2026 ஹோண்டா எலிவேட்-ல இவ்ளோ விஷயங்கள் இருக்கா? 20 படங்களில் முழு விவரம் இங்கே

2026 ஹோண்டா எலிவேட் ஃபேஸ்லிஃப்ட் மாடலில் புதிய ஸ்டைலிங், இணைக்கப்பட்ட LED டெயில் லேம்ப்கள், காற்றோட்ட வசதி கொண்ட பின்சீட்டுகள் 360-டிகிரி கேமரா போன்ற பல புதிய அம்சங்கள் கொடுக்கப்பட்டுள்ளன. இதில் என்னென்ன மாற்றங்கள் செய்யப்பட்டுள்ளன என்பதைப் பார்ப்போம்.

கனெக்டெட் LED லைட்கள் மற்றும் கார் பாடியில் க்ரோம் பயன்பாட்டைக் குறைத்து டிசைன் செய்திருப்பது காரை பார்க்க மிகவும் மாடர்னாகவும் ஸ்போர்ட்டியாகவும் காட்டுகிறது.

வடிவமைப்பு

முன்பக்கம்

• முதல் பார்வையில் பார்க்கும்போது புதிய எலிவேட்டின் முன்பக்க தோற்றம் பழைய மாடலைப் போலவே தோன்றினாலும் கவனமாகப் பார்த்தால் சில நுட்பமான மாற்றங்கள் செய்யப்பட்டுள்ளது புரியும். கிரில் பகுதி மற்றும் வண்ண அலங்காரங்களில் சிறிய மாற்றங்கள் செய்யப்பட்டுள்ளன.

• முக்கியமான மாற்றமாக முன்பக்க ஹெட்லேம்ப்கள் மற்றும் கிரில்லுக்கு மேலே முன்பு இருந்த க்ரோம் பட்டை நீக்கப்பட்டு தற்போது கார் முழுவதும் நீளும் கிளாஸி பிளாக் ஃபினிஷ் பட்டை (Gloss black accent bar) வழங்கப்பட்டுள்ளது.

• இதன் மூலம் கனெக்டட் LED DRL அமைப்பு மற்றும் 360 டிகிரி கேமராவிற்கான முன்பக்க கேமரா அமர்வதற்கு இடம் கிடைத்துள்ளதால், ஹோண்டா லோகோ சற்று மேலே உயர்த்தப்பட்டு பொன்னட்டின் மீது மாற்றப்பட்டுள்ளது.

• மேலும் பாதுகாப்பிற்காக முன்பக்க பார்க்கிங் சென்சார்களும் இணைக்கப்பட்டுள்ளன. இதில் இரண்டு சென்சார்கள் முன்பக்க கிரில்லிலும் மற்ற இரண்டு சென்சார்கள் ஃபாக் லேம்ப் பகுதிக்கு அருகிலும் அமைக்கப்பட்டுள்ளன.

• ஃபாக் லேம்ப் பகுதியின் வடிவம் அப்படியே தக்கவைக்கப்பட்டிருந்தாலும் இப்போது அது கருப்பு பார்டருடன் பாடி கலரிலேயே ஃபினிஷ் செய்யப்பட்டுள்ளது.

பக்கவாட்டு பகுதி

• காரின் பக்கவாட்டுத் தோற்றத்தில் பெரிய அளவில் எந்த மாற்றமும் செய்யப்படவில்லை. இந்த காம்பெக்ட் SUV-யின் கம்பீரமான பெட்டி வடிவிலான தோற்றம் இந்த பிரிவிலேயே மிகவும் சிறந்த விகிதத்தில் அமைந்துள்ளது.

• இதன் 17-இன்ச் டூயல்-டோன் அலாய் வீல்களின் டிசைன் பழைய மாடலிலேயே தொடர்ந்தாலும் காரின் மொத்த தோற்றத்திற்கு மிகவும் அழகாகப் பொருந்துகிறது.

• பின்பக்கத்தில் ஒரு சிறிய ஸ்பாய்லர் கொடுத்திருந்தால் கார் மேலும் ஸ்போர்ட்டியாக இருந்திருக்கும். இருப்பினும் அழகாக வடிவமைக்கப்பட்ட ரூஃப் ரெயில்கள் இதற்கொரு உண்மையான SUV லூக்கை தருகின்றன.

• டிரைவர் கதவில் சாவி போடும் துளை இருப்பது போல இல்லாமல் முன்பக்க பயணிகள் பக்கக் கதவில் ரிக்வெஸ்ட் சென்சார் மட்டுமே கொடுக்கப்பட்டுள்ளது.

