Maruti Suzuki Grand Vitara ഭാരത് NCAP ക്രാഷ് ടെസ്റ്റ് ചിത്രങ്ങൾ ഓൺലൈനിൽ!

• മാരുതി സുസുക്കി ഗ്രാൻഡ് വിറ്റാരയുടെ ഭാരത് NCAPക്രാഷ് ടെസ്റ്റ് ചിത്രങ്ങൾ ചോർന്നു.

• SUVയിൽ നടത്തിയ ഫ്രണ്ടൽ, സൈഡ് ഇംപാക്ട് ടെസ്റ്റുകൾ ചിത്രങ്ങൾ വെളിപ്പെടുത്തുന്നു.

• ക്രാഷ് ടെസ്റ്റ് ഫലങ്ങൾ മാരുതിയോ BNCAPയോ ഇതുവരെ ഔദ്യോഗികമായി പ്രഖ്യാപിച്ചിട്ടില്ല.

• ഈ മോഡലിന്റെ  എതിരാളികളായ സ്കോഡ കുഷാക്ക്, VW ടൈഗൺ എന്നിവ ഗ്ലോബൽ ACAPയിൽ ഫൈവ് സ്റ്റാർ റേറ്റിംഗ് നേടിയിട്ടുണ്ട്.

ഇന്ത്യയിൽ ഗ്ലോബൽ NCAPയെ ഫലപ്രദമായി മാറ്റിസ്ഥാപിച്ചുകൊണ്ട് രാജ്യത്ത് വിൽക്കുന്ന വാഹനങ്ങളിൽ ക്രാഷ് ടെസ്റ്റുകൾ നടത്തുന്ന ഇന്ത്യയുടെ സ്വന്തം കാർ മൂല്യനിർണ്ണയ സംരംഭമാണ് ഭാരത് ന്യൂ കാർ അസസ്‌മെൻ്റ് പ്രോഗ്രാം (BNACP). ഫെയ്‌സ്‌ലിഫ്റ്റ് ചെയ്ത ടാറ്റ ഹാരിയറും സഫാരിയുമാണ് ഈ പുതിയ സംരംഭത്തിന് കീഴിൽ ആദ്യമായി പരീക്ഷിച്ച കാറുകൾ, ഗ്രാൻഡ് വിറ്റാരയായിരിക്കാം BNCAP വിലയിരുത്തുന്ന ആദ്യത്തെ മാരുതി കാർ മോഡൽ. ഗ്രാൻഡ് വിറ്റാരയുടെ ക്രാഷ് ടെസ്റ്റ് ചിത്രങ്ങൾ ഓൺലൈനിൽ പ്രത്യക്ഷപ്പെട്ടു,ഇത്  കോംപാക്റ്റ് SUVയിൽ നടത്തിയ ഫ്രണ്ടൽ, സൈഡ് ഇംപാക്ട് ടെസ്റ്റുകൾ സൂചിപ്പിക്കുന്നവയാണ്.

ക്രാഷ് ടെസ്റ്റ് ഫലങ്ങളെക്കുറിച്ച് മാരുതിയിൽ നിന്ന് ഔദ്യോഗിക അറിയിപ്പുകളൊന്നും ഉണ്ടായിട്ടില്ല, കൂടാതെ BNCAP വെബ്സൈറ്റിൽ ചിത്രങ്ങളൊന്നും പോസ്റ്റ് ചെയ്തിട്ടുമില്ല. എന്നിരുന്നാലും, റിസൾട്ടുകൾ ഉടൻ പുറത്തുവരുമെന്ന് ഞങ്ങൾ പ്രതീക്ഷിക്കുന്നു. നിലവിൽ, ഈ SUVയുടെ ക്രാഷ് ടെസ്റ്റ് റേറ്റിംഗിനെക്കുറിച്ച് ഞങ്ങൾക്ക് ഉറപ്പില്ല, എന്നാൽ 2018-ൽ ഗ്ലോബൽ NCAPയിൽ ടെസ്റ്റ് നടത്തിയതിൽ  നാല് സ്റ്റാറുകൾ നേടിയ മുൻ തലമുറ വിറ്റാര ബ്രെസ്സ, ഗ്രാൻഡ് വിറ്റാര അടിസ്ഥാനമാക്കുന്ന അതേ പ്ലാറ്റ്‌ഫോം ഉള്ളതിനാൽ ഇത് മികച്ച പ്രകടനം കാഴ്ചവെക്കുമെന്ന് പ്രതീക്ഷിക്കുന്നു.

