JSW மோட்டார்ஸ் தனது முதல் காரான ஜெட்டூர் T2 PHEV SUV-யை இந்தியாவில் அறிமுகப்படுத்த தயாராகி வருகிறது. இந்த கார் குறித்த அதிகாரப்பூர்வ தகவல்கள் மற்றும் ஸ்பை ஷாட்கள் மூலம் தெரியவந்துள்ள முக்கிய விஷயங்கள் இங்கே கொடுக்கப்பட்டுள்ளன.

JSW ஜெட்டூர் T2 ஸ்பைடு டெஸ்டிங்: என்னவெல்லாம் தெரிகிறது?

இந்திய சாலைகளில் சமீபத்தில் சோதனை செய்யப்பட்ட JSW ஜெட்டூர் T2, அதன் டிசைனில் சர்வதேச மாடலில் இருந்து பெரிய மாற்றங்கள் எதையும் கொண்டிருக்கவில்லை. ஸ்பை ஷாட்கள் மூலம் பார்க்கும்போது இதன் ஸ்டைலிங் கிட்டத்தட்ட அப்படியே உள்ளது. இது JSW நிறுவனம் இந்த காரின் ரக்கட் மற்றும் பாக்ஸி தோற்றத்தை இந்திய வாடிக்கையாளர்களுக்காக மாற்ற விரும்பவில்லை என்பதைக் காட்டுகிறது. இதன் மூலம் கார் தயாரிப்பு பணிகளை வேகப்படுத்தவும் செலவைக் குறைக்கவும் முடியும்.

எக்ஸ்ட்டீரியர்

ஜெட்டூர் T2-வின் வெளிப்புறத் தோற்றம் மிகவும் வலிமையாகவும், ஆஃப்-ரோடு வாகனங்களுக்கு உரியதாகவும் வடிவமைக்கப்பட்டுள்ளது. இதன் முன்பக்கத்தில் உள்ள தடிமனான ஐந்து-ஸ்லாட் கிரில் மற்றும் ரெக்டாங்குலர் LED ஹெட்லேம்ப்ஸ் கம்பீரமான தோற்றத்தைக் கொடுக்கின்றன. பக்கவாட்டில், 20-இன்ச் அலாய் வீல்கள் மற்றும் ஸ்கொயர் வடிவ வீல் ஆர்ச்கள் இதன் SUV தன்மையை மேலும் வலுப்படுத்துகின்றன. பின்பக்கத்தில் டெயில்கேட்டில் பொருத்தப்பட்ட ஸ்பேர் வீல் கவர் ஒரு முழுமையான ஆஃப்-ரோடர் தோற்றத்தை நிறைவு செய்கிறது.

பக்கவாட்டில் பெரிய ORVMs பெட்டி போன்ற உருவமைப்பு மற்றும் இதன் சர்வதேசப் பதிப்பில் உள்ளது போன்ற அதே 20-இன்ச் அலாய் வீல்கள் ஆகியவற்றை நம்மால் பார்க்க முடிகிறது. உயரமான ரூஃப் ரெயில்கள் மற்றும் கருப்பு நிற சைடு ஸ்டெப்கள் இந்த JSW -யின் கெத்தான தோற்றத்தை மேலும் கூட்டுகின்றன. இருப்பினும் சமீபத்திய ட்ரெண்டான ஃப்ளஷ் டோர் ஹேண்டில்களுக்கு மாறாக JSW கெத்தூர் டி2 காரில் வழக்கமான புல்-டைப் டோர் ஹேண்டில்களே இடம்பெற்றுள்ளன.

பின்புற அமைப்பில் தடிமனான பம்பர் இடம்பெற்றுள்ளது. இது காரின் ஆஃப்-ரோடு தன்மையை மேலும் வெளிப்படுத்துகிறது. அதேவேளையில் மெலிதான LED லேம்ப்கள் செங்குத்தாக பொருத்தப்பட்டு ரெட்ரோ பாணி தோற்றத்தை தருகின்றன. மேலும் கூடுதல் கம்பீரத்தை சேர்ப்பதற்காகச் சதுர வடிவிலான ஸ்பேர் வீல் கவர் டெயில்கேட்டில் பொருத்தப்பட்டுள்ளது.

இன்டீரியர்

கேபினில் ஒரு பெரிய 15.6-இன்ச் டச்ஸ்கிரீன் மற்றும் 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர் இடம்பெற்றுள்ளது. காரின் உள்ளே பிரீமியம் மற்றும் டெக்னாலஜி நிறைந்த கேபின் நம்மை வரவேற்கிறது. டேஷ்போர்டின் மையப்பகுதியில் உள்ள 15.6-இன்ச் டச்ஸ்கிரீன் இன்ஃபோடெயின்மென்ட் சிஸ்டம் கேபினுக்கு ஒரு மாடர்ன் தோற்றத்தைக் கொடுக்கிறது. ஓட்டுநருக்குத் தேவையான தகவல்களைக் காட்ட 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர் உள்ளது. இதன் டேஷ்போர்டு மற்றும் சென்டர் கன்சோல் டிசைன் நேர்த்தியாகவும் பயன்படுத்துவதற்கு எளிதாகவும் வடிவமைக்கப்பட்டுள்ளது. இது ஒரு பிரீமியம் அனுபவத்தை வழங்கும் என எதிர்பார்க்கப்படுகிறது