• மேலும் பழைய மாடலில் விண்டோ லைன்களில் இருந்த க்ரோம் ஃபினிஷிற்குப் பதிலாக இதில் பிளாக் ஃபினிஷ் கொடுக்கப்பட்டு ‘டி-க்ரோம்’ தீம் பின்பற்றப்பட்டுள்ளது.

பின்பக்கம்

• பின்பக்கத்தைப் பொறுத்தவரையில் புதிய கனெக்டட் LED டெயில் லேம்ப்கள் மூலம் ஒரு பெரிய டிசைன் அப்டேட் கொடுக்கப்பட்டுள்ளது. முன்பு இதற்கான டிசைன் மட்டுமே இருந்த நிலையில் இப்போது லைட்டுகள் அனைத்தும் நிஜமாகவே ஒன்றோடொன்று இணைக்கப்பட்டு மிக நேர்த்தியாக எரியும் வகையில் மாற்றப்பட்டுள்ளன.

• காரின் பின் கண்ணாடியில் பிரீமியம் தோற்றமளிக்கும் ரியர் வைப்பர் மற்றும் வாஷர் வசதிகள் நேர்த்தியாக அமைக்கப்பட்டுள்ளன.

• பின்பக்கத்தின் மற்ற பகுதிகள் பழைய மாடலைப் போலவே அமைந்துள்ளன. ஹோண்டாவின் வழக்கமான தரத்திற்கு ஏற்ப பாடி பேனல்கள் மற்றும் பெயிண்ட் குவாலிட்டி மிக உயர்தரமாக ஃபினிஷ் செய்யப்பட்டு பிரீமியம் உணர்வைத் தருகிறது.

உட்புற வடிவமைப்பு

• புதிய எலிவேட் காரின் உள்கட்டமைப்பிலும் சில நுட்பமான அப்டேட்டுகள் செய்யப்பட்டுள்ளன.

• காரின் கேபின் இப்போது கருப்பு மற்றும் வெள்ளை வண்ணத் தீமில் கிடைக்கிறது. இது ஏற்கனவே பரந்த இடவசதி கொண்ட கேபினை மேலும் விசாலமாக அமைந்திருப்பதைப் போன்ற உணர்வைத் தருகிறது.

• டாஷ்போர்டு அமைப்பிலும் சிறிய மாற்றம் உள்ளது. நடுவில் இருந்த பேனலுக்கு பதிலாக டாஷ்போர்டு முழுவதும் நீளும் லெதரெட் ஃபினிஷ் கொடுக்கப்பட்டுள்ளதால் உட்புற பிரீமியம் லுக் மேலும் அதிகரித்துள்ளது.

• டாஷ்போர்டு மற்றும் அனைத்து கதவுகளிலும் நேர்த்தியான ரிப்ட் பேட்டர்னுடன் கூடிய ஆம்பியன்ட் லைட்டிங் வசதி புதிதாகச் சேர்க்கப்பட்டுள்ளது.

• முழுக்க கருப்பு நிறத்தில் உள்ள ஸ்டீயரிங் வீல் மிகவும் ஸ்போர்ட்டியாக இருப்பதுடன் காரின் டூயல்-டோன் இன்டீரியருடன் கச்சிதமாகப் பொருந்துகிறது.

• நடுவில் உள்ள சென்டர் கன்சோலின் கீழ் பகுதியில் வழக்கமான ஹேண்ட் பிரேக் லீவருக்குப் பதிலாக எலக்ட்ரானிக் பார்க்கிங் பிரேக் (EPB) மற்றும் ஆட்டோ ஹோல்டு வசதிக்கான சுவிட்சுகள் கொடுக்கப்பட்டுள்ளன (CVT வேரியன்ட்டில் மட்டும்).

• முன்பக்க ஆர்ம்ரெஸ்ட்டுக்கு சரியாகக் கீழே வயர்லெஸ் சார்ஜிங் வசதிக்கான இடம் ஒதுக்கப்பட்டுள்ளது.

• பின் இருக்கைகளைப் பொறுத்தவரை எலிவேட் ஃபேஸ்லிஃப்ட் காரின் பின் இருக்கைகள் இந்த பிரிவிலேயே மிகச் சிறந்த ஒன்றாக மாறியுள்ளன. ஏற்கனவே நல்ல சப்போர்ட் தாராளமான இடவசதி மற்றும் மென்மையான குஷனிங் கொண்டிருந்த இந்த இருக்கைகளில் இப்போது வென்டிலேஷன் வசதியும் சேர்க்கப்பட்டுள்ளது. நமது ஊர் வெப்பமான காலநிலைக்கு இது பின் இருக்கைப் பயணிகளுக்குப் பெரிய ஆறுதலாக இருக்கும்.

