ஸ்போர்ட்ஸ் கார் பிளஸ் SUV…! மிரட்டலாக அறிமுகமானது மெர்சிடிஸ்-AMG GT எலக்ட்ரிக்
AMG, EV, GT மற்றும் SUV ஆகியவை ஒன்றுடன் ஒன்று சேராது என்று நீங்கள் நினைத்தால் இந்த GT SUV உங்கள் எண்ணத்தை முற்றிலும் மாற்றிவிடும்.
- ஒரு கருத்தை எழுதுக
மெர்சிடிஸ்-AMGயின் GT ஸ்போர்ட்ஸ் கார் கடந்த தசாப்தத்தில் அதன் மிகச்சிறந்த அடையாள மாடல்களில் ஒன்றாக விளங்கி வருகிறது. மின்மயமாக்கலை நோக்கி உலகம் நகர்ந்து வரும் இந்த சூழலில் ஜெர்மன் கார் தயாரிப்பு நிறுவனமான மெர்சிடிஸ், GT பிராண்டை ஒரு புதிய எலக்ட்ரிக் SUV மாடலாக விரிவுபடுத்தி, GT காரை ஒரு புதிய பரிமாணத்திற்கு எடுத்துச் சென்றுள்ளது. முற்றிலும் புதிய வடிவமைப்பு மற்றும் மின்சார ஆற்றலுடன் வெளிவந்துள்ள போதிலும், இந்த AMG GT SUV மாடல் த்ரில்லான பெர்ஃபார்மன்ஸ், அதிக ரேஞ்ச் மற்றும் தனித்துவமான ரேடிகல் டிசைன் என ஸ்போர்ட்ஸ் காரின் அடிப்படை குணங்களை அப்படியே தக்கவைத்துக் கொண்டுள்ளது. இப்போது இந்த புதிய அவதாரத்தில் வந்துள்ள GT காரைப் பற்றி விரிவாகப் பார்ப்போம்.
டிசைன்
டிசைனைப் பொறுத்தவரை மெர்சிடிஸ்-AMG நிறுவனம் GT SUV மாடலுக்கு மிகத் தெளிவான மற்றும் தனித்துவமான டிசைன் ஸ்டைலைக் கொடுத்துள்ளது. இது சாலையில் செல்லும்போது தனது அக்ரசிவ் லுக் மற்றும் பிரத்யேக அடையாளத்தை வெளிப்படுத்துவதோடு, பார்க்கும்போது சட்டென்று ஒரு AMG கார் என்பதை உணர்த்துகிறது. காரின் முன்பகுதியில் பிரம்மாண்டமான 'பனமெரிகானா' கிரில் அமைக்கப்பட்டுள்ளது. ஆனால் இது எலக்ட்ரிக் கார் என்பதால் மூடப்பட்ட அமைப்பில் ஒளிரும் வெர்டிகல் ஸ்லாட்டுகள் மற்றும் மெர்சிடிஸ் லோகோவுடன் காட்சியளிக்கிறது. மேலும் பல ஏரோ எலிமென்ட்கள் அடங்கிய அக்ரசிவ் பம்பர், பின்புறம் நோக்கி சாய்ந்த வடிவிலான LED ஹெட்லேம்ப்கள் மற்றும் கிரில்லுக்கு மேலே மெக்கானிக்கல் பாகங்களைக் குளிர்விக்க பயன்படும் ஆக்டிவ் ஏர் வென்ட் ஆகியவை கொடுக்கப்பட்டுள்ளன.
பக்கவாட்டு தோற்றத்தில் ஸ்போர்ட்டியான கூபே ர his பாணி ரூஃப்லைன், தசைப்பிடிப்புமிக்க ஷோல்டர்லைன் மற்றும் 23-இன்ச் வரையிலான AMG ஃபோர்ஜ்டு அலாய் வீல்கள் காரின் கம்பீரமான தோற்றத்தைத் தக்கவைக்கின்றன. சமீபத்திய மெர்சிடிஸ்-AMG மாடல்களைப் போலவே இதிலும் ஃபிளஷ்-ஃபிட் டோர் ஹேண்டில்கள் மற்றும் பியானோ பிளாக் கிளேடிங் சேர்க்கப்பட்டுள்ளன.
சமீபத்தில் அறிமுகப்படுத்தப்பட்ட AMG GT 4-டோர் கூபே மாடலைப் போலவே, இதன் பின்பக்க டிசைனும் விண்வெளி ஓடம் போன்ற ஃபியூச்சரிஸ்டிக் தோற்றத்தைக் கொடுத்து அசத்துகிறது. இதில் 'டர்பைன்' போன்ற வட்டவடிவ டெயில்லேம்ப்கள் மற்றும் பெரிய பிளாக் இன்சர்ட் போன்றவை இதன் தோற்றத்தை ஆக்கிரமித்துள்ளன. அத்துடன் பெரிய டிஃப்யூசர் மற்றும் ஏரோடைனமிக்ஸுக்கு உதவும் வகையில் 150 கிமீ/மணி வேகத்திற்கு மேல் தானாகவே அட்ஜஸ்ட் ஆகும் ஆக்டிவ் ஸ்பாய்லர் என பின்பகுதியிலும் இதன் அக்ரசிவ் ஸ்டான்ஸ் தொடர்கிறது.
