கியா செல்டோஸ் vs டாடா சியரா vs ஹூண்டாய் கிரெட்டா... ரூ.22 லட்சத்துல எந்த SUV பெஸ்ட்?
காம்பாக்ட் SUV பிரிவின் மூன்று போட்டியாளர்கள் ஒரே மாதிரியான அம்சங்கள், பாதுகாப்பு மற்றும் செயல்திறன் ஆகியவற்றை கொண்டுள்ளன.
- ஒரு கருத்தை எழுதுக
இந்தியாவில் பண்டிகைக் காலம் வந்துவிட்டாலே கார் வாங்க இதுதான் சரியான நேரம் என்ற பேச்சு இயல்பாகவே எழுந்துவிடும். மங்களகரமான நேரம் என்பது ஒருபுறமிருக்க இந்தச் சமயத்தில் நிறுவனங்கள் வாரி வழங்கும் சலுகைகளும் தள்ளுபடிகளுமே இதற்கு மிக முக்கியக் காரணம். இந்தச் சலுகை விவரங்களை எங்கள் ஆப் அல்லது இணையதளத்திலேயே நீங்கள் எளிதாகப் பார்த்துக் கொள்ள முடியும். அதேநேரம் இந்தத் தீபாவளிக்கு உங்கள் குடும்பத்திற்கு ஒரு காம்பாக்ட் SUV காரை வாங்கத் திட்டமிட்டிருக்கிறீர்கள் என்றால் எக்ஸ்-ஷோரூம் விலையில் ரூ.22 லட்சத்திற்குள் கியா செல்டோஸ் டாடா சியரா மற்றும் ஹூண்டாய் கிரெட்டா ஆகிய மூன்று கார்கள் தான் சந்தையில் உங்களின் முதன்மைத் தேர்வுகளாக இருக்கின்றன.
இவற்றில் செல்டோஸ் இந்த செக்மெண்டிலேயே மிகவும் நீளமான காராகத் திகழ்கிறது. நவீன தொழில்நுட்ப அம்சங்களில் டாடா சியரா முன்னணியில் நிற்கிறது. ஹூண்டாய் கிரெட்டா எதிலும் குறை வைக்காத ஒரு ஆல்-ரவுண்டராகக் களமிறங்குகிறது. அப்படியானால் உங்கள் குடும்பத்தின் தேவைக்கு இதில் எந்தக் கார் மிகச் சரியாகப் பொருந்தும்? விரிவான ஒப்பீட்டின் மூலம் தெரிந்து கொள்வோம்.
விலை
| மாடல் |
கியா செல்டோஸ் |
டாடா சியாரா |
ஹூண்டாய் கிரெட்டா |
| விலை (எக்ஸ்-ஷோரூம்) |
ரூ.. 11.25 லட்சம் முதல் ரூ. 21.82 லட்சம் |
ரூ. 11.49 லட்சம் முதல் ரூ. 21.59 லட்சம் |
10.91 லட்சம் முதல் ரூ. 20.46 லட்சம் |
-
கியா செல்டோஸ், டாடா சியரா மற்றும் ஹூண்டாய் கிரெட்டா ஆகிய மூன்றுமே ஒரே செக்மெண்டில் மோதுவதால், இவற்றின் ஆரம்ப மற்றும் டாப் வேரியண்ட்டுகளின் விலை நிலவரங்கள் ஒன்றுக்கொன்று மிக நெருக்கமாகவே நிர்ணயிக்கப்பட்டுள்ளன.
-
இந்த வரிசையில், மிகக் குறைந்த ஆரம்ப விலையைக் கொண்டு பட்ஜெட்டுக்கு ஏற்ற தொடக்க நிலை மாடலாக ஹூண்டாய் கிரெட்டா திகழ்கிறது. இதற்கு அடுத்தடுத்த இடங்களில் கியா செல்டோஸ் மற்றும் டாடா சியரா ஆகியவை வருகின்றன.
-
சமீபத்தில் அறிமுகப்படுத்தப்பட்ட புதிய வேரியண்ட்டுகளின் வரவுக்குப் பிறகு, இந்த செக்மெண்டிலேயே மிகவும் விலை உயர்ந்த காராக கியா செல்டோஸ் மாறியுள்ளது. சுமார் ரூ. 30,000 மட்டுமே குறைவாக இருந்து செல்டோஸுக்கு அடுத்த விலையுயர்ந்த காராக சியரா இடம்பிடிக்கிறது. ஆனால், இவற்றின் டாப்-எண்ட் மாடல்களோடு ஒப்பிடுகையில், ஹூண்டாய் கிரெட்டாவின் டாப் வேரியண்ட் ஒரு லட்ச ரூபாய்க்கும் மேல் குறைந்த விலையில் கிடைப்பது கூடுதல் சிறப்பு.
அளவுகள்
| மாடல் | கியா செல்டோஸ் |
டாடா சியாரா |
ஹூண்டாய் கிரெட்டா |
| நீளம் | 4460 mm |
4340 mm |
4330 mm |
| அகலம் | 1830 mm |
1841 mm |
1790 mm |
| உயரம் |
1635 mm |
1715 mm |
1635 mm |
| வீல்பேஸ் |
2690 mm |
2730 mm |
2610 mm |
| பூட் ஸ்பேஸ் |
447 லிட் |
622 லிட்* |
433 லிட் |
*ரூஃப் வரை அளவிடப்பட்டது
-
புதிய தலைமுறை மாற்றத்திற்குப் பிறகு கணிசமாக உருவத்தில் பெரியதாகியுள்ள கியா செல்டோஸ், இந்த மூன்றில் மிக நீளமான காராக வலம் வருகிறது.
-
காரின் நீளத்தைத் தவிர்த்துப் பார்த்தால், செல்டோஸ் மற்றும் கிரெட்டாவை விட உயரம், அகலம் என அனைத்து அளவுகளிலும் டாடா சியராவே மிகப்பெரிய காராகக் காட்சியளிக்கிறது. இதன் வீல்பேஸ் அளவுகூட செல்டோஸை விட அதிகமாக உள்ளது.
-
கிரெட்டா மற்றும் செல்டோஸ் இரண்டுமே ஒரே உயரத்தைக் கொண்டிருந்தாலும்; நீளம், அகலம், வீல்பேஸ் மற்றும் பூட் ஸ்பேஸ் ஆகிய அனைத்திலுமே செல்டோஸை விட கிரெட்டா சற்றே சிறியதாகவே இருக்கிறது.
-
கொடுக்கப்பட்டுள்ள புள்ளிவிவரங்களின்படி டாடா சியராவில் மிக அதிக பூட் ஸ்பேஸ் இருப்பது போலத் தெரிந்தாலும் இது மற்ற கார்களைப் போல இல்லாமல் ரூஃப் வரை கணக்கிடப்பட்ட அளவாகும். இருப்பினும் நடைமுறைப் பயன்பாட்டில் சியராவின் பூட் மிகவும் ஆழமாகவும் அகலமாகவும் அமைக்கப்பட்டிருப்பதால் மற்ற இரண்டு கார்களை விட இதில் அதிக லக்கேஜ்களைத் தாராளமாக வைக்க முடிகிறது. எனவே உங்கள் தீபாவளி ஷாப்பிங் பைகளை நிரப்ப சியராவே மிகவும் பொருத்தமான தேர்வாக இருக்கும்.
