மிரட்டலாக அறிமுகமானது 2026 டொயோட்டா ஃபார்ச்சூனர் 'லீடர் எடிஷன்' : விலை, புதிய வசதிகள் என்ன ?
ஏற்கனவே கடந்த ஆண்டுகளிலும் விற்பனைக்கு வந்த ஃபார்ச்சூனர் லீடர் எடிஷன் தற்போது 3-வது முறையாக மீண்டும் சந்தையில் அறிமுகப்படுத்தப்பட்டுள்ளது
- ஒரு கருத்தை எழுதுக
டொயோட்டா இந்தியா நிறுவனம் தனது புகழ்பெற்ற ஃபார்ச்சூனர் SUV காரில் புதிய மாற்றங்கள் மற்றும் கூடுதல் வசதிகளுடன் '2026 ஃபார்ச்சூனர் லீடர் எடிஷன்' மாடலைச் சந்தையில் அறிமுகப்படுத்தியுள்ளது. பெரும்பாலான மாற்றங்கள் தோற்றப் பொலிவு சார்ந்ததாக இருந்தாலும், இந்த காரின் விலைப் பிரிவில் அதிக வாடிக்கையாளர்களால் விரும்பப்படும் ஃபார்ச்சூனரின் முரட்டுத்தனமான அழகை இது மேலும் மெருகேற்றுகிறது.
விலை மற்றும் வேரியண்ட்கள்
ஃபார்ச்சூனர் லீடர் எடிஷன் மாடலின் விலை விவரங்கள்:
| வேரியன்ட் |
விலை (எக்ஸ்-ஷோரூம்) |
| டொயோட்டா ஃபார்ச்சூனர் லீடர் எடிஷன் 4X2 டீசல் MT |
ரூ. 36.51 லட்சம் |
| டொயோட்டா ஃபார்ச்சூனர் லீடர் எடிஷன் 4X2 டீசல் AT |
ரூ. 38.72 லட்சம் |
-
ஃபார்ச்சூனர் லீடர் எடிஷன் டீசல் மேனுவல் ரியர்-வீல் டிரைவ் மாடலின் ஆரம்ப விலை ரூ. 36.51 லட்சம் (எக்ஸ்-ஷோரூம்) என்றும் ஆட்டோமேட்டிக் டிரான்ஸ்மிஷன் மாடலின் விலை மேனுவலை விட ரூ.2.21 லட்சம் கூடுதலாக ரூ. 38.72 லட்சம் (எக்ஸ்-ஷோரூம்) என்றும் நிர்ணயிக்கப்பட்டுள்ளது.
என்னென்ன புதிய மாற்றங்கள்?
ஃபார்ச்சூனரின் தோற்றத்தில் சில குறிப்பிடத்தக்க டிசைன் அப்டேட்களை லீடர் எடிஷன் கொண்டுவந்துள்ளது. புதிய ஸ்டைலிங் கொண்ட முன்பக்க கிரில், ஸ்போர்ட்டியான பம்பர்கள், பின்புற கதவுகளில் பிளாக் காரனிஷ், 17-இன்ச் பளபளப்பான பிளாக் அலாய் வீல்கள், கருப்பு நிற ரூஃப் மற்றும் ஷார்க்ஃபின் ஆண்டெனா ஆகியவை சேர்க்கப்பட்டு காரின் ரோடு பிரசன்ஸ் மேலும் உயர்த்தப்பட்டுள்ளது.
இந்த லீடர் எடிஷன் சூப்பர் வொயிட், பிளாட்டினம் வொயிட் பேர்ல் மற்றும் ஆட்டிட்யூட் பிளாக் ஆகிய மூன்று வண்ணத் தேர்வுகளில் கிடைக்கிறது.
கேபினுக்குள் நுழையும்போது, பிளாக் மற்றும் மரூன் நிறங்கள் கலந்த டூயல்-டோன் சீட் அப்ஹோல்ஸ்டரி வரவேற்கிறது. இந்த கலர் தீம் டோர் பேனல்களுக்கும் நீட்டிக்கப்பட்டுள்ளது. மேலும் பயண அனுபவத்தை மேம்படுத்த ஆம்பியன்ட் லைட்டிங் மற்றும் ஒளிரும் ஸ்கஃப் பிளேட்களும் இதில் கொடுக்கப்பட்டுள்ளன.
தோற்ற மாற்றங்களைத் தவிர அன்றாட பயன்பாட்டிற்கு வசதியாக ஆட்டோ-ஃபோல்டிங் ORVM கண்ணாடிகள் மற்றும் டயர் பிரஷர் மானிட்டரிங் சிஸ்டம் (TPMS) ஆகிய அத்தியாவசிய அம்சங்களும் லீடர் எடிஷனில் புதிதாகச் சேர்க்கப்பட்டுள்ளன.
ஃபார்ச்சூனர் காரைப் பற்றி...
