பஞ்சாப் காவல்துறையிடம் ஒப்படைக்கப்பட்ட 71 கஸ்டமைஸ்டு Kia Carens கார்கள்

• காவல்துறையின் பணிகளுக்கு ஏற்ப கேரன்ஸ் MPV ஆனது ஹை இன்டன்சிட்டி கொண்ட ஸ்ட்ரோப் லைட்ஸ் மற்றும் ஸ்பீக்கர்களுடன் வருகிறது.

• கேரன்ஸின் இந்த பதிப்பில் கூடுதலாக பொருத்தப்பட்டுள்ள உபகரணங்களை இயக்குவதற்கு அதிக திறன் கொண்ட 60 Ah பேட்டரியும் இதில் பொருத்தப்பட்டுள்ளது.

• கேரன்ஸ் ஸ்பெஷல் பஞ்சாப் காவல்துறை ஸ்டிக்கர்கள் மற்றும் ‘டயல் 112’ பாடி டீக்கால்களுடன் வருகிறது.

இந்த மாற்றியமைக்கப்பட்டுள்ள கியா கேரன்ஸ் MPVகள் தொடக்கத்தில் ஆட்டோ எக்ஸ்போ 2023 நிகழ்வில் இரண்டு வெர்ஷன்களில் காட்சிக்கு வைக்கப்பட்டது: ஒரு காவல்துறை வாகனம் மற்றும் ஒரு ஆம்புலன்ஸ். சமீபத்தில், கேரன்ஸ் தனிப்பட்ட நோக்கம் கொண்ட வாகனம் (PBV) பதிப்பு பாரத் மொபிலிட்டி குளோபல் எக்ஸ்போ 2024 -ல் காட்சிக்கு வைக்கப்பட்டது. கியா இப்போது 71 எண்ணிக்கையில் தனிப்பயனாக்கப்பட்ட கேரன்ஸ் MPV -களை பஞ்சாப் காவல்துறைக்கு வழங்கியுள்ளது. அவசரகாலங்களில் பொதுமக்கள் எளிதில் அனுகும் வகையில் இவை இருக்கும்.

வெளியில் எப்படி தெரிகிறது

கேரன்ஸின் இந்த கஸ்டமைஸ்டு  பதிப்பின் பாடிவொர்க்கில் கியா எந்த மாற்றமும் செய்யவில்லை என்றாலும், கதவுகள், பானட் மற்றும் பம்பர் ஆகியவற்றில் பஞ்சாப் காவல்துறை என்பதை குறிக்கும் ஸ்டிக்கர்கள் மற்றும் 'டயல் 112' அவசரகால அழைப்புகளை குறிக்கும் ஸ்டிக்கர்களை கொண்டுள்ளது. கூடுதலாக, பொதுவாக காவல்துறை வாகனங்களில் கூரையில் இருக்கும் ஹை-இன்டன்சிட்டி ஸ்ட்ரோப் லைட்ஸ் பொருத்தப்பட்டுள்ளன. பெரிய ஆன்டெனாவையும் நம்மால் பார்க்க முடியும், நீண்ட தூரத்தில் உள்ள காவல்துறை ரேடியோ தகவல்தொடர்புகளுக்கு இது பயன்படும்.

கியா கேரன்ஸின் இந்த காவல்துறை எடிஷன் 15-இன்ச் ஸ்டீல் வீல்களுடன் வருகிறது, இது பேஸ்-ஸ்பெக் பிரீமியம் வேரியன்ட்டை அடிப்படையாகக் கொண்டது.

மேலும் பார்க்க: புதிய காரை வாங்க திட்டமிட்டுள்ளீர்களா ? உங்களிடம் உள்ள பழைய காரை ஸ்கிராப் செய்வதால் கிடைக்கும் பலன்கள் என்ன தெரியுமா ?