அம்சங்கள் & பாதுகாப்பு
| அம்சங்கள் |
கியா செல்டோஸ் |
டாடா சியாரா |
ஹூண்டாய் கிரெட்டா |
| LED Headlamps |
✅ |
✅ |
✅ |
| Auto Headlamps |
✅ |
✅ |
✅ |
| LED DRLs |
✅ |
✅(Connected) |
✅(Connected) |
| LED Front Foglamps |
✅ |
✅ |
❌ |
| Roof Rails |
✅ |
✅ |
✅ |
| LED Taillamps |
✅(Connected) |
✅(Connected) |
✅(Connected) |
| Alloy wheels |
18-inch |
19-inch |
18-inch |
| Ambient lighting |
✅(Multi-colour) |
✅(Multi-colour) |
✅(Single-colour) |
| Powered front seats |
✅ (10-way with lumbar adjustment and memory for driver) |
✅ (6-way driver only with memory and welcome function) |
✅(8-way with memory function for driver) |
| Ventilated front seats |
✅ |
✅ |
✅ |
| Boss mode |
❌ |
✅ (Manual) |
✅ |
| Infotainment |
12.3-inch touchscreen |
12.3-inch touchscreen |
10.25-inch touchscreen |
| Head-up display |
✅ |
✅ |
❌ |
| Wireless Apple CarPlay/Android Auto |
✅ |
✅ |
✅(via adapter) |
| Instrument Cluster |
12.3-inch display |
10.25-inch display |
10.25-inch display |
| Co-driver entertainment screen |
❌ |
✅ |
❌ |
| Wireless Phone Charger |
✅ |
✅ |
✅ |
| Sound system |
8-speaker BOSE sound system |
12-speaker JBL sound system with a sound bar |
7-speaker BOSE audio system |
| Auto-dimming IRVM |
✅ |
✅ |
✅ |
| Cruise Control |
✅(Adaptive) |
✅(Adaptive) |
✅(Adaptive) |
| Automatic Climate Control |
✅(Dual-zone) |
✅(Dual-zone) |
✅(Dual-zone) |
| Air purifier |
✅ |
✅ |
✅ |
| Keyless entry |
✅ |
✅ |
✅ |
| Sunroof |
✅(Panoramic) |
✅(Panoramic) |
✅(Panoramic) |
| Rear sun shade |
✅ |
✅ |
✅ |
| Front and rear centre Armrest |
✅ |
✅ |
✅ |
| Split-folding rear seats |
✅ |
✅ |
✅ |
| Drive Modes |
✅ |
✅ |
✅ |
| Powered tailgate |
❌ |
✅ |
✅ |
| Connected Car Tech |
✅ |
✅ |
✅ |
| Airbags |
6 |
6 |
6 |
| Parking sensoரூ. |
Front and Rear |
Front and Rear |
Front and Rear |
| Parking Camera |
360-degree |
360-degree |
360-degree |
| ESC (electronic stability control) |
✅ |
✅ |
✅ |
| EPB (electronic parking brake) with auto hold |
✅ |
✅ |
✅ |
| Rain Sensing Wipeரூ. |
✅ |
✅ |
✅ |
| All-wheel disc brakes |
✅ |
✅ |
✅ |
| Rear wiper and washer with defogger |
✅ |
✅ |
✅ |
| Hill hold assist |
✅ |
✅ |
✅ |
| TPMS (Tyre Pressure Monitoring System) |
✅ |
✅ |
✅ |
| Dashcam |
✅ |
❌ |
✅ |
| ADAS |
✅(Camera and radar) |
✅(Camera and radar) |
✅(Camera and radar) |
-
சொகுசு அம்சங்கள் மற்றும் நவீன கேஜெட்டுகள் என வரும்போது இந்த மூன்று கார்களுமே ஒன்றையொன்று விஞ்சும் வகையில் சமபலத்துடன் நிற்கின்றன. மிகச் சில நுணுக்கமான விஷயங்கள் மட்டுமே இவற்றை வேறுபடுத்திக் காட்டுகின்றன.
-
அளவில் செல்டோஸ் பெரிய காராக இருந்தாலும் டாடா சியரா கம்பீரமான 19 இன்ச் அலாய் வீல்களுடன் களமிறங்கி தனித்துத் தெரிகிறது.
-
கிரெட்டாவுடன் ஒப்பிடும்போது எல்இடி ஃபிரண்ட் ஃபாக் லேம்ப்கள், மல்டி கலர் ஆம்பியன்ட் லைட்டிங், கூடுதல் அடாப்டர் தேவையில்லாத நேரடி வயர்லெஸ் Android Auto / Apple CarPlay வசதி மற்றும் ஹெட்-அப் டிஸ்பிளே போன்ற சிறப்பம்சங்கள் செல்டோஸ் மற்றும் சியராவில் கூடுதலாகக் கிடைக்கின்றன.