ഭാരത് NCAP ടെസ്റ്റിംഗിനായി കുറഞ്ഞത് മൂന്ന് മോഡലുകളെങ്കിലും അയക്കുമെന്ന് മാരുതി നേരത്തെ സ്ഥിരീകരിച്ചിരുന്നു, ഗ്രാൻഡ് വിറ്റാരയും അതിലൊന്നായിരിക്കാമെന്ന്  ഞങ്ങൾ സംശയിച്ചിരുന്നു. ഇത് 5 സ്റ്റാർ റേറ്റിംഗ് നേടുകയാണെങ്കിൽ, ഈ റേറ്റിംഗ് നേടുന്ന ആദ്യ മാരുതി കാറായിരിക്കും, കൂടാതെ വാങ്ങുന്നവർക്ക് ഒരു അധിക പ്ലസ് പോയിന്റ് നൽകിക്കൊണ്ട് വിൽപ്പനയിലെ  വർദ്ധനവിനും ഇത് സഹായകമാകും. ഔദ്യോഗിക ഫലങ്ങൾക്കായി ഞങ്ങൾ കാത്തിരിക്കേണ്ടിവരും, പക്ഷേ അതുവരെ ഗ്രാൻഡ് വിറ്റാരയുടെ BNCAP സ്‌കോറിനെക്കുറിച്ചുള്ള നിങ്ങളുടെ പ്രവചനങ്ങൾ ചുവടെയുള്ള കമന്റുകളിലൂടെ ഞങ്ങളുമായി പങ്കിടൂ.

രണ്ട് പെട്രോൾ എഞ്ചിൻ ഓപ്ഷനുകളോടെയാണ് മാരുതി സുസുക്കി ഗ്രാൻഡ് വിറ്റാര വാഗ്ദാനം ചെയ്യുന്നത്, മൈൽഡ്-ഹൈബ്രിഡ് സിസ്റ്റവുമായി ജോഡിയാക്കുന്ന 103 PS 1.5 ലിറ്റർ പെട്രോളും , 116 PS 1.5 ലിറ്റർ ശക്തമായ ഹൈബ്രിഡ് പവർട്രെയിനുമാണ് ഇവ. വയർലെസ് ആപ്പിൾ കാർപ്ലേ/ആൻഡ്രോയിഡ് ഓട്ടോ, പനോരമിക് സൺറൂഫ്, വയർലെസ് ഫോൺ ചാർജർ, വെൻ്റിലേറ്റഡ് ഫ്രണ്ട് സീറ്റുകൾ എന്നിവയുള്ള 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം പോലുള്ള സവിശേഷതകൾ ഇതിന് ലഭിക്കുന്നു. ആറ് എയർബാഗുകൾ, EBD സഹിതമുള്ള ABS, ഇലക്ട്രോണിക് സ്റ്റെബിലിറ്റി കൺട്രോൾ, 360-ഡിഗ്രി ക്യാമറയുള്ള പിൻ പാർക്കിംഗ് സെൻസറുകൾ എന്നിവയാണ് ഉൾപ്പെടുത്തിയിട്ടുള്ള  സുരക്ഷാ സവിശേഷതകൾ .

ഗ്രാൻഡ് വിറ്റാരയുടെ വില 10.99 ലക്ഷം രൂപയിൽ ആരംഭിച്ച് 20.09 ലക്ഷം രൂപ വരെ ഉയരുന്നു (എക്സ്-ഷോറൂം ഡൽഹി). MG ആസ്റ്റർ, ഹോണ്ട എലിവേറ്റ്, കിയ സെൽറ്റോസ്, ഹ്യുണ്ടായ് ക്രെറ്റ, ടൊയോട്ട ഹൈറൈഡർ, VW ടൈഗൺ, സ്കോഡ കുഷാക്ക് എന്നിവയോട് ഇത് മത്സരിക്കുന്നു

ഏറ്റവും പുതിയ എല്ലാ ഓട്ടോമോട്ടീവ് അപ്‌ഡേറ്റുകൾക്കുമായി കാർദേഖോയുടെ വാട്സ് ആപ് ചാനൽ ഫോളോ ചെയ്യൂ

കൂടുതൽ വായിക്കൂ: ഗ്രാൻഡ് വിറ്റാര ഓൺ റോഡ് പ്രൈസ്