ஹோண்டா எலிவேட் 2026: ZX வேரியண்ட்டை வாங்குவது புத்திசாலித்தனமான முடிவா ?

ஹோண்டா எலிவேட் ஃபேஸ்லிஃப்ட் மாடல் இந்தியாவில் அறிமுகம் செய்யப்பட்டுள்ளது. இதன் ஆரம்ப எக்ஸ்-ஷோரூம் விலை ரூ. 11.80 லட்சமாக நிர்ணயிக்கப்பட்டுள்ளது. இந்த புதிய எலிவேட் மாடலானது SV, V, VX, ZX, ZX Plus மற்றும் ZX Plus Black ஆகிய ஆறு வேரியண்ட்களில் விற்பனைக்குக் கிடைக்கிறது.

இதில் எலிவேட்டின் ZX வேரியண்ட் மேனுவல் டிரான்ஸ்மிஷன் மாடல் ரூ. 15.39 லட்சத்திலும், CVT ஆட்டோமேட்டிக் டிரான்ஸ்மிஷன் மாடல் ரூ. 16.89 லட்சத்திலும் (எக்ஸ்-ஷோரூம் விலைகள்) கிடைக்கின்றன.

ஹோண்டா எலிவேட் வரிசையில் டாப்-எண்ட் மாடலான ZX Plus-க்கு கீழே அமைந்திருக்கும் இந்த ZX வேரியண்ட், டாப் மாடலில் உள்ள பெரும்பாலான ஆடம்பர வசதிகளை தன்னுள் கொண்டுள்ளது. அதிக அம்சங்கள் நிறைந்த வேரியண்ட்டாக திகழும் இது வெளிப்புற தோற்றத்திலும் டாப் மாடலை போலவே காட்சியளிக்கிறது. உங்கள் பட்ஜெட்டை அதிகம் உயர்த்தாமல் அனைத்து வசதிகளும் நிறைந்த எலிவேட் காரை வாங்க விரும்பினால், இந்த ZX வேரியண்ட் உங்களுக்கு என்னென்ன அம்சங்களை வழங்குகிறது என்பதை விரிவாகப் பார்ப்போம்:

2026 ஹோண்டா எலிவேட் ZX: வெளிப்புற தோற்றம் 

ஹோண்டா எலிவேட் காரின் தோற்றம் எப்போதும் கவரும் வகையில் இருக்கும். தற்போது வெளியாகியுள்ள ஃபேஸ்லிஃப்ட் மாடலின் புதிய வடிவமைப்பு மாற்றங்கள் காரின் அழகை மேலும் உயர்த்தியுள்ளன. இதன் முன்பக்கம் விளக்குகள் மற்றும் பின்பக்கம் ஆகியவை புதிய பொலிவுடன் வடிவமைக்கப்பட்டுள்ளன. ZX வேரியண்ட்டின் வெளிப்புற அம்சங்கள் இதோ:

முன்பக்கத்தைப் பொறுத்தவரை கம்பீரமான LED புரொஜெக்டர் ஹெட்லைட்கள், அதனுடன் இணைக்கப்பட்ட LED DRL-கள், புதிய கிளாஸ் பிளாக் மெஷ் கிரில் மற்றும் ஸ்கிட் பிளேட்டுடன் கூடிய புதிய பம்பர் ஆகியவற்றை ZX வேரியண்ட் பெற்றுள்ளது. LED புரொஜெக்டர் ஃபாக் லைட்களின் ஹவுசிங் காரின் பாடி நிறத்திலேயே வழங்கப்பட்டுள்ளது. ஹோண்டா லோகோ தற்போது பொன்னட்டில் இடம்பெற்றுள்ளது. இது காரை கரடுமுரடான அதேவேளையில் நவீனமான தோற்றத்திலும் காட்டுகிறது.

பக்கவாட்டில் பிளாக் பாடி கிளாடிங், டூயல்-டோன் டோர் கார்னிஷ், ரூஃப் ரெய்ல் கார்னிஷ், ஷார்க் ஃபின் ஆண்டெனா, எல்இடி இண்டிகேட்டர்களுடன் கூடிய காரின் பாடி நிறத்திலான ORVM கண்ணாடிகள் மற்றும் 17-இன்ச் பிளாக் அண்ட் டார்க் கிளியர் ஃபினிஷ் அலை சக்கரங்கள் இடம்பெற்றுள்ளன. இந்த பாக்ஸி வடிவமைப்பு மற்றும் பெரிய ஜன்னல்கள் காரை மிகவும் நேர்த்தியாகக் காட்டுகின்றன.

