டாடா பன்ச் இவி 2024-2026

டாடா பன்ச் EV 12-16 லட்சம் விலை கொண்ட ஒரு சிறிய எலக்ட்ரிக் எஸ்யூவி ஆகும். சிட்ரோன் eC3 காரை தவிர, பன்ச் EV -க்கு நேரடி போட்டியாளர்கள் இல்லை. இருப்பினும், நீங்கள் கொஞ்சம் குறைவாகச் செலவழிக்க விரும்பினால் டாடா டியாகோ/டிகோர் EV அல்லது எம்ஜி காமெட் ஆகியவற்றை பார்க்கலாம். அல்லது சற்று பெரிய வாகனத்தை விரும்பினால் டாடா நெக்ஸான் EV/மஹிந்திரா XUV400 போன்ற கார்களையும் பார்க்கலாம்.

இப்போதெல்லாம் டாடா வாகனங்களை சாலையில் எளிதாக கண்டறிய முடிகின்றது, காரணம் டாடா கார்களுக்கு உள்ள தனித்துவமான தோற்றம். பன்ச் EV ஆனது சிறிய எஸ்யூவி -யில் மேம்படுத்தப்பட்ட வடிவமைப்பை அறிமுகப்படுத்தியுள்ளது, பெரும்பாலான மாற்றங்கள் முன்பக்கத்திலேயே உள்ளன. 2025 ஆம் ஆண்டின் மத்தியில் பன்ச் பெட்ரோலுக்கான ஃபேஸ்லிஃப்ட் திட்டமிடப்பட்டிருப்பதைக் கருத்தில் கொண்டால், இந்த அப்டேட்டட் வடிவமைப்பு கிட்டத்தட்ட ஒரு வருடத்திற்கு பன்ச் EV -க்கென பிரத்தியேகமாக இருக்கும். பன்ச் EV ஒரு சரியான மினி எஸ்யூவி போல் இருப்பது எங்களுக்கு பிடித்துள்ளது. உயர்த்தப்பட்ட பானட், கூடுதல் உயரம் மற்றும் 190 மிமீ கிரவுண்ட் கிளியரன்ஸ் ஆகியவை பன்ச் -க்கு நம்பிக்கையான தோற்றத்தை அளிக்கின்றன.

பானெட் அகலம் முழுவதும் உள்ள டேடைம் லைட்ஸ், LED ஹெட்லைட்கள் மற்றும் ஃபாக் லைட்ஸ் மற்றும் வழக்கமான கிரில் இல்லாததது போன்றவற்றை பார்க்கும் போது இது நெக்ஸான் EV -க்கு நெருக்கமாக உள்ளது . நெக்ஸான் EV -யை போலவே, பன்ச் EV -யானது தொடர்ச்சியான டர்ன் இண்டிகேட்டர்கள் மற்றும் வெல்கம்/குட்பை அனிமேஷனையும் பெற்றுள்ளது.

டாடா சார்ஜிங் ஃபிளாப்பை முன்பக்கத்தில் கொடுத்துள்ளது. நீங்கள் ரிலீஸ் பட்டனை அழுத்தும் போது அது ஒரு மென்மையாக திறக்கின்றது. டாடா மோட்டார்ஸ் பன்ச் EV உடன் அறிமுகம் செய்யும் புதிய லோகோ -வும் உள்ளது. இந்த லோகோ இரு பரிமாணத்தில் உள்ளது மற்றும் பிளாக் மற்றும் வொயிட் நிறத்தில் இருக்கின்றது. இனி வரும் டாடா EV களிலும் இதைப் பார்க்கலாம்.

பக்கவாட்டு மற்றும் பின்புறத்தில் இருந்து பார்த்தால், வடிவமைப்பில் தெரியும் மாற்றங்கள் மிகக் குறைவு. நீங்கள் 16-இன்ச் டூயல்-டோன் அலாய் வீல்கள் மற்றும் பின்புற பம்பரில் சில கிரே கிளாடிங் ஆகியவை உள்ளன. செலவுகளைக் குறைக்கும் நோக்கத்தில் பின்புறத்தில் எந்த மாற்றமும் செய்யப்படவில்லை. அதிர்ஷ்டவசமாக இது பழையதாகவோ அல்லது புதிய வடிவத்துடன் ஒன்றிபோகாத வகையிலோ இல்லை.

