Hyundai Creta N Line: ಏನನ್ನು ನಿರೀಕ್ಷಿಸಬಹುದು ?

ಹ್ಯುಂಡೈ ಕ್ರೆಟಾ ಎನ್ ಲೈನ್ ಅನ್ನು ಬಿಡುಗಡೆ ಮಾಡಲಾಗಿದೆ, ಭಾರತದಾದ್ಯಂತ ಇದರ ಪರಿಚಯಾತ್ಮಕ ಎಕ್ಸ್‌ಶೋರೂಮ್‌ ಬೆಲೆ 16.82 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತದ. 

ಹ್ಯುಂಡೈ ಕ್ರೆಟಾ ಎನ್ ಲೈನ್ ಈ ವರ್ಷದ ಆರಂಭದಲ್ಲಿ ಬಿಡುಗಡೆಯಾದ ಫೇಸ್‌ಲಿಫ್ಟೆಡ್ ಕ್ರೆಟಾದ ಸ್ಪೋರ್ಟಿಯರ್ ಆವೃತ್ತಿಯಾಗಿ ಮಾರ್ಚ್ 11 ರಂದು ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ಹ್ಯುಂಡೈ ಈಗಾಗಲೇ 25,000 ರೂ.ಗೆ ಸ್ಪೋರ್ಟಿಯರ್ ಎಸ್‌ಯುವಿಗೆ ಬುಕಿಂಗ್‌ಗಳನ್ನು ಸ್ವೀಕರಿಸುತ್ತಿದೆ ಮತ್ತು ಇದರ ವಿವರಗಳನ್ನು ಸಂಪೂರ್ಣವಾಗಿ ಬಹಿರಂಗಪಡಿಸಿದೆ. ಈ ಎಸ್‌ಯುವಿಯಿಂದ ಏನನ್ನು ನಿರೀಕ್ಷಿಸಬಹುದು ಎಂಬುದು ಇಲ್ಲಿದೆ:

ಹೊರಭಾಗದಲ್ಲಿ ಏನು ಭಿನ್ನವಾಗಿದೆ?

ಹ್ಯುಂಡೈ ಕ್ರೆಟಾ ಎನ್ ಲೈನ್‌ಗೆ 'ಎನ್ ಲೈನ್' ಲೋಗೋದೊಂದಿಗೆ ವಿಭಿನ್ನ ಗ್ರಿಲ್ ಅನ್ನು ನೀಡಿದೆ ಮತ್ತು ಸಾಮಾನ್ಯ ಕ್ರೆಟಾದಿಂದ ಪ್ರತ್ಯೇಕಿಸಲು ಕೆಂಪು ಇನ್ಸರ್ಟ್‌ಗಳೊಂದಿಗೆ ಹೊಸ ಮುