ഫോക്സ്വാഗണ് പുതിയ ടച്ച്സ്ക്രീൻ ഇൻഫോടെയിൻമെന്റ് ലഭിച്ചു
തങ്ങളുടെ വാഹനങ്ങൾ കൃത്യസമയത്ത് നവീകരിക്കുന്നതിന് ഫോക്സ്വാഗൺ ഇന്ത്യ എപ്പോഴും ശ്രദ്ധിക്കാറുണ്ട്. അവരുടെ ജെറ്റ സെഡാനിന്റെ ഇന്റീരിയറിൽ പുതിയ അപ്ഡേറ്റുമായാണ് ഈ ജർമ്മൻ വാഹന നിർമ്മാതാക്കൾ ഇത്തവണ എത്തുന്നത്. കഴിഞ്ഞ വർഷൻ ഫേസ് ലിഫ്റ്റ് ചെയ്ത വാഹനത്തിന് പുത്തൻ ഇൻഫോടെയിന്മെന്റ് സിസ്റ്റം ഇതുവരെ ലഭിച്ചിട്ടില്ല. അടുത്തിടെ ലോഞ്ച് ചെയ്ത ബീറ്റിലിനൊപ്പമാണ് ഈ പുതിയ സിസ്റ്റം അവതരിപ്പിച്ചത്.
- ഒരു അഭിപ്രായം എഴുതുക
നിയന്ത്രിക്കുന്നതിനായി സൈഡുകളിൽ ബട്ടണുകളുള്ള പഴയ സിസ്റ്റത്തിനു പകരമാവും പുതിയ സിസ്റ്റം എത്തുക. ടച്ച്സ്ക്രീൻ ഡിസ്പ്ലേ, സിങ്ങിൾ സി ഡി പ്ലേയർ, ബ്ലൂടൂത്, യു എസ് ബി, എ യു എക്ക്സ്, പിന്നെ എസ് ഡി കാർഡ് റീഡ് ചെയ്യാനുള്ള സൗകര്യം എന്നിവയാണ് പുതിയ സവിശേഷതകൾ. അഡാപ്റ്റീവ് റിവേഴ്സ് ഗൈഡ്ലൈനോട് കൂടിയ പാർക്കിങ്ങ് സെൻസറിന്റെ വിഷ്വലുകളും അതിൽ ലഭിക്കും. എന്നിരുന്നാലും റിവേഴ്സ് ക്യാമറ ഇല്ലാത്തത് ഒരു പോരായ്മ തന്നെയാണ്. പഴയ 4 - സ്പീക്കർ / 4 ട്വീറ്റേഴ്സ് സിസ്റ്റം തന്നെയായിരിക്കും വാഹനത്തിലുണ്ടാകുക.
കഴിഞ്ഞ വർഷം ഫെബ്രുവരിയിൽ പുറത്തിറങ്ങിയ ജെട ഫേസ്ലിഫ്റ്റിൽ പുത്തൻ ഗ്രിൽ, ഡി ആർ എല്ലോട് കൂടിയ ഹെഡ്ലാംപുകൾ, പുതുക്കിയ ടെയിൽ ലാംപുകൾ, ഡ്വൽ ടോൺഡ് തീം, ഫ്ലാറ്റ് ബോട്ടം സ്റ്റീയറിങ്ങ് വീൽ, പിന്നെ 6 എയർ ബാഗുകൾ, ക്രൂയിസ് കൺട്രോൾ, എ ബി എസ്, ഫാറ്റിഗ് ഡിറ്റക്ഷൻ സിസ്റ്റം തുടങ്ങിയ സുരക്ഷ സംവിധാനങ്ങളുമുണ്ട്.
പഴയ 1.4 ലിറ്റർ ടി എസ് ഐ 2.0 ലിറ്റർ ടി ഡി ഐ എഞ്ചിനുകൾ തന്നെയായിരിക്കും വാഹനത്തിലുണ്ടാകുക. 6 - സ്പീഡ് മാനുവൽ ട്രാൻസ്മിഷനോടൊപ്പം പെട്രോൾ വേർഷൻ എത്തുമ്പോൾ 6 - സ്പീഡ് മാനുവലിനൊപ്പം 7 - സ്പീഡ് ഡ്വൽ ക്ലച്ച് ഓട്ടോമാറ്റിക് ട്രാൻസ്മിഷനും കൂടിയായിരിക്കും ഡീസൽ വ്വെർഷൻ എത്തുക.
വരുന്ന 2016 ഓട്ടോ എക്സ്പോയ്ക്ക് വേണ്ടി ഫോക്ശ് വാഗണും തയ്യാറെടുത്തുകഴിഞ്ഞു. 3 പുത്തൻ ഉൽപ്പന്നങ്ങൾ അവതരിപ്പിക്കുന്നതിനൊപ്പം മിനുക്ക് പണികൾ നടത്തിയ നിലവിലെ ഉൽപ്പന്നങ്ങളും അവർ അക്സ്പോയിൽ അവതരിപ്പിക്കുന്നതായിരിക്കും. കോംപാക്ട് സെഡാൻ അമീയൊ,
ടിഗ്വാൻ എസ് യു വി, പസ്സറ്റ് ജി ടി ഇ പ്ലഗ് ഇൻ ഹൈബ്രിഡ് മോഡൽ എന്നിവയാണ് അവരുടെ പുതിയ മോഡലുകൾ. അടുത്തിടെ ലോഞ്ച് ചെയ്ത ബീറ്റിൽ, വെന്റൊ, ജെറ്റ സെഡാൻ, പോളോ, ക്രോസ്സ് പോളോ, എന്നിവയായിരിക്കും ഫോക്ശ് വാഗണിന്റെ പവലിയണിൽ ഉണ്ടാകുന്ന മറ്റ് വാഹനങ്ങൾ.