பன்ச் EV ஆனது ஸ்மார்ட், அட்வென்ச்சர் மற்றும் எம்பவர்டு ஆகிய வேரியன்ட்களை பெறுகிறது- இவை அனைத்தும் அவற்றுக்கென தனித்தனியாக உள்ள இன்ட்டீரியர் மற்றும் எக்ஸ்ட்டீரியர் நிறத்தில் வருகின்றன.

உட்புறத்திலும் கூட, டாடா மீண்டும் நெக்ஸானிலிருந்து நிறைய விஷயங்களை கடன் வாங்கியுள்ளது. உட்புற அனுபவம் மூன்று முக்கிய வடிவமைப்பு மாற்றங்களுடன் மாற்றப்பட்டுள்ளது - இல்லுமினேட்டட் லோகோவுடன் கூடிய புதிய டூயல்-ஸ்போக் ஸ்டீயரிங், டச் பேஸ்டு கிளைமேட் கன்ட்ரோல் பேனல் மற்றும் புதிய வடிவிலான ஃப்ளோர் கன்சோல். டாப்-ஸ்பெக் எம்பவர்டு+ வேரியண்டில், டாஷ்போர்டு மற்றும் அப்ஹோல்ஸ்டரிக்கான வொயிட்-கிரே தீம் கம்பீரமாகத் தெரிகிறது.

இந்த விலை -க்கு தரம் நன்றாகவே உள்ளது. டாடா கடினமான (ஆனால் நல்ல தரமான) பிளாஸ்டிக்கைப் பயன்படுத்தியது மற்றும் டேஷ்போர்டில் வித்தியாசமான அமைப்புகளைக் கொடுத்துள்ளது, இது தொடுவதற்கு நன்றாக இருக்கிறது. ஃபிட் மற்றும் ஃபினிஷ் கூட கேபினுக்குள் சீரானதாக இருக்கும்.

பெட்ரோலில் இயங்கும் வெர்ஷனுடன் ஒப்பிடும்போது காரின் தளம் உயரமாக உள்ளது. ஆனால் நீங்கள் அவற்றில் மாறி மாறி உட்காரும் வரை வித்தியாசத்தைச் சொல்வது கடினமாக இருக்கும்.. அனுபவம் மற்றும் நடைமுறை தன்மையில் கிட்டத்தட்ட எந்த குறைகளும் இல்லாமல் உட்புறத்தை டாடா நன்றாக நிர்வகித்துள்ளது.

முன்பக்கத்தில், இருக்கைகள் அகலமானவை மற்றும் தடிமனான பக்க அணைப்பை கொண்டுள்ளன. நீங்கள் XL அளவுள்ள நபராக இருந்தாலும், இருக்கைகள் உங்களை நல்ல இடத்தில் வைத்திருக்கும். மத்தியில் ஆர்ம்ரெஸ்ட் உள்ளது. டிரைவரின் இருக்கையை உயரத்திற்கு ஏற்றவாறு சரி செய்து கொள்ளலாம், அதேசமயம் ஸ்டீயரிங் டில்ட் அட்ஜஸ்ட்மெண்ட்டை பெறுகிறது. நீங்கள் புதிய ஓட்டுநராக இருந்தால், உயரமான இருக்கை நிலையை உங்களுக்கு வசதியாக இருக்கும். நீங்கள் பானட்டின் விளிம்பை மிக எளிதாகக் பார்க்க முடியும், மேலும் திரும்பும் போது/பார்க்கிங் செய்யும் போது ஜன்னல்களுக்கு வெளியே பார்வை தடையின்றி கிடைக்கும்.

அனுபவம் கொஞ்சம் சமரசமாகத் தோன்றுவது பின்புறத்தில் தான். இடம் கொஞ்சம் குறைவாக உள்ளது, மேலும் 6 அடிக்கு அருகில் உள்ள எவரும் தங்கள் முழங்கால்களை சற்று முன் இருக்கைக்கு நெருக்கமாக இருப்பதாக உணருவார்கள். சில கூடுதல் மில்லிமீட்டர் ஹெட்ரூமை கொடுக்க, டாடா ஹெட்லைனரை வெளியே எடுத்துள்ளது. அகலத்தைப் பொறுத்தவரை, இரண்டு பேர் வசதியாக இருக்க போதுமானது. மூன்றாவதாக ஒருவரை நெருக்கடியில் அமர வைக்க பரிந்துரைக்க மாட்டோம்.

