ದಕ್ಷಿಣ ಆಫ್ರಿಕಾದಲ್ಲಿ Toyota Fortuner ಮೈಲ್ಡ್-ಹೈಬ್ರಿಡ್ ಆವೃತ್ತಿ ಬಿಡುಗಡೆ, ಭಾರತದಲ್ಲಿ ಯಾವಾಗ ?

ಕಳೆದ ವರ್ಷ ಯುರೋಪ್‌ನಲ್ಲಿ ಬಿಡುಗಡೆಯಾದ ಹಿಲಕ್ಸ್ ಮೈಲ್ಡ್-ಹೈಬ್ರಿಡ್ ಪಿಕ್-ಅಪ್‌ಗೆ ಅನುಗುಣವಾಗಿ Toyota ತನ್ನ  Fortuner ಅನ್ನು ದಕ್ಷಿಣ ಆಫ್ರಿಕಾದಲ್ಲಿ ಮೈಲ್ಡ್‌-ಹೈಬ್ರಿಡ್ ಎಂಜಿನ್‌ನೊಂದಿಗೆ ಬಿಡುಗಡೆ ಮಾಡಿದೆ. ಎರಡೂ ಒಂದೇ 2.8-ಲೀಟರ್ ಡೀಸೆಲ್ ಎಂಜಿನ್ ಅನ್ನು ಬಳಸುತ್ತಿದ್ದು, 204 ಪಿಎಸ್ ಉತ್ಪಾದಿಸುತ್ತದೆ. ಮೈಲ್ಡ್‌-ಹೈಬ್ರಿಡ್ ಸೆಟಪ್‌ನೊಂದಿಗೆ ಫಾರ್ಚೂನರ್ ಭಾರತಕ್ಕೂ ಬರಬಹುದು ಎಂದು ನಾವು ನಿರೀಕ್ಷಿಸುತ್ತೇವೆ. 

ದಕ್ಷಿಣ ಆಫ್ರಿಕಾದಲ್ಲಿ ಮೈಲ್ಡ್-ಹೈಬ್ರಿಡ್ ಫಾರ್ಚೂನರ್ ಈಗ 48V ಮೈಲ್ಡ್-ಹೈಬ್ರಿಡ್ ಸಿಸ್ಟಮ್‌ ಅನ್ನು ಹೊಂದಿದೆ. ಟೊಯೊಟಾ ಪ್ರಕಾರ, ಇದು ಹೆಚ್ಚು ಶಕ್ತಿಶಾಲಿಯಾಗಿದೆ ಮತ್ತು ಕಡಿಮೆ ಇಂಧನವನ್ನು ಬಳಸುತ್ತದೆ. ಈ ಸೆಟಪ್‌ನೊಂದಿಗೆ, ಎಂಜಿನ್ 16 ಕ್ಕೂ ಹೆಚ್ಚಿನ ಹಾರ್ಸ್‌ಪವರ್‌ ಮತ್ತು 65 Nm ಹೆಚ್ಚಿನ ಟಾರ್ಕ್ ಅನ್ನು ನೀಡುತ್ತದೆ ಎಂದು ಟೊಯೊಟಾ ಹೇಳಿಕೊಂಡಿದೆ. ಇದು 6-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಮಾತ್ರ ಲಭ್ಯವಿದೆ. ಈ ಹೈಬ್ರಿಡ್ ಸಿಸ್ಟಮ್‌ ಸಾಮಾನ್ಯ ಡೀಸೆಲ್ ಎಂಜಿನ್‌ಗಳಿಗಿಂತ 5 ಪ್ರತಿಶತ ಹೆಚ್ಚು ಇಂಧನ ಮೈಲೇಜ್‌ ಅನ್ನು ನೀಡುತ್ತದೆ. 

ಮೈಲ್ಡ್‌-ಹೈಬ್ರಿಡ್ ಸಿಸ್ಟಮ್ ಜೊತೆಗೆ, ದಕ್ಷಿಣ ಆಫ್ರಿಕಾದ ಫಾರ್ಚೂನರ್ 360-ಡಿಗ್ರಿ ಕ್ಯಾಮೆರಾ, ಲೇನ್ ಡಿಪಾರ್ಚರ್ ಅಲರ್ಟ್ ಮತ್ತು ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್‌ನಂತಹ ಹೆಚ್ಚಿನ ವೈಶಿಷ್ಟ್ಯಗಳನ್ನು ಹೊಂದಿದೆ. ಒಳಭಾಗದಲ್ಲಿ, ನೀವು 8-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಜೊತೆಗೆ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್‌ ಕಾರ್‌ಪ್ಲೇ ಕನೆಕ್ಟಿವಿಟಿ, ಫಾನ್ಸಿ 11-ಸ್ಪೀಕರ್ JBL ಸೌಂಡ್ ಸಿಸ್ಟಮ್ ಮತ್ತು ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್ ಅನ್ನು ಪಡೆಯುತ್ತೀರಿ.

ಮೈಲ್ಡ್‌-ಹೈಬ್ರಿಡ್ ಫಾರ್ಚೂನರ್ ಅನ್ನು ಭಾರತಕ್ಕೆ ತರುತ್ತಾರೆಯೇ ಎಂದು ಟೊಯೋಟಾ ಇವರೆಗೆ ದೃಢಪಡಿಸಿಲ್ಲ, ಆದರೆ ಆಫ್ರಿಕಾದ ಬಿಡುಗಡೆಯನ್ನು ಗಮನಿಸುವಾಗ ತಡವಾದರೂ ಭಾರತೀಯ ಮಾರುಕಟ್ಟೆಗೂ ಪರಿಚಯಿಸಬಹುದು ಎಂದು ಅಂದಾಜಿಸುತ್ತೆವೆ. ಸದ್ಯಕ್ಕೆ, ನಮ್ಮ ದೇಶದಲ್ಲಿ, ಫಾರ್ಚುನರ್‌ನ ಎಕ್ಸ್ ಶೋರೂಂ ಬೆಲೆಯು 33.43 ಲಕ್ಷ ರೂ.ನಿಂದ 42.32 ಲಕ್ಷ  ರೂ.ವರೆಗೆ ಇದೆ, ಮತ್ತು ಇದು ಎಮ್‌ಜಿ ಗ್ಲೋಸ್ಟರ್‌ನೊಂದಿಗೆ ಸ್ಪರ್ಧಿಸುತ್ತದೆ.

ಇನ್ನಷ್ಟು ಓದಿ : ಫಾರ್ಚುನರ್ ಆನ್ ರೋಡ್ ಬೆಲೆ