• English
    • லாகின் / ரிஜிஸ்டர்

    ADAS உடன் வரும் ஹோண்டா சிட்டி vs பவர்ஃபுல் ஸ்கோடா ஸ்லாவியா: உங்கள் குடும்பத்திற்கு எது சரியான தேர்வு?

    இரண்டு செடான்களும் ஒரு முழுமையான பேக்கேஜை வழங்கினாலும் வெவ்வேறு காரணங்களுக்காகத் தனித்து நிற்கின்றன. அது ஏன் என்பதைத் தெரிந்து கொள்ளுங்கள்.

    Anonymous
    published on நவ 16, 2026 19:42 ist
    info icon
    published onNov 16, 2026 19:42 IST
    last updated onNov 16, 2026 19:42 IST
    13 Views
    • ஒரு கருத்தை எழுதுக

    Skoda Slavia vs Honda City

    எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்குவதற்கான முழுமையான அனுபவ வழிகாட்டலை நாங்கள் வழங்கவுள்ளோம். நீங்கள் நேரடியாக எங்களது ஆட்டோமொபைல் நிபுணர் ஒருவருடன் பேசி உங்கள் சந்தேகங்கள் அனைத்தையும் தீர்த்துக் கொள்ளலாம். உடனே இந்தப் படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம்.

    மாஸ் மார்க்கெட் செடான் பிரிவு சமீபகாலமாகப் பல அப்டேட்கள் மற்றும் ஃபேஸ்லிஃப்ட்களுடன் மிகவும் விறுவிறுப்பாக இயங்கி வருகிறது. அவற்றில் இரண்டு முக்கிய அப்டேட்கள் ஸ்கோடா ஸ்லாவியா மற்றும் ஹோண்டா சிட்டி ஆகிய கார்களுக்கு வழங்கப்பட்டுள்ளன. இரண்டுமே புதிய ஸ்டைலிங் மாற்றங்களையும் புதிய வசதிகளையும் கொண்டு வந்துள்ளன. ஸ்லாவியா தனது ஒரு இன்ஜினுக்குப் புதிய டிரான்ஸ்மிஷன் ஆப்ஷனையும் கொண்டு வந்துள்ளது.

    ஆனால், இது இவ்விரு கார்களுக்கும் இடையிலான போட்டியில் என்ன மாற்றத்தை ஏற்படுத்துகிறது? இந்த இரண்டு செடான்களில் ஒன்றில் நீங்கள் பணத்தை முதலீடு செய்ய நினைத்தால், எதைத் தேர்ந்தெடுக்க வேண்டும்? ஸ்பெசிபிகேஷன் ஒப்பீட்டுக் கட்டுரையில் இதற்கான விடையைக் காண்போம்.

    விலை

    மாடல்

    ஸ்கோடா ஸ்லாவியா

    ஹோண்டா சிட்டி 

    விலை (எக்ஸ்-ஷோரூம்)

    ரூ. 10 லட்சம் முதல் ரூ. 18.84 லட்சம் வரை

    ரூ. 12 லட்சம் முதல் ரூ. 21.36 லட்சம் வரை

    • பேஸ் வேரியன்ட் விலையைப் பொறுத்தவரை, ஹோண்டா சிட்டியை விட ஸ்கோடா ஸ்லாவியா ரூ.2 லட்சம் குறைவான விலையில் கிடைக்கிறது.

    • டாப்-எண்ட் மாடலிலும் கூட, சிட்டியை விட ஸ்கோடா ஸ்லாவியா சுமார் ரூ.2.5 லட்சம் குறைவான விலையிலேயே உள்ளது.

    • டாப்-ஸ்பெக் ஹோண்டா சிட்டியின் விலை அதிகமாக இருப்பதற்கு அதன் ஹைப்ரிட் பவர்டிரெய்னே காரணம்; வழக்கமான இன்டர்னல் கம்பஷன் இன்ஜினை விட ஹைப்ரிட் தொழில்நுட்பம் பொதுவாக அதிக விலையைக் கொண்டிருக்கும்.

    அளவீடுகள்

    அளவுகள்

    ஸ்கோடா ஸ்லாவியா

    ஹோண்டாசிட்டி 

    வித்தியாசம்

    நீளம்

    4,552 mm

    4,594 mm

    (- 42 mm)

    அகலம்

    1,752 mm

    1,748 mm

    +4 mm

    உயரம்

    1,507 mm

    1,489 mm

    +18 mm

    வீல்பேஸ்

    2,651 mm

    2,600 mm

    +51 mm

    பூட் ஸ்பேஸ்

    521-லி

    506-லி

    +15 லி

    • இந்தப் பிரிவிலேயே மிகவும் நீளமான கார் என்பதால், இயல்பாகவே ஸ்லாவியாவை விட ஹோண்டா சிட்டி 42 mm நீளம் அதிகம் கொண்டது. ஆனால் அளவுகளைப் பொறுத்தவரை சிட்டிக்குச் சாதகமாக இருக்கும் ஒரே விஷயம் இது மட்டும்தான்.

