தீபாவளிக்கு பெட்ரோல் SUV வாங்குற பிளானா…ரூ.10 லட்சத்துக்குள் கிடைக்கும் பெஸ்ட் ஆப்ஷன்கள் இவைதான்
இந்த பட்டியலில் மேக்னைட் மிகவும் மலிவு விலையில் இருந்தாலும் உங்கள் பணத்திற்கு பன்ச் உங்களுக்கு அதிக அம்சங்களை வழங்கும்!
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
உங்கள் தினசரி பயணம் பெரும்பாலும் நகர்ப்புறங்களுக்குள்ளேயே அமைந்திருக்கிறதா? சிறந்த கிரவுண்ட் கிளியரன்ஸ் மற்றும் சொகுசான ரைடிங் அனுபவத்துடன் ஆட்டோமேட்டிக் டிரான்ஸ்மிஷன் கொண்ட காரைத் தேடுகிறீர்களா? உங்களுக்காகவே 10 லட்சம் ரூபாய்க்கும் குறைவான விலையில் கிடைக்கும் டாப் 5 பெட்ரோல் ஆட்டோமேட்டிக் காம்பாக்ட் SUV மாடல்களின் பட்டியலை இங்கே தொகுத்துள்ளோம். ஷாப்பிங் செல்வது முதல் வார இறுதியில் ஊருக்கு வெளியே சிறிய டிரிப் அடிப்பது வரை உங்கள் தேவைகளுக்கு இந்த 5 பெட்ரோல் ஆட்டோமேட்டிக் SUV-க்கள் பக்காவான தேர்வாக இருக்கும்.
நிஸான் மேக்னைட்
விலை விவரங்கள்
| வேரியன்ட் |
1-லிட் நேச்சுரலி அஸ்பிரேட்டட் பெட்ரோல் வித் 5-ஸ்பீடு AMT |
1-லிட் டர்போ பெட்ரோல் வித் CVT |
| Visia |
ரூ. 6.30 லட்சம் |
- |
| Acenta |
ரூ. 7.42 லட்சம் |
ரூ. 9.30 லட்சம் |
| N-Connecta |
ரூ. 8.05 லட்சம் |
ரூ. 9.74 லட்சம் |
| Tekna |
ரூ. 8.98 லட்சம் |
ரூ. 10.69 லட்சம்* (+ ரூ. 69,000) |
| Tekna+ |
ரூ. 9.31 லட்சம் |
ரூ. 10.99 லட்சம்* (+ ரூ. 99,000) |
* ரூ. 10 லட்சம் மேல் உள்ள வேரியன்ட்கள்
இந்த வரிசையில் முதலிடத்தைப் பிடிப்பது நிஸான் மேக்னைட் காம்பாக்ட் SUV ஆகும். இதன் விசியா வேரியன்ட் எக்ஸ்-ஷோரூம் விலையான 6.30 லட்சம் ரூபாயில் இருந்து தொடங்குவதால், இந்த பட்டியலில் மிகக் குறைந்த விலையில் கிடைக்கும் மாடலாகவும் இதுவே திகழ்கிறது. சற்று பெரிய அளவிலான SUV வேண்டும் என நினைப்பவர்களுக்கு மேக்னைட் ஒரு சிறந்த சாய்ஸ். இதில் விசாலமான கேபினுடன் 6 ஏர்பேக்குகள், TPMS, ரியர் பார்க்கிங் சென்சார்கள் மற்றும் ESC போன்ற முக்கிய பாதுகாப்பு அம்சங்கள் ஸ்டாண்டர்டாகவே வழங்கப்படுகின்றன.
வசதிகளைப் பொறுத்தவரை, பேஸ் வேரியன்ட்டான மேக்னைட் விசியாவில் நான்கு கதவுகளுக்கும் பவர் விண்டோக்கள், அட்ஜஸ்ட் செய்யக்கூடிய ஹெட்ரெஸ்ட்கள், ரியர் சென்டர் ஆர்ம்ரெஸ்ட் மற்றும் செமி டிஜிட்டல் இன்ஸ்ட்ரூமென்ட் கிளஸ்டர் ஆகியவை கொடுக்கப்பட்டுள்ளன.
