கியா கேரன்ஸ் க்ளாவிஸ் CNG 2026: வளர்ந்து வரும் CNG MPV செக்மென்டில் நுழையும் கியா
இது தொழிற்சாலையிலேயே வழங்கப்படும் CNG பவர்டிரெய்னை கொண்டிருக்கும். கடைசி விடுபட்ட அம்சத்தையும் கேரன்ஸ் கிளாவிஸ் இறுதியாக நிறைவு செய்கிறது!
- ஒரு கருத்தை எழுதுக
கியா நிறுவனம் தனது கேரன்ஸ் க்ளாவிஸ் MPV-யின் CNG வெர்ஷனின் அறிமுகத்தை உறுதி செய்துள்ளது. இதைப் பற்றி சில விஷயங்கள் இங்கே.
-
கியா இன்ஸ்பிரேஷன் நாள் 2026 நிகழ்வில் கேரன்ஸ் க்ளாவிஸ் CNG காட்சிப்படுத்தப்பட்டது.
-
இது 1.5-லிட்டர் பெட்ரோல் இன்ஜினுடன் ஃபேக்டரி-ஃபிட் CNG கிட் உடன் வருகிறது.
-
2026-ஆம் ஆண்டின் பிற்பகுதியில் அறிமுகம் செய்யப்படும் என எதிர்பார்க்கப்படுகிறது.
-
மாருதி எர்டிகா மற்றும் XL6 போன்ற கார்களுக்கு நேரடி போட்டியாக இருக்கும்.
கியாவின் CNG MPV செக்மென்ட் நுழைவு!
கியா இன்ஸ்பிரேஷன் நாள் 2026 நிகழ்வில் கியா தனது பிராண்டின் முதல் CNG MPV-யை அறிமுகம் செய்வதாக உறுதிப்படுத்தியது. இந்தியாவில் CNG கார்களுக்கான தேவை அதிகரித்து வரும் நிலையில் கியா நிறுவனம் முதல் முறையாக MPV பிரிவில் CNG ஆப்ஷனை அறிமுகம் செய்ய உள்ளது. கியா இன்ஸ்பிரேஷன் நாள் 2026 நிகழ்வில் நிறுவனம் தனது பிரபலமான கேரன்ஸ் க்ளாவிஸ் MPV-யில் ஃபேக்டரி-ஃபிட் CNG கிட் பொருத்தப்பட்ட மாடலைக் காட்சிப்படுத்தியது. இந்த நடவடிக்கை இதுவரை மாருதி சுஸூகி ஆதிக்கம் செலுத்தி வந்த CNG MPV பிரிவில் ஒரு புதிய போட்டியை உருவாக்கும். கியாவின் இந்த முயற்சி குறைவான இயக்கச் செலவுகளை விரும்பும் குடும்ப வாடிக்கையாளர்கள் மற்றும் ஃபிளீட் ஆபரேட்டர்களை இலக்காகக் கொண்டுள்ளது.
இந்த புதிய CNG வேரியன்ட்டின் அறிமுகத்துடன் MPV ஆனது ஒரு 60 லிட்டர் CNG டேங்குடன் பொருத்தப்பட்டிருக்கும். இது பூட்டில் நேர்த்தியாக வைக்கப்பட்டுள்ளது. அங்கு நீங்கள் பயன்படுத்தக்கூடிய பூட் ஸ்பேஸ் மற்றும் முழு அளவிலான அண்டர்பாடி-மவுண்டட் ஸ்பேர் வீல் கூட உள்ளது.