காரின் பின்பகுதியில் இணைக்கப்பட்ட எல்இடி டெயில் லைட்கள், ஸ்பாய்லர் மற்றும் ஸ்போர்ட்டி தோற்றம் தரும் புதிய பம்பருடன் கூடிய ஸ்கிட் பிளேட் ஆகியவை வழங்கப்பட்டுள்ளன. வெளிப்புற தோற்றத்தைப் பொறுத்தவரை இது டாப் மாடலான ZX Plus போலவே காட்சியளிக்கிறது.

ஹோண்டா எலிவேட் கார் நார்டிக் ஃபாரஸ்ட் பேர்ல், கிரிஸ்டல் பிளாக் பேர்ல், அப்சிடியன் புளூ பேர்ல், ரேடியன்ட் ரெட் மெட்டாலிக், மெட்டியராய்டு கிரே மெட்டாலிக், லூனார் சில்வர் மெட்டாலிக் மற்றும் பிளாட்டினம் வொயிட் பேர்ல் ஆகிய 7 கவர்ச்சிகரமான வண்ணங்களில் கிடைக்கிறது.

2026 ஹோண்டா எலிவேட் ZX: உட்புற தோற்றம் 

2026 ஹோண்டா எலிவேட் ZX வேரியண்ட்டின் உட்புறம் டூயல்-டோன் தீம் மற்றும் லெதரெட் அப்ஹோல்ஸ்டரியுடன் மிகவும் கவர்ச்சியாக வடிவமைக்கப்பட்டுள்ளது. டாஷ்போர்டு கிளாஸ் பிளாக் இன்சர்ட்களுடன் ஐவரி மற்றும் பிளாக் நிறக் கலவையில் சாஃட்-டச் லெதரெட் மென்மையுடன் நேர்த்தியாகக் காட்சிளிக்கிறது. கதவுகளின் பக்கவாட்டிலும் இதே ஃபினிஷிங் கொடுக்கப்பட்டுள்ளது.

சீட்கள் மாறுபட்ட வெள்ளை நிற லெதரெட் அப்ஹோல்ஸ்டரியால் அலங்கரிக்கப்பட்டுள்ளன. நடுப்பகுதியில் ஃப்ரீ-ஸ்டாண்டிங் இன்போடெயின்மென்ட் திரை அமையப்பெற்றுள்ளது. அதற்கு கீழே ஏசி வென்ட்களும், அதன் காற்று வீச்சை கட்டுப்படுத்தும் பட்டன்களும் உள்ளன. ஸ்டீயரிங் வீல் கன் மெட்டாலிக் ஃபினிஷிங்குடன் 3-ஸ்போக் டிசைனில் வழங்கப்பட்டுள்ளது. ஓட்டுநர் வசதிக்கேற்ப இதை டில்ட் மற்றும் டெலிஸ்கோபிக் முறையில் அட்ஜஸ்ட் செய்து கொள்ளலாம். ஸ்டீயரிங் மற்றும் கியர் நாப் ஆகிய இரண்டும் லெதரெட் மெட்டீரியலால் சுற்றப்பட்டுள்ளன.

பயன்பாட்டைப் பொறுத்தவரை முன்பக்க ஆர்ம்ரெஸ்ட் சேமிப்பு வசதியுடன் உள்ளது. 6-வழிகளில் அட்ஜஸ்ட் செய்யக்கூடிய ஓட்டுநர் சீட், 4-வழிகளில் அட்ஜஸ்ட் செய்யக்கூடிய சக பயணியர் சீட், அட்ஜஸ்ட் செய்யக்கூடிய ஹெட்ரெஸ்ட்கள் மற்றும் பின்பக்க ஏசி வென்ட்கள் உள்ளன. பின்சீட் பயணிகளுக்கு கப் ஹோல்டர்களுடன் கூடிய ஆர்ம்ரெஸ்ட் மற்றும் சீட்டின் பின்பக்க பாக்கெட்கள் கொடுக்கப்பட்டுள்ளன. மேலும், 60:40 ஸ்பிளிட் பின்சீட்கள், பூட் லைட் மற்றும் ரியர் பார்சல் ஷெல்ஃப் ஆகியவையும் இதில் அடங்கும். காரின் உட்புறத்தில் கால்களை வசதியாக வைக்க தாராளமான இடவசதி மற்றும் தலைக்கு போதிய இடைவெளி உள்ளதால் பின்சீட்டில் மூன்று பெரியவர்கள் சௌகரியமாக அமர்ந்து பயணிக்க முடியும்.