மேக்னைட்டில் 1 லிட்டர் NA பெட்ரோல் உடன் 5 ஸ்பீடு AMT மற்றும் 1 லிட்டர் டர்போ பெட்ரோல் உடன் CVT டிரான்ஸ்மிஷன் என இரண்டு விதமான பெட்ரோல் ஆட்டோமேட்டிக் ஆப்ஷன்கள் கிடைக்கின்றன. எனவே குறைந்த பட்ஜெட்டில் பெட்ரோல் ஆட்டோமேட்டிக் SUV வாங்க விரும்பும் வாடிக்கையாளர்களின் முதல் தேர்வாக மேக்னைட் நீடிக்கிறது.
ஹூண்டாய் எக்ஸ்டர்
இதன் பெட்ரோல் ஆட்டோமேட்டிக் வேரியன்ட்களின் விலை விவரங்கள்:
| வேரியன்ட் |
1.2-லிட் நேச்சுரலி அஸ்பிரேட்டட் பெட்ரோல் வித் 5-ஸ்பீடு AMT |
| HX 3 |
ரூ. 6.99 லட்சம் |
| HX 4 Plus |
ரூ. 8.14 லட்சம் |
| HX 6 |
ரூ. 8.63 லட்சம் |
| HX 6 Knight Edition |
ரூ. 8.77 லட்சம் |
| HX 6 DT |
ரூ. 8.78 லட்சம் |
| HX 8 |
ரூ. 9.16 லட்சம் |
| HX 10 |
ரூ. 9.50 லட்சம் |
| HX 10 Knight Edition |
ரூ. 9.64 லட்சம் |
| HX 10 DT |
ரூ. 9.65 லட்சம் |
அடுத்த இடத்தில் மார்க்கெட்டில் மிகவும் பிரபலமாக உள்ள ஹூண்டாய் எக்ஸ்டர் உள்ளது. இதன் HX3 வேரியன்ட்டிலிருந்து பெட்ரோல் ஆட்டோமேட்டிக் ஆப்ஷன் கிடைக்கிறது. எக்ஸ்-ஷோரூம் விலையான 6.99 லட்சம் ரூபாயில் தொடங்கும் இதன் பேஸ் ஆட்டோமேட்டிக் மாடலிலேயே போதுமான வசதிகளும் பாதுகாப்பு உபகரணங்களும் கொடுக்கப்பட்டுள்ளன.
இதில் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார் பிளே வசதியுடன் கூடிய 8 இன்ச் இன்போடெயின்மென்ட் டச் ஸ்கிரீன், மேனுவல் AC, முன் பக்க பவர் விண்டோக்கள் மற்றும் உயரத்தை அட்ஜஸ்ட் செய்யும் வசதி கொண்ட டிரைவர் சீட் ஆகியவை இடம்பெற்றுள்ளன. நகர்ப்புற பயன்பாட்டிற்கும் எப்போதாவது நெடுஞ்சாலைகளில் பயணிப்பதற்கும் ஏற்ற ஒரு சிறிய SUV-யைத் தேடுபவர்களுக்கு இந்த அம்சங்கள் சிறப்பான அனுபவத்தைத் தரும்.
ரெனால்ட் கைகர்
10 லட்சம் ரூபாய்க்கும் குறைவான விலையில் உள்ள வேரியன்ட்கள்:
| வேரியன்ட் |
1-லிட் நேச்சுரலி அஸ்பிரேட்டட் பெட்ரோல் வித் 5-ஸ்பீடு AMT |
1-லிட் டர்போ பெட்ரோல் engine வித் CVT |
| Evolution AMT |
ரூ. 7.03 லட்சம் |
- |
| Evolution Plus AMT |
ரூ. 7.49 லட்சம் |
- |
| Techno AMT |
ரூ. 8.10 லட்சம் |
- |
| Techno CVT |
- |
ரூ. 9.40 லட்சம் |
ரெனால்ட் கைகரின் எவல்யூஷன் பெட்ரோல் ஆட்டோமேட்டிக் வேரியன்ட் எக்ஸ்-ஷோரூம் விலையான 7.03 லட்சம் ரூபாயில் இருந்து தொடங்குகிறது. இது பேஸ் மாடலுக்கு அடுத்த வேரியன்ட் என்பதால், ஆண்ட்ராய்டு ஆட்டோ மற்றும் ஆப்பிள் கார்பிளே சப்போர்ட் கொண்ட 8 இன்ச் இன்போடெயின்மென்ட் டச் ஸ்கிரீன், டிஜிட்டல் இன்ஸ்ட்ரூமென்ட் கிளஸ்டர், எலக்ட்ரிக்கலி அட்ஜஸ்டபிள் ORVM மற்றும் 4 ஸ்பீக்கர் சவுண்ட் சிஸ்டம் போன்ற பல அம்சங்கள் இதில் கிடைக்கின்றன.
