டஸ்டர் ஹைப்ரிட் Vs டர்போ: மாசத்துக்கு எவ்ளோ பெட்ரோல் மிச்சமாகும்? - முழு ரிப்போர்ட்டை பாருங்க

ரெனால்ட் நிறுவனம் சமீபத்தில் தனது டஸ்டர் எஸ்யூவி மாடலின் ஸ்ட்ராங்-ஹைபிரிட் வெர்ஷனை ரூ. 16.99 லட்சம் ஆரம்ப எக்ஸ்-ஷோரூம் விலையில் அறிமுகப்படுத்தியுள்ளது. மொத்தம் மூன்று வேரியன்ட்களில் விற்பனைக்கு வந்துள்ள இந்த கார், தனது ஜப்பானிய போட்டியாளர்களை விடச் சிறந்த மைலேஜ் மற்றும் பெர்ஃபார்மன்ஸை வெளிப்படுத்துகிறது. இருப்பினும் டர்போ-பெட்ரோல் இன்ஜினை விட இதில் கூடுதல் தொகை கொடுத்து வாங்குவதற்கு இதன் தினசரி இயங்குவதற்கான இயக்கும் செலவு கணிசமாகக் குறைய வேண்டும் என்பதே வாடிக்கையாளர்களின் முதன்மையான எதிர்பார்ப்பாகும்.

இதைக் கருத்தில் கொண்டு இந்த இரு மாடல்களின் இயக்கும் செலவுடை மட்டும் ஒப்பீடு செய்து பார்க்க முடிவு செய்தோம். இந்த ஒப்பீட்டை நியாயமானதாக மாற்ற 1.3-லி டர்போ-பெட்ரோல் இன்ஜினின் சக்திவாய்ந்த வெர்ஷனை அதன் DCT ஆட்டோமேட்டிக் கியர்பாக்ஸ் உடன் எடுத்துக்கொண்டுள்ளோம். இப்போது இந்த இரண்டு பவர்ட்ரெய்ன் ஆப்ஷன்கள் அவற்றின் இயக்கும் செலவு மற்றும் டஸ்டர் மூலம் ஹைபிரிட் கார்களின் உலகிற்கு நீங்கள் அடிஎடுத்து வைக்கலாமா என்பது குறித்து விரிவாக ஆராய்வோம்.

விலை

• டஸ்டர் ஹைபிரிட் மாடலின் விலை ரூ. 16.99 லட்சம் முதல் ரூ. 19.49 லட்சம் வரை நிர்ணயிக்கப்பட்டுள்ளது. இது டர்போ-பெட்ரோல் DCT மாடலின் இணையான வேரியன்ட்களை விட சுமார் ரூ. 1 லட்சம் முதல் ரூ. 1.5 லட்சம் வரை கூடுதல் விலையாகும்.

• அதேசமயம், டர்போ-பெட்ரோல் DCT டாப் வேரியன்ட்டில் உள்ள 360-டிகிரி கேமரா, லெவல்-2 ADAS மற்றும் ஆட்டோ-டிம்மிங் IRVM போன்ற சில வசதிகள் ஹைபிரிட் மாடலில் இல்லை என்பதை கவனத்தில் கொள்ள வேண்டும்.

• இந்த ஒப்பீட்டிற்காக இரு பவர்ட்ரெய்ன் தேர்வுகளின் டாப்-ஸ்பெக் வேரியன்ட்களை மட்டுமே எடுத்துக்கொண்டுள்ளோம். அவற்றின் விலைகள் முறையே ரூ. 19.49 லட்சம் மற்றும் ரூ. 18.49 லட்சம் ஆகும்.

பவர்டிரெயின் ஆப்ஷன்கள்

DHT- அர்ப்பணிக்கப்பட்ட ஹைபிரிட் டிரான்ஸ்மிஷன் (ஆட்டோமேட்டிக்), DCT- டூயல் கிளட்ச் டிரான்ஸ்மிஷன் (ஆட்டோமேட்டிக்)

• பெர்ஃபார்மன்ஸைப் பொறுத்தவரை டர்போ DCT மாடல் 3 PS கூடுதல் பவரை வெளிப்படுத்தினாலும், ஹைபிரிட் மாடலில் உள்ள இரட்டை எலக்ட்ரிக் மோட்டார்கள் மற்றும் டர்போ-லேக் இல்லாத அமைப்பு, ஓட்டுவதற்கு அதிவேக ரெஸ்பான்ஸை வழங்கும்.

• டஸ்டர் ஹைபிரிட் தனது பிரிவில் உள்ள அனைத்து ஸ்ட்ராங்-ஹைபிரிட் போட்டியாளர்களையும் விடச் சிறந்த மைலேஜ் மற்றும் அதிக எலக்ட்ரிக் மோட்டார் டார்க் வழங்கி கவனத்தை ஈர்க்கிறது.