பேஸ் வேரியன்ட்டில், 6 ஏர்பேக்குகள், EBD உடன் ABS, டிராக்‌ஷன் கன்ட்ரோல், ஹில் அசிஸ்ட் ஆகியவை வழங்கப்படுகின்றன. லாங் ரேஞ்ச் பதிப்புகள் கூடுதலாக பின்புற டிஸ்க் பிரேக்குகளை பெறுகின்றன.

இந்த கார்  இன்னும் கிராஷ் டெஸ்ட் செய்யப்படவில்லை. இருப்பினும், விரைவில் பாரத் என்சிஏபி மதிப்பீட்டைப் பெறும் என்று டாடா உறுதிப்படுத்தியுள்ளது.

பன்ச் EV -யின் பூட் ஸ்பேஸ் 366 லிட்டர் என மதிப்பிடப்பட்டுள்ளது. இது பெட்ரோல் பதிப்பைப் போன்றது. இங்கு 4 கேபின் அளவிலான டிராலி பைகளை எந்த பிரச்சனையும் இல்லாமல் எடுத்துச் செல்லலாம். பூட்டில் அகலம் பெரிதாக இல்லாததால், பெரிய டிராலி பைகளை எடுத்துச் செல்ல முடியாமல் போகலாம். பின் இருக்கைகள் கூடுதல் வசதிக்காக 60:40 ஸ்பிளிட் செயல்பாட்டையும் பெறுகின்றன.

பன்ச் EV இரண்டு பேட்டரி பேக்குகளுடன் வழங்கப்படுகிறது: 25 kWh மற்றும் 35 kWh. சிறிய பேட்டரி பேக் 82 PS/114 Nm மோட்டார் (தோராயமாக பெட்ரோல் பன்ச் -க்கு சமம்) உடன் இணைக்கப்பட்டுள்ளது மற்றும் பெரிய பேட்டரி சக்திவாய்ந்த 122 PS/190 Nm மோட்டாரை பெறுகிறது.

பன்ச் EV -யின் பேட்டரியை சார்ஜ் செய்ய, நீங்கள் வீட்டில் ஏசி சார்ஜரை பயன்படுத்தலாம் அல்லது பொது DC ஃபாஸ்ட் சார்ஜர்களை பயன்படுத்தலாம். சார்ஜிங் நேரங்கள் பின்வருமாறு: 

பன்ச் EV லாங் ரேஞ்ச்

டிரைவ் அனுபவத்தை ஒரே வார்த்தையில் சுருக்கமாகக் கூறுவோம்: எளிதானது. இங்கே செய்ய கற்றுக்கொள்வதற்கு பெரிதாக எதுவும் இல்லை, நீங்கள் காரில் ஏறி அது ஓட்டி பழகிக் கொள்ளலாம். தேர்வு செய்ய மூன்று மோட்கள் உள்ளன: இகோ, சிட்டி மற்றும் ஸ்போர்ட், மற்றும் நான்கு லெவல் பிரேக் எனர்ஜி ரீஜெனரேஷன்: லெவல் 1-3 மற்றும் ஆஃப். 

இகோ மோடில், மோட்டாரின் பதில் மிதமாக இருக்கும். நெருக்கடியான ட்ராஃபிக்கில் இருக்கும் போது இந்த மோடை பயன்படுத்த வேண்டும். மிதமான மின்சார விநியோகம் புதிய டிரைவர்களுக்கு ஏற்ற வகையில் இருக்கிறது. 

உங்கள் சாலை சற்று காலியாக இருக்கும் நகர நெடுஞ்சாலைகள் மற்றும் சீரான போக்குவரத்தின்  நடுவே இருக்கும் போது நீங்கள் நகர மோடுக்கு மாறலாம். ஆக்ஸலரேஷன் உடனடியாக அனுபவிப்பீர்கள். 

ஸ்போர்ட் மோடு ஃபன் டிரைவிங்கிறாக ஒதுக்கப்பட்டுள்ளது. இந்த முறையில் இந்த வாகனம் 0-100 கிமீ வேகத்தை வெறும் 9.5 வினாடிகளில் எட்டிவிடும். அவ்வப்போது உற்சாகத்துக்கு இது நல்லது. இல்லையெனில் நீங்கள் ஸ்போர்ட் மோடை பயன்படுத்த வேண்டிய அவசியமில்லை.