தினசரி அலுவலகப் பயணம் மற்றும் சிட்டி பயன்பாட்டிற்கு எளிதாக இருக்கும் வகையில் 5 ஸ்பீடு AMT உடன் இணைக்கப்பட்ட 1 லிட்டர் நேச்சுரலி அஸ்பிரேட்டட் பெட்ரோல் இன்ஜின் கைகரில் பொருத்தப்பட்டுள்ளது. கூடுதல் வசதிகள் வேண்டும் என நினைப்பவர்கள் இதன் டாப் வேரியன்ட்களைத் தேர்ந்தெடுக்கலாம்; அங்கே 1 லிட்டர் டர்போ பெட்ரோல் உடன் கூடிய CVT டிரான்ஸ்மிஷன் ஆப்ஷனும் வழங்கப்படுகிறது.
டாடா பன்ச்
இதன் விலை விவரங்கள்:
| வேரியன்ட் |
1.2-லிட் நேச்சுரலி அஸ்பிரேட்டட் பெட்ரோல் வித் 5-ஸ்பீடு AMT |
| Pure Plus AMT |
ரூ. 7.75 லட்சம் |
| Pure Plus S AMT |
ரூ. 8.10 லட்சம் |
| Adventure AMT |
ரூ. 8.35 லட்சம் |
| Accomplished AMT |
ரூ. 9.05 லட்சம் |
| Accomplished Plus S |
ரூ. 9.74 லட்சம் |
விற்பனையில் அசத்தி வரும் டாடா பன்ச் அடுத்த இடத்தைப் பிடிக்கிறது. இதன் பியூர் பிளஸ் வேரியன்ட் 7.75 லட்சம் ரூபாய் எக்ஸ்-ஷோரூம் விலையில் சிறந்த பேக்கேஜாகக் கிடைக்கிறது. இதில் 1.2 லிட்டர் நேச்சுரலி அஸ்பிரேட்டட் பெட்ரோல் இன்ஜினுடன் 5 ஸ்பீடு AMT டிரான்ஸ்மிஷன் வழங்கப்பட்டுள்ளது.
இந்த பட்டியலில் உள்ள கார்களின் பேஸ் பெட்ரோல் ஆட்டோமேட்டிக் வேரியன்ட்களோடு ஒப்பிடும்போது, அதிகப்படியான அம்சங்கள் நிறைந்த மாடலாக டாடா பன்ச் விளங்குகிறது. முக்கியமாக வயர்லெஸ் ஆண்ட்ராய்டு ஆட்டோ மற்றும் ஆப்பிள் கார் பிளே வசதியுடன் கூடிய 8 இன்ச் இன்போடெயின்மென்ட் டச் ஸ்கிரீன், பாஸ்ட் சார்ஜிங் USB டைப்-C போர்ட்கள், 4 ஸ்பீக்கர் சவுண்ட் சிஸ்டம், TPMS மற்றும் ரிவர்ஸ் பார்க்கிங் கேமரா உள்ளிட்டவை இதில் கிடைக்கின்றன.
உங்கள் காரில் சன்ரூஃப் வசதி வேண்டும் என்று நீங்கள் விரும்பினால், கூடுதலாக 35,000 ரூபாய் செலவழித்து பியூர் பிளஸ் S வேரியன்ட்டைத் தேர்வு செய்யலாம். இதில் சிங்கிள் பேன் சன்ரூஃப் மட்டுமின்றி ஆட்டோமேட்டிக் ஹெட்லேம்ப்கள் மற்றும் ரெயின் சென்சிங் வைப்பர்களும் சேர்ந்து கிடைக்கும்.
மாருதி ஃஃபிரான்க்ஸ்
இதன் விலை விவரங்கள்:
| வேரியன்ட் |
1.2-லிட் நேச்சுரலி அஸ்பிரேட்டட் பெட்ரோல் வித் 5-ஸ்பீடு AMT |
| Delta AMT |
ரூ. 8.25 லட்சம் |
| Delta Plus AMT |
ரூ. 8.64 லட்சம் |
தனித்துவமான தோற்றம் கொண்ட ஒரு காம்பாக்ட் SUV-யை நீங்கள் விரும்பினால், மாருதி ஃபிரான்க்ஸ் ஒரு சிறந்த தேர்வாகும். இதன் கிராஸ்ஓவர் ஸ்டைலிங், வீல் ஆர்ச் கிளாடிங் மற்றும் பக்கவாட்டு டோர் கிளாடிங் ஆகியவை காருக்கு கூடுதல் ரக்கட் லுக்கை தருகின்றன. இதில் 1.2 லிட்டர் நேச்சுரலி அஸ்பிரேட்டட் பெட்ரோல் இன்ஜினுடன் 5 ஸ்பீடு AMT டிரான்ஸ்மிஷன் இணைக்கப்பட்டுள்ளது. இந்த ஆட்டோமேட்டிக் தேர்வு 8.25 லட்சம் ரூபாய் எக்ஸ்-ஷோரூம் விலையிலான டெல்டா வேரியன்ட்டிலிருந்து தொடங்குகிறது.
