Kia Seltosను అధిగమించే Tata Curvv యొక్క 7 ఫీచర్లు

హ్యుందాయ్ క్రెటా మరియు కియా సెల్టోస్ వంటి కాంపాక్ట్ SUVలకు ప్రత్యామ్నాయంగా టాటా కర్వ్ త్వరలో SUV-కూపేగా పరిచయం చేయబడుతుంది. టాటా దీనిని కర్వ్ EV (ఆగస్టు 7 న మొదట రానుంది) మరియు కర్వ్ ICE వెర్షన్‌లలో (ఇంటర్నల్ కంబషన్ ఇంజిన్) అందిస్తుంది, ఇది కొన్ని సెగ్మెంట్ ఫస్ట్ ఫీచర్లను కూడా పొందుతుంది. సెల్టోస్ కంటే ముందు ఉంచే టాటా కర్వ్ యొక్క 7 ఫీచర్ల జాబితాను ఇక్కడ మేము సిద్ధం చేసాము:

పెద్ద టచ్‌స్క్రీన్ 

టాటా కర్వ్‌కు 12.3-అంగుళాల ఇన్ఫోటైన్‌మెంట్ సిస్టమ్ అందించబడుతుంది, ఇది ఇప్పటికే టాటా SUVలైన నెక్సాన్ EV, హారియర్ మరియు సఫారీలలో అందుబాటులో ఉంది. ఈ ఇన్ఫోటైన్‌మెంట్ సిస్టమ్ వైర్‌లెస్ ఆండ్రాయిడ్ ఆటో మరియు ఆపిల్ కార్‌ప్లే కనెక్టివిటీని సపోర్ట్ చేస్తుంది. మరోవైపు, కియా సెల్టోస్ 10.25-అంగుళాల ఇన్ఫోటైన్‌మెంట్ సిస్టమ్‌ను పొందుతుంది, ఇది వైర్డు కనెక్టివిటీని సపోర్ట్ చేస్తుంది.

డిజిటల్ డ్రైవర్ డిస్‌ప్లేలో మ్యాప్ నావిగేషన్

కియా మరియు టాటా కార్లు రెండూ 10.25-అంగుళాల పూర్తి డిజిటల్ డ్రైవర్ డిస్‌ప్లేతో వస్తాయి, అయితే నెక్సాన్ వంటి కర్వ్ డిస్‌ప్లేలో నావిగేషన్ ఫీడ్‌లు కూడా కనిపిస్తాయి. ఈ ఫీచర్ డ్రైవర్ తన కళ్ళు రోడ్డుపై నుండి మళ్లకుండా నావిగేషన్ సూచనలను చూడటానికి సహాయపడుతుంది.

9-స్పీకర్ సిస్టమ్

పెద్ద తేడా కానప్పటికీ, టాటా కర్వ్ 9-స్పీకర్ JBL సౌండ్ సిస్టమ్‌తో వస్తుంది, ఇందులో ట్వీటర్ మరియు సబ్ వూఫర్ ఉన్నాయి. కియా సెల్టోస్‌లో 8-స్పీకర్ బోస్ సౌండ్ సిస్టమ్ ఉంది. దీంతో సంగీత ప్రియుల ఆడియో అనుభవం కాస్త మెరుగ్గా ఉండొచ్చు.

హిల్ డిసెంట్ కంట్రోల్

హిల్ స్టార్ట్ అసిస్ట్, హిల్ ఎసెంట్ కంట్రోల్ మరియు హిల్ డిసెంట్ కంట్రోల్ వంటి ఫీచర్లను టాటా కర్వ్‌లో కూడా అందించవచ్చు. అయితే కియా సెల్టోస్‌లో హిల్ స్టార్ట్ అసిస్ట్ ఫీచర్ మాత్రమే అందించబడింది.

ఇది కూడా చదవండి: 65వ పుట్టినరోజు సందర్భంగా కొత్త రేంజ్ రోవర్ SV కి ట్రీట్ చేసిన సంజయ్ దత్

పవర్డ్ టెయిల్ గేట్

టాటా కర్వ్ పవర్డ్ టెయిల్‌గేట్‌తో సహా అనేక సౌకర్యవంతమైన ఫీచర్‌లను పొందుతుంది, మీరు బటన్‌ను నొక్కడం ద్వారా ఓపెన్ చేయవచ్చు లేదా క్లోస్ చేయవచ్చు. ఈ ఫీచర్ ఇప్పటికే టాటా హారియర్ మరియు సఫారీలలో అందించబడింది. ఇది అదనపు సౌలభ్యం కోసం గెస్చర్ కంట్రోల్ కూడా కలిగి ఉంటుంది. ఈ ఫీచర్ కియా సెల్టోస్‌లో అందించబడలేదు.

ట్రాఫిక్ సైన్ రికగ్నిషన్

రెండు కార్లలో అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS) అందించబడింది, ఈ రెండూ లేన్ కీప్ అసిస్ట్, ఫార్వర్డ్ కొలిషన్ వార్నింగ్, అడాప్టివ్ క్రూయిజ్ కంట్రోల్ మరియు అటానమస్ ఎమర్జెన్సీ బ్రేకింగ్ వంటి ఫంక్షన్‌లను అందిస్తాయి. అయితే, కర్వ్‌లో అదనపు ఫీచర్‌గా ట్రాఫిక్ సైడ్ రికగ్నిషన్ అందించబడుతుంది.

వెల్‌కమ్ మరియు గుడ్ బై లైట్స్ ఫంక్షనాలిటీ

కొందరు దీనిని జిమ్మిక్కుగా పరిగణించవచ్చు, కారును లాక్ చేస్తున్నప్పుడు లేదా అన్‌లాక్ చేస్తున్నప్పుడు LED DRL మరియు టైల్‌లైట్‌లో ప్లే చేయడం వెల్‌కమ్ మరియు గుడ్ బై యానిమేషన్ గొప్ప ఫీచర్ కావచ్చు. మోడ్రన్ టాటా కార్లలో ఉన్న ఈ ఫీచర్ కర్వ్ లో కూడా అందుబాటులో అందించబడుతుంది. కియా సెల్టోస్ గురించి మాట్లాడుతే, LED లైట్ సెటప్‌లో అలాంటి ఫీచర్ ఏదీ అందుబాటులో లేదు.

మీరు కియా సెల్టోస్ కంటే రాబోయే టాటా కర్వ్‌ ఫీచర్లను ఇష్టపడతారా? కామెంట్స్‌ ద్వారా మాకు తెలియజేయండి.