மைலேஜ்ல யாரு கெத்து? ரெனால்ட் டஸ்டர் ஹைபிரிட் vs போட்டி கார்கள்... ஒரு பார்வை!
ரெனால்ட் டஸ்டர் ஹைபிரிட் காரின் பெர்ஃபார்மன்ஸ் அதன் நேரடி போட்டி கார்கள் அனைத்தையும் தூக்கிச் சாப்பிடும் வகையில் அசத்தலாக உள்ளது.
- ஒரு கருத்தை எழுதுக
ரெனால்ட் நிறுவனத்தின் புகழ்பெற்ற டஸ்டர் கார், தற்போது தனது பவர்டிரெய்ன் வரிசையில் புதிய ஸ்ட்ராங்-ஹைபிரிட் மாடலையும் சேர்த்துள்ளது. ரூ. 16.99 லட்சம் ஆரம்ப எக்ஸ்-ஷோரூம் விலையில் அறிமுகமாகியுள்ள இந்த புதிய இன்ஜின் தேர்வு, காம்பாக்ட் SUV செக்மென்ட்டில் இதுவரை மாருதி மற்றும் டொயோட்டா நிறுவனங்களின் கட்டுப்பாட்டில் இருந்த ஹைபிரிட் பிரிவில் டஸ்டர் களமிறங்க பெரிதும் உதவும்.
எனவே வலுவான போட்டி நிலவும் இந்த பிரிவில் தனக்கென தனி இடம் பிடிக்கும் அளவுக்கு டஸ்டர் ஹைபிரிட் மாடலில் என்னென்ன விஷயங்கள் உள்ளன என்பதை அறிய, இதன் தொழில் நுட்ப விவரங்களை சந்தையில் உள்ள போட்டி கார்களுடன் விரிவாக ஒப்பிட்டுப் பார்த்துள்ளோம்:
ரெனால்ட் டஸ்டர் ஹைபிரிட் VS போட்டி கார்கள்: விலை ஒப்பீடு
| மாடல் |
ரெனால்ட் டஸ்டர் ஹைபிரிட் |
மாருதி விக்டோரிஸ் ஹைபிரிட் |
மாருதி கிராண்ட் விட்டாரா ஹைபிரிட் |
டொயோட்டா ஹைரைடர் ஹைபிரிட் |
| விலை (எக்ஸ்-ஷோரூம்) |
ரூ. 16.99 லட்சம் to ரூ. 19.49 லட்சம் |
ரூ. 16.43 லட்சம் to ரூ. 19.99 லட்சம் |
ரூ. 16.68 லட்சம் to ரூ. 19.62 லட்சம் |
ரூ. 17.18 லட்சம் முதல் ரூ. 20.31 லட்சம் |
-
காம்பாக்ட் SUV செக்மென்ட்டில் உள்ள ஸ்ட்ராங்-ஹைபிரிட் போட்டி கார்களுடன் ஒப்பிடும்போது, டஸ்டர் ஹைபிரிட்டின் ஆரம்ப விலை ரூ. 16.99 லட்சம் என்பதால் சற்று அதிகமாகவே உள்ளது. அதேவேளையில், இதன் டாப்-ஸ்பெக் வேரியண்ட்டின் விலையானது மற்ற போட்டி கார்களை விட ரூ. 13,000 முதல் ரூ. 82,000 வரை குறைவாக உள்ளது.
-
இந்தப் பிரிவிலேயே மிகக் குறைந்த விலையில் கிடைக்கும் ஸ்ட்ராங்-ஹைபிரிட் SUV காராக மாருதி விக்டோரிஸ் திகழ்கிறது. இதன் VXI வேரியண்ட்டின் விலை ரூ. 16.43 லட்சம் ஆகும்.
ரெனால்ட் டஸ்டர் ஹைபிரிட் VS போட்டி கார்கள்: தொழில் நுட்ப அம்சங்கள் ஒப்பீடு
| விவரங்கள் |
ரெனால்ட் டஸ்டர் ஹைபிரிட் |
மாருதி விக்டோரிஸ் ஹைபிரிட் |
மாருதி கிராண்ட் விட்டாரா ஹைபிரிட்/டொயோட்டா ஹைரைடர் ஹைபிரிட் |
|
| இன்ஜின் | 1.8-litre, four-cylinder, naturally aspirated petrol |
1.5-litre, three-cylinder, naturally aspirated petrol |
1.5-litre, three-cylinder, naturally aspirated petrol |
|
|
1.4 kWh |
0.60 kWh |
0.60 kWh |
|
|
2 |
1 |
1 |
|
|
160 PS |
116 PS |
116 PS |
|
|
208 Nm |
141 Nm |
141 Nm |
|
|
8-speed DHT |
eCVT |
eCVT |
|
|
29 கிமீ/லி |
28.65 கிமீ/லி |
27.97 கிமீ/லி |
|
|
FWD |
FWD |
FWD |
FWD- ஃபிரண்ட்-வீல் டிரைவ், DHT- டெடிகேட்டட் ஹைபிரிட் டிரான்ஸ்மிஷன் (ஆட்டோமேடிக்), eCVT- எலக்ட்ரானிக்கலி கன்ட்ரோல்டு கண்டினியூவஸ்லி வேரியபிள் டிரான்ஸ்மிஷன் (ஆட்டோமேடிக்)
- பெர்ஃபார்மன்ஸை பொறுத்தவரை, கூடுதலாக ஒரு எலக்ட்ரிக் மோட்டாருடன் வரும் டஸ்டர், போட்டி கார்களை விட 44 PS பவர் மற்றும் 67 Nm டார்க் கூடுதலாக வெளிப்படுத்தி மற்ற மாடல்களை சுலபமாக முந்துகிறது.
