எக்ஸ்க்ளூசிவ்: இந்தியாவில் ஸ்பை ஷாட்டில் தென்பட்ட ஃபேஸ்லிப்டட் ஹூண்டாய் i20

.

• ஹூண்டாய் 2022 ஆம் ஆண்டின் இறுதியில் இருந்து உலகளவில் ஃபேஸ்லிப்டட் i20 ஐ சோதனை செய்து வருகிறது.

• இந்திய உளவு காட்சிகள் புதிய அலாய் வீல்களை வெளிப்படுத்துகின்றன; முன்புறம் மற்றும் பின்புறம் பகுதியாக உருவமறைப்பு செய்யப்பட்டு இருந்தது.

• உள்ளே, அதே 10.25-இன்ச் டச் ஸ்கிரீன் மற்றும் டேஷ்கேமுடன் (புதியது) காணப்பட்டிருக்கலாம்.

• கூடுதல் அம்சங்களில் சுற்றுப்புற விளக்குகள் மற்றும் வென்டிலேட்டட் முன்புற இருக்கைகள் ஆகியவை அடங்கும்.

• தற்போதைய மாடலில் உள்ள அதே 1.2-லிட்டர் NA மற்றும் 1-லிட்டர் டர்போ-பெட்ரோல் இன்ஜின் ஆப்ஷன்களைப் பெறும் என்று எதிர்பார்க்கப்படுகிறது.

• ஹூண்டாய்  ரூ. 8 இலட்சம் (எக்ஸ்-ஷோரூம்) ஆரம்ப விலையில் அதனை அறிமுகப்படுத்தும்  என எதிர்பார்க்கப்பபடுகிறது .

2022 ஆம் ஆண்டின் இறுதியில்,  ஃபேஸ்லிப்டட் ஹூண்டாய் i20இன் முதல்  உளவுப் படங்கள் அதன் சொந்த நாட்டிலிருந்து ஆன்லைனில் வெளிவந்தன. இப்போது, புதுப்பிக்கப்பட்ட ஹேட்ச்பேக்கின் முதல் இந்திய உளவுப் படங்களைப் பிரத்தியேகமாகப் பெற்றுள்ளோம்.

என்ன காண முடிகிறது?

உளவுப் படங்களில் ஃபேஸ்லிப்டட் i20 முன்புறம் மற்றும் பின்புறம் பகுதியளவு கறுப்பு உறையிடலில் சில்வர் பெயிண்டில் முடிந்ததை பார்க்க முடிந்தது. ஃபேஸ்லிப்டட்  i20 இன் திருத்தப்பட்ட அலாய் வீல் வடிவமைப்பையும் அது நமக்கு வழங்குகிறது. சமீபத்திய படங்களில் முன்புறம் தெரியவில்லை என்றாலும், அதன் மாற்றங்கள் உலகளவில் வெளியிடப்பட்ட புதுப்பிக்கப்பட்ட i20 இல் காணப்பட்டவற்றுக்கு ஏற்ப அது இருக்கும் என்று எதிர்பார்க்கலாம். இது மாற்றியமைக்கப்பட்ட கிரில் வடிவமைப்பு, புதுப்பிக்கப்பட்ட LED விளக்குகள் மற்றும் மாற்றப்பட்ட பம்பர்கள் ஆகியவற்றை உள்ளடக்கியிருக்க வேண்டும்.

உட்புற புதுப்பிப்புகள்

ஃபேஸ்லிப்டட் i20 இன் உட்புறத்தின் தெளிவான படம் இல்லை என்றாலும், ஹூண்டாய் அதற்கு ஒரு புதிய இருக்கை மற்றும் புதிய கேபின் தீம் கொடுக்கலாம் என்று நாங்கள் நினைக்கிறோம். அதாவது, டச் ஸ்கிரீன் அமைப்பு (தற்போதைய மாடலின் அதே 10.25-இன்ச்ப் பிரிவு) மற்றும் ஒரு டாஷ்கேம் (புதிய அம்சம்) ஆகியவற்றைக் காணலாம். ஃபேஸ்லிப்டட் i20, வென்யூ N  லைன் மற்றும் வரவிருக்கும் எக்ஸ்டர் மைக்ரோ எஸ்யூவி -யைத் தொடர்ந்து டாஷ்கேமைப் பெறும் இந்தியாவில் மூன்றாவது ஹூண்டாய் காராக இருக்கும்.

தற்போதுள்ள i20 இன் கேபின்

ஃபேஸ்லிப்டட் i20 இல் உள்ள மற்ற உபகரணங்களில் ஆட்டோமெட்டிக் கிளைமேட் கன்ட்ரோல், க்ரூஸ் கன்ட்ரோல், கனெக்டட் கார் டெக் மற்றும் வயர்லெஸ் ஃபோன் சார்ஜிங் ஆகியவை இருக்கலாம். புதிய அம்சங்களில் வென்டிலேட்டட் முன்புற இருக்கைகள் மற்றும் சுற்றுப்புற விளக்குகள் ஆகியவை அடங்கும்.

பாதுகாப்பைப் பொறுத்தவரை, ஃபேஸ்லிப்டட் i20 ஆனது நிலையான, எலக்ட்ரானிக் ஸ்டெபிலிட்டி கண்ட்ரோல் (ESC), முன்புற மற்றும் பின்புற பார்க்கிங் சென்சார்கள் மற்றும் ரிவர்சிங் கேமரா மற்றும் நிலையான ஆறு ஏர்பேக்குகளுடன் வரலாம்.

மேலும் படிக்க: A.I. இன் படி ரூ. 20 இலட்சத்திற்கும் குறைவான விலையில்  இந்தியாவில் உள்ள முதன்மையான 3 குடும்ப SUVகள் இதோ

பவர்டிரெய்னில் ஏதேனும் மாற்றங்கள் உள்ளதா?

ஹூண்டாய் அதன் பிரீமியம் ஹேட்ச்பேக்கின் பவர்டிரெய்ன் ஆப்ஷன்களை மாற்றம் செய்யும் என்று எதிர்பார்க்கப்படவில்லை. இது 1.2-லிட்டர் நேச்சுரல் அஸ்பிரேட்டட் (83PS/114Nm) மற்றும் 1-லிட்டர் டர்போ-பெட்ரோல் (120PS/172Nm) இன்ஜின் ஆப்ஷன்களுடன் தொடர கூடும். முந்தையதை 5-ஸ்பீடு MT அல்லது CVT உடன் வைத்திருக்க முடியும், பிந்தையது 7-ஸ்பீடு DCT (இரட்டை-கிளட்ச் டிரான்ஸ்மிஷன்) மட்டுமே பெறுகிறது.

இந்திய அறிமுகம் மற்றும் விலை

ஹூண்டாய் நிறுவனம் ஃபேஸ்லிப்டட் i20யை இந்தியாவில் பண்டிகைக் காலத்தில் அறிமுகப்படுத்தலாம் என நம்புகிறோம்.  ரூ.8 லட்சம் (எக்ஸ் ஷோரூம்) முதல் அதன் விலை தொடங்கலாம் என எதிர்பார்க்கப்படுகிறது. பிரீமியம் ஹேட்ச்பேக்  மாருதி பலேனோ, டாடா ஆல்ட்ரோஸ் மற்றும் டொயோட்டா கிளான்ஸா ஆகியவற்றுக்கு போட்டியாகத் தொடரும்.

மேலும் படிக்க:  i20 ஆன் ரோடு விலை