• பின்பக்க ஏசி வென்ட்களுக்கு கீழே உள்ள சார்ஜிங் போர்டுகளுக்கு அருகிலேயே இந்த வென்டிலேட்டட் இருக்கைகளுக்கான சுவிட்சுகள் கொடுக்கப்பட்டுள்ளன.

• பின் கதவுகளிலும் ரிப்ட் பேட்டர்னுடன் கூடிய ஆம்பியன்ட் லைட்டிங் வசதி நீட்டிக்கப்பட்டுள்ளது.

• கதவின் ஆர்ம்ரெஸ்ட் மற்றும் பேடிங்கில் உள்ள மென்மையான சாஃப்ட்-டச் லெதரெட் ஃபினிஷ், பின் இருக்கைப் பயணிகளுக்குப் பிரீமியம் அனுபவத்தைத் தருகிறது.

• மேலும் பின் பகுதியில் தொடு உணர்வில் இயங்கும் LED ரீடிங் லேம்ப்கள் சேர்க்கப்பட்டுள்ளன.

• பின் இருக்கையில் அமரும் மூன்று பயணிகளுக்குமே சீட்பெல்ட் மற்றும் அட்ஜஸ்ட் செய்யும் வசதி கொண்ட ஹெட்ரெஸ்ட்டுகள் வழங்கப்பட்டிருப்பது சிறந்த பாதுகாப்பு அம்சமாகும்.

வசதிகள் மற்றும் பாதுகாப்பு

• புதிய எலிவேட் ஃபேஸ்லிஃப்ட் மாடலில் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே வசதியுடன் கூடிய அதே 10.25-இன்ச் தொடுதிரை இன்போடெயின்மென்ட் சிஸ்டம் வழங்கப்பட்டுள்ளது.

• ஓட்டுநருக்குத் தகவல்களைத் தரும் டிஜிட்டல் இன்ஸ்ட்ரூமென்ட் கிளஸ்டரும் பழைபடியே தொடர்கிறது.

• புதிய அம்சமாக டிரைவர் இருக்கைக்கு 8-வழிகளில் பவர் மூலமாக அட்ஜஸ்ட் செய்யும் வசதியும், முன் பயணி இருக்கைக்கு 4-வழிகளில் பவர் அட்ஜஸ்ட் செய்யும் வசதியும் வழங்கப்பட்டுள்ளன.

• முன்பே குறிப்பிட்டது போல இந்த செக்மென்ட்டிலேயே முதன்முறையாக பின் இருக்கைகளுக்கும் வென்டிலேட்டட் வசதி கொடுக்கப்பட்டுள்ளது.

• கேபினுக்குள் தூய்மையான காற்று கிடைக்க PM 2.5 ஏர் ஃபில்டர் சேர்க்கப்பட்டு அதன் ரீடிங் கிளடைமேட் கன்ட்ரோல் பேனலிலேயே தெரியும் வகையில் இணைக்கப்பட்டுள்ளது.

• 8-ஸ்பீக்கர் சவுண்ட் சிஸ்டம் மூலமாக ஆடியோ அவுட்புட் கிடைக்கிறது.

• இவற்றுடன் புஷ்-பட்டன் ஸ்டார்ட் கொண்ட ஆக்டிவ் கீலெஸ் என்ட்ரி வசதியும் உள்ளது.

• ஆட்டோமேட்டிக் கிளடைமேட் கன்ட்ரோல், ஆட்டோ ஹெட்லேம்ப்கள் மற்றும் கனெக்டட் கார் தொழில்நுட்பம் ஆகியவை இதர முக்கிய சிறப்பம்சங்களாகும்.

• முன்பு டீலர் ஷோரூம்களில் அக்சஸரியாக மட்டுமே பொருத்தப்பட்டு வந்த 360 டிகிரி கேமரா வசதி இப்போது ஃபேக்டரி-ஃபிட்டட் அம்சமாகவே காரில் சேர்க்கப்பட்டுள்ளது.

• பாதுகாப்பை மேம்படுத்த முன்பக்க பார்க்கிங் சென்சார்களும் சேர்க்கப்பட்டுள்ளன. இவற்றுடன் ABS உடன் கூடிய EBD, 6 ஏர்பேக்குகள், முன் மற்றும் பின் சக்கரங்களில் டிஸ்க் பிரேக்குகள், ISOFIX சைல்டு சீட் மவுண்ட்கள், எலக்ட்ரானிக் பார்க்கிங் பிரேக், ஹில்-ஹோல்ட் கன்ட்ரோல் (HHC) மற்றும் மேம்படுத்தப்பட்ட லெவல்-2 அடாஸ் (ADAS) பாதுகாப்புத் தொகுப்பு ஆகியவை வழங்கப்படுகின்றன.

