மாறிய லுக்... கூடுதல் வசதிகள்! ரூ.9.99 லட்சத்தில் விற்பனைக்கு வந்தது புதிய ஸ்கோடா ஸ்லாவியா !

ஸ்கோடா ஸ்லாவியா அதன் சக்திவாய்ந்த டர்போ-பெட்ரோல் இன்ஜின்கள் மற்றும் ஸ்போர்ட்டியான ஸ்டைலிங் மூலம் தனது பிரிவில் எப்போதுமே ஓட்டுநர்களுக்கு பிடித்தமான செடான்களில் ஒன்றாக இருந்து வருகிறது. ஸ்கோடா நிறுவனம் இந்த ஆண்டின் தொடக்கத்தில் ஸ்லாவியாவின் ஃபேஸ்லிஃப்ட் பதிப்பை வெளியிட்டிருந்தாலும் தற்போதுதான் அதிகாரப்பூர்வமாக விற்பனைக்குக் கொண்டுவந்து அதன் விலைகளையும் அறிவித்துள்ளது.

இதில் பெரிய அளவிலான மாற்றங்கள் இல்லை என்றாலும் வெறும் புதிய முக தோற்றத்தை தாண்டி இதில் நிறைய அம்சங்கள் வழங்கப்பட்டுள்ளன. புதிய ஸ்டைலிங், கூடுதல் வசதிகள் கொண்ட கேபின் மற்றும் புதிய ஆட்டோமேட்டிக் கியர்பாக்ஸ் ஆகிய அப்டேட்களைப் பெற்றுள்ள அதே வேளையில் வாகன ஆர்வலர்களிடையே இது பெற்ற பிரபலத்தின் முக்கிய அம்சங்களை அப்படியே தக்கவைத்துக் கொண்டுள்ளது. அப்படியென்றால் இதில் எவையெல்லாம் மாறியுள்ளன? இந்த ஃபேஸ்லிஃப்ட் ஸ்லாவியாவை ஒரு சிறந்த தேர்வாக மாற்றுகிறதா? வாருங்கள் விரிவாகப் பார்ப்போம்.

விலை மற்றும் வேரியண்ட்கள்

ஃபேஸ்லிஃப்ட் செய்யப்பட்ட ஸ்லாவியா தொடர்ந்து ஆறு வேரியண்ட்களில் வழங்கப்படுகிறது. அவை கிளாஸிக், கிளாஸிக் பிளஸ், சிக்னேச்சர், ஸ்போர்ட்லைன், பிரெஸ்டீஜ் மற்றும் மாண்டே கார்லோ ஆகும்.

குறிப்பு: அனைத்து விலைகளும் எக்ஸ்-ஷோரூம் விலைகள் ஆகும்.

• ஸ்லாவியா ஃபேஸ்லிஃப்ட் மாடலின் ஆரம்ப விலை ரூ. 9.99 லட்சத்தில் தொடங்கி அதிகபட்சமாக ரூ. 18.84 லட்சம் வரை செல்கிறது.

• முன்பு கிடைக்காத ஆட்டோமேட்டிக் கியர்பாக்ஸ் ஆப்ஷன் தற்போது கிளாஸிக் வேரியண்டிலும் வழங்கப்பட்டுள்ளது.

• புதிய ஸ்லாவியாவிற்கான முன்பதிவுகள் ஏற்கனவே தொடங்கிவிட்டன.

வடிவமைப்பு

• ஸ்கோடா நிறுவனம் ஸ்லாவியாவின் எளிமையான மற்றும் கம்பீரமான டிசைனை அப்படியே தக்கவைத்துக்கொண்டு அதற்கு மேலும் ஒரு புத்துணர்ச்சியான தோற்றத்தைக் கொடுக்க சிறிய மாற்றங்களைச் செய்துள்ளது.

• ஸ்லாவியா காரில் மாற்றியமைக்கப்பட்ட L-வடிவ LED DRLகள், புதிய டிசைனிலான பம்பர், கார்னரிங் ஃபங்க்ஷன் கொண்ட LED முன் ஃபாக் லேம்ப்கள் மற்றும் கிரில்லின் கீழ் பகுதியில் ஃபேக் கார்பன்-ஃபைபர் இன்சர்ட் ஆகியவை கொடுக்கப்பட்டுள்ளன

• பக்கவாட்டு தோற்றம் முந்தைய மாடலை விட பெரியளவில் மாறாமல் அப்படியே உள்ளது. இருப்பினும் பெரிய 1.5-லிட்டர் இன்ஜின் வேரியண்ட்களில் இப்போது பின்புற டிஸ்க் பிரேக்குகள் வழங்கப்பட்டுள்ளன. மேலும் புதிதாக வடிவமைக்கப்பட்ட 16-இன்ச் டூயல்-டோன் அலாய் வீல்களையும் இது பெற்றுள்ளது

