్సెల్ స్టైల్ డీటైలింగ్ కలిగిన స్లిమ్ LED DRL స్ట్రిప్స్, పెద్ద రెక్టాంగ్యులర్ హెడ్‌ల్యాంప్ క్లస్టర్లు ఉన్నాయి. ఫ్రంట్ బంపర్‌లో స్పోర్టీ లోయర్ ఎయిర్ డ్యామ్‌ను కూడా అందించారు.

• సైడ్ ప్రొఫైల్‌లో Q9 సంప్రదాయ బాక్సీ సిల్హౌట్‌ను కలిగి ఉంది. ఇందులో పెద్ద రూఫ్ రైల్స్, క్రోమ్ ఫినిష్ అలాయ్ వీల్స్, లో-ప్రొఫైల్ టైర్లు కనిపిస్తాయి.

• వెనుక భాగంలో కనెక్టెడ్ LED టెయిల్‌లైట్ బార్, ఇల్యూమినేటెడ్ ఆడి బ్యాడ్జ్, క్వాడ్ ఎగ్జాస్ట్ టిప్స్‌తో లేయర్డ్ బంపర్‌ను అందించారు. దీని వల్ల ప్రాక్టికల్‌తో పాటు స్పోర్టీ ఫినిష్ కూడా లభించింది.

ఆడి Q9 ఫీచర్లు & భద్రత

• ఆడి Q9లో త్రీ-స్క్రీన్ డిస్‌ప్లే యూనిట్, వైర్‌లెస్ ఆపిల్ కార్‌ప్లే/ఆండ్రాయిడ్ ఆటో, డ్యూయల్ వైర్‌లెస్ ఫోన్ ఛార్జర్స్, పనోరమిక్ సన్‌రూఫ్, ఫోర్-జోన్ క్లైమేట్ కంట్రోల్, మొదటి మరియు రెండో వరుసలకు పవర్డ్, హీటెడ్, వెంటిలేటెడ్ సీట్లు వంటి ఫీచర్లు ఉండనున్నట్లు చిత్రాల ద్వారా స్పష్టమైంది. అదనంగా Bang & Olufsen 4D ఆడియో సిస్టమ్, ఎలక్ట్రానిక్‌గా పనిచేసే డోర్లు, సెలెక్టబుల్ డ్రైవ్ మోడ్‌లు కూడా ఉన్నాయి.

• భద్రత పరంగా Q9లో మల్టిపుల్ ఎయిర్‌బ్యాగ్స్, ఎలక్ట్రానిక్ స్టెబిలిటీ కంట్రోల్ (ESC), 360-డిగ్రీ కెమెరా, లెవల్-2 అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS), ఆటో-హోల్డ్‌తో ఎలక్ట్రానిక్ పార్కింగ్ బ్రేక్, ఫ్రంట్ & రియర్ పార్కింగ్ సెన్సర్లు ఉండే అవకాశం ఉంది.

ఆడి Q9 పవర్‌ట్రైన్

Q9 పవర్‌ట్రైన్ ఎంపికలపై ఆడి ఇంకా అధికారిక వివరాలు వెల్లడించలేదు. అయితే టర్బో-పెట్రోల్, డీజిల్, ప్లగ్-ఇన్ హైబ్రిడ్ పవర్‌ట్రైన్‌లతో ఇది అందుబాటులోకి వచ్చే అవకాశం ఉంది. అలాగే SQ7, SQ8 మోడళ్లలో ఉన్న 4-లీటర్ ట్విన్-టర్బో V8 పెట్రోల్ ఇంజిన్‌తో హై-పర్ఫార్మెన్స్ వెర్షన్ కూడా వచ్చే అవకాశముంది.

ఆడి Q9 అంచనా ధర & ప్రత్యర్థులు

ఆడి Q9ను 2027 రెండోార్థంలో భారత్‌కు తీసుకురానున్నట్లు అంచనా. దీని ప్రారంభ ధర సుమారు రూ.1.50 కోట్ల (ఎక్స్-షోరూమ్) నుంచి ఉండొచ్చు. .

విడుదల అనంతరం Q9- BMW X7, Mercedes-Benz GLS, Land Rover Defender 130 వంటి మోడళ్ల నుంచి పోటీ ఎదురుకానుంది.