• நகர்ப்புறப் பயணங்களின் போது 80 சதவீத நேரத்தை எலக்ட்ரிக் பவரிலேயே இயக்க முடியும் என்றும், ஒரே ஃபுல் டேங்க் எரிபொருளில் 1400 கி.மீ தூரத்திற்கும் அதிகமாகப் பயணிக்க முடியும் என்றும் ரெனால்ட் நிறுவனம் உறுதியளிக்கிறது.
   

காரை இயக்குவதற்கான செலவினம்

*இக்கட்டுரை எழுதப்பட்ட நேரத்தில் உள்ள நிலவரப்படி

• மேலேயுள்ள கணக்கீட்டின்படி இரு மாடல்களுக்கும் இடையேயான ஒரு கி.மீ-க்கான இயக்கும் செலவுடில் ரூ. 2.3 என்ற கணிசமான வித்தியாசம் உள்ளது.

• ஹைபிரிட் மாடலைத் தேர்ந்தெடுத்து மாதம் சராசரியாக 1000 கி.மீ தூரம் பயணித்தால் உங்களுக்கு 19 லிட்டர் பெட்ரோல் மிச்சமாவதோடு மாதத்திற்கு ரூ. 2,200 வரை பணமும் சேமிப்பாகும்.

• இரு கார்களின் எக்ஸ்-ஷோரூம் விலையில் உள்ள வித்தியாசம் சுமார் ரூ. 1 லட்சம் மட்டுமே என்பதால், ஹைபிரிட் மாடலுக்கு நீங்கள் செலுத்திய கூடுதல் தொகையை 45,500 கி.மீ தூரம் அல்லது 4 ஆண்டுகளுக்கும் குறைவான பயன்பாட்டிலேயே திரும்பப் பெற்றுவிட முடியும்.

கார்தேக்கோவின் கருத்து...

இதனைக் கருத்தில் கொண்டு இந்த இரண்டு பவர்ட்ரெய்ன்களையும் ஒப்பிட்டுப் பார்க்கத் தீர்மானித்தோம். இதில் நியாயமான ஒப்பீட்டிற்காக எஸ்யூவியின் சக்திவாய்ந்த 1.3-லி டர்போ-பெட்ரோல் இன்ஜின் மற்றும் DCT ஆட்டோமேட்டிக் கியர்பாக்ஸ் கொண்ட மாடலை எடுத்துக்கொண்டுள்ளோம். இப்போது இந்த இரண்டு பவர்ட்ரெய்ன்கள், அவற்றின் இயக்கும் செலவு மற்றும் டஸ்டர் மூலம் ஹைப்ரிட் தொழில்நுட்பத்திற்கு மாறுவது சரியான முடிவா என்பதை விரிவாகப் பார்ப்போம்.

எந்தக் கோணத்தில் பார்த்தாலும் ரெனால்ட் நிறுவனம் டஸ்டர் ஹைப்ரிட் மாடலை மிகவும் போட்டியான விலையிலும் சிறந்த பெர்ஃபார்மன்ஸ் விவரங்களுடனும் களம் இறக்கியுள்ளதைத் தவிர்க்க முடியாது. டர்போ-பெட்ரோலை விட ஹைப்ரிட் மாடலில் கிடைக்கும் கூடுதல் அமைதி மற்றும் மென்மையான டிரைவிங் அனுபவத்தைத் தவிர இயக்கும் செலவு ரீதியாகவும் பலரும் இந்த ஹைப்ரிட் ஆப்ஷனுக்கு மாறுவது லாபகரமானது என்பது தெளிவாகத் தெரிகிறது.

அதேவேளையில் கார் பயன்பாடு குறைவாக உள்ளவர்களுக்கோ அல்லது காரை 3-4 ஆண்டுகளுக்கு மேல் வைத்திருக்கத் திட்டமிடாதவர்களுக்கோ டர்போ DCT மாடல் ஒரு நல்ல தேர்வாக இருக்கும். மேலும், ஹைப்ரிட் மாடலில் சில அதிநவீன வசதிகள் இல்லாதது, சில வாடிக்கையாளர்களை இந்த சிக்கனமான தேர்வை வாங்குவதிலிருந்து யோசிக்க வைக்கலாம்.

இருப்பினும் டஸ்டர் ஹைப்ரிட் காரை நேரில் ஓட்டிப் பார்த்து, ரெனால்ட் நிறுவனத்தின் இந்த மாஸ் கிளெய்ம்களை நேரில் சோதித்தறிய நாங்கள் ஆவலுடன் காத்திருக்கிறோம்.

டர்போ-பெட்ரோல் மாடலை விட டஸ்டர் ஹைப்ரிட் காரை நீங்களாக இருந்தால் தேர்வு செய்வீர்களா? உங்கள் கருத்துக்களை கீழே உள்ள கமெண்ட் பகுதியில் எங்களுடன் பகிர்ந்து கொள்ளுங்கள்!