-
பின் இருக்கையில் அமர்ந்தபடியே முன் பயணியின் இருக்கையை நகர்த்திக்கொள்ள உதவும் ‘பாஸ் மோட்’ வசதி கிரெட்டா மற்றும் சியராவில் வழங்கப்பட்டுள்ளது. இந்த வசதி செல்டோஸில் இடம்பெறவில்லை.
-
காரில் பயணிக்கும் சக பயணிக்கென பிரத்யேகமாக வழங்கப்பட்டுள்ள என்டர்டெயின்மெண்ட் ஸ்கிரீன் மற்றும் உயர்தர ஆடியோ சிஸ்டம் ஆகியவற்றின் மூலம் பொழுதுபோக்கு அம்சங்களில் சியரா மற்ற இரண்டு கார்களையும் விட வெகுவாக முந்துகிறது.
-
சியராவில் இல்லாத ஒரே முக்கியக் குறை டேஷ்கேம் மட்டுமே. ஆனால் இந்த வசதி கிரெட்டா மற்றும் செல்டோஸ் ஆகிய இரண்டிலுமே பேக்டரி ஃபிட்டடாகக் கிடைக்கிறது.
-
பண்டிகைக் கால இரவுகளில் நகரின் வண்ண விளக்குகளைக் கண்டு ரசிக்க ஏதுவாக மூன்றிலுமே பனோரமிக் சன்ரூஃப் கொடுக்கப்பட்டுள்ளது. காரின் கேபினுக்குள் வண்ணமயமான சூழலை உருவாக்க மூன்றிலும் ஆம்பியன்ட் லைட்டிங் இருந்தாலும், தீபாவளி கொண்டாட்ட மனநிலைக்கு ஏற்ப வண்ணங்களை மாற்றிக்கொள்ளும் மல்டி கலர் வசதி செல்டோஸ் மற்றும் சியராவில் மட்டுமே உண்டு.
-
தீபாவளி பண்டிகையின்போது ஏற்படும் கடுமையான காற்று மாசுபாட்டிலிருந்து பயணிகளைப் பாதுகாக்க இந்த மூன்று கார்களிலுமே தரமான ஏர் பியூரிஃபையர் கொடுக்கப்பட்டுள்ளது மிகவும் பயனுள்ள விஷயம்.
பவர்டிரெயின் ஆப்ஷன்கள்
| மாடல் | கியா செல்டோஸ் |
டாடா சியாரா |
ஹூண்டாய் கிரெட்டா |
||||||
| இன்ஜின் | 1.5 லிட்டர் நேச்சுரலி அஸ்பிரேட்டட் பெட்ரோல் |
1.5-லிட் டர்போ-பெட்ரோல் |
1.5-லிட் டீசல் |
1.5 லிட்டர் நேச்சுரலி அஸ்பிரேட்டட் பெட்ரோல் |
1.5-லிட் T-GDI (டேரக்ட் இன்ஜெக்ஷன் டர்போ-பெட்ரோல்) |
1.5-லிட் டீசல் engine |
1.5 லிட்டர் நேச்சுரலி அஸ்பிரேட்டட் பெட்ரோல் |
1.5-லிட் டர்போ-பெட்ரோல் |
1.5-லிட் டீசல் |
| பவர் |
115 PS |
160 PS |
116 PS |
106 PS |
160 PS |
118 PS |
115 PS |
160 PS |
116 PS |
| டார்க் | 144 Nm |
253 Nm |
250 Nm |
145 Nm |
255 Nm |
260 Nm (MT), 280 Nm (AT) |
144 Nm |
253 Nm |
250 Nm |
| டிரான்ஸ்மிஷன் | 6-ஸ்பீடு MT/CVT^ |
6-ஸ்பீடு iMT** / 7-ஸ்பீடு DCT* |
6-ஸ்பீடு MT / 6-ஸ்பீடு AT^^ |
6-ஸ்பீடு MT, 7-ஸ்பீடு DCT* |
6-ஸ்பீடு AT |
6-ஸ்பீடு MT, 6-ஸ்பீடு AT |
6-ஸ்பீடு MT/CVT^ |
7-ஸ்பீடு DCT* |
6-ஸ்பீடு MT / 6-ஸ்பீடு AT^^ |
குறிப்பு: AT = டார்க் கன்வெர்ட்டர் ஆட்டோமேட்டிக், DCT = டூயல் கிளட்ச் ஆட்டோமேட்டிக், CVT = கன்டினியூவஸ்லி வேரியபிள் டிரான்ஸ்மிஷன், iMT = கிளட்ச் இல்லாத மேனுவல்
-
மூன்று கார்களிலுமே நேச்சுரலி அஸ்பிரேட்டட் பெட்ரோல், டர்போ பெட்ரோல் மற்றும் டீசல் என வாடிக்கையாளர்களின் அனைத்துத் தேவைகளுக்கும் ஏற்றவாறு ஒரே மாதிரியான இன்ஜின் தேர்வுகள் வழங்கப்பட்டுள்ளன.
