ரூ.1 கோடியில் ஒரு அல்டிமேட் சொகுசு கார்... நவம்பரில் இந்தியாவுக்கு வரும் 'டென்ஸா'!

BYD-யின் லக்ஸரி பிராண்டான டென்ஸா, தனது D9 MPV மூலம் இந்திய சந்தையில் நுழையவிருப்பதை உறுதி செய்துள்ளது. இந்த புதிய லக்ஸரி எலக்ட்ரிக் MPV பற்றி சில முக்கிய விஷயங்கள் இங்கே.

• BYD-யின் பிரீமியம் பிராண்டான டென்ஸா, நவம்பர் 2024-ல் இந்தியாவில் அறிமுகமாகிறது.

• முதல் மாடலாக D9 எலக்ட்ரிக் MPV, 600 கிமீ ரேஞ்சுடன் வரவுள்ளது.

• இதன் விலை சுமார் ரூ.1 கோடி (எக்ஸ்-ஷோரூம்) என நிர்ணயிக்கப்படலாம்.

• டொயோட்டா வெல்ஃபையர் மற்றும் MG M9 போன்ற மாடல்களுக்குப் போட்டியாக அமையும்

டென்ஸா என்றால் யார்?

டென்ஸா என்பது சீனாவைச் சேர்ந்த எலக்ட்ரிக் வாகனத் தயாரிப்பாளரான BYD -ன் பிரீமியம் பிராண்ட் ஆகும். சர்வதேச சந்தைகளில் ஏற்கனவே நன்கு அறியப்பட்ட BYD தனது லக்ஸரி மற்றும் உயர் தொழில்நுட்ப வாகனங்களை டென்ஸா பிராண்டின் கீழ் அறிமுகப்படுத்துகிறது. இந்தியாவில் BYD அட்டோ 3 மற்றும் சீல் EV போன்ற கார்கள் பிரபலமான நிலையில், டென்ஸா மூலம் லக்ஸரி செக்மென்ட்டிலும் கால் பதிக்கிறது.

எளிமையாகப் புரியும்படி சொல்வதானால், டொயோட்டா நிறுவனத்திற்கு 'லெக்சஸ்' எப்படியோ அல்லது ஃபோக்ஸ்வேகன் நிறுவனத்திற்கு 'ஆடி' எப்படியோ அதேபோலத்தான் BYD-க்கு இந்த 'டென்ஸா'! தொழில்நுட்பங்கள் மற்றும் காரின் கட்டமைப்பு அடித்தளம் போன்றவை ஒன்றாக இருந்தாலும் சொகுசு கார் பிரியர்களை ஈர்க்கும் வகையில் முற்றிலும் புதிய அடையாளத்துடனும், உச்சகட்ட ஆடம்பரத்துடனும் இந்த கார்கள் உருவாக்கப்படுகின்றன.

சர்வதேச அளவில் டென்ஸா என்னென்ன கார்களை விற்கிறது?

உலகளாவிய அளவில், டென்ஸா நிறுவனம் தற்போது ஆறு மாடல்களை விற்பனை செய்து வருகிறது:

• Z9 GT: வெறும் 2.7 விநாடிகளில் மணிக்கு 0-100 கி.மீ வேகத்தை எட்டும் அதிவேக செயல்திறன் கொண்ட ஸ்டைலிஷ் ஸ்டேஷன் வேகன் கார்.

• D9 MPV: டிரைவர் மூலம் இயக்கப்படும் சொகுசு கார்களை விரும்புபவர்களுக்காக உருவாக்கப்பட்ட ஆடம்பர எம்பிவி (MPV); இது இ.வி (EV) மற்றும் பி.ஹெச்.இ.வி (PHEV) ஆகிய இரு தேர்வுகளிலும் கிடைக்கிறது.

• Z ஸ்போர்ட்ஸ்கார்: 1,600 PS-க்கும் அதிகமான பவரை அள்ளி வழங்கும் இரண்டு கதவுகள் கொண்ட எலக்ட்ரிக் ஸ்போர்ட்ஸ்கார்.

• பாவ் 5 SUV (Bao 5 / B5): சொகுசு வசதிகளையும், கரடுமுரடான தன்மையையும் சமமாக வெளிப்படுத்தும் ஒரு மிட்-சைஸ் PHEV எஸ்.யு.வி.

• B8 SUV: பாவ் 5 காரை விட அளவில் பெரிய, ஆஃப்-ரோடு வசதிகள் கொண்ட எஸ்.யு.வி மாடல்.

