ಆಗಸ್ಟ್ 15ರ ಬಿಡುಗಡೆಗೆ ಮೊದಲೇ Mahindra Thar Roxx ನ ಟೀಸರ್‌ ಬಿಡುಗಡೆ

• ಇದು ಎಲ್ಇಡಿ ಹೆಡ್‌ಲೈಟ್‌ಗಳು, ಸಿಲ್ವರ್ ಕಾಂಟ್ರಾಸ್ಟ್ ಅಂಶಗಳೊಂದಿಗೆ ಬಂಪರ್‌ಗಳು, ಡ್ಯುಯಲ್-ಟೋನ್ ಅಲಾಯ್ ವೀಲ್‌ಗಳು ಮತ್ತು ಎಲ್ಇಡಿ ಟೈಲ್ ಲೈಟ್‌ಗಳನ್ನು ಪಡೆಯುತ್ತದೆ.

• ಒಳಭಾಗವು ಮರಳು ಬಣ್ಣದ ಥೀಮ್‌ ಮತ್ತು 3-ಡೋರ್‌ ಮೊಡೆಲ್‌ನಂತೆಯೇ ಡ್ಯಾಶ್‌ಬೋರ್ಡ್ ವಿನ್ಯಾಸವನ್ನು ಪಡೆಯುವ ನಿರೀಕ್ಷೆಯಿದೆ.

• ಇದು ಎರಡು 10.25-ಇಂಚಿನ ಡಿಸ್‌ಪ್ಲೇಗಳು, ಆಟೋಮ್ಯಾಟಿಕ್‌ ಎಸಿ, ಪನೋರಮಿಕ್ ಸನ್‌ರೂಫ್‌ ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಒಳಗೊಂಡಿರುವ ಸಾಧ್ಯತೆಯಿದೆ.

• ಇದರ ಸುರಕ್ಷತಾ ಪ್ಯಾಕೇಜ್‌ ಆರು ಏರ್‌ಬ್ಯಾಗ್‌ಗಳು, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಮತ್ತು ADAS ಅನ್ನು ಒಳಗೊಂಡಿರಬಹುದು.

• ಥಾರ್ ರೋಕ್ಸ್ 2.2-ಲೀಟರ್ ಡೀಸೆಲ್ ಮತ್ತು 2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ಗಳನ್ನು 3-ಡೋರ್‌ ಮೊಡೆಲ್‌ನಂತೆಯೇ ಪಡೆಯುವ ನಿರೀಕ್ಷೆಯಿದೆ, ಆದರೂ ವಿಭಿನ್ನ ಟ್ಯೂನಿಂಗ್‌ನೊಂದಿಗೆ ನೀಡಬಹುದು.

• 15 ಲಕ್ಷದಿಂದ (ಎಕ್ಸ್ ಶೋರೂಂ) ಬೆಲೆಗಳು ಪ್ರಾರಂಭವಾಗುವ ಸಾಧ್ಯತೆ ಇದೆ.

ಆಗಸ್ಟ್ 15 ರಂದು ಮಹೀಂದ್ರಾ ಥಾರ್ ರೋಕ್ಸ್ ಬಿಡುಗಡೆಯಾಗಲು ಸಿದ್ಧವಾಗುತ್ತಿರುವ ಸಮಯದಲ್ಲೇ, ಕಾರು ತಯಾರಕರು ನಮಗೆ ಇದರ ಹೊರಭಾಗದ ವಿವರಗಳನ್ನು ನೀಡುವ ಮತ್ತೊಂದು ಟೀಸರ್ ಅನ್ನು ನೀಡಿದ್ದಾರೆ. ಇತ್ತೀಚಿನ ಟೀಸರ್ ಹೊಸದನ್ನು ಬಹಿರಂಗಪಡಿಸದಿದ್ದರೂ, ಈ ಉದ್ದವಾದ ಥಾರ್ ಉತ್ತರ ಭಾರತದ ಎತ್ತರದ ಪರ್ವತಗಳಲ್ಲಿ ಹಾದುಹೋಗುವುದನ್ನು ತೋರಿಸುತ್ತದೆ, ಹಾಗೆಯೇ ಇದರ ಸೈಡ್‌ನ ಕುರಿತು ನಮಗೆ ಉತ್ತಮ ನೋಟವನ್ನು ನೀಡುತ್ತದೆ.