    Skoda Slavia
    Honda City

    • சிட்டி நீளம் அதிகமாக இருந்தபோதிலும், 51 mm கூடுதல் வீல்பேஸுடன் ஸ்லாவியாதான் கணிசமாகப் பெரிய வீல்பேஸைக் கொண்டுள்ளது.

    • ஹோண்டா சிட்டியை விட ஸ்லாவியா அகலமாகவும் உயரமாகவும் உள்ளது.

    Skoda Slavia
    Honda City

    • பூட் ஸ்பேஸைப் பொறுத்தவரை ஸ்கோடா ஸ்லாவியா சற்று முன்னிலையில் இருந்தாலும், நிஜ உலகப் பயன்பாட்டில் அது பெரிய வித்தியாசத்தை ஏற்படுத்தாது.

    கலர் ஆப்ஷன்கள்

    ஸ்கோடா ஸ்லாவியா

    ஹோண்டா சிட்டி

    கேண்டி ஒயிட்*

    அப்சிடியன் புளூ பேர்ல்

    டீப் பிளாக்

    ரேடியன்ட் ரெட் மெட்டாலிக்

    பிரில்லியன்ட் சில்வர்*

    பிளாட்டினம் ஒயிட் பேர்ல்

    கார்பன் ஸ்டீல்

    மீட்டியராய்டு கிரே மெட்டாலிக்

    ஸ்டீல் கிரே*

    லூனார் சில்வர் மெட்டாலிக்

    லாவா புளூ

    கிரிஸ்டல் பிளாக் பேர்ல்

    செர்ரி ரெட்*

    -

    ஆர்க்டிக் சில்வர்

    -

    சிம்லா கிரீன்*

    -

    கப்புச்சினோ பீஜ்*

    -

    *டூயல்-டோன் ஷேடுகளிலும் கிடைக்கிறது

    • வெளிப்புற கலர் ஆப்ஷன்களைப் பொறுத்தவரை, புதிய ஸ்லாவியாவில் பல கிரே ஷேடுகள் மற்றும் மிகவும் கிளாஸியாகத் தெரியும் புதிய ஆர்க்டிக் சில்வர் ஷேட் உட்பட மிக அதிகமான தேர்வுகள் கிடைக்கின்றன. கூடுதலாக, ஸ்லாவியாவில் டூயல்-டோன் ஷேட் ஆப்ஷன்களும் கிடைக்கின்றன. ஹோண்டா சிட்டியில் இந்த வசதி சுத்தமாக இல்லை.

    வசதிகள் மற்றும் பாதுகாப்பு

    வசதி

    ஸ்கோடா ஸ்லாவியா

    ஹோண்டா சிட்டி

    LED ஹெட்லேம்ப்கள்

    ✅

    ✅

    ஆட்டோ ஹெட்லேம்ப்கள்

    ✅

    ✅

    LED DRL-கள்

    ✅

    ✅

    ஃப்ரண்ட் ஃபாக்லேம்ப்கள்

    ✅(LED)

    ❌

    LED டெயில்லேம்ப்கள்

    ✅

    ✅

    அலாய் வீல்கள்

    16-இன்ச்

    16-இன்ச்

    பவர்டு ஃப்ரண்ட் சீட்கள்

    ✅

    ❌

    வென்டிலேட்டட் ஃப்ரண்ட் சீட்கள்

    ✅

    ✅

    இன்ஃபோடெயின்மென்ட்

    10.1-இன்ச் டச்ஸ்கிரீன்

    10.1-இன்ச் டச்ஸ்கிரீன்

    வயர்லெஸ் ஆப்பிள் கார்பிளே/ஆண்ட்ராய்டு ஆட்டோ

    ✅

    ✅

    இன்ஸ்ட்ரூமென்ட் கிளஸ்டர்

    10.25-இன்ச் முழு டிஜிட்டல்

    7-இன்ச் செமி-டிஜிட்டல் டிஸ்ப்ளே

    வயர்லெஸ் போன் சார்ஜர்

    ✅

    ✅

    சவுண்ட் சிஸ்டம்

    8-ஸ்பீக்கர் ஆடியோ சிஸ்டம்

    8-ஸ்பீக்கர் ஆடியோ சிஸ்டம்

    ஆட்டோ-டிம்மிங் IRVM

    ✅

    ✅

    குரூஸ் கண்ட்ரோல்

    ✅

    ✅(அடாப்டிவ்)