பல விவரங்கள் முழுமையாக வெளியிடப்படவில்லை. இதுவரை தெரிந்த் விவரங்கள் இங்கே:
| இன்ஜின் | 1.5-லி நேச்சுரலி-ஆஸ்பிரேட்டட் பெட்ரோல் வித் CNG* |
| பவர் |
96 PS |
| டார்க் | 123 Nm |
| டிரான்ஸ்மிஷன் |
6-ஸ்பீடு MT* |
| CNG கெபாசிட்டி |
60 லி |
| பெட்ரோல் கெபாசிட்டி |
45 லி |
*எதிர்பார்க்கப்படுகிறது
ஓவர்வியூ
இந்த புதிய வேரியண்ட் ஃபேக்டரி-ஃபிட் CNG கிட் உடன் வரும், இது நம்பகத்தன்மை மற்றும் செயல்திறனை உறுதி செய்யும் என்று பிராண்ட் கூறுகிறது. கேரன்ஸ் க்ளாவிஸ் CNG மாடலில், நிறுவனத்தால் பொருத்தப்பட்ட CNG கிட் வழங்கப்படுகிறது. இது சந்தையில் கிடைக்கும் மற்ற CNG கிட்களை விட அதிக பாதுகாப்பு மற்றும் நம்பகத்தன்மையை வழங்கும். இதில் 60-லிட்டர் கொள்ளளவு கொண்ட CNG டேங்க் காரின் பூட் பகுதியில் பொருத்தப்பட்டுள்ளது. இது பூட் ஸ்பேஸை ஓரளவிற்கு குறைத்தாலும் நீண்ட தூர பயணங்களுக்கு போதுமான எரிபொருள் திறனை வழங்கும். காரின் மற்ற டிசைன் மற்றும் அம்சங்கள் அதன் வழக்கமான பெட்ரோல் மாடல்களைப் போலவே இருக்கும் என எதிர்பார்க்கப்படுகிறது. பிரீமியம் இன்டீரியர் கனெக்டட் கார் டெக்னாலஜி மற்றும் பாதுகாப்பு அம்சங்கள் அப்படியே தொடர வாய்ப்புள்ளது.
பக்கவாட்டில் இது ஒரு வழக்கமான MPV சில்ஹவுட்டுடன், ஸ்டைலான 18-இன்ச் அலாய் வீல்கள், இணைக்கப்பட்ட LED டெயில்லைட்கள் மற்றும் ஒரு நுட்பமான ரூஃப் ஸ்பாய்லர் ஆகியவற்றைப் பெற்றுள்ளது.
கேரன்ஸ் க்ளாவிஸ் ஆனது 12.3-இன்ச் இன்ஃபோடெயின்மென்ட் டச்ஸ்கிரீன் டிஸ்ப்ளே, 12.3-இன்ச் டிஜிட்டல் டிரைவரின் டிஸ்ப்ளே, பிளைண்ட்-ஸ்பாட் மானிட்டர், சுற்றுப்புற விளக்குகள், முன்பக்க வென்டிலேட்டட் இருக்கைகள், 4-வே பவர்-அட்ஜஸ்ட்டபிள் டிரைவர் இருக்கை மற்றும் பெரிய பனோரமிக் சன்ரூஃப் போன்ற அம்சங்களைக் கொண்டுள்ளது.
பாதுகாப்பிற்கு வரும்போது கேரன்ஸ் க்ளாவிஸ் ஆனது லெவல்-2 ADAS (மேம்பட்ட டிரைவர் உதவி அமைப்பு), 6 காற்றுப்பைகள், எலக்ட்ரானிக் ஸ்டெபிலிட்டி கண்ட்ரோல் (ESC), டயர் பிரஷர் மானிட்டர் சிஸ்டம் (TPMS), ஹில் ஸ்டார்ட் அசிஸ்ட் (HSA), 360-டிகிரி கேமரா, பல காட்சிப் புள்ளிகள், முன் மற்றும் பின்பக்க இருக்கைகள் ISOFIX ஆகியவற்றைக் கொண்டுள்ளது.
பவர்டிரெய்ன் ஆப்ஷன்கள்
இந்த CNG மாடல், 1.5-லிட்டர் நேச்சுரலி-ஆஸ்பிரேட்டட் பெட்ரோல் இன்ஜின் மூலம் இயக்கப்படும் என கியா தெரிவித்துள்ளது. கேரன்ஸ் க்ளாவிஸ் CNG மாடலில் கியாவின் நம்பகமான 1.5-லிட்டர் நேச்சுரலி-ஆஸ்பிரேட்டட் (NA) பெட்ரோல் இன்ஜின் பயன்படுத்தப்பட்டுள்ளது. CNG மோடில் இயங்கும்போது இந்த இன்ஜின் 96 PS பவரையும், 123 Nm டார்க்கையும் உருவாக்கும். பெட்ரோல் மோடில் உள்ள செயல்திறனை விட இது சற்று குறைவாக இருந்தாலும் CNG-யின் முக்கிய நோக்கமான எரிபொருள் சிக்கனத்தை இது சிறப்பாக பூர்த்தி செய்யும். இந்த இன்ஜின் நகரப் பயன்பாடு மற்றும் நெடுஞ்சாலைப் பயணங்களுக்கு போதுமான செயல்திறனை வழங்கும் என எதிர்பார்க்கப்படுகிறது.