இந்த மாடல்களில் 'Z9 GT' மற்றும் 'D9 MPV' ஆகிய இரண்டும் இந்தியாவிற்கு வரும் என எதிர்பார்க்கப்படும் வேளையில் இதில் 'D9 MPV' கார் தான் முதலில் அறிமுகமாகும் எனத் தெரிகிறது

இந்தியாவிற்கான டென்ஸா-வின் முதல் அறிமுகம் எது?

இந்தியாவில் வேகமாக வளர்ந்து வரும் 'லக்சுரி MPV பிரிவில் போட்டியிட டென்ஸா நிறுவனம் தனது 'D9 MPV' காரையே முதன்முதலாக அறிமுகப்படுத்த அதிக வாய்ப்புள்ளது. இது சந்தையில் கியா கார்னிவல் மெர்சிடீஸ்-பென்ஸ் V-கிளாஸ், லெக்சஸ் LM, எம்.ஜி M9 மற்றும் டொயோட்டா வெல்ஃபையர் ஆகிய கார்களுக்கு ஒரு மாற்றாக அமையும்.

இந்தியாவிற்கு வரும் D9 MPV மாடலானது 103.6 kWh பேட்டரி பேக் கொண்ட 'புல்-எலக்ட்ரிக்' (Full Electric) வெர்ஷனாக வர வாய்ப்புள்ளது. இது முழு சார்ஜில் 600 கி.மீ வரை பயணிக்கும் (NEDC சான்றளிக்கப்பட்ட) ரேஞ்சை வழங்கும்.

டென்ஸா D9-ல் என்ன எதிர்பார்க்கலாம்?

இதன் சிறப்பம்சங்கள் மற்றும் விலை விவரங்கள் இன்னும் அதிகாரப்பூர்வமாக வெளிவரவில்லை என்றாலும், டென்ஸா D9 கார் முழுமையாக அசெம்பிள் செய்யப்பட்ட 'சி.பி.யு' (CBU) முறையிலேயே வெளிநாட்டிலிருந்து இறக்குமதி செய்யப்படும் என்பதால், சர்வதேச மாடலில் உள்ள அதே ஸ்டைலிங் மற்றும் வசதிகளுடனே இந்தியாவிற்கும் வரும். முன்பக்கத்தில், சில்வர் பார்டர்களுடன் கூடிய பிரம்மாண்டமான முகப்பு கிரில் காருக்குக் கம்பீரமான ரோட்-பிரசன்ஸை தருகிறது. காற்று உராய்வைக் குறைக்கும் வகையில் பம்பரில் செங்குத்தான கட்-அவுட்களும், மேல் பகுதியில் பெரிய எல்.இ.டி ஹெட்லேம்ப்களும் கொடுக்கப்பட்டுள்ளன.

பக்கவாட்டு தோற்றத்தில் 18-இன்ச் குரோம் அலாய் வீல்கள் மற்றும் உட்புறத்தில் அதிக இடத்தை வழங்கும் வழக்கமான எம்பிவி பாணி வடிவம் ஆகியவை இடம்பெற்றுள்ளன. ஜன்னல் கோடுகளைச் சுற்றியுள்ள குரோம் ஃபினிஷ், ஸ்லைடிங் பின்பக்கக் கதவுகள் மற்றும் ஷார்க்ஃபிள் ஆண்டெனா ஆகியவை இதன் பிற முக்கிய அம்சங்களாகும்.

பின்பகுதியில் பெரிய விண்ட்ஷீல்டுடன் கூடிய சதுர வடிவம், ரூஃப் ஸ்பாய்லர், தட்டையான டெயில்கேட் மற்றும் காரின் தோற்றத்திற்குத் தனித்துவம் சேர்க்கும் கனெக்டெட் எல்.இ.டி டெயில்லேம்ப்கள் ஆகியவை உள்ளன. பம்பர் மிகவும் சிம்பிளாக வடிவமைக்கப்பட்டுள்ளதுடன், பொருட்களை எளிதாக ஏற்றுவதற்கு வசதியாக பூட்கேட் கீழ்ப்பகுதி வரை நீண்டுள்ளது.

