புதிய Mahindra XEV 9e மற்றும் BE 6e இன்டீரியர் விவரங்கள் வெளியாகியுள்ளன

• மஹிந்திரா தனது புதிய EV -களுக்காக BE மற்றும் XEV என்ற இரண்டு புதிய துணை பிராண்டுகளை அறிமுகப்படுத்தியுள்ளது.

• BE மாடல்கள் முற்றிலும் புதிதாக தயாரிக்கப்பட்ட EV -களாக இருக்கும். XEV பிராண்ட் ICE கார்களின் EV பதிப்புகளாக இருக்கும்.

• XEV 9e மற்றும் BE 6e இரண்டும் மஹிந்திராவின் புதிய INGLO கட்டமைப்பு தளத்தை அடிப்படையாகக் கொண்டவையாகும்.

• இரண்டு எலக்ட்ரிக் கார்களும் பல ஜோன் ஏசி, வயர்லெஸ் ஃபோன் சார்ஜர் மற்றும் பிரீமியம் ஆடியோ சிஸ்டம் ஆகியவற்றைப் கொண்டிருக்கலாம்.

• இரண்டு கார்களிலும் பாதுகாப்புக்காக 6 ஏர்பேக்குகள் (ஸ்டாண்டர்டாக) மற்றும் லெவல் 2 ADAS ஆகியவையும் கொடுக்கப்படலாம்.

• XEV 9e விலை ரூ. 38 லட்சத்தில் இருந்து தொடங்கும் என எதிர்பார்க்கப்படுகிறது. அதே சமயம் BE 6e காரின் விலை ரூ. 24 லட்சத்தில் இருந்து (எக்ஸ்-ஷோரூம்) தொடங்கலாம்.

மஹிந்திராவிலிருந்து வரவிருக்கும் இரண்டு புதிய எலக்ட்ரிக் கார்களான XEV 9e மற்றும் BE 6e, ஆகியவற்றின் டீஸர் வெளியிடப்பட்டுள்ளது. இந்த முறை கார்களின் உட்புறம் காட்டப்பட்டுள்ளது. இந்த இரண்டு எலக்ட்ரிக் கார்களும் கூபே ரூஃப் வடிவமைப்பை கொண்டுள்ளன. மேலும் மஹிந்திராவின் புதிய INGLO கட்டமைப்பு தளத்தில் மட்டுமல்ல புதிய XEV மற்றும் பார்ன் எலக்ட்ரிக் ( Born Electric, BE) சப் பிராண்டுகளின் கீழ் விற்பனைக்கு வரவுள்ள முதல் EV -களாக இருக்கும். XEV 9e மற்றும் BE 6e ஆகிய கார்கள் வரும் நவம்பர் 26 அன்று அறிமுகமாக உள்ளன.

டீசரில் என்ன காட்டப்பட்டுள்ளது ?

சமீபத்திய டீஸர் XEV 9e மற்றும் BE 6e கார்களின் கேபினை பற்றிய ஒரு பார்வையை வழங்குகிறது. XEV 9e ஆனது டிரிபிள்-ஸ்கிரீன் செட்டப்பை கொண்டுள்ளது (டிஜிட்டல் டிரைவர்ஸ் டிஸ்பிளே, டச் ஸ்கிரீன் மற்றும் பயணிகள் டிஸ்பிளே உட்பட), BE 6e டூயல் இன்டெகிரேட்டட் ஸ்கிரீன்களுடன் வருகிறது. இரண்டு மாடல்களிலும் 2-ஸ்போக் ஸ்டீயரிங் வீல் மற்றும் ஒளிரும் லோகோக்கள் மற்றும் பனோரமிக் சன்ரூஃப் ஆகியவை இடம்பெற்றுள்ளன.

வடிவமைப்பு பற்றிய கூடுதல் தகவல்கள்

 XEV 9e மற்றும் BE 6e எலெக்ட்ரிக் எஸ்யூவி கூபேக்கள் கூபே-எஸ்யூவி ரூஃப்லைனை கொண்டுள்ளன மற்றும் அவற்றின் கான்செப்ட் பதிப்புகளை போலவே உள்ளன. BE 6e ஆனது ஒரு ஷார்ப்பான பானட், C-வடிவ LED DRLகள் மற்றும் ஸ்லீக்கர் பம்பருடன் ஷார்ப்பானதாக தெரிகிறது. XEV 9e ஆனது இன்வெர்டட் L- வடிவ கனெக்டட் LED DRLகள் மற்றும் கனெக்டட் LED டெயில் லைட்கள் உள்ளன.