ಈ ಟೀಸರ್ ವೀಡಿಯೊದಲ್ಲಿ ನಾವು ಗುರುತಿಸಬಹುದಾದ ಎಲ್ಲವೂ ಇಲ್ಲಿದೆ:

ನಾವು ಗುರುತಿಸಿದ್ದು ಏನು ?

ಹಿಂದಿನ ಟೀಸರ್‌ಗೆ ಹೋಲಿಸಿದರೆ ಹೊಸ ಟೀಸರ್‌ನಲ್ಲಿ ಹೊಸದೇನೂ ಇಲ್ಲ. ಮುಂಭಾಗವು ಬಾಡಿ-ಕಲರ್‌ನ ಸ್ಲ್ಯಾಟೆಡ್ ಗ್ರಿಲ್ ಅನ್ನು ಹೊಂದಿದೆ ಮತ್ತು ಸಿ-ಆಕಾರದ ಎಲ್ಇಡಿ ಡಿಆರ್‌ಎಲ್‌ಗಳೊಂದಿಗೆ ಬರುವ ಹೊಸ ಎಲ್ಇಡಿ ಹೆಡ್‌ಲೈಟ್‌ಗಳು ಇವೆ. ಬಂಪರ್‌ಗಳು ಅವುಗಳಿಗೆ ವ್ಯತಿರಿಕ್ತ ಸಿಲ್ವರ್‌ ಫಿನಿಶ್‌ ಅನ್ನು ಹೊಂದಿವೆ.

 ಟೀಸರ್ 18-ಇಂಚಿನ ಡ್ಯುಯಲ್-ಟೋನ್ ಅಲಾಯ್‌ ವೀಲ್‌ಗಳ ಹೊಸ ವಿನ್ಯಾಸವನ್ನು ಚೌಕಾಕಾರದ ವೀಲ್ ಆರ್ಚ್‌ಗಳಲ್ಲಿ ಇರಿಸಲಾಗಿದೆ. 3-ಬಾಗಿಲಿನ ಥಾರ್‌ಗಿಂತ ಇದರಲ್ಲಿ ದೊಡ್ಡ ಬದಲಾವಣೆಯೆಂದರೆ, ಉದ್ದವಾದ ವೀಲ್‌ಬೇಸ್ ಮತ್ತು ಹಿಂಭಾಗದ ಸೀಟ್‌ಗಳಿಗೆ ಸುಲಭವಾಗಿ ಪ್ರವೇಶಿಸಲು ಎರಡು ಹೆಚ್ಚುವರಿ ಬಾಗಿಲುಗಳು. ಹೆಚ್ಚುವರಿಯಾಗಿ, ಹಿಂದಿನ ಜನರೇಶನ್‌ನ ಮಾರುತಿ ಸ್ವಿಫ್ಟ್‌ನಂತೆಯೇ ರೋಕ್ಸ್‌ ಹಿಂದಿನ ಬಾಗಿಲುಗಳಲ್ಲಿ ಸಿ-ಪಿಲ್ಲರ್-ಮೌಂಟೆಡ್ ಹ್ಯಾಂಡಲ್‌ಗಳನ್ನು ಹೊಂದಿದೆ ಎಂದು ಟೀಸರ್ ತೋರಿಸುತ್ತದೆ. ಹಿಂಭಾಗದಲ್ಲಿ, ಥಾರ್ ರೋಕ್ಸ್ ಸಿ-ಆಕಾರದ ಆಂತರಿಕ ಲೈಟಿಂಗ್‌ ಅಂಶಗಳೊಂದಿಗೆ ಹೊಸ ಎಲ್‌ಇಡಿ ಟೈಲ್ ಲೈಟ್‌ಗಳನ್ನು ಪಡೆಯುತ್ತದೆ.

ಇದನ್ನೂ ಓದಿ: Mahindra Thar Roxx ಹೆಸರಿನ ಇನ್ಸ್ಟಾಗ್ರಾಮ್ ಸಮೀಕ್ಷೆ: ಇಲ್ಲಿದೆ ನಮಗೆ ಸಿಕ್ಕಿರುವ ಕುತೂಹಲಕಾರಿ ಫಲಿತಾಂಶಗಳು!