| இன்ஜின் | 1.5-லி நேச்சுரலி ஆஸ்பிரேட்டட் பெட்ரோல் |
1.5-லி டர்போ-பெட்ரோல் |
1.5-லி டீசல் |
| பவர் | 115 PS |
160 PS |
116 PS |
| டார்க் |
144 Nm |
253 Nm |
250 Nm |
| டிரான்ஸ்மிஷன் |
6-ஸ்பீடு MT |
6-ஸ்பீடு MT/ 6-ஸ்பீடு iMT/ 7-ஸ்பீடு DCT |
6-ஸ்பீடு MT/ 6-ஸ்பீடு AT |
*MT- மேனுவல் டிரான்ஸ்மிஷன், DCT- டூயல் கிளட்ச் டிரான்ஸ்மிஷன், AT- டார்க் கன்வெர்டர் ஆட்டோமெட்டிக்
அறிமுக தேதி, எதிர்பார்க்கப்படும் விலை மற்றும் போட்டியாளர்கள்
கியா நிறுவனம் கேரன்ஸ் க்ளாவிஸ் CNG-யை 2026-ஆம் ஆண்டின் பிற்பகுதியில் அறிமுகம் செய்ய திட்டமிட்டுள்ளது. இதன் விலை தொடர்புடைய பெட்ரோல் வேரியன்ட்களை விட சுமார் ரூ. 50,000 முதல் ரூ. 1 லட்சம் வரை அதிகமாக இருக்கலாம். இந்த விலை நிர்ணயத்தில் இது இந்திய சந்தையில் உள்ள மற்ற CNG MPV-களுக்குக் கடுமையான போட்டியை ஏற்படுத்தும். இதன் முக்கிய போட்டியாளர்களாக மாருதி சுஸூகி எர்டிகா, மாருதி சுஸூகி XL6 மற்றும் டொயோட்டா ரூமியான் ஆகியவை உள்ளன. மேலும் பிரீமியம் MPV பிரிவில் டொயோட்டா இன்னோவா கிரிஸா -வின் டீசல் மாடல்களுக்கு மாற்றாக குறைவான இயக்கச் செலவு கொண்ட ஒரு ஆப்ஷனாகவும் இது கருதப்படலாம்.
கார்தேக்கோ சொல்வது...
கியா கேரன்ஸ் க்ளாவிஸ் CNG-யின் அறிமுகம் இந்திய MPV சந்தையில் ஒரு முக்கியமான மாற்றத்தைக் கொண்டுவரும். இதுவரை குறைவான இயக்கச் செலவுகளை விரும்புவோருக்கு மாருதி சுஸூகி எர்டிகா அல்லது XL6 மட்டுமே பிரதான தேர்வாக இருந்தது. ஆனால் கியாவின் இந்த புதிய மாடல், பிரீமியம் கேபின் அனுபவம், சிறந்த பாதுகாப்பு அம்சங்கள் மற்றும் ஸ்டைலான வடிவமைப்புடன் CNG -யை இணைக்கிறது. இதன் வெற்றி அதன் இறுதி விலை மற்றும் ARAI சான்றளிக்கப்பட்ட மைலேஜைப் பொறுத்து அமையும். ஒருவேளை சரியான விலையில் அறிமுகப்படுத்தப்பட்டால் இது குடும்பங்கள் மற்றும் வர்த்தகப் பயன்பாட்டாளர்கள் மத்தியில் ஒரு வலுவான இடத்தைப் பிடிக்கும் என்பதில் சந்தேகமில்லை.