எதிர்பார்க்கப்படும் வசதிகள்

ட்ரை-ஸ்கிரீன் செட்டப் மற்றும் இல்லுமினேட்டட் லோகோவுடன் கூடிய 2-ஸ்போக் ஸ்டீயரிங் தவிர, XEV 9e மல்டி ஜோன் ஏசி, வயர்லெஸ் ஃபோன் சார்ஜர், பிரீமியம் ஆடியோ சிஸ்டம் மற்றும் வென்டிலேட்டட் மற்றும் பவர்டு இருக்கைகளையும் பெறலாம். இது ஒரு EV ஆக இருப்பதால் இது வெஹிகிள் டூ லோடிங் (V2L) மற்றும் மல்டி ரீஜெனரேஷன் மோட் போன்ற தொழில்நுட்பத்துடன் வரலாம். 

XEV 9e -யை போலவே BE 6e மல்டி ஜோன் ஏசி, வயர்லெஸ் ஃபோன் சார்ஜர் மற்றும் பிரீமியம் ஆடியோ சிஸ்டம் ஆகியவற்றைப் பெறலாம். இரண்டு எலக்ட்ரிக் கார்களிலும் உள்ள பாதுகாப்புக்காக 6 ஏர்பேக்ஸ் (ஸ்டாண்டர்டாக), 360 டிகிரி கேமரா மற்றும் லெவல் 2 அட்வான்ஸ்டு டிரைவர்-அசிஸ்டன்ஸ் சிஸ்டம் (ADAS) ஆகியவை அடங்கும்.

மேலும் பார்க்க: 2024 Honda Amaze காரின் புதிய டீஸர் வெளியிடப்பட்டுள்ளது

எதிர்பார்க்கப்படும் பவர்டிரெய்ன்

இரண்டு EV -களுக்கான சரியான பேட்டரி பேக் மற்றும் எலக்ட்ரிக் மோட்டார் விவரங்கள் இன்னும் வெளியிடப்படவில்லை. இருப்பினும் XEV 9e ஆனது 60 kWh மற்றும் 80 kWh பேட்டரி பேக்குகளை மொத்தமாக 500 கி.மீ வரை கிளைம்டு ரேஞ்சை கொண்டிருக்கலாம். இது ரியர்-வீல்-டிரைவ் (RWD) மற்றும் ஆல்-வீல்-டிரைவ் (AWD) செட்டப்களுடன் வரலாம். BE 6e எலெக்ட்ரிக் எஸ்யூவி ஆனது 60 kWh பேட்டரி பேக் மூலம் சுமார் 450 கி.மீ தூரம் வரை செல்லும் என எதிர்பார்க்கப்படுகிறது. இது RWD மற்றும் AWD ஆகிய இரண்டு ஆப்ஷன்கள் உடன் வரலாம்.

எதிர்பார்க்கப்படும் விலை மற்றும் போட்டியாளர்கள்

மஹிந்திரா XEV 9e விலை ரூ. 38 லட்சத்தில் இருந்து தொடங்கும் என எதிர்பார்க்கப்படுகிறது. அதே சமயம் BE 6e ரூ. 24 லட்சத்தில் இருந்து தொடங்கலாம் (விலை விவரங்கள் அனைத்தும் எக்ஸ்-ஷோரூம் -க்கானவை ஆகும்). மஹிந்திரா XEV 9e ஆனது டாடா ஹாரியர் EV மற்றும் சஃபாரி EV ஆகிய கார்களுக்கு போட்டியாக இருக்கும். BE 6e ஆனது டாடா கர்வ்வ் EV, MG ZS EV மட்டுமில்லாமல் மாருதி eVX மற்றும் ஹூண்டாய் கிரெட்டா EV ஆகிய கார்களுக்கு போட்டியாகவும் இருக்கும்.

ஆட்டோமோட்டிவ் உலகில் இருந்து உடனடி அப்டேட்டுகளை பெற வேண்டுமா? கார்தேக்கோவின் வாட்ஸ்அப் சேனலை ஃபாலோ செய்யவும்.