ಫಿಚರ್‌ಗಳು ಮತ್ತು ಸುರಕ್ಷತೆ

ಥಾರ್ ರೋಕ್ಸ್ 3-ಡೋರ್‌ನ ಥಾರ್‌ಗೆ ಹೋಲುವ ಆಂತರಿಕ ವಿನ್ಯಾಸವನ್ನು ಹೊಂದಿದೆ, ಆದರೂ ಹೆಚ್ಚು ಪ್ರೀಮಿಯಂ ಭಾವನೆಗಾಗಿ ಮರಳು ಬಣ್ಣದ ಕವರ್‌ ಫ್ಯಾಬ್ರಿಕ್‌ ಕವರ್‌ ಅನ್ನು ಹೊಂದಿದೆ. ಇದು 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ವೈರ್‌ಲೆಸ್ ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋದೊಂದಿಗೆ 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಪ್ಯಾನರೋಮಿಕ್‌ ಸನ್‌ರೂಫ್, ಪುಶ್-ಬಟನ್ ಸ್ಟಾರ್ಟ್‌ನೊಂದಿಗೆ ಕೀಲೆಸ್ ಎಂಟ್ರಿ ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಒಳಗೊಂಡಿರುವ ನಿರೀಕ್ಷೆಯಿದೆ.

ಪ್ರಯಾಣಿಕರ ಸುರಕ್ಷತೆಗಾಗಿ, ಥಾರ್ ರೋಕ್ಸ್ ಆರು ಏರ್‌ಬ್ಯಾಗ್‌ಗಳು, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳೊಂದಿಗೆ (ADAS) ಸಜ್ಜುಗೊಳ್ಳುವ ಸಾಧ್ಯತೆಯಿದೆ.

ಪವರ್‌ಟ್ರೈನ್ ಆಯ್ಕೆಗಳು

ಮಹೀಂದ್ರಾವು 2.2-ಲೀಟರ್ ಡೀಸೆಲ್ ಮತ್ತು 2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ಗಳನ್ನು ಒಳಗೊಂಡಂತೆ 3-ಡೋರ್ ಮೊಡೆಲ್‌ನ ಅದೇ ಎಂಜಿನ್ ಆಯ್ಕೆಗಳೊಂದಿಗೆ ಥಾರ್ ರೋಕ್ಸ್ ಅನ್ನು ನೀಡುವ ನಿರೀಕ್ಷೆಯಿದೆ. ಆದರೆ, Roxx ಈ ಎಂಜಿನ್‌ಗಳನ್ನು ಇನ್ನೂ ಹೆಚ್ಚಿನ ಶಕ್ತಿಗಾಗಿ ಟ್ಯೂನ್ ಮಾಡಿರಬಹುದು. ಇದು 6-ಸ್ಪೀಡ್ ಮ್ಯಾನ್ಯುವಲ್ ಮತ್ತು ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌ ಎರಡನ್ನೂ ಹೊಂದಿದ್ದು, ಹಿಂಬದಿ-ಚಕ್ರ-ಡ್ರೈವ್ (RWD) ಮತ್ತು ನಾಲ್ಕು-ಚಕ್ರ-ಡ್ರೈವ್ (4WD) ಆಯ್ಕೆಗಳೊಂದಿಗೆ ಬರುವ ಸಾಧ್ಯತೆಯಿದೆ.

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

 ಮಹೀಂದ್ರಾ ಥಾರ್ ರೋಕ್ಸ್‌ ಅಂದಾಜು 15 ಲಕ್ಷ ರೂ.ನಿಂದ ಆರಂಭಿಕ ಬೆಲೆಯನ್ನು (ಎಕ್ಸ್ ಶೋರೂಂ) ಹೊಂದಿರಬಹುದೆಂದು ನಿರೀಕ್ಷಿಸಲಾಗಿದೆ. ಇದು ಫೋರ್ಸ್ ಗೂರ್ಖಾ 5-ಡೋರ್‌ನೊಂದಿಗೆ ಮುಖಾಮುಖಿಯಾಗಲಿದೆ ಮತ್ತು ಮಾರುತಿ ಜಿಮ್ನಿಗೆ ದೊಡ್ಡ ಪರ್ಯಾಯವಾಗಿ ಕಾರ್ಯನಿರ್ವಹಿಸುತ್ತದೆ.

ಮಹೀಂದ್ರಾ ಥಾರ್‌ ಕುರಿತ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್‌ ಚಾನಲ್ ಅನ್ನು ಫಾಲೋ ಮಾಡಿ

ಇನ್ನಷ್ಟು ಓದಿ: ಥಾರ್ ಆಟೋಮ್ಯಾಟಿಕ್‌