- கிராண்ட் விட்டாரா, ஹைரைடர் மற்றும் விக்டோரிஸ் ஆகியவை 3-சிலிண்டர் இன்ஜின்களைக் கொண்டிருக்கும் வேளையில், டஸ்டர் 4-சிலிண்டர் இன்ஜினுடன் வந்து டிரைவிங் ஸ்மூத்னஸில் தனித்து நிற்கிறது.
- மிகப்பெரிய இன்ஜின் மற்றும் அதிக பவர் திறனை கொண்டிருந்தபோதிலும், டஸ்டர் லிட்டருக்கு 29 கி.மீ என்ற சிறந்த மைலேஜை தருகிறது. மாருதி மற்றும் டொயோட்டா கார்களில் உள்ள பேட்டரியை விட இரண்டு மடங்கு பெரிய பேட்டரி பேக் இதில் பொருத்தப்பட்டுள்ளதே இதற்கு முக்கிய காரணமாகும்.
- இருப்பினும், மைலேஜ் அடிப்படையில் இவற்றுக்கு இடையேயான வித்தியாசம் பெரிய அளவில் இல்லை. மாருதி விக்டோரிஸ் மாடல்ரெனால்ட் நிறுவனத்தின் டஸ்டர் கார் தற்போது அட்டகாசமான புதிய ஸ்ட்ராங்-ஹைபிரிட் பவர்டிரெய்ன் வசதியுடன் களமிறங்கி, தனது இன்ஜின் ஆப்ஷன்களை மேலும் விரிவுபடுத்தியுள்ளது. ரூ. 16.99 லட்சம் ஆரம்ப எக்ஸ்-ஷோரூம் விலையில் அறிமுகமாகியுள்ள இந்த புதிய மாடல், இதுவரை மாருதி மற்றும் டொயோட்டா நிறுவனங்களின் ஆதிக்கத்தில் மட்டுமே இருந்து வந்த காம்பாக்ட் SUV பிரிவின் ஹைபிரிட் சந்தையில் வலுவாக கால்பதிக்க உதவியாக இருக்கும்.
| ஒரே பவர்டிரெய்ன், ஆனால் மாறுபடும் மைலேஜ்? ஒரே மாதிரியான பவர்டிரெய்னைப் பயன்படுத்திய போதிலும், கிராண்ட் விட்டாரா மற்றும் ஹைரைடர் கார்களை விட மாருதி விக்டோரிஸ் கார் சற்றே கூடுதல் மைலேஜ் தருவது சுவாரஸ்யமான விஷயமாகும். இதன் தாழ்வான எஸ்டேட் ரக காரை போன்ற வடிவமைப்பும், காற்று தடையின்றி விலகிச் செல்லும் ஏரோடைனமிக் டிசைனுமே இதற்குக் காரணமாக இருக்கலாம். |
ரெனால்ட் டஸ்டர் பற்றி...
மைலேஜிற்கு முக்கியத்துவம் அளிக்கும் வாடிக்கையாளர்களுக்காக ரெனால்ட் நிறுவனம் தற்போது டஸ்டரில் சிறப்பான இன்ஜின் தேர்வை வழங்கியுள்ளது. இதுவரையிலும் ஜப்பானிய கார்களின் ஆதிக்கத்தில் மட்டுமே இருந்த ஸ்ட்ராங்-ஹைபிரிட் காம்பாக்ட் SUV பிரிவில் டஸ்டர் ஒரு சிறந்த மாற்றாக உருவெடுத்துள்ளது. காரின் வெளிப்புறத்தைப் பொறுத்தவரை டஸ்டர் பிராண்டிற்கே உரித்தான அதே போல்டான, தனித்துவமான மற்றும் ரக்கடான தோற்றம் தக்கவைக்கப்பட்டுள்ளது. இருப்பினும் ஹைபிரிட் மாடலை வேறுபடுத்திக் காட்டும் விதமாக ஒளிரும் கிரில் மற்றும் கதவுகள், டெயில்கேட்டில் புதிய பேட்ஜ்கள் கொடுக்கப்பட்டுள்ளன.