அம்சங்கள்

பாதுகாப்பு மற்றும் வசதிக்காக விரிவான ADAS சூட் மற்றும் 360-டிகிரி கேமரா செட்டப் வழங்கப்பட்டுள்ளது. JSW ஜெட்டூர் T2 ஆனது அம்சங்களில் எந்தக் குறையும் வைக்கவில்லை. இதில் ஆட்டோமேட்டிக் எமர்ஜென்சி பிரேக்கிங் உள்ளிட்ட பல அம்சங்களைக் கொண்ட விரிவான அட்வான்ஸ்டு டிரைவர் அசிஸ்டன்ஸ் சிஸ்டம்ஸ் (ADAS) சூட் உள்ளது. இது பயணப் பாதுகாப்பை அடுத்த கட்டத்திற்கு எடுத்துச் செல்கிறது. மேலும், பார்க்கிங் மற்றும் நெரிசலான இடங்களில் எளிதாக காரை கையாள 360-டிகிரி கேமரா செட்டப் மிகவும் உதவியாக இருக்கும். இந்த அம்சங்கள் இந்த விலை பிரிவில் இதை ஒரு வலுவான போட்டியாளராக மாற்றுகிறது.

எதிர்பார்க்கப்படும் பவர்டிரெய்ன் ஆப்ஷன்ஸ்

இந்த கார் 1.5-லிட்டர் டர்போ-பெட்ரோல் பிளக்-இன் ஹைபிரிட் இன்ஜின் மற்றும் 3-ஸ்பீடு DHT டிரான்ஸ்மிஷனுடன் வருகிறது. இந்தியாவில் அறிமுகமாகும் ஜெட்டூர் T2, ஒரு பிளக்-இன் ஹைபிரிட் பவர்டிரெய்ன் ஆப்ஷனுடன் வரும் என எதிர்பார்க்கப்படுகிறது. இது செயல்திறன் மற்றும் மைலேஜ் ஆகிய இரண்டிற்கும் முக்கியத்துவம் கொடுக்கும் ஒரு தேர்வாக அமையும். இந்த இன்ஜின் மற்றும் டிரான்ஸ்மிஷன் அமைப்பு நகர்ப்புற பயன்பாட்டிற்கும் நெடுஞ்சாலை பயணங்களுக்கும் ஏற்றதாக இருக்கும்.

DHT- டெடிகேட்டட் ஹைபிரிட் டிரான்ஸ்மிஷன் (ஆட்டோமெட்டிக்), FWD- ஃபிரன்ட்-வீல் டிரைவ்

இதுதவிர சர்வதேச அளவில் பலவிதமான மாற்றங்களுடன் டர்போ-பெட்ரோல் இன்ஜின் விருப்பமும், கூடுதல் தேர்வாக ஃபோர்-வீல் டிரைவ் (4WD) அமைப்பும் வழங்கப்படுகிறது. இருப்பினும் இந்த இன்ஜின் அமைப்பு இந்தியாவிற்கு அறிமுகப்படுத்தப்படுமா என்பது இன்னும் தெரியவில்லை.

அறிமுக தேதி, எதிர்பார்க்கப்படும் விலை மற்றும் போட்டியாளர்கள்

JSW மோட்டார்ஸ் இந்த SUV-யை இந்த ஆண்டு இறுதிக்குள் இந்திய சந்தையில் அறிமுகப்படுத்த திட்டமிட்டுள்ளது. இதன் விலை ரூ. 20 லட்சம் முதல் ரூ. 25 லட்சம் (எக்ஸ்-ஷோரூம்) வரை இருக்கலாம் என கணிக்கப்பட்டுள்ளது. இந்த விலையில் இது டாடா ஹாரியர், மஹிந்திரா XUV700, மற்றும் MG ஹெக்டர் போன்ற பிரபலமான SUV-களுக்கு போட்டியாக அமையும். இதன் ஹைபிரிட் பவர்டிரெய்ன் மற்றும் தனித்துவமான டிசைன் இதை மற்ற கார்களில் இருந்து வேறுபடுத்திக் காட்டும்.

கார்தேக்கோ சொல்வது...

JSW ஜெட்டூர் T2 இந்திய SUV சந்தையில் ஒரு புதிய மற்றும் சுவாரஸ்யமான தேர்வாக நுழைகிறது. இதன் பாக்ஸி டிசைன் ஹைபிரிட் இன்ஜின், மற்றும் பிரீமியம் அம்சங்கள் ஆகியவை தனித்துவமான ஒரு காரை தேடும் வாடிக்கையாளர்களைக் கவரும். ரூ. 20-25 லட்சம் விலை பிரிவில் இது ஒரு வலுவான தாக்கத்தை ஏற்படுத்த வாய்ப்புள்ளது. இருப்பினும் JSW என்ற புதிய பிராண்டின் சர்வீஸ் நெட்வொர்க் மற்றும் நம்பகத்தன்மை ஆகியவை அதன் வெற்றியை தீர்மானிக்கும் முக்கிய காரணிகளாக இருக்கும்.

நீங்கள் JSW ஜெட்டூர் T2 காரின் வருகைக்காகக் காத்திருக்கிறீர்களா? கீழே உள்ள கமெண்ட் பகுதியில் எங்களுக்குத் தெரியப்படுத்துங்கள்!