Mercedes-Benz EQG காரின் விவரங்கள் வெளியாகியுள்ளன! இந்த ஆல் எலக்ட்ரிக் ஜி-கிளாஸ் 1,000 Nm டார்க் மற்றும் 4 கியர்பாக்ஸ்களுடன் வருகிறது

• EQG என்பது வழக்கமான ஜி-கிளாஸ் எஸ்யூவியின் ஆல்-எலக்ட்ரிக் வெர்ஷனாகும்.

• இதன் கான்செப்ட் வெர்ஷன் 2024 ஆம் ஆண்டின் தொடக்கத்தில் பாரத் மொபிலிட்டி குளோபல் எக்ஸ்போவில் காட்சிப்படுத்தப்பட்டது.

• EQG ஆனது 116 kWh பேட்டரி பேக்குடன் வருகிறது. இது WLTP-கிளைம் செய்யப்பட்ட 473 கிமீ ரேஞ்சை வழங்குகிறது.

• ஆஃப்-ரோடு பயனர்களுக்கு தேவையான வர்ச்சுவல் டிஃபெரென்ஷியல் லாக்கர்கள் மற்றும் ஒவ்வொரு கியர்பாக்ஸுக்கும் தனித்தனி லோ-ரேஞ்ச் ட்ரான்ஸ்ஃபர் கேஸ் போன்ற வசதிகள் வழங்கப்பட்டுள்ளன.

• வெளிப்புறத்தில் குளோஸ்டு கிரில், வட்ட வடிவ LED DRL-கள் கொண்ட LED ப்ரொஜெக்டர் ஹெட்லைட்கள் மற்றும் ஒரு சதுர டெயில்கேட் ஆகியவை அடங்கும்.

• கேபினுக்குள் ஏசி வென்ட்கள் மற்றும் லெதர் அப்ஹோல்ஸ்டரிக்கான ஸ்கொயர்-ஆஃப் வென்ட்களுடன் ஆல் பிளாக் கலர் தீமை பெறுகிறது.

• ஆன்போர்டு அம்சங்களில் டூயல் 12.3-இன்ச் டிஸ்ப்ளேக்கள், விருப்பமான ரியர் ஸ்கிரீன்கள் மற்றும் அட்வான்ஸ்ட் டிரைவர் அசிஸ்டன்ஸ் சிஸ்டம் (ADAS) போன்ற வசதிகளை பெறுகிறது.

• இந்தியாவில் இதன் அறிமுகம் 2025 ஆம் ஆண்டின் மத்தியில் அறிமுகப்படுத்தப்படும் என எதிர்பார்க்கப்படுகிறது, இதன் விலை ரூ. 3 கோடியிலிருந்து (எக்ஸ்-ஷோரூம்) தொடங்கும் என எதிர்பார்க்கப்படுகிறது.

மெர்சிடிஸ்-பென்ஸ் EQG, ஜி-கிளாஸின் ஆல்-எலக்ட்ரிக் வெர்ஷனானது அதன் பயணத்திற்கு தயாராக இருக்கும் அதன் உலகளாவிய அறிமுகத்தை இப்போது செய்துள்ளது. எலக்ட்ரிக் ஜி-வேகனின் ஆரம்பகால கான்செப்ட் வெர்ஷன் முன்பே பாரத் மொபிலிட்டி குளோபல் எக்ஸ்போ 2024 நிகழ்வில் காட்சிப்படுத்தப்பட்டது, இதன் தயாரிப்பு விவரங்கள் எலக்ட்ரிக் ஆஃப்-ரோடரின் முன்னோட்டத்தை வழங்கியது. EQG என்ற பெயர் நன்கு தெரிந்திருந்தாலும் மெர்சிடிஸ் அதை அதிகாரப்பூர்வமாக மெர்சிடிஸ்-பென்ஸ் ஜி 580 என EQ டெக்னாலஜியுடன் அதிகாரப்பூர்வ நோக்கங்களுக்காக பெயரிட முடிவு செய்துள்ளது. இந்த பெயர்களுக்கு இடையில் சமநிலையை ஏற்படுத்துவதன் மூலம் இந்த எலெக்ட்ரிக் வாகனத்தை மெர்சிடிஸ் ஜி 580 என்று குறிப்பிடப்படுகின்றது.