• பின்புறத்திலும் மாற்றங்கள் பரிச்சயமானதாகவே உள்ளன. இருப்பினும் சில முக்கியமான மாற்றங்கள் தெரிகின்றன. LED டெயில் லைட்களில் புதிய இன்டர்னல் லைட்டிங் எலமென்ட்கள் மற்றும் டைனமிக் டர்ன் இண்டிகேட்டர்கள் சேர்க்கப்பட்டுள்ளன. இரண்டு டெயில் லைட்களையும் இணைக்கும் வகையில் டெயில்கேட்டில் ஃபேக் கார்பன்-ஃபைபர் டிரிம் வழங்கப்பட்டுள்ளது. மேலும் புதிய பம்பரில் குறுக்கே செல்லும் வகையில் குரோம் ஸ்டிரிப் கொடுக்கப்பட்டுள்ளது

• கூடுதல் ஸ்போர்ட்டியான தோற்றத்தை விரும்பும் வாடிக்கையாளர்களுக்காக, ஸ்கோடா ஸ்லாவியாவை மாண்டே கார்லோ பதிப்பிலும் வழங்குகிறது. இதில் பிளாக்-அவுட் செய்யப்பட்ட எக்ஸ்டீரியர் பாகங்கள், சிவப்பு நிற காண்ட்ராஸ்ட் ஆக்ஸென்ட்கள் மற்றும் முழுமையான கருப்பு நிற இன்டீரியர் கொடுக்கப்பட்டுள்ளன

கலர் ஆப்ஷன்கள்

ஸ்கோடா ஸ்லாவியா காரை பத்து எக்ஸ்டீரியர் கலர் ஷேட்களில் வழங்குகிறது, அதே வேளையில் மாண்டே கார்லோ பதிப்பு டூயல்-டோன் பிளாக் ரூஃப் உடன் ஆறு கலர் ஆப்ஷன்களில் கிடைக்கிறது. கிடைக்கும் அனைத்து வண்ணங்களின் பட்டியல் இதோ:

• ஆர்க்டிக் சில்வர்

• கப்புசினோ பீஜ்

• ஷிம்லா கிரீன்

• ஸ்டீல் கிரே

• பிரில்லியன்ட் சில்வர்

• கேண்டி வைட்

• கார்பன் ஸ்டீல்

• செர்ரி ரெட்

• டீப் பிளாக்

• லாவா புளூ

கப்புசினோ பீஜ்  நிறத்திற்கான விநியோகம் டிசம்பர் 2026 முதல் தொடங்கப்படும் என்பதை நினைவில் கொள்ளவும்.

இன்டீரியர்

• ஃபேஸ்லிஃப்ட் செய்யப்பட்ட ஸ்லாவியா முந்தைய மாடலில் இருந்த டூயல்-டோன் கருப்பு மற்றும் பீஜ் கேபின் தீமையே தொடர்கிறது. டாஷ்போர்டு அமைப்பும் அதே டூ-ஸ்போக் ஸ்டீயரிங் வீல் மற்றும் பியானோ-பிளாக் இன்சர்ட்களுடன் பெரிய மாற்றமின்றி பரிச்சயமாகவே உள்ளது.

• கேபினில் உள்ள பிற முக்கிய அம்சங்களில் டூயல் டிஜிட்டல் டிஸ்ப்ளேக்கள் டச் வசதி கொண்ட கிளைமேட் கன்ட்ரோல் பேனல் மற்றும் அனைத்து பயணிகளுக்குமான அட்ஜஸ்டபிள் ஹெட்ரெஸ்ட்கள் ஆகியவை அடங்கும்.

• ஸ்கோடா கேபினை முழுமையாக மாற்றியமைக்கவில்லை என்றாலும் சேர்க்கப்பட்டுள்ள கூடுதல் வசதிகள் அதற்கு ஒரு நவீன உணர்வைக் கொடுக்கின்றன.