    ஆட்டோமேட்டிக் கிளைமேட் கண்ட்ரோல்

    ✅

    ✅

    கீலெஸ் என்ட்ரி

    ✅

    ✅

    சன்ரூஃப்

    சிங்கிள்-பேன்

    சிங்கிள்-பேன்

    ரியர் சன் ஷேட்

    ❌

    ✅(பின்பக்க விண்ட்ஷீல்டு மட்டும், பக்கவாட்டு ஜன்னல்களுக்கு இல்லை)

    ரியர் சீட் மசாஜ்

    ✅

    ❌

    ஃப்ரண்ட் மற்றும் ரியர் சென்டர் ஆர்ம்ரெஸ்ட்

    ✅

    ✅

    டிரைவ் மோட்கள்

    ❌

    ✅

    பேடில் ஷிஃப்டர்கள்

    ✅

    ✅

    கனெக்டட் கார் டெக்

    ✅

    ✅

    ஏர்பேக்குகள்

    6

    6

    பார்க்கிங் சென்சார்கள்

    ஃப்ரண்ட் மற்றும் ரியர்

    ரியர்

    பார்க்கிங் கேமரா

    360-டிகிரி

    360-டிகிரி

    ESC

    ✅

    ✅

    ஆட்டோ ஹோல்டுடன் கூடிய EPB

    ❌

    ✅ (ஹைப்ரிட் மட்டும்)

    ரெயின் சென்சிங் வைப்பர்கள்

    ✅

    ✅

    ஆல்-வீல் டிஸ்க் பிரேக்குகள்

    ✅(1.5-லிட்டர் மட்டும்)

    ✅ (ஹைப்ரிட் மட்டும்)

    ஹில் ஹோல்ட் அசிஸ்ட்

    ✅

    ✅

    TPMS

    ✅(எச்சரிக்கை மட்டும்)

    ✅(எச்சரிக்கை மட்டும்)

    ADAS

    ❌

    ✅ (லெவல்-2)

    • ஃபேஸ்லிஃப்ட் அப்டேட்டின் ஒரு பகுதியாக சிட்டி மற்றும் ஸ்லாவியா ஆகிய இரண்டுமே புதிய வசதிகளைப் பெற்றுள்ளன. இப்போது இரண்டுமே சரிசமமான போட்டியில் உள்ளன. சில இடங்களில் சிட்டி முன்னிலை வகிக்கிறது, மற்ற சில இடங்களில் ஸ்லாவியாவின் கை ஓங்கியுள்ளது.

    Skoda Slavia
    Honda City

    • ஸ்கோடா ஸ்லாவியா சிறந்த டெக் பேக்கேஜைக் கொண்டுள்ளது. காகிதத்தில் இன்ஃபோடெயின்மென்ட் ஸ்கிரீன் அளவுகள் ஒன்றாகத் தெரிந்தாலும் நிஜ பயன்பாட்டில் கூகுள் வாய்ஸ் அசிஸ்டன்ட் உடன் ஸ்லாவியாவின் இன்ஃபோடெயின்மென்ட் சிஸ்டம் மிகச் சிறப்பாகச் செயல்படுகிறது. ஆனால் சிட்டியின் இன்ஃபோடெயின்மென்ட் அவசரத்திற்குச் சேர்த்தது போலத் தெரிகிறது. மேலும் ஸ்லாவியாவில் முழு டிஜிட்டல் டிரைவர் டிஸ்ப்ளேவும் கிடைக்கிறது.

    Skoda Slavia
    Honda City

    • ரியர் சன்ஷேடுகள் இருப்பதால் சிட்டியில் பின் இருக்கை சௌகரியம் சிறப்பாக உள்ளது.

    • ஸ்லாவியாவுடன் ஒப்பிடும்போது, சிட்டியில் ஃப்ரண்ட் LED ஃபாக் லைட்கள் மற்றும் பவர்டு ஃப்ரண்ட் சீட்கள் விடுபட்டுள்ளன.

    • பாதுகாப்பைப் பொறுத்தவரை ஹோண்டா சிட்டிக்கு இருக்கும் மிகப்பெரிய பலம், ஸ்லாவியாவில் இல்லாத லெவல் 2 ADAS வசதியை இது வழங்குவதுதான்.