குறிப்பு: பிரேக் எனர்ஜி ரீனெஜரேஷன்

பிரேக் எனர்ஜி ரீனெஜரேஷன் சிஸ்டம், பிரேக்கிங்/கோஸ்டிங் செய்யும் போது இழக்கும் ஆற்றலை சேமித்து, அதை மீண்டும் சிஸ்டத்துக்கு கொடுக்கின்றது. இது ரேஞ்சை அதிகரிக்க உதவுகிறது.

லெவல் 3: டிஆக்ஸலரேஷன் மிகவும் வலுவானது. நீங்கள் த்ராட்டில் அழுத்தும் தருணத்தில், வாகனத்தின் வேகம் குறைவதற்கு முன், வாகனம் சிறிது சிறிதாக கீழே நிறுத்தப்படுவதை உணர்வீர்கள். இது மென்மையாக இருந்திருக்கலாம். ஆக்ஸிலரேட்டரை சரியாக வெளியிடுவதற்கு நீங்கள் நேரத்தைச் செய்தால், ஒரு பெடலை பயன்படுத்தி நகரத்தை சுற்றி வரலாம். வாகனத்தின் வேகம் குறைந்தாலும் வாகனம் நிற்காது - ஆனால் மணிக்கு 5 கிமீ வேகத்தில் ஊர்ந்து செல்லும் என்பதை நினைவில் கொள்ளவும்.

லெவல் 2: நகரத்திற்குள் அன்றாட பயன்பாட்டிற்கு ஏற்றது. நீங்கள் த்ராட்டிலை அழுத்தும் போது ரீஜெனரேஷன் மிகவும் மென்மையானது.

லெவல் 1: திறந்த நெடுஞ்சாலைகளில் இதை பயன்படுத்தலாம் அல்லது லெவல் 2 அல்லது 3 நீங்கள் வேகத்தை இழக்கச் செய்யும் போது இதை பயன்படுத்தலாம்.

லெவல் 0: இது கார் நியூட்ரல் நிலையில் இருப்பதை போன்ற உணர்வைக் கொடுக்கும்.

பன்ச் EV ஒரு இலகுவான ஸ்டீயரிங்கை கொண்டுள்ளது, இது நகரத்திற்குள் திருப்புவதையும் செய்வதையும் இறுக்கமான இடங்களில் பார்க்கிங் செய்வதையும் எளிதாக்குகிறது. வேகம் மணிக்கு 80 கிமீ வேகத்தில் கூடும் போது ஸ்டீயரிங் எடை அதிகரிக்கிறது. 

சவாரி வசதியாக இருப்பது ஒரு சிறப்பம்சமாகும், மோசமான சாலையின் குறைபாடுகளை கார் சமாளிக்கின்றது. சஸ்பென்ஷன் அமைதியாக வேலை செய்கிறது மற்றும் பயணிகளை வசதியாக வைத்திருக்கிறது. மிகவும் மோசமான பரப்புகளில் மட்டுமே கார் பாடி பக்கவாட்டில் நகர்வதை உணரலாம்.

பன்ச் EV -ன் நெடுஞ்சாலை டிரைவிங் நன்றாகவே உள்ளது. ஸ்திரத்தன்மை நம்பிக்கையை கொடுக்கின்றது, மேலும் பாதைகளை விரைவாக மாற்றும் போதும் நம்மை தொந்தரவு செய்யாது.

காரின் அளவை பொறுத்து பன்ச் EV கேட்கும் விலை சற்று அதிகமானதாகவே தெரிகிறது. இருப்பினும், வடிவமைப்பு, அம்சங்கள் மற்றும் செயல்திறன் ஆகியவை விலையை நியாயப்படுத்துகின்றன. உண்மையான பிரச்சினை பின் இருக்கை இடத்தில் உள்ளது - இது கண்டிப்பாக சராசரி உணர்வை கொடுக்கின்றது. அதே பட்ஜெட்டில், பிரெஸ்ஸா/நெக்ஸான் போன்ற பெட்ரோல் மாடல்களுக்கு நீங்கள் செல்லலாம், அங்கு இந்த சிக்கல் இருக்காது.

இருப்பினும், பின்புற இருக்கை இடம் உங்களுக்கு முக்கியமான காரணியாக இல்லாவிட்டால், மேலும் கூடுதலான அம்சங்கள் மற்றும் குறைந்த டிரைவிங் செலவுகளைக் கொண்ட காரை நீங்கள் விரும்பினால், பன்ச் EV உங்களுக்கு ஒரு சிறந்த தேர்வாக இருக்கும்.