2026 ஹோண்டா எலிவேட் ZX பிளஸ் டாப் வேரியண்ட்ல அப்படி என்னதான் இருக்கு? விரிவான தகவல்கள் இங்கே!
புதிய எலிவேட் ஃபேஸ்லிஃப்ட்டில் வழங்கப்பட்டுள்ள மிக முக்கியமான பாதுகாப்பு அம்சங்களில் ஒன்றை இந்த ZX பிளஸ் வேரியண்ட் கூடுதலாகக் கொண்டுள்ளது!
- ஒரு கருத்தை எழுதுக
இந்தியாவில் காம்பாக்ட் எஸ்யூவி செக்மெண்ட் கடுமையான போட்டி நிறைந்த ஒன்றாக உள்ளது. இதில் களம் இறங்கும் ஒவ்வொரு நிறுவனமும் போட்டி போட்டுக்கொண்டு ஏராளமான நவீன வசதிகளையும் இன்ஜின் தேர்வுகளையும் வழங்கி வருகின்றன. இந்த நிலையில், ஹோண்டா நிறுவனம் தனது ஒரே காம்பாக்ட் எஸ்யூவி மாடலான 'எலிவேட்' காரை ஃபேஸ்லிஃப்ட் செய்து ரூ.11.80 லட்சம் (எக்ஸ்-ஷோரூம்) என்ற ஆரம்ப விலையில் சந்தையில் அறிமுகப்படுத்தியுள்ளது.
புதிய முகப்பு வடிவமைப்பு கூடுதல் வசதிகள் மற்றும் புதுப்பித்த நிறங்களுடன் வந்துள்ள இந்த எலிவேட் ஃபேஸ்லிஃப்ட் கார் SV, V, VX, ZX, ZX Plus மற்றும் ZX Plus Black என மொத்தம் 6 வேரியண்ட்களில் கிடைக்கிறது. இதில் டாப்-எண்ட் மாடலான ZX பிளஸ் (ZX Plus) வேரியண்ட்டை விரிவாக ஆராய்ந்து கூடுதல் பட்ஜெட் ஒதுக்கி இதை வாங்குவது உண்மையிலேயே தகுதியானதா என்பதை இந்தப் பதிவில் காண்போம்.
வெளிப்புற வடிவமைப்பு
புதிய எலிவேட் காரின் ஒட்டுமொத்த டிசைன் முந்தைய மாடலைப் போலவே இருந்தாலும் வெளிப்புறத்தில் சில நுட்பமான புதுமைகளும் மாற்றங்களும் செய்யப்பட்டுள்ளன.
முன்பக்கத்தைப் பொறுத்தவரை ZX பிளஸ் வேரியண்ட் இதற்கு கீழ் உள்ள ZX வேரியண்ட்டை ஒத்தே காணப்படுகிறது. இதில் LED டிஆர்எல்களுடன் கூடிய கூர்மையான LED ஹெட்லைட்கள், முன்பக்க பார்க்கிங் சென்சார்கள் மற்றும் மையப்பகுதியில் 360-டிகிரி கேமரா பொருத்தப்பட்ட புதிய கிரில் டிசைன் ஆகியவை இடம் பெற்றுள்ளன. மேலும் காரின் பம்பரில் பாடி கலர் எலிமென்ட்களுடன் கூடிய எல்இடி ஃபாக் லேம்ப்களும், காரை மேலும் ரக்டு மற்றும் கம்பீரமாகக் காட்டும் சில்வர் நிற ஸ்கிட் பிளேட்டும் சேர்க்கப்பட்டுள்ளன.
பக்கவாட்டு தோற்றத்தில் ZX பிளஸ் மாடலானது ZX வேரியண்ட்டைப் போலவே பாக்ஸி அமைப்பைக் கொண்டுள்ளது. பிளாக்-அவுட் B-பில்லர், பாடி கலர் டோர் ஹேண்டில்கள், டர்ன் இன்டிகேட்டர்களுடன் கூடிய ORVM கண்ணாடிகள், பிளாக் வீல் ஆர்ச் கிளாடிங், கீழ் பகுதியில் பிளாக் பேனல்கள் மற்றும் 17-இன்ச் டூயல்-டோன் அலாய் வீல்கள் ஆகியவை இதற்கு கூடுதல் அழகைச் சேர்க்கின்றன.
பின்புறத்திலும் கீழ் வேரியண்ட்களைப் போலவே தற்போதைய ட்ரெண்டிற்கு ஏற்ப கனெக்டட் எல்இடி டெயில் லேம்ப்கள் கொடுக்கப்பட்டுள்ளன. சில்வர் இன்ஸர்ட்டுகளுடன் கூடிய வடிவிலான பம்பர், ரியர் வைப்பர், வாஷர் மற்றும் டிஃபாக்கர் வசதிகளும் இதில் உள்ளன.