மெர்சிடிஸ்-பென்ஸ் ஜி-கிளாஸின் முதல் எலக்ட்ரிக் வெர்ஷனை பற்றி நீங்கள் தெரிந்து கொள்ள வேண்டிய அனைத்தும் விவரங்களும் இங்கே:

1,000 Nm-க்கும் அதிகமான டார்க்கை உருவாக்கும் நான்கு மோட்டார்கள்

மெர்சிடிஸ்-பென்ஸ் பின்வரும் எலக்ட்ரிக் பவர்டிரெய்னுடன் கூடிய எலக்ட்ரிக் ஜி-கிளாஸ் எஸ்யூவியை அறிமுகப்படுத்துகிறது.

இதன் கணிசமான டார்குடன் G 580 ஆனது 0-100 கிமீ/மணி வேகத்தை வெறும் 4.7 வினாடிகளில் அடைந்திட முடியும். அதன் எடை மூன்று டன்களுக்கு மேல் இருந்தாலும் கூட விரைவான பயணத்திற்கு கம்ஃபர்ட், ஸ்போர்ட் மற்றும் இன்டிவிஜுவல் போன்ற மூன்று டிரைவ் மோட்களை EQG பெறுகிறது. மேலும் இது, டிரெயில் மற்றும் ராக் என்ற இரண்டு ஆஃப்-ரோடு மோட்களையும் வழங்குகிறது.

• வீட்டு வாசலில் கார் சர்வீஸ்

• கார் சர்வீஸ் ஹிஸ்டரியை சரிபார்க்கவும்

ஆஃப்-ரோடு பற்றிய விவரங்கள்

எலெக்ட்ரிக் ஜி-கிளாஸ் விர்ச்சுவல் டிஃபெரென்ஷியல் லாக்குகளை உருவாக்க டார்க் விநியோகத்தைப் பயன்படுத்துகிறது. சவாலான சூழ்நிலைகளில் ஒவ்வொரு சக்கரத்திற்கும் துல்லியமான டார்க்  விநியோகத்தை செயல்படுத்துகிறது. G 580 போன்ற உயர்ரக EV-களில் ஒவ்வொரு சக்கரத்திற்கும் தனித்தனியான எலக்ட்ரிக் மோட்டார்கள் என்ற தொழில்நுட்பம் தனித்தன்மை வாய்ந்ததாக இல்லை என்றாலும், ஒவ்வொரு மோட்டாரையும் அதன் சொந்த கியர்பாக்ஸுடன் ஒருங்கிணைத்து, மாறக்கூடிய குறைந்த-தர அமைப்பைக் கொண்டுள்ளது. இந்த அமைப்பு, குறிப்பாக 'ராக்' ஆஃப்-ரோடு மோடில், தேவைப்படும் ஆஃப்-ரோடு பயணங்களுக்கு ஏற்றார் போல்  செயல்திறனை மேம்படுத்துகிறது.

ஜி 580 என்றும் அழைக்கப்படும் EQG இன் தனித்துவமான அம்சங்களில் ஒன்று அதன் "ஜி-டர்ன்" ஆகும். இது எலக்ட்ரிக் எஸ்யூவியின் திசையை ஒரு தொட்டியைப் போல மாற்றும் திறனுக்கு மெர்சிடிஸ் கொடுத்த பெயர், அடிப்படையில் 360 டிகிரி ஸ்பின்களைச் செய்ய முடியும். காரின் இடது மற்றும் வலது பக்கங்களில் உள்ள வீல்களை எதிரெதிர் திசையில் திருப்புவதன் மூலம் வீல்களை அவ்வாறு ஸ்பின் செய்யமுடியும்.