இன்டீரியர்
எதிர்பார்ப்பது போலவே AMG GT SUV காரின் இன்டீரியர் டிரைவரை மையப்படுத்திய அமைப்பைக் கொண்டுள்ளது. அதேசமயம் லெதரெட், அலுமினியம், கார்பன்-ஃபைபர் மற்றும் பியானோ பிளாக் இன்சர்ட்டுகள் போன்ற உயர்தரப் பொருட்களால் கார் முழுவதும் மிகவும் சொகுசாகவும் ஆடம்பரமாகவும் வடிவமைக்கப்பட்டுள்ளது. மற்ற நவீன மெர்சிடிஸ் மாடல்களைப் போலவே, இதிலும் 14-இன்ச் டச்போர்டு இன்ஃபோடெயின்மென்ட் சிஸ்டம், பயணிகளுக்கான 14-இன்ச் என்டர்டெயின்மென்ட் ஸ்கிரீன் மற்றும் 10.2-இன்ச் டிஜிட்டல் இன்ஸ்ட்ரூமென்ட் கிளஸ்டர் அடங்கிய மூன்று ஸ்கிரீன்கள் கொண்ட செட்டப் இடம்பெற்றுள்ளது.
மேலும் இதில் ஸ்போர்ட்டியான த்ரீ-ஸ்போக் ஸ்டீயரிங் வீல் மற்றும் வளைவுகளில் வேகமாகத் திரும்பும்போது டிரைவரை இறுக்கமாகப் பிடித்துக் கொள்ளும் ஸ்போர்ட்ஸ் சீட்கள் வழங்கப்பட்டுள்ளன.
அம்சங்கள் மற்றும் பாதுகாப்பு
AMG GT SUV மாடலில் சீட் ஷேக்கர்களுடன் கூடிய கஸ்டமைசபிள் எஞ்சின் சவுண்ட் மோட்கள், MBUX வர்ச்சுவல் அசிஸ்டன்ட், ஏழு டிரைவ் மோட்கள், பர்மெஸ்டர் 4D சவுண்ட் சிஸ்டம், லைட்டிங் எஃபெக்ட்ஸ் கொண்ட போட்டோக்ரோமடிக் பானரோமிக் கிளாஸ் ரூஃப், மல்டி-ஜோன் க்ளைமேட் கன்ட்ரோல் மற்றும் நீங்கள் ரேஸ் செய்யும் டிரேக்கிற்கு ஏற்ப பவர் அவுட்புட்டை மேம்படுத்தும் ஆன்போர்டு பெர்ஃபார்மன்ஸ் மேனேஜர் போன்ற அதிநவீன ஃபியூச்சரிஸ்டிக் தொழில்நுட்பங்கள் ஏராளமாக உள்ளன.
பாதுகாப்பைப் பொறுத்தவரை, விரிவான ADAS சூட், பல ஏர்பேக்குகள், 360-டிகிரி கேமரா, ஃப்ரண்ட் மற்றும் ரியர் பார்க்கிங் சென்சார்கள், விருப்பத்தின் பேரில் தேர்வு செய்யக்கூடிய கார்பன் செராமிக் பிரேக்குகள் மற்றும் ஏராளமான எலக்ட்ரிக்கல் அசிஸ்ட் அமைப்புகளுடன் டாப்-நாட்ச் தரத்தில் உருவாக்கப்பட்டுள்ளது.