மொத்தத்தில் இந்த டாப்-எண்ட் வேரியண்ட் எலிவேட் காரை மேலும் கரடுமுரடான மற்றும் முரட்டுத்தனமான டிசைன் கொண்ட ஒரு சிறந்த எஸ்யூவியாக மாற்றுகிறது.
வண்ணத் தேர்வுகள்
ஹோண்டா எலிவேட் ZX பிளஸ் மாடலானது ரேடியன்ட் ரெட் மெட்டாலிக், பிரிஸ்டைன் வொயிட் பேர்ல், நார்டிக் ஃபாரஸ்ட் பேர்ல், கிறிஸ்டல் பிளாக் பேர்ல், அப்சிடியன் புளூ பேர்ல் மற்றும் மெட்டியராய்டு கிரே மெட்டாலிக் என 7 ஒற்றை வண்ணங்களில் கிடைக்கிறது.
மேலும் நார்டிக் ஃபாரஸ்ட் பேர்ல், பிளாட்டினம் வொயிட் பேர்ல் மற்றும் ரேடியன்ட் ரெட் மெட்டாலிக் ஆகிய நிறங்களுக்கு பிளாக் ரூஃப் கொண்ட டூயல்-டோன் ஆப்ஷனையும் ஹோண்டா வழங்குகிறது. ஒவ்வொரு நிறமும் எந்தெந்த வேரியண்ட்டில் எப்படிக் கிடைக்கிறது என்பதை அறிய எங்களது பிரத்யேக வண்ணப் பிரிவைப் பார்க்கவும்.
உட்புற வடிவமைப்பு
புதிய எலிவேட் காரின் இன்டீரியர் முந்தைய மாடலை போலவே இருக்கிறது. ஏசி வென்ட்கள், டாஷ்போர்டு ட்ரிம், ஆம்பியன்ட் லைட்டிங் மற்றும் சீட் லெதரைட் அமைப்புகளில் சிறிய டிசைன் மாற்றங்கள் மட்டுமே செய்யப்பட்டுள்ளன. இந்த ZX பிளஸ் வேரியண்ட்டின் கேபின், கீழ் நிலை ZX மாடலைப் போலவே எளிமையான மற்றும் நேர்த்தியான தோற்றத்தைக் கொண்டுள்ளது. டாஷ்போர்டு டோர் பேனல்கள் மற்றும் முன்பக்க ஆர்ம்ரெஸ்ட் ஆகியவற்றில் சாஃப்ட்-டச் மெட்டீரியல்கள் பயன்படுத்தப்பட்டுள்ளன.
அப்கிரேடுடன் வந்துள்ள இந்த எலிவேட் கார் எப்போதும் போல தாராளமான ஸ்டோரேஜ் இடவசதிகளுடன் கூடிய நடைமுறைக்கு ஏற்ற கேபினைக் கொண்டுள்ளது. மேலும் இந்த ZX பிளஸ் மாடலில் எலிவேட் வழங்கிடக்கூடிய அனைத்து நவீன வசதிகளும் முழுமையாக இடம் பெற்றுள்ளன.
நவீன வசதிகள்
வசதிகளைப் பொறுத்தவரை சந்தையில் அதிகம் பேசப்படும் பின்புற இருக்கைகளுக்கான வென்டிலேஷன், 8-வே பவர்டு டிரைவர் சீட் மற்றும் 4-வே பவர்டு கோ-டிரைவர் சீட் ஆகியவற்றை இந்த ZX பிளஸ் வேரியண்ட்டில் ஹோண்டா புதிதாகச் சேர்த்துள்ளது.
இவை தவிர வயர்லெஸ் ஆண்ட்ராய்டு ஆட்டோ / ஆப்பிள் கார்ப்ளே வசதியுடன் கூடிய 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், செமி-டிஜிட்டல் டிரைவர் டிஸ்ப்ளே, சிங்கிள்-பேன் சன்ரூஃப், ஆட்டோமேட்டிக் கிளைமேட் கன்ட்ரோல், வயர்லெஸ் போன் சார்ஜர், பிரீமியம் 8-ஸ்பீக்கர் சவுண்ட் சிஸ்டம், முன்பக்க வென்டிலேட்டட் சீட்கள் மற்றும் காரை விட்டு தள்ளிச் சென்றால் தானாகப் பூட்டிக்கொள்ளும் வாக்-அவே ஆட்டோ லாக் (Walk-away auto lock) போன்ற அத்தியாவசிய அம்சங்களும் தொடர்கின்றன.
பாதுகாப்பு
ZX பிளஸ் வேரியண்ட்டில் 360-டிகிரி கேமரா, பிளைண்ட்-வியூ மானிட்டர் மற்றும் முன்பக்க பார்க்கிங் சென்சார்கள் சேர்க்கப்பட்டுள்ளன. இவை கீழ் நிலை வேரியண்ட்களை விட இந்த காருக்கு கூடுதல் பாதுகாப்பை உறுதி செய்கின்றன.