ஆஃப்-ரோடு பயணங்களின் போது சாலைகளில் ஏற்படும் கடினமான மேடுகளை சமாளிக்க, மெர்சிடிஸ்-பென்ஸ் EQG காரில் அடாப்டிவ் டேம்பிங் சிஸ்டத்தையும் வழங்கியுள்ளது. இந்த வாகனத்தின் கிரவுண்ட் கிளியரன்ஸ் 250 மி.மீ. தண்ணீர் தேங்கும் திறன் 850 மி.மீ. அதன் அணுகுமுறை கோணம் 32 டிகிரி, பிரேக்ஓவர் கோணம் 20.3 டிகிரி மற்றும் புறப்படும் கோணம் 30.7 டிகிரி போன்ற அம்சங்கள் சவாலான நிலப்பரப்பில் திறமையான செயல்திறனை உறுதி செய்கிறது.

மேலும் படிக்க: 2024 ஆஸ்டன் மார்ட்டின் வான்டேஜ் இந்தியாவில் ரூ.3.99 கோடி விலையில் அறிமுகம் செய்யப்பட்டுள்ளது

சார்ஜிங் ஆப்ஷன்கள்

அறிமுகத்திற்கு தயாராக இருக்கும் எலக்ட்ரிக் ஜி-வேகன் 200 kW விரைவான சார்ஜிங்கை ஆதரிக்கிறது, இது தோராயமாக 32 நிமிடங்களில் 10 முதல் 80 சதவீதம் வரை சார்ஜ் செய்ய அனுமதிக்கிறது. வீட்டில் இருக்கும் போது 11 kW AC சார்ஜர் மூலம் இதன் மிகப்பெரிய பேட்டரியை டாப்-அப் செய்ய முடியும். இருப்பினும் இந்த முறை அதிக நேரம் எடுக்கும்.

வெளிப்புற தோற்றம்

முதல் பார்வையில், இந்த கார் வழக்கமான ஜி-கிளாஸ் போன்றே தோன்றுகிறது. ஏரோடைனமிக் செயல்திறனுக்கு முன்னுரிமை அளிக்கும் வழக்கமான EV வடிவமைப்புக் கொள்கைகளிலிருந்து விலகி மெர்சிடிஸ் சிறிய பாக்ஸி வடிவத்தைத் தக்க வைத்துக் கொண்டுள்ளது. ஜி-வேகன் EV ஆனது நான்கு ஸ்லேட்டட் ஏர் இன்டேக்களுடன் மூடப்பட்ட பிளாக் கலர் கிரில் மற்றும் புதிய மெஷ் வடிவமைப்புடன் கூடிய பம்பர் போன்ற குறிப்பிட்ட மாற்றங்களைப் கொண்டுள்ளது. கூடுதலாக கிரில்லில் உள்ள வெளிச்சத்தை இயக்குவதற்கான ஆப்ஷன் வழங்கப்பட்டுள்ளது. G 580 ஆனது நிலையான மாடலின் வட்ட LED DRL-கள் மற்றும் அடாப்டிவ் LED ப்ரொஜெக்டர் ஹெட்லைட்களை தக்கவைத்து, 84 தனிப்பட்ட LED-களை கொண்டுள்ளது.

அதன் பக்கவாட்டு ப்ரொஃபைலை பார்க்கும்போது EQG-இன் தோற்றம் ICE வெர்ஷனை போல இருக்கின்றது. இதில் 18-இன்ச் 5-ஸ்போக் பிளாக் அலாய் வீல்களுடன் பொருத்தப்பட்டுள்ளது, அதே சமயம் இது AMG-குறிப்பிட்ட மாடலில் 20-இன்ச் யூனிட் வீல்கள் வரை இருக்கும்.

வழக்கமான மாடலில் காணப்படும் வட்ட யூனிட்டுக்கு பதிலாக EQG ஆனது ஒரு சதுரமான டெயில்கேட்-மவுண்டட் என்க்ளோஷரை கொண்டுள்ளது என்றாலும் அதன் பின்புற ப்ரொஃபைல் நிலையான ஜி-கிளாஸை போலவே தோன்றுகிறது. ஆனால் மெர்சிடிஸ்-பென்ஸ் EQG -ல் டெயில்கேட் பொருத்தப்பட்ட ஸ்பேர் வீல் வழங்கப்படவில்லை; அதற்கு பதிலாக, இந்தப் பகுதியில் சார்ஜிங் கேபிளுக்கான ஸ்டோரேஜ் பகுதியைக் கொண்டுள்ளது.

