ഫോക്സ്വാഗണിന്റെ അമീയൊ ഇന്ന് അവതരിപ്പിച്ചു; ലോഞ്ച് - 2016 പകുതിയാവുമ്പോഴേക്ക്
ജർമ്മൻ കാർ നിർമ്മാതാക്കൾ ഫോക്സ്വാഗൺ ഇന്ത്യയ്ക്ക് വേണ്ടി നിർമ്മിച്ച സബ് കോംപാക്ട് സെഡാൻ അവതരിപ്പിച്ചു. പോളോ ഹാച്ച് ബാക്കിനെ അടിസ്താനമാക്കി നിർമ്മിച്ച ഈ സെഡാൻ ഇന്ത്യൻ വിപണിയിലേക്കുള്ള ഫോക്സ്വാഗണിന്റെ ആദ്യത്തെ സെഡാനാണ്. മഹാരാഷ്ട്രയിലെ ചകനിലുള്ള നിർമ്മാണ ശാലയിൽ മുഴുവനായും പ്രാദേശീയമായി നിർമ്മിച്ച വാഹനം 2016 പകുതിയോടെ ലോഞ്ച് ചെയ്യും.
- ഒരു അഭിപ്രായം എഴുതുക
ഫോർഡ് ഫിഗൊ ആസ്പയർ, മാരുതി സുസുകി സ്വിഫ്റ്റ് ഡിസയർ, ടാറ്റ സെസ്റ്റ്, ഹ്യൂണ്ടായ് എക്സെന്റ്, ഹോണ്ട അമേസ് എന്നിവയുൾപ്പെടുന്ന കോംപാക്ട് സെഡാൻ സെഗ്മെന്റിലായിരിക്കും ഫോക്സ്വാഗൺ അമീയൊ മത്സരിക്കുക. നിലവിൽ പോളോ ഹാച്ച്ബാക്കിലുള്ള എഞ്ചിൻ തന്നെ ഈ സബ് 4 മീറ്റർ കാറിലും ഉപയോഗിക്കുകയെന്ന് പ്രതീക്ഷിക്കാം. 110 എൻ എം ടോർക്കിൽ 74 ബി എച്ച് പി പവർ പുറന്തള്ളുന്ന 1.2 ലിറ്റർ 3 സിലിണ്ടർ എം പി ഐ പെട്രോൾ എഞ്ചിനും, 230 എൻ എം ടോർക്കിൽ 88.7 ബി എച്ച് പി പവർ തരുന്ന 4 സിലിണ്ടർ ടി ഡി എസ് ഐ ഡീസൽ എഞ്ചിനുമാണ് നിലവിൽ പോളോ ഹാച്ച്ബക്കിലുള്ളത്. ട്രാൻസ്മിഷന്റെ ചുമതല ഒരു 5 സ്പീഡ് മാനുവൽ ഗീയർ ബോക്സിനും പിന്നെ ഡി എസ് ജി ഓട്ടോമാറ്റിക് ഗീയർബോക്സിനുമാണ്.
സുരക്ഷയുടെ കാര്യത്തിൽ അമീയൊ എത്തുന്നത് സ്റ്റാൻഡേർഡ് ഡ്വൽ ഫ്രണ്ട് എയർബാഗുകളും എ ബി എസ്സുമായാണ്. റിയർ ക്യാമറ, ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, ഇലക്ട്രിക് മിററുകൾ, പിന്നെ സെഗ്മെന്റിലാദ്യമായുള്ള ക്രൂയിസ് കൺട്രോളും മഴ സെൻസ് ചെയ്യുന്ന വൈപറുകളുമാണ് വാഹനത്തിന്റെ മറ്റ് സവിശേഷതകൾ. പുതിയ ഫോക്സ്വാഗൺ പോളോ ജി ടി ഐ, പുത്തൻ ബീറ്റിൽ, ടിഗ്വാൻ, പസ്സറ്റ് ജി ടി ഇ എന്നിവയ്ക്കൊപ്പമായിരിക്കും ഫോക്`സ്`വാഗൺ അമീയൊ ഓട്ടോ എക്സ്പോയിൽ പ്രദർശനത്തിനെത്തുക.