பவர்ட்ரெய்ன்
மெர்சிடிஸ்-AMG நிறுவனம் இந்த GT SUV மாடலை GT 53, GT 55 மற்றும் GT 63 என மூன்று வேரியன்ட்களில் வழங்குகிறது. இதில் முதலாவது வேரியன்ட் 106 kWh பேட்டரி பேக் ஆப்ஷனில் மட்டுமே கிடைக்கிறது. மற்ற இரண்டு வேரியன்ட்களும் 700 km வரை க்ளைம்டு ரேஞ்ச் தரும் 128 kWh பேட்டரி பேக் ஆப்ஷனிலும் கிடைக்கின்றன. இதன் விரிவான விவரக்குறிப்புகள் இதோ:
| மாடல் |
AMG GT 53 SUV |
AMG GT 55 SUV |
AMG GT 63 SUV |
|
|
106 kWh |
106 kWh/128 kWh |
106 kWh/128 kWh |
|
|
2 |
3 |
3 |
|
|
668 km |
585 km/700 km |
585 km/700 km |
|
|
544 PS |
816 PS |
1169 PS |
|
| டார்க் |
800 Nm |
1860 Nm |
2000 Nm |
|
| டிரைவ்டிரெயின் |
AWD |
AWD |
AWD |
|
|
4.2 நொடிகள் |
3.1 நொடிகள் |
2.7 நொடிகள் |
|
|
250 கிமீ/மணி |
270 கிமீ/மணி |
270 கிமீ/மணி |
AWD- ஆல்-வீல் டிரைவ்
அதிக வேகத்தில் காரின் ஸ்டெபிலிட்டி மற்றும் டைனமிக்ஸை அதிகரிக்கும் வகையில், AMG GT SUV மாடலில் த்ரீ-ஸ்டேஜ் ஏர் சஸ்பென்ஷன் மற்றும் ரியர்-ஆக்சில் ஸ்டீயரிங் கொண்ட ஆக்டிவ் ஹைடிராலிக் சஸ்பென்ஷன் வழங்கப்பட்டுள்ளது. மேலும் இதன் 128 kWh பேட்டரி பேக் 710 kW DC ஃபாஸ்ட்-சார்ஜிங் வசதியைக் கொண்டுள்ளது. இதன் மூலம் வெறும் 12 நிமிடங்களில் பேட்டரியை 10 சதவீதத்தில் இருந்து 80 சதவீதம் வரை சார்ஜ் செய்துவிட முடியும்.
அறிமுக தேதி, எதிர்பார்க்கப்படும் விலை மற்றும் போட்டியாளர்கள்
இந்த AMG GT SUV காரின் இந்திய அறிமுக தேதியை மெர்சிடிஸ்-பென்ஸ் நிறுவனம் இன்னும் அதிகாரப்பூர்வமாக உறுதிப்படுத்தவில்லை. இருப்பினும் வழக்கமான காலக்கெடுவின்படி, 2027 ஆம் ஆண்டின் பிற்பாதியில் இது இந்திய சந்தைக்கு வரும் என்று எதிர்பார்க்கலாம். இதன் விலை எக்ஸ்-ஷோரூம் அடிப்படையில் சுமார் ரூ.3 கோடி அளவில் இருக்கலாம் என எதிர்பார்க்கப்படுகிறது.
சந்தையில் இந்த AMG GT SUV மாடலானது போர்ஷே கேயென் எலக்ட்ரிக், லோட்டஸ் எலெட்ரா மற்றும் விரைவில் வரவிருக்கும் ரேஞ்ச் ரோவர் ஸ்போர்ட் எலக்ட்ரிக் ஆகிய ஆடம்பர கார்களுக்குப் போட்டியாக அமையும்.
CarDekho Says…
மெர்சிடிஸ்-AMG நிறுவனம் எப்போதுமே தனது புதிய கார்கள் மூலம் எதிர்பார்ப்புகளின் எல்லையை உடைத்து புதுமை படைப்பது வழக்கம். இந்த AMG GT SUV மாடலும் அதற்கு விதிவிலக்கல்ல. சாலையில் அனைவரின் கவனத்தையும் ஈர்க்கும் ஃபியூச்சரிஸ்டிக் டிசைன், உயர் ரக மெர்சிடிஸ் காரில் எதிர்பார்க்கும் ஆடம்பர வசதிகள், நவீன எலக்ட்ரிக் கார் தொழில்நுட்பம் மற்றும் ஒரு SUV காரின் நடைமுறைப் பயன்பாடு ஆகியவற்றை உள்ளடக்கி, தனது உண்மையான 'GT' கிராண்ட்-டூரிங் பாரம்பரியத்திற்கு எந்தக் குறையும் வைக்காமல் இந்த காரை உருவாக்கியுள்ளனர். இதன் டிசைன் மற்றும் எலக்ட்ரிக் பவர்ட்ரெய்ன் மீது மாறுபட்ட கருத்துக்கள் எழுந்தாலும், இதில் உள்ள பிரமிக்க வைக்கும் தொழில்நுட்பங்களும் அசுரத்தனமான பெர்ஃபார்மன்ஸ் புள்ளிவிவரங்களும், அதிக விலை கொடுக்கத் தயாராக இருக்கும் வாடிக்கையாளர்களை நிச்சயமாகக் கவரும்.
இந்த புதிய AMG GT SUV காரைப் பற்றி நீங்கள் என்ன நினைக்கிறீர்கள்? உங்கள் கருத்துக்களை கீழே உள்ள கமெண்ட் பகுதியில் எங்களோடு பகிர்ந்து கொள்ளுங்கள்!
