ஹயுண்டாய் நிறுவனம் க்ரேடா வின் ஏற்றுமதியை தள்ளி வைத்துள்ளது. இந்தியாவில் பெருகி வரும் தேவையை பூர்த்தி செய்ய உற்பத்தியை அதிகரிக்க முடிவு செய்துள்ளது.

இன்னும் தெளிவாக க்ரேடா கார்கள் அடைந்துள்ள மாபெரும் செல்வாக்கை பற்றி சொல்ல வேண்டுமானால் , சில இலக்கங்களை கோடிட்டுக்காட்ட வேண்டியது கட்டாயமாகிறது. அறிமுகமான முதல் மாதத்தில் மட்டும் 6,700 க்ரேடா கார்கள் விற்று தீர்ந்துள்ளன. இது ஈகோஸ்போர்ட் மற்றும் டஸ்டர் கார்கள் அறிமுகமான முதல் மாதத்தில் விற்ற எண்ணிக்கையை விட அதிகமானதாகும். இதன் மூலம் க்ரேடா காம்பாக்ட் எஸ்யூவி பிரிவை முழுமையாக கைப்பற்றி விட்டது என்றே நினைக்க தோன்றுகிறது. இது வரையில் சுமார் 11,000 கார்களை உற்பத்தி செய்து அதில் 8,000 கார்களுக்கு மேல் விற்பனை செய்து விட்டன என்பதை அறியும் போதே க்ரேடா அடைந்துள்ள வெற்றியை நம்மால் கணிக்க முடிகிறது. காரை புக்கிங் செய்து விட்டு 3-9 மாதங்கள் (தேர்ந்தெடுக்கப்படும் வேரியன்ட் டை பொறுத்து) காத்திருக்க வேண்டிய சூழல் உள்ளது.

இதையும் படியுங்கள்: ஹயுண்டாய் க்ரேடா 10000 கார்களுக்கு மேல் முன்பதிவு செய்யப்பட்டு விட்டது.

ஹயுண்டாய் நிறுவனம் தனது ஏற்றுமதியை செப்டம்பர் மாதத்தில் இருந்து நவம்பர் - டிசம்பர் மாதத்துக்கு ஒத்தி வைத்துள்ளது. இது இந்திய வாடிக்கையாளர்களுக்கு ஒரு இனிப்பான செய்தியாக இருக்கும் என்பதில் சந்தேகம் இல்லை. ஏனெனில், இந்த முடிவால் முன்பதிவுக்கு பின் காத்திருக்கும் காலம் ஒன்று அல்லது இரண்டு மாதங்கள் வரை குறையும். முன்னதாக ஹயுண்டாய் நிறுவனம் கிரேடாவை திட்டமிட்டதை விட முன்னதாகவே அறிமுகம் செய்தது என்பது குறிபிடத்தக்கது. ஹயுண்டாய் மோட்டார் இந்தியாவின் விற்பனை மற்றும் சந்தை படுத்துதல் பிரிவின் துணை தலைவர் திரு, ராகேஷ் ஸ்ரீவாத்ஸவா பின்வருமாறு கூறினார்.” நாங்கள் மிகுந்த மகிழ்ச்சி அடைந்துள்ளோம். உற்பத்தியை வேகப்படுத்தி காத்திருக்கும் நேரத்தை குறைக்க போகிறோம்".