• RTO பதிவுகளை சரிபார்க்க

• நிலுவையில் உள்ள உங்களது சலான்களை சரிபார்க்கவும்

வாகனத்தில் செய்யப்பட்டுள்ள மாற்றங்கள்

இந்த கஸ்டமைஸ்டு கியா கேரன்ஸ் பஞ்சாப் காவல்துறையிடம் வழங்கப்பட்டுள்ளது, 7 இருக்கைகள் கொண்ட அமைப்பில் வருகிறது. இது செமி-லெதரெட் சீட் அப்ஹோல்ஸ்டரியுடன் வருகின்றது, மேலும் இங்கு மிகப்பெரிய மாற்றம் சென்டர் கன்சோலில் பொருத்தப்பட்ட மைக் போன்ற அமைப்பாகும். இது 60:40 ஸ்பிளிட் ஃபோல்டிங் இரண்டாவது வரிசை இருக்கைகளைக் கொண்டுள்ளது, அதே சமயம் மூன்றாவது வரிசையை 50:50 விகிதத்தில் பிரிக்கலாம், இது வழக்கமான MPV பதிப்பைப் போன்றது. கேரன்ஸின் இந்த போலிஸ் எடிஷன், இரண்டாவது மற்றும் மூன்றாவது வரிசைக்கு கூரையில் பொருத்தப்பட்ட ஏசி வென்ட்களையும், கூடுதல் வசதிக்காக நான்கு பவர் விண்டோக்களையும் பெறுகிறது. கூடுதலாக, மூன்று வரிசைகளும் சரிசெய்யக்கூடிய ஹெட்ரெஸ்ட்கள், 12V பவர் சாக்கெட் மற்றும் 5 USB டைப்-சி போர்ட்களுடன் பொருத்தப்பட்டுள்ளன.

கேரன்ஸின் கஸ்டமைஸ்டு பதிப்பு கூடுதலாக பொருத்தப்பட்ட உபகரணங்களை இயக்க பெரிய 60 Ah பேட்டரியுடன் வருகிறது. கியா, செமி-டிஜிட்டல் டிரைவரின் டிஸ்ப்ளே, ஐடில் இன்ஜின் ஸ்டார்ட்/ஸ்டாப் போன்ற அம்சங்களையும் கொண்டுள்ளது, அதே நேரத்தில் அதன் பாதுகாப்பு கிட்டில் 6 ஏர்பேக்குகள், ஆல்-வீல் டிஸ்க் பிரேக்குகள், எலக்ட்ரானிக் ஸ்டெபிலிட்டி கண்ட்ரோல் மற்றும் டயர் பிரஷர் மானிட்டர் சிஸ்டம் ஆகியவை இந்த காரில் உள்ளன.

மேலும் பார்க்க: குளோபல் NCAP -யில் 5-ஸ்டார் பாதுகாப்பு மதிப்பீட்டைப் பெற்றது Tata Nexon ஃபேஸ்லிஃப்ட் கார்

கேரன்ஸ் பவர்டிரெய்ன் விவரங்கள்

கியா கேரன்ஸின் இந்த போலிஸ் பதிப்பு 1.5 லிட்டர் நேச்சுரலி ஆஸ்பிரேட்டட் பெட்ரோல் இன்ஜின் மூலம் இயக்கப்படுகிறது, இது 115 PS மற்றும் 144 Nm ஐ அவுட்புட்டை கொடுக்கின்றது. இந்த யூனிட் 6-ஸ்பீடு மேனுவல் டிரான்ஸ்மிஷனுடன் இணைக்கப்பட்டுள்ளது.

தனியார் வாடிக்கையாளர்களுக்கு, கியா நிறுவனம் கேரன்ஸ் மேலும் இரண்டு இன்ஜின் ஆப்ஷன்களை வழங்குகிறது: 1.5-லிட்டர் டர்போ-பெட்ரோல் (160 PS / 253 Nm) 6-ஸ்பீடு iMT (கிளட்ச் பெடல் இல்லாமல் மேனுவல் டிரான்ஸ்மிஷன்) அல்லது 7-ஸ்பீடு DCT (டூயல்) ஆகியவற்றுடன் இணைக்கப்பட்டுள்ளது. கிளட்ச் ஆட்டோமேட்டிக் டிரான்ஸ்மிஷன்), மற்றும் 1.5-லிட்டர் டீசல் இன்ஜின் (116 PS / 250 Nm) 6-ஸ்பீடு iMT அல்லது 6-ஸ்பீடு ஆட்டோமேட்டிக் டிரான்ஸ்மிஷனுடன் இணைக்கப்பட்டுள்ளது.

விலை & போட்டியாளர்கள்

கேரன்ஸின் கஸ்டமைஸ்டு பதிப்பின் விலை பற்றிய தகவல்களை கியா வெளியிடவில்லை. கியா MPV -ன் வழக்கமான பதிப்பு ரூ 10.45 லட்சம் முதல் ரூ 19.45 லட்சம் வரை (எக்ஸ்-ஷோரூம் டெல்லி) விலையில் உள்ளது. கேரன்ஸ் காரானது மாருதி எர்டிகா/ டொயோட்டா ரூமியான் ஆகியவற்றுக்கு பிரீமியம் மாற்றாக இருக்கும். டொயோட்டா இன்னோவா கிரிஸ்டா மற்றும் டொயோட்டா இன்னோவா ஹைகிராஸ்/ மாருதி இன்விக்டோ ஆகியவற்றுக்கு விலை குறைவான மாற்றாக இருக்கும். 

மேலும் படிக்க: கியா கேரன்ஸ் ஆட்டோமெட்டிக்