2026 ஹோண்டா எலிவேட் ZX: அம்சங்கள் 

டாப் மாடலுக்கு உடனே கீழே இருக்கும் ZX வேரியண்ட்டில் ஏகப்பட்ட சொகுசு அம்சங்கள் வழங்கப்பட்டுள்ளன. சில சிறிய வசதிகள் இதில் விடுபட்டிருந்தாலும், கொடுக்கும் விலைக்கு இது மிகச்சிறந்த அம்சங்களைக் கொண்டுள்ளது.

இதில் 10.25-இன்ச் டச்ஸ்கிரீன் இன்போடெயின்மென்ட் சிஸ்டம் வழங்கப்பட்டுள்ளது. இது வயர்லெஸ் ஆப்பிள் கார்பிளே மற்றும் ஆண்ட்ராய்டு ஆட்டோவை சப்போர்ட் செய்யும். மேலும், 8-ஸ்பீக்கர் பிரீமியம் ஆடியோ சிஸ்டம், 7-இன்ச் கலர் டிஜிட்டல் டிஸ்ப்ளே கொண்ட இன்ஸ்ட்ரூமென்ட் கிளஸ்டர், டிஜிட்டல் ஸ்பீடோமீட்டர், ஆட்டோமேட்டிக் கிளைமேட் கன்ட்ரோல், பின்பக்க ஏசி வென்ட்கள், வென்டிலேட்டட் ஃபிரண்ட் சீட்கள், எலக்ட்ரிக் சன்ரூஃப், ஆரஞ்சு ஆம்பியன்ட் லைட்டிங், ஆட்டோமேட்டிக் ஹெட்லைட்கள், ரெய்ன் சென்சிங் வைப்பர்கள், எலக்ட்ரிக்கலி அட்ஜஸ்டபிள் ORVM-கள், அடாப்டிவ் க்ரூஸ் கன்ட்ரோல், வயர்லெஸ் போன் சார்ஜர், கனெக்டெட் கார் டெக்னாலஜி, கீலெஸ் என்ட்ரி மற்றும் புஷ்-பட்டன் ஸ்டார்ட் ஆகிய வசதிகள் உள்ளன.

டாப் வேரியண்ட்டான ZX Plus உடன் ஒப்பிடும்போது இதில் எலக்ட்ரிக்கலி அட்ஜஸ்டபிள் ஃபிரண்ட் சீட்கள், வென்டிலேட்டட் ரியர் சீட்கள் மற்றும் 360 டிகிரி கேமரா ஆகியவை மட்டுமே இடம்பெறவில்லை. மற்ற அனைத்து வசதிகளும் இதில் வழங்கப்பட்டுள்ளன.

2026 ஹோண்டா எலிவேட் ZX: பாதுகாப்பு

பாதுகாப்பைப் பொறுத்தவரை ஹோண்டா எப்போதும் சமரசம் செய்வதில்லை. அனைத்து வேரியண்ட்களிலும் அடிப்படையான பாதுகாப்பு வசதிகளை வழங்கும் ஹோண்டா இந்த ZX வேரியண்ட்டில் இருந்து Level-2 ADAS பாதுகாப்பு அம்சத்தையும் வழங்கத் தொடங்குகிறது.