நீங்கள் தெரிந்துகொள்ள வேண்டிய விவரங்கள்:

• புதிய 10.25-இன்ச் டிஜிட்டல் டிரைவர் டிஸ்ப்ளே

• அப்டேட் செய்யப்பட்ட 10.1-இன்ச் டச்ஸ்கிரீன் இன்ஃபோடெயின்மென்ட் சிஸ்டம்
   

• வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே

• இன்டக்ரேட்டட் கூகுள் அசிஸ்டண்ட்

• டூயல்-டோன் கருப்பு மற்றும் பீஜ் இன்டீரியர்

• டூ-ஸ்போக் ஸ்டீயரிங் வீல்

• பியானோ-பிளாக் டாஷ்போர்டு இன்சர்ட்கள்

• டச் வசதி கொண்ட கிளைமேட் கன்ட்ரோல் பேனல்

• அனைத்து பயணிகளுக்கும் அட்ஜஸ்டபிள் ஹெட்ரெஸ்ட்கள்

வசதிகள்

ஸ்லாவியாவின் வசதிகள் பட்டியலில் இந்த ஃபேஸ்லிஃப்ட் பல பயனுள்ள அம்சங்களைச் சேர்த்துள்ளது. இதில் பெரிய டிஜிட்டல் இன்ஸ்ட்ரூமென்ட் கிளஸ்டர் மற்றும் அப்டேட் செய்யப்பட்ட இன்ஃபோடெயின்மென்ட் சிஸ்டம் ஆகியவை அடங்கும்.

பாதுகாப்பு

• ஸ்லாவியா ஃபேஸ்லிஃப்ட்டில் உள்ள பாதுகாப்பு அம்சங்களில் ஆறு ஏர்பேக்குகள், EBD உடன் கூடிய ABS, ESC, ஹில்-ஹோல்ட் கன்ட்ரோல் மற்றும் டயர் பிரஷர் மானிட்டரிங் சிஸ்டம் (TPMS) ஆகியவை அடங்கும்.

• மேலும் இதில் ஃப்ரண்ட் பார்க்கிங் சென்சார்கள் மற்றும் 360-டிகிரி கேமராவும் கொடுக்கப்பட்டுள்ளன. அதே நேரத்தில் 1.5-லிட்டர் இன்ஜின் வேரியண்ட்களில் பின்புற டிஸ்க் பிரேக்குகளும் இடம்பெற்றுள்ளன.

• இருப்பினும் இதன் புதிய போட்டியாளர்களில் சிலவற்றில் கிடைக்கக்கூடிய ADAS தொழில்நுட்பம் இதில் இடம்பெறவில்லை.

பவர்டிரெயின் ஆப்ஷன்கள்

ஸ்லாவியா முந்தைய மாடலில் இருந்த அதே இரண்டு டர்போ-பெட்ரோல் இன்ஜின்களையே தொடர்கிறது. எனவே இன்ஜின் தேர்வுகளில் பெரிய மாற்றங்கள் எதுவுமில்லை. ஆனால் ஆட்டோமேட்டிக் கியர்பாக்ஸ் விஷயத்தில் ஒரு முக்கியமான அப்டேட் செய்யப்பட்டுள்ளது. புதிய ஸ்லாவியாவில் கிடைக்கும் இன்ஜின் மற்றும் டிரான்ஸ்மிஷன் ஆப்ஷன்கள் பற்றிய விரிவான பார்வை இதோ:

AT - டார்க் கன்வெர்ட்டர் (ஆட்டோமேட்டிக்), DCT - டூயல்-கிளட்ச் டிரான்ஸ்மிஷன் (ஆட்டோமேட்டிக்)

1-லிட்டர் டர்போ-பெட்ரோல் இன்ஜினுடன் வழங்கப்பட்ட பழைய 6-ஸ்பீடு ஆட்டோமேட்டிக்கிற்குப் பதிலாக, புதிய 8-ஸ்பீடு டார்க்-கன்வெர்ட்டர் ஆட்டோமேட்டிக் கியர்பாக்ஸை ஸ்கோடா அறிமுகப்படுத்தியுள்ளது. பழைய 6-ஸ்பீடு ஆட்டோமேட்டிக்கோடு ஒப்பிடும்போது இதில் உள்ள கூடுதல் கியர் ரேஷியோக்கள் இன்ஜின் சரியான பவர் பேண்டில் இயங்க உதவுவதோடு அன்றாட பயன்பாட்டின் போது காரை மேலும் ஸ்மூத்தாகவும், ரிலாக்ஸ்டாகவும் ஓட்ட வழிவகுக்கும்.

அதேவேளையில் பெரிய 1.5-லிட்டர் டர்போ-பெட்ரோல் இன்ஜின் தொடர்ந்து 7-ஸ்பீடு DSG ஆட்டோமேட்டிக் உடனே வருகிறது. எனவே இன்ஜின் தேர்வுகள் மாறாமல் இருந்தாலும் புதிய ஆட்டோமேட்டிக் கியர்பாக்ஸ் சிறிய இன்ஜினுக்கு ஒரு நவீன டிரான்ஸ்மிஷன் ஆப்ஷனை வழங்குகிறது.

