தீபாவளிக்கு முன் அதிரடியாக களமிறங்கும் மஹிந்திரா தார் ஃபேஸ்லிஃப்ட்— அப்டேட்டில் என்ன மாற்றங்கள் இருக்கும் ?
ஃபேஸ்லிஃப்ட் செய்யப்பட்ட தார் மாடலில் புதிய அலாய் வீல்கள் மற்றும் முழுமையான LED விளக்குகள் கூட இடம்பெறலாம்.
- ஒரு கருத்தை எழுதுக
வரவிருக்கும் மஹிந்திரா தார் ஃபேஸ்லிஃப்ட்டின் புதிய டெஸ்ட் மாடல் மீண்டும் சோதனை ஓட்டத்தில் காணப்பட்டுள்ளது. இது பண்டிகைக் காலத்திற்கு முன்பே அறிமுகம் செய்யப்படலாம் என்பதை உறுதி செய்கிறது. இந்த அப்டேட் செய்யப்பட்ட மாடல், புதிய டிசைன் மற்றும் கூடுதல் ஃபீச்சர்ஸ்களுடன் வரவிருக்கிறது. இதனால், தற்போது தார் வாங்கத் திட்டமிடுபவர்களுக்கு ஒரு முக்கியமான கேள்வி எழுகிறது: புதிய மாடலுக்காக காத்திருப்பதா அல்லது தற்போதைய மாடலை வாங்குவதா? கண்டுபிடிக்கலாம் வாருங்கள் !
என்னென்ன மாற்றங்களைக் காணலாம்?
சமீபத்தில் மகாராஷ்டிரா நெடுஞ்சாலைகளில் சோதனை செய்யப்பட்ட புதிய தார் -ன் புகைப்படங்கள் சில முக்கிய வெளிப்புற மாற்றங்களை வெளிப்படுத்தியுள்ளன. இதில் மிகவும் கவனிக்கத்தக்கது அதன் மறுவடிவமைப்பு செய்யப்பட்ட பம்பர்கள் மற்றும் தார் ராக்ஸ் மாடலில் காணப்பட்டதைப் போன்ற புதிய LED ஹெட்லேம்ப்ஸ். இது முன்பை விட காருக்கு ஒரு நவீன தோற்றத்தை அளிக்கிறது.
மேலும் புதிய டிசைனில் அலாய் வீல்கள் மற்றும் முழுமையான LED லைட்டிங் சிஸ்டம் (ஹெட்லேம்ப்ஸ், டெயில் லேம்ப்ஸ் மற்றும் ஃபாக் லேம்ப்ஸ்) கொடுக்கப்பட்டுள்ளன. இந்த மாற்றங்கள் தார் -ன் கரடுமுரடான தோற்றத்தை மேம்படுத்துவதோடு சாலையில் அதன் இருப்பை இன்னும் வலுவாக்கும்.
*தார் ராக்ஸ் டெயில்லேம்ப் எடுத்துக்காட்டுக்காக பயன்படுத்தப்பட்டுள்ளது.
மஹிந்திரா தார் ஃபேஸ்லிஃப்ட்: வசதிகள் & பாதுகாப்பு
புதிய தார் -ன் மிகப்பெரிய அப்டேட் அதன் கேபினில்தான் இருக்கப் போகிறது. எதிர்பார்க்கப்படும் அம்சங்கள் பட்டியலில் டிஜிட்டல் டிரைவர் டிஸ்ப்ளே, வென்டிலேட்டட் முன்பக்க சீட்கள், மற்றும் லெதரெட் அப்ஹோல்ஸ்டரி ஆகியவை அடங்கும். இவை பயண அனுபவத்தை மேலும் சொகுசாக மாற்றும்.
பாதுகாப்பைப் பொறுத்தவரையில் மஹிந்திரா ஒரு பெரிய பாய்ச்சலை எடுக்கிறது. இதில் 540-டிகிரி கேமரா மற்றும் அட்வான்ஸ்டு டிரைவர் அசிஸ்டன்ஸ் சிஸ்டம்ஸ் (ADAS) தொழில்நுட்பம் சேர்க்கப்படும் என எதிர்பார்க்கப்படுகிறது. இது இந்த செக்மென்டில் ஒரு முக்கிய அப்டேட்டாக இருக்கும். மேலும், வாடிக்கையாளர்களின் விருப்பத்திற்கேற்ப சாஃப்ட்-டாப் ஆப்ஷன் மீண்டும் அறிமுகப்படுத்தப்படலாம் என்றும் தகவல்கள் தெரிவிக்கின்றன.
பாதுகாப்பைப் பொறுத்தவரையில் தற்போதைய தார் காரில் இரட்டை ஏர்பேக்குகள், EBD உடன் கூடிய ABS, எலக்ட்ரானிக் ஸ்டெபிலிட்டி புரோகிராம் (ESP), டயர் பிரஷர் மானிட்டரிங் சிஸ்டம் (TPMS), பின்புறக் காட்சி கேமரா, பின்புற பார்க்கிங் சென்சார்கள் மற்றும் உள்ளமைக்கப்பட்ட ரோல் கேஜ் ஆகியவை உள்ளன. ஃபேஸ்லிஃப்ட் மாடலில், 540-டிகிரி கேமரா, ADAS தொழில்நுட்பம் மற்றும் முன்புற பார்க்கிங் சென்சார்கள் இடம்பெறும் என எதிர்பார்க்கப்படுகிறது.