ஃபிரான்க்ஸ் டெல்டா வேரியன்ட்டில் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார் பிளே வசதியுடன் கூடிய 7 இன்ச் இன்போடெயின்மென்ட் டச் ஸ்கிரீன், ஆட்டோமேட்டிக் கிளைமேட் கண்ட்ரோல், நான்கு பவர் விண்டோக்கள், 4 ஸ்பீக்கர் சவுண்ட் சிஸ்டம், முன்புறம் மற்றும் பின்புறம் அட்ஜஸ்ட் செய்யும் ஹெட்ரெஸ்ட்கள், 6 ஏர்பேக்குகள் மற்றும் ESC போன்ற சிறப்பான உபகரணங்கள் கிடைக்கின்றன.
கார்தேக்கோவின் கருத்து...
10 லட்சம் ரூபாய்க்குள்ளான SUV சந்தை சிறியதாக இருப்பதோடு, அதில் ஆட்டோமேட்டிக் டிரான்ஸ்மிஷன் என்ற விருப்பம் வரும்போது தேர்வுகள் இன்னும் சுருங்கி விடுகின்றன. இத்தகைய சூழலில் AMT கியர்பாக்ஸ் விலையைக் குறைவாக வைப்பது மட்டுமின்றி, நம்பகத்தன்மையையும் சிறந்த மைலேஜையும் வழங்குவதால் இது ஒரு சிறந்த காம்பினேஷனாக அமைகிறது.
இந்த பட்டியலில் 6.30 லட்சம் ரூபாய் எக்ஸ்-ஷோரூம் தொடக்க விலையில் வரும் நிஸான் மேக்னைட் மிகவும் மலிவான பெட்ரோல் ஆட்டோமேட்டிக் காராக உள்ளது. மேலும் தனது பிளாட்பார்ம் பார்ட்னரான ரெனால்ட் கைகரை போலவே, 10 லட்சத்திற்குள் AMT மற்றும் CVT ஆகிய இரண்டு ஆப்ஷன்களையும் வழங்கும் SUV மாடலாகவும் இது இருக்கிறது.
பேஸ் பெட்ரோல் AMT வேரியன்ட்களிலேயே கூடுதல் வசதிகளை விரும்புவோருக்கு ஹூண்டாய் எக்ஸ்டர் மற்றும் டாடா பஞ்ச் ஆகியவை அதிக வேல்யூ ஃபார் மணி ஆப்ஷன்களாக உள்ளன. மேலும் பட்ஜெட்டை சற்று உயர்த்தினால் இவற்றின் டாப் வேரியன்ட்களையும் 10 லட்சம் ரூபாய்க்குள்ளேயே வாங்கி விட முடியும்.
மாருதி குடும்பத்தின் பெரிய காரான கிராண்ட் விட்டாராவை பிரதிபலிக்கும் வகையில் தனித்துவமான லுக் வேண்டும் என்று நினைப்பவர்கள் மாருதி பிரான்க்ஸ் மாடலை பரிசீலிக்கலாம். 10 லட்சம் ரூபாய்க்குள் பிரான்க்ஸ் காரில் டெல்டா மற்றும் டெல்டா பிளஸ் என இரண்டு பெட்ரோல் ஆட்டோமேட்டிக் வேரியன்ட்கள் மட்டுமே கிடைக்கின்றன.
இறுதியில் உங்களுக்கான சரியான காரைத் தேர்ந்தெடுப்பது உங்கள் பட்ஜெட், உங்களுக்குத் தேவையான வசதிகள் மற்றும் உங்கள் பயன்பாட்டு முறையைப் பொறுத்தே அமையும். இந்த ஐந்தில் உங்களின் சாய்ஸ் எது என்பதை கீழே உள்ள கமெண்ட் பிரிவில் எங்களுக்குத் தெரியப்படுத்துங்கள்!