இதில் லேன் வாட்ச் கேமரா, 6 ஏர்பேக்குகள், ABS உடன் கூடிய EBD, பிரேக் அசிஸ்ட், எலக்ட்ரானிக் ஸ்டெபிலிட்டி கன்ட்ரோல் (ESC), டிராக்ஷன் கன்ட்ரோல், ஹில் ஹோல்ட் கன்ட்ரோல், ரியர் கேமரா, ரியர் பார்க்கிங் சென்சார்கள், ரியர் வைப்பர் மற்றும் வாஷர், ஆட்டோ-டிம்மிங் IRVM, அனைத்து சக்கரங்களுக்கும் டிஸ்க் பிரேக்குகள் (CVT மாடலில் மட்டும்), ஆட்டோ-ஹோல்டுடன் கூடிய எலக்ட்ரானிக் பார்க்கிங் பிரேக் (CVT மாடலில் மட்டும்), ஸ்பீட் சென்சிங் டோர் லாக், அனைத்து இருக்கைகளுக்கும் 3-பாயிண்ட் சீட்பெல்ட் மற்றும் ISOFIX சைல்ட் சீட் மவுண்ட்கள் ஆகியவை வழங்கப்பட்டுள்ளன.

2026 ஹோண்டா எலிவேட் ZX: பவர்டிரெயின் ஆப்ஷன்கள் 

ஹோண்டா எலிவேட் ஃபேஸ்லிஃப்ட் மாடல் ஒரே ஒரு எஞ்சின் தேர்வில் மட்டுமே கிடைக்கிறது. இதில் 1.5-லிட்டர் நேச்சுரலி அஸ்பிரேட்டட் பெட்ரோல் எஞ்சின் பயன்படுத்தப்பட்டுள்ளது. ZX வேரியண்ட்டை வாங்குபவர்கள் 6-ஸ்பீக்கர் மேனுவல் அல்லது 7-ஸ்பீட் CVT ஆட்டோமேட்டிக் கியர்பாக்ஸ் தேர்வுகளில் ஒன்றைத் தேர்ந்தெடுக்கலாம்.

கூடுதல் விவரங்கள்:

MT- மேனுவல் டிரான்ஸ்மிஷன்;  CVT- ன்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்)

2026 ஹோண்டா எலிவேட்: விலை மற்றும் போட்டியாளர்கள் 

புதிய ஹோண்டா எலிவேட்டின் எக்ஸ்-ஷோரூம் விலைகள் ரூ. 11.80 லட்சத்தில் தொடங்கி ரூ. 18.50 லட்சம் வரை நிர்ணயிக்கப்பட்டுள்ளன.

மிட்-சைஸ் எஸ்யூவி பிரிவில் களம் இறங்கும் ஹோண்டா எலிவேட், ஹூண்டாய் கிரெட்டா, கியா செல்டோஸ், ரினால்ட் டஸ்டர், ஸ்கோடா குஷாக், போக்ஸ்வேகன் டைகுன், மாருதி விக்டோரிஸ், கிராண்ட் விட்டாரா, டொயோட்டா அர்பன் குரூஸர் ஹைரைடர், நிஸான் டெக்டான், டாடா சியரா, டாடா கர்வ், சிட்ரோயன் ஏர்கிராஸ் X மற்றும் எம்ஜி ஆஸ்டர் ஆகிய கார்களுக்குக் கடுமையான போட்டியாக அமைகிறது.

கார்தேக்கோவின் சொல்வது...

ஹோண்டா எலிவேட் ZX வேரியண்ட் மேனுவல் மாடல் ரூ. 15.39 லட்சத்திலும், CVT ஆட்டோமேட்டிக் மாடல் ரூ. 16.89 லட்சத்திலும் கிடைக்கிறது. இது டாப்-எண்ட் ZX Plus வேரியண்ட்டில் உள்ள பெரும்பாலான வசதிகளை அப்படியே வழங்குகிறது.

இரு கார்களிலும் ஒரே 1.5-லிட்டர் பெட்ரோல் எஞ்சின் தான் உள்ளது. டாப் மாடலான ZX Plus-ல் எலக்ட்ரிக் ஃபிரண்ட் சீட்கள், வென்டிலேட்டட் பின்சீட்கள், 360 டிகிரி கேமரா மற்றும் டூயல்-டோன் கலர் ஆப்ஷன்கள் மட்டுமே கூடுதலாக உள்ளன. ஆனால் இதற்காக ZX வேரியண்ட்டை விட ரூ. 1.41 லட்சம் அதிகமாகக் கேட்கப்படுகிறது. இந்த கூடுதல் வசதிகள் மிகவும் அத்தியாவசியம் என்று கருதாவிட்டால், ZX வேரியண்ட்டே உங்கள் பணத்திற்கு முழு மதிப்பையும் (Value for money) தரும் மிகச்சிறந்த தேர்வாகும்.