IIMS 2015-ல் நிசான் X-ட்ரெயில் காட்சிக்கு வந்தது

நிசான் நிறுவனத்தின் நிசான் X-ட்ரெயிலின் மூன்றாவது தலைமுறை கார், தற்போது நடந்து வரும் இந்தோனேஷியா இன்டர்நேஷனல் மோட்டார் ஷோ 2015 (IIMS 2015) அல்லது காய்கின்டோ இந்தோனேஷியா இன்டர்நேஷ்னல் ஆட்டோ ஷோவில் (GIIAS) வெளியிடப்பட்டது. இந்தியாவில் வரும் பண்டிகை காலத்தில் இந்த கார் அறிமுகம் செய்யப்படலாம் என்று ஒரு சமீபத்திய தகவல் தெரிவிக்கிறது. பல தீவுகள் நிறைந்த இந்தோனேஷியாவில் அறிமுகப்படுத்தப்பட்ட இந்த SUV, கடந்த ஆண்டு அந்நாட்டிலுள்ள ஜாவாவின் மேற்கு பகுதியில் உள்ள சிகம்பேக் என்ற இடத்தில் கூட்டி இணைக்கப்பட்டது (அசெம்பிள்). இந்த காரில் மெலிந்த முகப்பு விளக்குகள் (ஹெட்லேம்ப்), ‘V-மோஷன்’ கிரில், C-வடிவிலான பின்புற விளக்குகள் (டெயில்லேம்ப்) மற்றும் D-பில்லர் ஒழுங்கான முறுக்கு (கின்க்) ஆகிய அம்சங்களைக் காண முடிகிறது. இந்த இந்தோனேஷியன் சிறப்பு மாடலில் என்ஜின் தேர்வுகளாக MR20DD 2.0-லிட்டர் நேரடி-உட்புகுத்தும் (டையரேக்ட்-இன்ஜெக்ட்டு) நான்கு-சிலிண்டர் என்ஜின் மூலம் 144 PS மற்றும் 200 Nm அளிக்கிறது. அல்லது QR25DE 2.5-லிட்டர் MPI நான்கு-சிலிண்டர் என்ஜின் மூலம் 171 PS மற்றும் 233 Nm கிடைக்கிறது. QR25DE என்ஜின் உடன் எக்ஸ்ட்ரோனிக் CVT பொருத்தப்பட்டுள்ளது. MR20DD என்ஜின், ஆறு-ஸ்பீடு மேனுவல் டிரான்ஸ்மிஷன் உடன் அல்லது எக்ஸ்ட்ரோனிக் CVT பொருத்தப்பட்ட நிலையில் என இரு தேர்வுகளில் கிடைக்கிறது. இந்தியாவில் இந்த காரில், பெரும்பாலும் 2.0 DCi மோட்டார் உடன் CVT கியர்பாக்ஸ் பொருத்தப்பட்டு அளிக்கப்படலாம். இந்தோனேஷிய சந்தையில் ப்ரென்ட்-வீல் ட்ரைவ் வகை மட்டுமே விற்பனைக்கு கிடைக்கும். AWD வகையை சேர்ந்த வாகனங்கள் விற்பனைக்கு கிடைக்காது.

manish

Published On ஆகஸ்ட் 21, 2015 10:18 ist

published onAug 21, 2015 10:18 IST

last updated onAug 21, 2015 10:18 IST

30 Views