Hyundai Creta N Line vs Hyundai Creta: వ్యత్యాసాల వివరణ

హ్యుందాయ్ క్రెటా యొక్క స్పోర్టియర్ వెర్షన్ అయిన N లైన్ భారతదేశంలో విడుదల అయింది. సాధారణ మోడల్ తో పోలిస్తే, హ్యుందాయ్ క్రెటా N లైన్ అనేక మార్పులతో ప్రవేశపెట్టబడింది, కానీ ఇది 1.5-లీటర్ టర్బో పెట్రోల్ ఇంజన్ ఎంపికతో మాత్రమే అందించబడుతుంది. క్రెటా N లైన్ మరియు క్రెటా యొక్క ప్రామాణిక వెర్షన్ మధ్య వ్యత్యాసం ఎంత ఉందో, మీరు మరింత తెలుసుకోవచ్చు, డిజైన్తో ప్రారంభించి ఏ రకమైన కొనుగోలుదారుకు ఏ వెర్షన్ సరిపోతుందో తెలుసుకుందాం.:

ఎక్ట్సీరియర్ డిజైన్

హ్యుందాయ్ క్రెటా N లైన్ i20 మరియు వెన్యూ వంటి ఇతర N లైన్ మోడళ్ళ మాదిరిగానే రూపొందించబడింది. N లైన్ స్పెసిఫిక్ కలర్ ఎంపికలు, రీడిజైన్ చేసిన గ్రిల్ తో బానెట్ కు బదులుగా గ్రిల్ పై హ్యుందాయ్ లోగో, రెడ్ బ్రేక్ కాలిపర్స్ తో కూడిన పెద్ద 18 అంగుళాల అల్లాయ్ వీల్స్ మరియు పెద్ద రూఫ్ ఇంటిగ్రేటెడ్ స్పాయిలర్ ఉన్నాయి. హ్యుందాయ్ క్రెటా ప్రీ ఫేస్ లిఫ్ట్ యొక్క టర్బో పెట్రోల్ వేరియంట్లను గుర్తుచేసే 'N లైన్' బ్యాడ్జింగ్ మరియు చుట్టూ ఎరుపు యాక్సెంట్ లతో డ్యూయల్ టిప్ ఎగ్జాస్ట్ లను కూడా కలిగి ఉంది. ఇవన్నీ క్రెటా N లైన్ కు సాధారణ మోడల్ కంటే మెరుగైన మరియు స్పోర్టియర్ లుక్ ను ఇస్తాయి.

కానీ రెగ్యులర్ క్రెటా దాని స్వంత డిజైన్ మరియు పర్సనాలిటీలో ఉంటుంది. క్రెటా ఫేస్ లిఫ్ట్ ఈ సంవత్సరం ప్రారంభంలో విడుదల అయింది, ఇది పాత మోడల్ కంటే ఎక్కువ మార్పులను కలిగి ఉంది. కనెక్టెడ్ LED DRLలు, కనెక్టెడ్ టెయిల్ లైట్లు, బచ్ న్యూ గ్రిల్ మరియు మొత్తం స్క్వేర్ డిజైన్ కారణంగా ఇది ఆధునిక ఆకర్షణతో పరిణతి చెందిన రూపాన్ని పొందుతుంది.

విభిన్న క్యాబిన్‌లు

క్రెటా మరియు క్రెటా N లైన్ మధ్య మరొక ప్రధాన వ్యత్యాసం క్యాబిన్ అనుభవం. క్రెటా N లైన్ యొక్క ఇంటీరియర్ మరింత స్పోర్టినెస్ గా కనిపిస్తుంది, డ్యాష్ బోర్డ్ మరియు అప్ హోల్ స్టరీపై రెడ్ స్టిచింగ్ తో క్యాబిన్‌ ఆల్-బ్లాక్ థీమ్ ఉంటుంది. N లైన్ స్పెసిఫిక్ గేర్ నాబ్ మరియు స్టీరింగ్ వీల్ పై కూడా మీరు ఈ రెడ్ ఇన్సర్ట్‌లను చూడవచ్చు. ఈ వెర్షన్ లో స్పోర్టీ లెథరెట్ సీట్లతో 'N' బ్రాండింగ్ కూడా లభిస్తుంది.