மஹிந்திரா தார் ஃபேஸ்லிஃப்ட்: பவர்டிரெய்ன்
செயல்திறனைப் பொறுத்தவரையில் மஹிந்திரா எந்த மாற்றத்தையும் செய்யவில்லை. தற்போதைய மாடலில் உள்ள அதே நம்பகமான இன்ஜின் ஆப்ஷன்கள் புதிய ஃபேஸ்லிஃப்ட் மாடலிலும் தொடரும். இதில் மூன்று இன்ஜின் தேர்வுகள் அடங்கும். இந்த இன்ஜின்கள் ஆஃப்-ரோடு மற்றும் ஆன்-ரோடு இரண்டிலுமே தங்களை நிரூபித்தவை. எனவே, பர்ஃபாமென்ஸில் எந்த குறையும் இருக்காது.
| இன்ஜின் |
1.5-லி டீசல் |
2-லி டர்போ பெட்ரோல் |
2.2-லி டீசல் |
| டிரான்ஸ்மிஷன் |
6-ஸ்பீடு MT |
6-ஸ்பீடு MT / 6-ஸ்பீடு AT |
6-ஸ்பீடு MT / 6-ஸ்பீடு AT |
| பவர் (PS) |
118 PS |
152 PS |
132 PS |
| டார்க் (Nm) |
300 Nm |
300 Nm (MT) / 320 Nm (AT) |
300 Nm |
| டிரைவ்டிரெயின் |
ரியர்-வீல் டிரைவ் |
ஃபோர்-வீல் டிரைவ் |
ரியர்-வீல் டிரைவ் |
*MT- மேனுவல் டிரான்ஸ்மிஷன், AT- ஆட்டோமெட்டிக் டிரான்ஸ்மிஷன்
மஹிந்திரா தார் ஃபேஸ்லிஃப்ட்: எதிர்பார்க்கப்படும் அறிமுகம், விலை & போட்டியாளர்கள்
இந்த புதிய மஹிந்திரா தார் ஃபேஸ்லிஃப்ட், இந்த ஆண்டு பண்டிகைக் காலத்திற்கு (தீபாவளிக்கு) முன்னதாக அறிமுகம் செய்யப்படும் என எதிர்பார்க்கப்படுகிறது. புதிய அம்சங்கள் மற்றும் டிசைன் மாற்றங்கள் காரணமாக இதன் விலையில் சிறிய ஏற்றம் இருக்கும். தற்போதைய மாடலை விட சுமார் ரூ. 25,000 முதல் ரூ. 50,000 வரை விலை அதிகமாக இருக்கலாம். தற்போது, மஹிந்திரா தார்-இன் ஆரம்ப விலை ரூ. 9.99 லட்சம் (எக்ஸ்-ஷோரூம்) ஆக உள்ளது. சந்தையில் இது ஃபோர்ஸ் கூர்க்கா போன்ற ஆஃப்-ரோடு SUV-க்களுக்கு தொடர்ந்து கடுமையான போட்டியை அளிக்கும்.
கார்தேக்கோ சொல்வது...
இப்போது முக்கிய கேள்விக்கு வருவோம். புதிய தார்-க்காக காத்திருக்கலாமா அல்லது தற்போதைய மாடலை வாங்கலாமா?
நீங்கள் லேட்டஸ்ட் டெக்னாலஜி, ADAS போன்ற மேம்பட்ட பாதுகாப்பு அம்சங்கள் மற்றும் வென்டிலேட்டட் சீட்கள் போன்ற சொகுசு வசதிகளை விரும்பும் ஒருவராக இருந்தால் நிச்சயமாக புதிய ஃபேஸ்லிஃப்ட் மாடலுக்காக காத்திருப்பது ஒரு சிறந்த முடிவாக இருக்கும். கொடுக்கப்படும் கூடுதல் அம்சங்களுக்கு எதிர்பார்க்கப்படும் விலை உயர்வு நியாயமானதாகவே தெரிகிறது.
மறுபுறம் உங்களுடைய முக்கிய தேவையான ஆஃப்-ரோடு அனுபவம் மற்றும் தார்-இன் கிளாசிக் தோற்றம் என்றால் தற்போதைய மாடலே ஒரு சிறந்த தேர்வாக இருக்கும். ஃபேஸ்லிஃப்ட் அறிமுகத்திற்கு முன்னதாக டீலர்கள் தற்போதைய மாடல்களுக்கு நல்ல தள்ளுபடிகளை வழங்க வாய்ப்புள்ளது. இன்ஜின் மற்றும் ஆஃப்-ரோடு திறன்களில் எந்த மாற்றமும் இல்லாததால் தற்போதைய தார் இன்னும் ஒரு வலிமையான ஆப்ஷனாகவே உள்ளது. உங்கள் முன்னுரிமையைப் பொறுத்து முடிவெடுங்கள்.
உங்கள் கருத்து என்ன? கீழே கமென்ட்ஸில் எங்களுக்குத் தெரியப்படுத்துங்கள்