பிரீமியம் உட்புறம் மற்றும் வசதிகள்

G 580 இன் கேபின் வழக்கமான ஜி-கிளாஸின்  ஹையர் வேரியன்டை பிரதிபலிக்கிறது, இதில் முழுக்க முழுக்க கருப்பு நிற தீம், டச் ஹாப்டிக் கண்ட்ரோல்கள் கொண்ட மெர்சிடிஸ் பென்ஸின் சமீபத்திய மல்டிஃபங்க்ஷன் ஸ்டீயரிங் வீல் மற்றும் தனித்துவமான ஸ்கொயர்-ஆஃப் ஏசி வென்ட் ஹவுசிங்ஸ் ஆகியவற்றைப் பெறுகிறது. தரமான இதன் லெதர் அப்ஹோல்ஸ்டரி மற்றும் ஆம்பியன்ட் லைட்ஸ் எலக்ட்ரிக் எஸ்யூவியின் உட்புறத்திற்கு மேலும் அழகு சேர்கிறது.

மெர்சிடிஸ்-பென்ஸ் EQG இல் ஒருங்கிணைந்த டூயல் 12.3-இன்ச் டிஸ்ப்ளேக்கள் (ஒன்று இன்ஃபோடெயின்மென்ட் மற்றொன்று இன்ஸ்ட்ரூமென்டேஷன்), வாய்ஸ் அசிஸ்டண்ட் மற்றும் ஆக்மென்டட் ரியாலிட்டி அடிப்படையிலான ஹெட்ஸ்-அப் டிஸ்ப்ளே (HUD) போன்ற அம்சங்களை கொண்டுள்ளது. இதைத் தவிர ஆப்ஷனலான உபகரணங்களாக, டூயல் 11.6-இன்ச் ரியர் ஸ்கிரீன்கள், வயர்லெஸ் ஃபோன் சார்ஜிங் மற்றும் பிரீமியம் பர்மெஸ்டர் 3D சவுண்ட் சிஸ்டம் போன்றவை இதனுடன் வழங்கப்பட்டுள்ளது.

EQG -ன் பாதுகாப்பு வசதிகளை பொறுத்தவரை இந்த காரில் லேன்-கீப் அசிஸ்ட், ஆட்டானமஸ்-எமர்ஜென்சி பிரேக்கிங் (AEB) மற்றும் டிரைவர் அட்டென்ஷன் அலெர்ட் போன்ற அட்வான்ஸ்ட் டிரைவர் அசிஸ்டன்ஸ் சிஸ்டம் (ADAS) அடங்கும். இது 360-டிகிரி கேமரா, ட்ராஃபிக் சைன் அசிஸ்ட் மற்றும் சவாலான நிலப்பரப்புகளில் மேம்பட்ட பார்வைக்கு வெளிப்படையான பானட் காட்சியுடன் ஆஃப்-ரோட் காக்பிட் ஆகியவற்றுடன் எஸ்யூவியின் பாதுகாப்பை மேம்படுத்துகிறது.

மேலும் பார்க்க: கோடையில் கார் கேபினை குளிர்ச்சியாக வைத்திருக்க வேண்டுமா? இந்த எளிய உதவிக்குறிப்புகளைப் பின்பற்றுங்கள்

இந்திய வெளியீடு மற்றும் விலை

மெர்சிடிஸ்-பென்ஸ் EQG இந்தியாவில் 2025 ஆம் ஆண்டின் மத்தியில் அறிமுகப்படுத்தப்படும் என எதிர்பார்க்கப்படுகிறது. இதன் ஆரம்ப விலை ரூ. 3 கோடியிலிருந்து (எக்ஸ்-ஷோரூம்) தொடங்கலாம் என எதிர்பார்க்கப்படுகிறது. இது மெர்சிடிஸ்-பென்ஸ் ஜி-கிளாஸ் மற்றும் லேண்ட் ரோவர் டிஃபென்டர் போன்ற வாகனங்களுக்கு எலக்ட்ரிக் கார்களுக்கு ஒரு மாற்றாக செயல்படும்.

மேலும் படிக்க: மெர்சிடிஸ்-பென்ஸ் ஜி-கிளாஸ் ஆட்டோமேட்டிக்