இந்த ஏப்ரலில் இந்தியாவில் மிகவும் எளிதாகக் கிடைக்கும் சப்-4எம் செடானாக Honda Amaze உள்ளது

பெரும்பாலான புதிய கார் வாடிக்கையாளர்களின் முதல் தேர்வாக எஸ்யூவிகள் மாறி வருவதால் கடந்த சில ஆண்டுகளில் செடான் காரின் விற்பனை குறைந்துள்ளது. அதே சமயம் சரியான பூட் ஸ்பேஸ், சிறப்பான டிரைவிங் மற்றும் ஒட்டுமொத்த வசதியான இருக்கை அனுபவம் ஆகியவற்றால் இந்த கார்களுக்கு இன்னும் தேவை இருக்கவே செய்கின்றது. சுமார் ரூ.10 லட்சம் பட்ஜெட்டில், இந்தியாவில் நீங்கள் தேர்வு செய்ய நான்கு சப்-4m செடான்கள் உள்ளன: மாருதி டிசையர், ஹோண்டா அமேஸ், ஹூண்டாய் ஆரா மற்றும் டாடா டிகோர்.

எனவே இந்த மாதம் ஒன்றை வாங்க விரும்பினால், அவர்களின் காத்திருப்பு காலங்களை - இந்த 20 இந்திய நகரங்களில் - கீழே உள்ள அட்டவணையில் பாருங்கள்:

• நிலுவையில் உள்ள உங்களது சலான்களை சரிபார்க்க

• யூஸ்டு கார் வேல்யூஷன்

முக்கிய விவரங்கள்

• இங்கு அதிகபட்சமாக மூன்று மாதங்கள் வரை காத்திருக்கும் கொண்டிருக்கும் கார் மாருதி டிசையர் தான். ஹைதராபாத், கொல்கத்தா மற்றும் இந்தூர் உள்ளிட்ட சில நகரங்களில் வாடிக்கையாளர்கள் அதிகபட்சக் காத்திருக்க வேண்டும், அதே சமயம் அகமதாபாத் மற்றும் சூரத்தில் உள்ளவர்கள் ஒரு மாதத்தில் டிசையரை வாங்கலாம்.

• காத்திருப்பது ஒரு பெரிய விஷயம் இல்லையயென்றால் புதிய மாருதி டிசையர் காரை பார்க்கலாம். இது விரைவில் விற்பனைக்கு வரும் என்று எதிர்பார்க்கப்படுகிறது. புதிய தலைமுறை ஸ்விஃப்ட் மே 2024 இல் அறிமுகப்படுத்தப்பட்டது. அல்லது புதியது அறிமுகப்படுத்தப்படும் போது செடானின் பழைய பதிப்பின் விலையில் தள்ளுபடி கிடைக்கும் என நீங்கள் எதிர்பார்க்கலாம்.

• ஹூண்டாய் ஆரா காருக்கு புது டெல்லி, புனே, சூரத் மற்றும் நொய்டா உள்ளிட்ட பெரும்பாலான நகரங்களில் சராசரியாக இரண்டு மாதங்கள் காத்திருக்கும் நேரம் உள்ளது. ஹூண்டாயின் இந்த சப்-4m செடான் அகமதாபாத், குருகிராம் மற்றும் பாட்னாவில் 1 மாத காத்திருப்பு காலத்தை கொண்டுள்ளது.

• இரண்டு மாதங்கள் வரை அதிகபட்ச காத்திருப்பு காலத்துடன் டாடா டிகோர் ஹூண்டாய் ஆராவை போலவே தேவை உள்ளதாக தெரிகிறது. பெங்களூரு, மும்பை, சென்னை மற்றும் லக்னோ போன்ற சில நகரங்களில் சராசரியாக ஒரு மாத காத்திருப்பு காலத்துடன் இது மிகவும் எளிதாகக் கிடைக்கிறது.

• ஹோண்டா அமேஸ் 2024 ஏப்ரலில் இந்தியாவில் மிக எளிதாகக் கிடைக்கும் சப்-4m செடான் ஆகும். மும்பை, ஹைதராபாத், கோயம்புத்தூர் மற்றும் இந்தூர் போன்ற பல நகரங்களில் வாடிக்கையாளர்கள் ஹோண்டா செடானை உடனடியாக வீட்டிற்கு கொண்டு செல்லலாம். பெங்களூரு, லக்னோ, தானே மற்றும் பாட்னா போன்ற நகரங்களில் அமேஸ் காருக்கு அதிகபட்சமாக ஒரு மாதம் வரை காத்திருப்பு காலத்தை கொண்டுள்ளது.

• ஹோண்டா சமீபத்தில் அமேஸின் பேஸ் வேரியன்ட் விற்பனையை நிறுத்தியது. இந்த சப்-4மீ செடானுக்கான என்ட்ரி விலை புள்ளியை உயர்த்தியது. இருப்பினும் 2024 ஏப்ரலில் இது தள்ளுபடியுடன் கிடைக்கும்.

மேலும் பார்க்க: பாருங்கள்: கோடைக்காலத்தில் உங்கள் காரில் ஏன் சரியான டயர் பிரஷர் இருக்க வேண்டும்

மேலும் படிக்க: மாருதி ஸ்விஃப்ட் டிசையர் ஆன் ரோடு விலை