    • ஸ்லாவியாவில் எலக்ட்ரானிக் பார்க்கிங் பிரேக் இல்லாவிட்டாலும், ஃப்ரண்ட் மற்றும் ரியர் பார்க்கிங் சென்சார்கள் கிடைக்கின்றன; சிட்டியில் ரியர் சென்சார்கள் மட்டுமே உள்ளன.

    பவர்டிரெய்ன் ஆப்ஷன்கள்

    பவர்டிரெய்ன் ஆப்ஷன்களைப் பொறுத்தவரை இரண்டு செடான்களும் முற்றிலும் மாறுபட்ட அணுகுமுறைகளைக் கையாளுகின்றன.

    மாடல்

    ஸ்கோடா ஸ்லாவியா

    ஹோண்டா சிட்டி

    இன்ஜின்

    1-லிட்டர் டர்போ-பெட்ரோல்

     

    1.5-லிட்டர் டர்போ-பெட்ரோல்

    1.5-லிட்டர் நேச்சுரலி ஆஸ்பிரேட்டட் பெட்ரோல்

     

    1.5-லிட்டர் நேச்சுரலி ஆஸ்பிரேட்டட் பெட்ரோல்-ஹைப்ரிட்

    சிலிண்டர்கள்

    3

     

    4

    4

     

    4

    பவர்

    115 PS

     

    150 PS

    121 PS

     

    126 PS (ஒருங்கிணைந்த)

    டார்க்

    178 Nm

     

    250 Nm

    145 Nm

     

    253 Nm

    டிரான்ஸ்மிஷன்

    6-ஸ்பீடு MT / 8-ஸ்பீடு AT

     

    7-ஸ்பீடு DCT

    6-ஸ்பீடு MT / CVT

     

    e-CVT

    *MT= மேனுவல் டிரான்ஸ்மிஷன், CVT= கன்டினியூஸ்லி வேரியபிள் டிரான்ஸ்மிஷன், e-CVT= எலக்ட்ரிக்கலி-கப்பிள்டு கன்டினியூஸ்லி வேரியபிள் டிரான்ஸ்மிஷன், AT= டார்க் கன்வெர்ட்டர் ஆட்டோமேட்டிக், DCT= டூயல் கிளட்ச் ஆட்டோமேட்டிக் டிரான்ஸ்மிஷன்

    • ஸ்கோடா ஸ்லாவியாவின் இரண்டு பெட்ரோல் இன்ஜின்களுமே டர்போசார்ஜ்டு இன்ஜின்கள் ஆகும். அதே சமயம் ஹோண்டா சிட்டி நேச்சுரலி ஆஸ்பிரேட்டட் பெட்ரோல் இன்ஜினுடன் ஸ்ட்ராங் ஹைப்ரிட் பவர்டிரெய்ன் ஆப்ஷனைக் கொண்டுள்ளது.

    Skoda Slavia
    Honda City

    • ஹோண்டா சிட்டியில் உள்ள NA பெட்ரோல் இன்ஜின் ரிலாக்ஸான டிரைவிங்கிற்கும் நகரப் பயன்பாட்டிற்கும் நன்றாக இருந்தாலும் ஸ்லாவியாவின் சிறிய இன்ஜினைப் போலச் சுறுசுறுப்பாக இல்லை.

    • டிரைவிங் பிரியர்கள் விரும்பும் ஸ்லாவியாவின் ஆட்டோமேட்டிக் ஆப்ஷன்களைப் போலல்லாமல் சிட்டியில் கிடைக்கும் CVT ஆட்டோமேட்டிக் டிரான்ஸ்மிஷன் நிதானமான டிரைவிங் பாணிக்கே மிகவும் பொருத்தமானது.

    Skoda SlaviaHonda City

    • ஸ்லாவியாவின் பெரிய இன்ஜின் மிகவும் உற்சாகமானது. எந்தச் சூழ்நிலையிலும் சிரமமின்றி அதீத பெர்ஃபார்மன்ஸை எதிர்பார்ப்பவர்களுக்காக உருவாக்கப்பட்டது.

    • சிட்டியிடம் அதன் ஸ்ட்ராங் ஹைப்ரிட் பவர்டிரெய்ன் என்ற துருப்புச் சீட்டு உள்ளது. இது சமநிலையான பெர்ஃபார்மன்ஸையும், நிஜ உலகப் பயன்பாட்டில் லிட்டருக்கு கிட்டத்தட்ட 20 கி.மீ என்ற அபார மைலேஜையும் வழங்குகிறது.