వీటితో పాటు రెడ్ యాంబియంట్ లైటింగ్ తో కూడిన డ్యాష్ బోర్డుపై రెడ్ యాక్సెంట్‌లను కూడా లభిస్తాయి.

సాధారణ క్రెటా యొక్క క్యాబిన్ డిజైన్ కూడా ఇదే విధంగా ఉంటుంది, కానీ దీనికి వైట్ షేడ్ ఫినిష్ ఇవ్వబడింది, ఇది చాలా విశాలంగా కనిపిస్తుంది. ఇందులో లెథరెట్ సీట్లు కూడా లభిస్తాయి, కానీ వాటికి రెడ్ యాక్సెంట్‌లు మరియు N లైన్ యొక్క 'N' బ్రాండింగ్ ఉండవు.

కొత్త ఫీచర్లు లేవు

క్రెటా N లైన్ లో ఎటువంటి అదనపు ఫీచర్లు లేవు మరియు రెగ్యులర్ క్రెటా యొక్క టాప్ వేరియంట్లలో ఇవ్వబడిన అన్ని ఫీచర్లు ఇందులో ఉన్నాయి. ఇందులో 10.25 అంగుళాల డిజిటల్ డ్రైవర్ డిస్‌ప్లే, 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, డ్యూయల్ జోన్ క్లైమేట్ కంట్రోల్, పనోరమిక్ సన్రూఫ్, 8 స్పీకర్ల బోస్ సౌండ్ సిస్టమ్, వెంటిలేటెడ్ ఫ్రంట్ సీట్లు, వైర్లెస్ ఫోన్ ఛార్జర్ ఉన్నాయి. క్రెటా N లైన్ N8లో మీకు ఒక అదనపు ఫీచర్ లభిస్తుంది: డ్యూయల్ కెమెరా డాష్ కెమెరా, డ్రైవింగ్ చేసేటప్పుడు రోడ్డు మరియు క్యాబిన్ రెండింటినీ క్యాప్చర్ చేయడానికి మిమ్మల్ని అనుమతించే భద్రతా పరికరం. ప్రమాదం జరిగినప్పుడు ఈ ఫుటేజ్ ఉపయోగపడుతుంది.

ఇది కూడా చదవండి: హ్యుందాయ్ క్రెటా N లైన్ Vs 1.5-లీటర్ టర్బో-పెట్రోల్ ప్రత్యర్థులు: ధర వివరణ

ఇందులో ఆరు ఎయిర్‌బ్యాగ్‌లు, 360 డిగ్రీల కెమెరా, లేన్ డిపార్చర్ వార్నింగ్, లేన్ కీప్ అసిస్ట్, అడాప్టివ్ క్రూయిజ్ కంట్రోల్, ఆటో ఎమర్జెన్సీ బ్రేకింగ్ వంటి ADAS (అడ్వాన్స్ డ్ డ్రైవర్ అసిస్టెన్స్ సిస్టమ్) ఫీచర్లు ఇందులో ఉన్నాయి.

ఇంజిన్ ఎంపికలు

క్రెటా N లైన్ కేవలం ఒక ఇంజిన్ తో అందించబడుతుంది, ఇది దాని విభాగంలో అత్యంత శక్తివంతమైన 1.5-లీటర్ టర్బో-పెట్రోల్ ఇంజన్. రెగ్యులర్ క్రెటాకు కూడా ఈ ఇంజన్ లభిస్తుంది, కానీ DCT ఆటోమేటిక్ ఎంపికతో మాత్రమే లభిస్తుంది.