பவர்டிரெயின்

புதிய எலிவேட் காரிலும் இன்ஜின் அமைப்பில் எந்த மாற்றமும் செய்யப்படவில்லை. இதில் பழைய மாடலில் இருந்த அதே 1.5-லிட்டர் நேச்சுரலி அஸ்பிரேட்டட் பெட்ரோல் இன்ஜின்தான் தொடர்கிறது. இது 6-ஸ்பீடு மேனுவல் மற்றும் 7-ஸ்டெப் சிவிடி ஆட்டோமேட்டிக் கியர்பாக்ஸ் ஆப்ஷன்களுடன் கிடைக்கிறது.

MT- மேனுவல் டிரான்ஸ்மிஷன், CVT- கன்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்)

ஆற்றல், மைலேஜ் மற்றும் நம்பகத்தன்மையில் இந்த 1.5-லிட்டர் இன்ஜின் எப்போதும் இந்த பிரிவில் மிகச் சிறந்த ஒன்றாகவே இருந்து வருகிறது. இந்த ஃபேஸ்லிஃப்ட் மாடலில் இன்ஜினின் ரீஃபைன்மென்ட் நிலையை  / NVH மேலும் மேம்படுத்தியுள்ளதாக ஹோண்டா தெரிவித்துள்ளது. இதனால் நீண்ட தூரப் பயணங்களின் போது சத்தம் மற்றும் அதிர்வுகள் குறைந்து பிரயாணம் மேலும் அமைதியாகவும் சோர்வில்லாமலும் இருக்கும்.

விலை மற்றும் போட்டியாளர்கள்

புதிய ஹோண்டா எலிவேட் ஃபேஸ்லிஃப்ட் மாடலின் விலை ரூ. 11.80 லட்சம் முதல் ரூ. 18.40 லட்சம் வரை (எக்ஸ்-ஷோரூம்) நிர்ணயிக்கப்பட்டுள்ளது.

கடும் போட்டி நிலவும் இந்த காம்பெக்ட் SUV பிரிவில், இது ஹூண்டாய் கிரெட்டா, கியா செல்டோஸ், ரெனால்ட் டஸ்டர், ஸ்கோடா குஷாக், ஃபோக்ஸ்வேகன் டைகூன், மாருதி விக்டோரிஸ் மற்றும் கிராண்ட் விட்டாரா, டொயோட்டா அர்பன் குரூஸர் ஹைரைடர், நிஸான் டெக்டான், டாடா சியரா, எம்ஜி ஆஸ்டர், சிட்ரோன் ஏர்க்ராஸ் எக்ஸ் மற்றும் டாடா கர்வ் ஆகிய கார்களுக்குப் போட்டியாக அமைகிறது.

கார்தேக்கோவின் பார்வை...

ஹோண்டா எலிவேட் மிகவும் ஆரவாரமான ஒரு காராக இல்லாவிட்டாலும் சிறந்த இன்ஜினியரிங் நம்பகத்தன்மை மற்றும் சௌகரியத்திற்கு பெயர் பெற்ற ஒரு காராகும். நீண்ட காலப் பயன்பாட்டிற்காக, நல்ல வசதிகள் பவர், சொகுசு மற்றும் மைலேஜ் ஆகியவை சரியான விகிதத்தில் கலந்த ஒரு காரை எதிர்பார்க்கும் வாடிக்கையாளர்களுக்கு இது எப்போதுமே சிறந்த தேர்வாகும்.

தற்போது வந்துள்ள ஃபேஸ்லிஃப்ட் மாடலில் கனெக்டட் லைட்டிங் பவர் மற்றும் வென்டிலேட்டட் இருக்கைகள், ஆம்பியன்ட் லைட்டிங் மற்றும் PM 2.5 ஏர் ஃபில்டர் போன்ற நவீன அம்சங்கள் சேர்க்கப்பட்டுள்ளதால் இது முந்தைய மாடலை விட மிகவும் அப்டேட்டடாகவும் புதிய ட்ரெண்டுக்கு ஏற்றதாகவும் மாறியுள்ளது.

2026-ன் புதிய எலிவேட் ஃபேஸ்லிஃப்ட் காரைப் பற்றிய உங்களது கருத்து என்ன என்பதை கீழே உள்ள கமெண்ட் பகுதியில் தெரிவியுங்கள்.