காரின் உட்புறமும் பெட்ரோல் மாடல்களைப் போலவே வடிவமைக்கப்பட்டுள்ளது (புதிய டியூன் பிரவுன் லெதரெட் அப்ஹோல்ஸ்டரியைத் தவிர). இதில் 10.1-இன்ச் டச்ஸ்கிரீன் இன்ஃபோடைன்மென்ட் சிஸ்டம், 10.25-இன்ச் டிஜிட்டல் டிரைவர் டிஸ்ப்ளே, டூயல்-ஜோன் க்ளைமேட் கன்ட்ரோல், பவர்டு டெயில்கேட், 6-வே பவர்டு மற்றும் வென்டிலேட்டட் ஃபிரண்ட் சீட்கள், கனெக்டெட் கார் டெக்னாலஜி, பேனோராமிக் சன்ரூஃப் மற்றும் வயர்லெஸ் Android Auto, Apple CarPlay போன்ற வசதிகள் இடம்பெற்றுள்ளன.
பாதுகாப்பைப் பொறுத்தவரை 6 ஏர்பேக்குகள், எலக்ட்ரானிக் ஸ்டெபிலிட்டி கன்ட்ரோல் (ESC), டயர் பிரஷர் மானிட்டரிங் சிஸ்டம் (TPMS), அனைத்து வீல்களுக்கும் டிஸ்க் பிரேக்குகள், 360-டிகிரி கேமரா, ஃபிரண்ட் மற்றும் ரியர் பார்க்கிங் சென்சார்கள் மற்றும் ஹில் ஹோல்டு கன்ட்ரோல் (HHC) ஆகியவை உள்ளன. அதேசமயம் லெவல் 2 ADAS வசதியானது டர்போ-பெட்ரோல் வேரியண்ட்களுக்கு மட்டுமே பிரத்யேகமாக ஒதுக்கப்பட்டுள்ளது. மேலும், இந்த SUV கார் Bharat NCAP பாதுகாப்பு சோதனையில் 5-ஸ்டார் ரேட்டிங் பெற்றுள்ளது என்பது குறிப்பிடத்தக்கது.
ஸ்ட்ராங்-ஹைபிரிட் தவிர, இரண்டு டர்போ-பெட்ரோல் பவர்டிரெய்ன் ஆப்ஷன்களிலும் இந்த கார் கிடைக்கிறது. அவற்றின் விவரங்கள் இதோ:
| எஞ்சின் |
|
|
||
| பவர் |
100 PS |
163 PS |
||
| டார்க் | 166 Nm |
280 Nm |
||
| டிரான்ஸ்மிஷன் |
6-speed MT |
6-speed MT/6-speed DCT |
||
| கிளைம்டு மைலேஜ் (ARAI) |
19.41 கிமீ/லி |
17.75 கிமீ/லி (MT)/ 18.45 கிமீ/லி (DCT) |
||
| டிரைவ்ட்ரைன் |
FWD |
FWD |
MT- மேனுவல் டிரான்ஸ்மிஷன், DCT- டூயல் கிளட்ச் டிரான்ஸ்மிஷன் (ஆட்டோமேடிக்), FWD- ஃபிரண்ட்-வீல் டிரைவ்
கார்தேக்கோவின் பார்வை...
டஸ்டர் காரைப் பொறுத்தவரை, டிரைவிங் ஆர்வலர்களுக்குப் பிடித்தமான அம்சங்கள் மற்றும் பவர்டிரெய்ன்களை வழங்குவதை ரெனால்ட் எப்போதும் வழக்கமாகக் கொண்டுள்ளது. அந்த வகையில் இந்த புதிய டஸ்டர் ஹைபிரிட் மாடலும் விதிவிலக்கல்ல. வாடிக்கையாளர்கள் விரும்பும் அதே மாஸான மற்றும் ரக்கடான தோற்றத்தைக் கொண்டுள்ளதோடு, இந்த ஹைபிரிட் பதிப்பை சந்தையில் கடுமையான போட்டிக்கு இணையான காராக மாற்றுவதில் ரெனால்ட் எந்தக் குறையும் வைக்கவில்லை.
அதிகப்படியான பெர்ஃபார்மன்ஸ் மட்டுமின்றி போட்டியை விட மிகச் சிறந்த மைலேஜ் மற்றும் அட்டகாசமான பவர் ஆகியவற்றை வழங்கி ரெனால்ட் கலக்கியுள்ளது. மிகக் குறைந்த தேர்வுகளே உள்ள இந்த ஸ்ட்ராங்-ஹைபிரிட் SUV சந்தையில் தனது கவாச்சமான விலையினாலும் வசதிகளினாலும் வாடிக்கையாளர்களை நிச்சயமாக ரெனால்ட் டஸ்டர் ஹைபிரிட் தன் பக்கம் ஈர்க்கும் என்பதில் சந்தேகமில்லை.
போட்டி கார்களை விட்டுவிட்டு புதிய டஸ்டர் ஹைபிரிட் மாடலை நீங்கள் தேர்வு செய்வீர்களா? உங்கள் கருத்துக்களை கீழே உள்ள கமெண்ட் பகுதியில் பதிவிடுங்கள்