ఇది కూడా చదవండి: హ్యుందాయ్ క్రెటా N లైన్ వర్సెస్ టర్బో-పెట్రోల్ ప్రత్యర్థులు: క్లెయిమ్ చేసిన ఇంధన సామర్థ్యం

అయితే రెగ్యులర్ క్రెటా 1.5-లీటర్ నేచురల్ ఆస్పిరేటెడ్ పెట్రోల్ మరియు 1.5-లీటర్ డీజల్ ఇంజన్ తో మాన్యువల్ మరియు ఆటోమేటిక్ ట్రాన్స్ మిషన్ ఎంపికలతో లభిస్తుంది.

ధర

హ్యుందాయ్ క్రెటా N లైన్ రెండు వేరియంట్లలో లభిస్తుంది: N8 మరియు N10. టాప్-స్పెక్ వేరియంట్లో మాత్రమే 1.5-లీటర్ టర్బో-పెట్రోల్ ఇంజన్ ను అందించే సాధారణ క్రెటా మాదిరిగా కాకుండా, N లైన్ వెర్షన్ యొక్క దాని రెండు వేరియంట్లలో ఈ ఇంజన్ అందుబాటులో ఉంటుంది. సాధారణ హ్యుందాయ్ క్రెటా యొక్క అదే వేరియంట్లతో పోలిస్తే, N లైన్ యొక్క ఈ వేరియంట్ల ధర రూ.30,000, ఇది సహేతుకమైనది. మాన్యువల్ గేర్ బాక్స్ తో కూడిన టర్బో పెట్రోల్ ఇంజన్ ఎంపిక కారణంగా ఇది చాలా సరసమైన టర్బో పెట్రోల్ కారు.

చివరిగా

కాబట్టి ఈ రెండింటిలో దేనిని కొనుగోలు చేయాలి? మీరు మంచి రోడ్ ప్రెజెన్స్, స్పోర్టీ ఇంటీరియర్స్ మరియు టర్బో పెట్రోల్ ఇంజిన్తో మాన్యువల్ ట్రాన్స్మిషన్ ఉన్న స్పోర్టీ లుక్ కాంపాక్ట్ SUVని కోరుకుంటే, హ్యుందాయ్ క్రెటా N లైన్ మీకు మంచి ఎంపిక. ఇది మాన్యువల్ ట్రాన్స్మిషన్ అనుభవంతో టర్బో-పెట్రోల్ ఇంజిన్ యొక్క సెగ్మెంట్-బెస్ట్ పనితీరును మీకు అందిస్తుంది. కియా సెల్టోస్ వంటి కారులో మీరు ఈ పవర్ట్రెయిన్ సెటప్లను అందించే ఇతరాలు ఉన్నప్పటికీ, క్రెటా N లైన్ రోడ్డుపై ఇతర కాంపాక్ట్ SUV కార్ల కంటే భిన్నమైన అనుభూతిని ఇస్తుంది.

మీకు స్పోర్టీ లుక్స్ లేదా స్పోర్టీ డ్రైవింగ్ అనుభూతిపై ఆసక్తి లేకపోతే, లేదా DCT ఆటోమేటిక్ యొక్క డ్రైవింగ్ సౌలభ్యాన్ని ఇష్టపడితే, రెగ్యులర్ క్రెటా మీకు ఉత్తమ ఎంపిక. ఇది మరింత సరసమైనది మాత్రమే కాదు, ఇది ఎక్కువ ఇంజన్ ఎంపికలను కలిగి ఉంది. దీని డిజైన్ కూడా చాలా ఆధునికమైనది మరియు ప్రీమియం మరియు ఇది N లైన్ మాదిరిగానే ఫీచర్లను కలిగి ఉంది.

మరింత చదవండి: హ్యుందాయ్ క్రెటా N లైన్ ఆన్ రోడ్ ధర