சர்வதேச அளவில் இந்த எம்பிவி காரில் 10.25-இன்ச் டிஜிட்டல் டிரைவர் டிஸ்ப்ளே, 15.6-இன்ச் தொடுதிரை இன்ஃபோடைன்மென்ட் சிஸ்டம், சாஃப்ட்-க்ளோஸ் கதவுகள், 14-ஸ்பீக்கர் 'டைனாடியோ'  சவுண்ட் சிஸ்டம், ஏ.ஐ குரல் வழி கட்டுப்பாடு (AI Voice Assistant), பவர் அட்ஜஸ்ட் வசதி கொண்ட முன் மற்றும் பின் இருக்கைகள், டச் கட்டுப்பாடு கொண்ட பின்வரிசை என்டர்டெயின்மென்ட் ஸ்கிரீன்கள், டிஜிட்டல் IRVM, இரட்டை சன்ரூஃப்கள் மற்றும் வயர்லெஸ் ஆண்ட்ராய்டு ஆட்டோ/ஆப்பிள் கார்பிளே என நீண்ட அம்சங்கள் உள்ளன.

பாதுகாப்பைப் பொறுத்தவரை 9 ஏர்பேக்குகள், லெவல்-2 ஏடாஸ் (ADAS), எலக்ட்ரானிக் ஸ்டெபிலிட்டி கன்ட்ரோல் (ESC), ஹில்-ஹோல்ட் கன்ட்ரோல், ஹில் டிசென்ட் கன்ட்ரோல், டயர் பிரஷர் மானிட்டரிங் சிஸ்டம் (TPMS), 360-டிகிரி கேமரா மற்றும் முன்/பின் பார்க்கிங் சென்சார்கள் எனப் பாதுகாப்பு அம்சங்களும் அள்ளிக் கொடுக்கப்பட்டுள்ளன.

இந்திய சந்தைக்கு  டென்ஸா D9 மாடல் முழுமையான எலக்ட்ரிக் ஆப்ஷனில் மட்டுமே வரும் என எதிர்பார்க்கப்படுகிறது. இதன் தொழில்நுட்ப விவரங்கள் இதோ:

FWD- ஃபிரன்ட்-வீல் டிரைவ், AWD- ஆல்-வீல் டிரைவ்

டென்ஸா D9: வெளியீட்டு தேதி மற்றும் எதிர்பார்க்கப்படும் விலை

டென்ஸா D9 MPV இந்த ஆண்டு நவம்பர் மாதம் இந்தியாவில் அறிமுகம் செய்யப்பட உள்ளது. இதன் விலை சுமார் ரூ.1 கோடி (எக்ஸ்-ஷோரூம்) வரை இருக்கலாம் என எதிர்பார்க்கப்படுகிறது. CBU மாடல் என்பதால், இதன் விலை அதிகமாகவே இருக்கும். இந்த விலையில், இது டொயோட்டா வெல்ஃபையர் (ரூ.1.20 கோடி முதல்) மற்றும் வரவிருக்கும் MG M9 போன்ற கார்களுடன் போட்டியிடும்.

கார்தேக்கோ சொல்வது...

உலகளாவிய அளவில் BYD நிறுவனம் விற்பனையில் சாதனை படைத்து வருகிறது. ஆனால் அதன் இந்தியப் பிரிவு இன்னும் குறிப்பிட்ட எல்லைக்குள்ளேயே இயங்கி வருகிறது. இப்போது, விற்பனை எண்ணிக்கையில் கவனம் செலுத்துவதற்குப் பதிலாக, கார்களின் விலையிலும் பிரீமியம் தன்மையிலும் BYD பெரிய அளவில் கவனம் செலுத்தத் தொடங்கியுள்ளது. அதிநவீன பேட்டரி தொழில்நுட்பம் மற்றும் ஆடம்பர வசதிகளுடன் வரும் டென்ஸா பிராண்டால் பல ஆண்டுகளாக இந்தப் பிரிவை ஆதிக்கம் செலுத்தி வரும் டொயோட்டா போன்ற பெரிய நிறுவனங்களிடமிருந்து வாடிக்கையாளர்களைத் தன் பக்கம் ஈர்க்க முடியுமா என்பதைப் பொறுத்திருந்துதான் பார்க்க வேண்டும். தற்போது இந்த பிராண்டைப் பற்றி அதிக விவரங்கள் தெரியவில்லை என்றாலும், அதன் இந்திய அறிமுகத்தையும் D9 காரை நேரில் காண்பதையும் நாங்கள் ஆவலுடன் எதிர்நோக்கியுள்ளோம்.

டொயோட்டா காரை விட்டுவிட்டு புதிய டென்ஸா காரை நீங்கள் தேர்வு செய்வீர்களா? உங்கள் கருத்துக்களை கீழே கமெண்ட்டில் சொல்லுங்கள்!