    வாங்குவதற்கான ஆலோசனை:

    சுறுசுறுப்பான இன்ஜின் ஆப்ஷன்களுடன் ஸ்போர்ட்டியான ஐரோப்பிய டிரைவிங் அனுபவத்தை நீங்கள் விரும்பினால் ஸ்லாவியாவைத் தேர்ந்தெடுக்கவும். காரை அடிக்கடி வேகமாக விரட்டாமல், அமைதியாகவும் ரிலாக்ஸாகவும் ஓட்ட விரும்பினால் ஹோண்டா சிட்டியைத் தேர்ந்தெடுக்கவும்.

    கார்தேக்கோ சொல்வது...

    பவர்டிரெய்ன்களைத் தவிர்த்துவிட்டுப் பார்த்தால் அளவுகள் மற்றும் வழங்கப்படும் உபகரணங்களைப் பொறுத்தவரை ஹோண்டா சிட்டி மற்றும் ஸ்கோடா ஸ்லாவியா ஆகிய இரண்டுமே சரிசமமாக உள்ளன. ஆனால் அனைத்தையும் ஒட்டுமொத்தமாகக் கணக்கில் கொள்ளும்போது, இரண்டு கார்களும் முற்றிலும் மாறுபட்ட ஆளுமைகளைக் கொண்டுள்ளன.

    நான்கு பேர் கொண்ட ஒரு குடும்பத்திற்கு ஸ்கோடா ஸ்லாவியா ஒரு சிறந்த பேக்கேஜாக இருந்தாலும் அடிப்படையில் அது டிரைவரை மையப்படுத்தியே உருவாக்கப்பட்டுள்ளது. கார் ஓட்டுவதை விரும்புபவர்களுக்காகவும், காகிதத்தில் விவரிக்க முடியாத அளவிற்கு டிரைவிங் அனுபவத்தை இன்னும் டைனமிக்காகவும் நிலையாகவும் மாற்றும் விஷயங்களை ரசிப்பவர்களுக்காகவும் இது தயாரிக்கப்பட்டுள்ளது. எனவே, உங்கள் குடும்பத்திற்காகவும் இதை வாங்கலாம், ஆனால் நீங்களே ஸ்டீயரிங் வீலுக்குப் பின்னால் அமர்ந்து ஓட்ட விரும்பினால் மட்டுமே இதை முழுமையாக ரசிக்க முடியும்.

    Skoda Slavia

    மறுபுறம் ஹோண்டா சிட்டி என்பது வேகமான டிரைவிங் த்ரில்லுக்கான கார் அல்ல. வளைவுகளில் அவசரப்படாமல், மென்மையாகவும் ரிலாக்ஸாகவும் ஓட்டி அனுபவிக்க வேண்டிய ஒரு செடான் இது. எனவே, டிரைவிங்கில் அந்த டைனமிக் வேகத்தை நீங்கள் எதிர்பார்க்காத வரை, முன் அல்லது பின் இருக்கைகளில் அமர்ந்து சரிசமமாக அனுபவிக்கக்கூடிய, மிகவும் பிரீமியமான மற்றும் மென்மையான பேக்கேஜாக சிட்டி உணர வைக்கும்.

    Honda City

    பரிசீலிக்க வேண்டிய மற்ற கார்கள்

    • ஹூண்டாய் வெர்னா: தாராளமான லெதரெட் பயன்பாடு, பல இன்ஜின் ஆப்ஷன்கள், ஹை-டெக் பாதுகாப்பு அம்சங்கள் மற்றும் சொகுசு வசதிகளுடன் இந்தப் பிரிவிலேயே மிகப் பிரீமியமான கார் இது.
       
    • ஃபோக்ஸ்வேகன் விர்டஸ்: ஸ்லாவியாவின் பிளாட்ஃபார்ம் சகோதரரான இது ஏறக்குறைய அதே பேக்கேஜை சற்று ஸ்போர்ட்டியான தோற்றத்துடன் கொண்டுள்ளது. இதற்கு விரைவில் ஃபேஸ்லிஃப்ட் வரவுள்ளதால், அதற்காகக் காத்திருக்குமாறு நாங்கள் பரிந்துரைக்கிறோம்.
    was this article helpful ?

    Anonymous
    Anonymous

    Write your Comment on Skoda ஸ்லாவியா

    explore similar கார்கள்

    ஒத்த கார்களை ஒப்பீட மற்றும் கருத்தில் கொள்ள

    கார் செய்திகள்

    • சமீபத்தில் செய்திகள்

    டிரெண்டிங் சேடன் கார்கள்

    • உபகமிங்
    • பிரபலமானவை
    *ex-showroom <cityname> யில் உள்ள விலை
    ×
    we need your சிட்டி க்கு customize your experience