பவர்டிரெயின் ஆப்ஷன்களைப் பற்றி விரிவாகப் புரிந்துகொள்ள ஸ்கோடா ஸ்லாவியாவின் பவர்டிரெயின் குறித்த எங்களது விரிவான அறிக்கையைப் படிக்கவும்.

கார்தேக்கோ சொல்வது...

ஸ்கோடா ஸ்லாவியா ஃபேஸ்லிஃப்ட் என்பது முழுமையான மாற்றம் என்பதை விட ஒரு தொடர்ச்சியான மேம்பாடே ஆகும். இந்த செடானின் சிறந்த குணங்களை ஸ்கோடா நிறுவனம் புத்திசாலித்தனமாக தக்கவைத்துக் கொண்டுள்ளது. 1-லிட்டர் டர்போ-பெட்ரோல் இன்ஜின் ஆப்ஷனில் பழைய 6-ஸ்பீடு யூனிட்டிற்குப் பதிலாக சேர்க்கப்பட்டுள்ள புதிய 8-ஸ்பீடு ஆட்டோமேட்டிக் கியர்பாக்ஸ்தான் இதில் செய்யப்பட்ட மிகப்பெரிய மெக்கானிக்கல் மாற்றமாகும். மேலும் பின்புற சீட் மசாஜ் ஃபங்க்ஷன் போன்ற சிறப்பம்சங்களுடன் கூடிய புதுப்பிக்கப்பட்ட வசதிகள் பட்டியல் ஸ்லாவியாவை முந்தையதை விட ஒரு முழுமையான பேக்கேஜாக மாற்றுகிறது.

இருப்பினும் இந்த ஃபேஸ்லிஃப்ட்டிலும் சில குறைகள் இல்லாமல் இல்லை. கேபின் இன்னும் சில போட்டியாளர்களைப் போல பிரீமியமாக உணரப்படவில்லை. மேலும் ADAS இல்லாதது சமீபத்திய பாதுகாப்புத் தொழில்நுட்ப விஷயத்தில் புதிய போட்டியாளர்களுக்கு இணையாக ஸ்லாவியாவை நிற்க வைக்கவில்லை.

இந்த ஃபேஸ்லிஃப்ட் காரை முழுமையாகப் புதியதாக மாற்றக்கூடிய அளவுக்கு பெரிய மாற்றங்களைக் கொண்டு வரவில்லை என்றாலும், இதன் கூர்மையான ஸ்டைலிங் மற்றும் கூடுதல் வசதிகள் இதை முந்தையதை விட சிறந்த பேக்கேஜாக மாற்றுகின்றன. இப்போது ஸ்லாவியா ஃபேஸ்லிஃப்ட் அதிகாரப்பூர்வமாக அறிமுகப்படுத்தப்பட்டுவிட்டதால், ஃபோக்ஸ்வேகன் விர்டஸ், ஹூண்டாய் வெர்னா மற்றும் ஹோண்டா சிட்டி ஆகிய கார்களுக்கு எதிராக இதன் விலை நிர்ணயம் எந்த அளவுக்குப் போட்டியிடுகிறது என்பதைப் பொறுத்தே இதன் இறுதி வெற்றி அமையும்.

பரிசீலிக்க வேண்டிய பிற ஆப்ஷன்கள்

• ஃபோக்ஸேகன் விர்ட்டஸ்: ஸ்லாவியாவுடன் தனது பிளாட்ஃபார்ம் மற்றும் பவர்டிரெயின் ஆப்ஷன்களைப் பகிர்ந்துகொள்ளும் இதன் மிக நெருங்கிய போட்டியாளர்களில் ஒன்றாகும்.
• ஹூண்டாய் வெர்னா: கூடுதல் தொழில்நுட்பங்கள் மற்றும் அதிக வசதிகள் கொண்ட கேபினை வழங்குகிறது.
• ஹோண்டா சிட்டி: விசாலமான கேபின் மற்றும் சௌகரியமான டிரைவிங் அனுபவத்திற்குப் பெயர் பெற்ற நன்கு அறியப்பட்ட ஒரு மாடல்.

விரைவிலேயே புதிய ஸ்லாவியாவை அதன் ஒவ்வொரு போட்டியாளர்களுடனும் நேரடியாக ஒப்பிட்டுப் பார்க்க உள்ளோம். எனவே எங்களது விரிவான ஒப்பீட்டு அறிக்கைகளுக்கு காத்திருங்கள். அதுவரை புதிய ஸ்கோடா ஸ்லாவியா ஃபேஸ்லிஃப்ட் பற்றி நீங்கள் என்ன நினைக்கிறீர்கள்? கீழே உள்ள கமெண்ட் பகுதியில் எங்களுக்குத் தெரியப்படுத்துங்கள்!