டொயோட்டா ஃபார்ச்சூனருக்கு பெரிய அறிமுகங்கள் எதுவும் தேவையில்லை. சாலையில் மற்ற வாகனங்களை விலகிச் செல்ல வைக்கும் பிரம்மாண்டமான முரட்டுத் தோற்றமே இதன் மிகப்பெரிய அடையாளம். வசதிகளைப் பொறுத்தவரை வயர்டு ஆண்ட்ராய்டு ஆட்டோ மற்றும் ஆப்பிள் கார்ப்ளே வசதியுடன் கூடிய 8-இன்ச் டச்ஸ்கிரீன், வயர்லெஸ் போன் சார்ஜர், டூயல்-ஸோன் கிளைமேட் கன்ட்ரோல், முன்பக்க வென்டிலேட்டட் சீட்கள், 11-ஸ்பீக்கர் ஜேபிஎல் (JBL) சவுண்ட் சிஸ்டம், பல்வேறு டிரைவிங் மோடுகள் மற்றும் க்ரூஸ் கன்ட்ரோல் ஆகியவை இதில் உள்ளன.
பாதுகாப்பைப் பொறுத்தவரையில் 7 ஏர்பேக்குகள், எலக்ட்ரானிக் ஸ்டெபிலிட்டி கன்ட்ரோல் (ESC), டிராக்ஷன் கன்ட்ரோல், ஹில் ஹோல்ட் அசிஸ்ட், ISOFIX சைல்டு சீட் மவுண்ட்கள், ரிவர்ஸ் பார்க்கிங் கேமரா மற்றும் முன்-பின் பார்க்கிங் சென்சார்கள் எனப் பல பாதுகாப்பு வளையங்கள் இதில் இடம்பெற்றுள்ளன.
பவர்டிரெயின் ஆப்ஷன்கள்
வழக்கமான ஃபார்ச்சூனர் கார் 2.7-லிட்டர் நேச்சுரலி ஆஸ்பிரேட்டட் பெட்ரோல் மற்றும் 2.8-லிட்டர் டீசல் என இரண்டு எஞ்சின் தேர்வுகளில் கிடைக்கிறது. இரண்டிலுமே மேனுவல் மற்றும் ஆட்டோமேட்டிக் கியர்பாக்ஸ் ஆப்ஷன்கள் உள்ளன.
விரிவான விவரங்கள்:
| இன்ஜின் |
2.7-லி நேச்சுரலி அஸ்பிரேட்டட் பெட்ரோல் |
2.8-லிட் டீசல் |
2.8-லிட் டீசல் மைல்டு ஹைபிரிட் |
| பவர் |
166 PS |
204 PS |
204 PS |
| டார்க் |
245 Nm |
420 Nm (MT)/ 500 Nm (AT) |
500 Nm |
| டிரான்ஸ்மிஷன் |
5-speed MT / 6-speed AT |
6-speed MT / 6-speed AT |
6-speed AT |
| டிரைவ்டிரெயின் |
RWD |
RWD/ 4WD |
4WD |
*RWD- ரியர்-வீல் டிரைவ், 4WD - ஃபோர்-வீல் டிரைவ்
தற்போது அறிமுகமாகியுள்ள ஃபார்ச்சூனர் லீடர் எடிஷன் மாடலானது டீசல் 2WD (RWD) டிரைவ்டிரெயின் தேர்வில் மட்டுமே கிடைக்கிறது.
போட்டியாளர்கள்
சந்தையில் ஜீப் மெரிடியன், எம்ஜி மெஜஸ்டர், போக்ஸ்வேகன் டைரன், கியா சோரென்ட்டோ மற்றும் ஸ்கோடா கோடியாக் ஆகிய கார்களுக்கு டொயோட்டா ஃபார்ச்சூனர் நேரடியாகப் போட்டியிடுகிறது.
கார்தேக்கோவின் கருத்து…
புதிய ஃபார்ச்சூனர் லீடர் எடிஷன் மூலம், தனது அதிகம் விற்பனையாகும் SUV மாடலுக்கு டொயோட்டா புத்துயிர் அளித்துள்ளது. டூயல்-டோன் ரூஃப், புதிய டிசைன் அமைப்புகள் மற்றும் ஆல்-பிளாக் அலாய் வீல்கள் போன்றவை உங்கள் ஃபார்ச்சூனரை சாலையில் மற்ற கார்களில் இருந்து நிச்சயம் தனித்துக் காட்டும். இருப்பினும் இது பெரியளவிலான மாடல் மாற்றம் இல்லை. மாறாக வெளிப்புறத் தோற்றம் மற்றும் வசதிகளில் மட்டுமே கவனம் செலுத்திய ஒரு அப்டேட்டாகும்.
போட்டியாளர்கள் நவீன அம்சங்களுடனும் சொகுசான கேபின் அனுபவத்துடனும் சந்தைக்கு வரும் நிலையில் ஃபார்ச்சூனர் இன்னும் தனது பிராண்ட் மதிப்பை மட்டுமே நம்பி இருக்க முடியுமா என்பதே பெரிய கேள்வி. லீடர் எடிஷன் புதுமையைத் தந்தாலும் இந்த பிரிவில் தொடர்ந்து ஆதிக்கம் செலுத்த இன்னும் விரிவான ஒரு மெகா அப்டேட் ஃபார்ச்சூனருக்குத் தேவை!
டொயோட்டா ஃபார்ச்சூனர் லீடர் எடிஷனைப் பற்றி நீங்கள் என்ன நினைக்கிறீர்கள்? உங்களது கருத்துக்களை கீழே கமெண்ட்டில் பகிருங்கள்!