மேலும் மேம்படுத்தப்பட்ட லெவல்-2 அடாஸ் (ADAS) பாதுகாப்புத் தொகுப்பு, 6 ஏர்பேக்குகள், எலக்ட்ரானிக் ஸ்டெபிலிட்டி கன்ட்ரோல் (ESC), டயர் பிரஷர் மானிட்டரிங் சிஸ்டம் (TPMS), ஹில் ஹோல்ட் அசிஸ்ட், பின்பக்க பார்க்கிங் சென்சார்கள், லேன் வாட்ச் கேமரா, எலக்ட்ரானிக் பார்க்கிங் பிரேக் (EPB - CVT மாடலில் மட்டும்) மற்றும் ISOFIX சைல்டு சீட் மவுண்ட்கள் ஆகியவை இதன் பாதுகாப்புப் பட்டியலில் இடம் பெற்றுள்ளன.
கீழ் நிலை வேரியண்ட்களில் என்னென்ன வசதிகள் உள்ளன என்பதைப் தெரிந்துகொள்ள எங்களது வேரியண்ட் விளக்கப் பதிவைப் பார்வையிடலாம்.
பவர்டிரெயின் ஆப்ஷன்கள்
எலிவேட் ஃபேஸ்லிஃப்ட் மாடலில் அதே பழைய 1.5-லிட்டர் நேச்சுரலி ஆஸ்பிரேட்டட் பெட்ரோல் இன்ஜினே வழங்கப்பட்டுள்ளது. இதில் மேனுவல் மற்றும் CVT ஆட்டோமேட்டிக் கியர்பாக்ஸ் தேர்வுகள் உள்ளன.
கூடுதல் விவரங்கள்:
| இன்ஜின் |
1.5-litre naturally aspirated petrol |
| பவர் |
121 PS |
| டார்க் |
145 Nm |
| டிரான்ஸ்மிஷன் |
6-speed MT/ CVT |
| மைலேஜ் (ARAI-claimed) |
15.31 kmpl (MT)/16.61 kmpl (CVT) |
MT- மேனுவல் டிரான்ஸ்மிஷன், CVT- கன்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்)
விலை மற்றும் போட்டியாளர்கள்
எலிவேட் ZX பிளஸ் வேரியண்ட்டின் ஆரம்ப விலை மேனுவல் கியர்பாக்ஸுக்கு ரூ. 16.80 லட்சம் (எக்ஸ்-ஷோரூம்) என்றும் CVT ஆட்டோமேட்டிக் கியர்பாக்ஸுக்கு ரூ. 18.30 லட்சம் (எக்ஸ்-ஷோரூம்) என்றும் நிர்ணயிக்கப்பட்டுள்ளது.
சந்தையில் ஹூண்டாய் கிரெட்டா ஆனது கியா செல்டோஸ், ரெனால்ட் டஸ்டர், ஸ்கோடா குஷாக், ஃபோக்ஸ்வேகன் டைகுன், மாருதி விக்டோரிஸ், கிராண்ட் விட்டாரா, டொயோட்டா அர்பன் க்ரூஸர் ஹைரைடர், நிஸான் டெக்டான், டாடா சியரா, டாடா கர்வ், சிட்ரோயன் ஏர்கிராஸ் X மற்றும் எம்ஜி ஆஸ்டர் ஆகிய கார்களுக்கு இது நேரடியாகப் போட்டியிடுகிறது.
கீழ் நிலை ZX வேரியண்ட்டை விட ரூ.1.41 லட்சம் வரை கூடுதல் விலை கொண்ட இந்த எலிவேட் ZX பிளஸ் சற்று அதிக விலையுடையதாகத் தோன்றினாலும், நெரிசல் மிகுந்த நகரப் போக்குவரத்திற்கு மிகவும் பயனுள்ள 360-டிகிரி கேமரா போன்ற அம்சங்களை வழங்குகிறது. மேலும், டிரைவரை வைத்துப் பயணிப்பவர்களுக்குப் பின்பக்க வென்டிலேட்டட் இருக்கைகள் மிகவும் கவரும் அம்சமாகும்.
கார்தேக்கோ சொல்வது...
இருப்பினும் நீங்கள் செலுத்தும் பணத்திற்கு ஏற்ற சிறந்த 'வேல்யூ ஃபார் மணி' பேக்கேஜை எதிர்பார்க்கிறீர்கள் என்றால் நாங்கள் ZX வேரியண்ட்டையே பரிந்துரைப்போம். ஏனெனில் இதில் எந்த முக்கிய அம்சமும் விடுபடவில்லை. அதேவேளையில் கணிசமான தொகையையும் உங்களால் மிச்சப்படுத்த முடியும்.
ஹோண்டா எலிவேட்டின் இந்த ZX பிளஸ் வேரியண்ட்டைப் பற்றி நீங்கள் என்ன நினைக்கிறீர்கள்? கீழே கமெண்ட்டில் தெரியப்படுத்துங்கள்!