-
ஹூண்டாய் கிரெட்டா மற்றும் கியா செல்டோஸ் ஆகிய இரண்டுமே ஒரே மாதிரியான இன்ஜின்களைப் பகிர்ந்து கொள்கின்றன. ஒரேயொரு வித்தியாசம் என்னவென்றால் கிரெட்டாவின் டர்போ பெட்ரோல் மாடலில் 7 ஸ்பீடு DCT மட்டுமே கிடைக்கும், இதில் செல்டோஸில் உள்ளதைப் போன்ற 6 ஸ்பீடு iMT தேர்வு கிடையாது.
-
பண்டிகை நெரிசல் மிகுந்த நகரப் பகுதிகளில் தினசரி பயணங்களுக்குப் பயன்படுத்துவதற்கு இந்த மூன்று கார்களின் நேச்சுரலி அஸ்பிரேட்டட் பெட்ரோல் மாடல்களே போதுமானவை. இவற்றின் செயல்திறன் கிட்டத்தட்ட ஒரே அளவிலேயே இருக்கிறது. ஹூண்டாய் மற்றும் கியா கார்கள் சற்றே கூடுதல் குதிரைத்திறனையும், சியரா இன்ஜின் கூடுதல் டார்க்கையும் வெளிப்படுத்துகின்றன.
-
நீங்கள் நெடுஞ்சாலைகளில் விறுவிறுப்பாகவும் உற்சாகமாகவும் காரை ஓட்ட விரும்பினால் டர்போ பெட்ரோல் இன்ஜின்களே சரியான சாய்ஸ். கிளட்ச் மிதிக்காமல் ஆனால் மேனுவல் கியர் மாற்றும் த்ரில்லை அனுபவிக்க செல்டோஸின் iMT கியர்பாக்ஸ் மிகச் சிறந்த அனுபவத்தைத் தரும். ஒருவேளை முழுமையான ஆட்டோமேட்டிக் கார் வேண்டும் என்றால் சியராவின் டார்க் கன்வெர்ட்டரை விட ஹூண்டாய் மற்றும் கியாவின் DCT கியர்பாக்ஸ் மிகவும் விறுவிறுப்பாகவும் வேகமாகவும் செயல்படுகிறது.
-
அதேபோல் மூன்று கார்களின் டீசல் இன்ஜின் ஆற்றல் மற்றும் கியர்பாக்ஸ் தேர்வுகளும் கிட்டத்தட்ட ஒரே மாதிரியாகவே நீடிக்கின்றன.
கார்தேக்கோ சொல்வது...
வெளிப்படையாகச் சொல்லப் போனால் இந்த மூன்றில் எந்தக் காரைத் தேர்ந்தெடுத்தாலும் அது நிச்சயம் தவறான முடிவாக இருக்காது. உங்கள் தனிப்பட்ட விருப்பத்திற்கு ஏற்பத் தேர்ந்தெடுக்கும் வகையில் ஏராளமான வேரியண்ட்டுகள் மற்றும் பவர்டிரெயின் ஆப்ஷன்களுடன் வரும் இந்த மூன்றுமே சிறந்த குடும்ப காம்பாக்ட் SUV-கள் என்பதில் சந்தேகமில்லை. இருப்பினும் ஒவ்வொன்றிலும் சில தனித்துவமான சாதக பாதகங்கள் உள்ளன.
ஹூண்டாய் கிரெட்டா எந்தக் குறையும் சொல்ல முடியாத ஒரு பக்காவான ஆல்-ரவுண்டர். இது எந்தவொரு குறிப்பிட்ட அம்சத்திலும் உச்சத்தைத் தொடவில்லை என்றாலும், எதிலும் பின்தங்கிவிடவும் இல்லை. ஆனால் கிரெட்டாவின் அடுத்த தலைமுறை மாடல் மிக விரைவில் சந்தைக்கு வரவிருக்கிறது. எனவே இப்போது நீங்கள் வாங்கும் புத்தம் புதிய கார் குறுகிய காலத்திலேயே பழைய மாடலாக மாறிவிடும் வாய்ப்புள்ளது. அது உங்களுக்கு ஒரு பெரிய விஷயம் இல்லை என்றால் தாராளமாக கிரெட்டாவை உங்கள் முதல் தேர்வாகக் கருதலாம்.
கியா செல்டோஸ் இந்த செக்மெண்டின் ஒரு அளவுகோலாகவே விளங்குகிறது. இதன் கவர்ச்சிகரமான காகித விவரக்குறிப்புகளை விட இந்தக் கார் கட்டமைக்கப்பட்டுள்ள விதமே இதற்கு முக்கியக் காரணம். ஷோரூமுக்குச் சென்று ஒரு டெஸ்ட் டிரைவ் எடுத்து, அதன் கேபினில் சிறிது நேரம் அமர்ந்து பார்த்தால் மட்டுமே இதன் தரமான இன்டீரியர் மெட்டீரியல்களையும், கச்சிதமான வடிவமைப்பையும் முழுமையாக உணர முடியும். எனவே இந்தத் தீபாவளிக்குத் தனித்துவமான தோற்றம், சொகுசான இன்டீரியர், நவீன டெக்னாலஜி மற்றும் உறுதியான பாதுகாப்பு ஆகியவற்றை விரும்புபவர்களுக்கு கியா செல்டோஸ் மிகச் சிறந்த அடையாளமாகத் திகழும்.
இறுதியாக தோற்றம் வடிவமைப்பு மற்றும் பொழுதுபோக்கு அம்சங்களில் தனக்கென ஒரு தனி முத்திரையைப் பதிக்கிறது டாடா சியரா. இந்த செக்மெண்டிலேயே அதிக வசதிகள் கொண்ட காராக இதை மாற்ற டாடா எந்தக் குறையும் வைக்கவில்லை என்பது காரைப் பார்த்தாலே புரிகிறது. அதையும் தாண்டி தாராளமான இடவசதி, அசத்தலான சவாரி சுகம் மற்றும் பல்வேறு பவர்டிரெயின் தேர்வுகளைக் கொண்ட ஒரு கம்பீரமான காராக சியரா மிளிர்கிறது.
எனவே காகிதத்தில் உள்ள விவரக்குறிப்புகளை மட்டும் வைத்து இந்த மூன்றில் ஒரு காரை வெற்றியாளராக அறிவித்துவிட முடியாது. உங்களுக்குப் பிடித்த காரைத் தேர்வுசெய்து உங்கள் அருகிலுள்ள டீலர்ஷிப்பில் கிடைக்கும் ஆகச்சிறந்த பண்டிகைக் கால சலுகைகளைத் தெரிந்துகொள்ள அந்தந்தக் கார்களின் பிரத்யேகப் பக்கங்களைப் பார்வையிடுமாறு பரிந்துரைக்கிறோம்.
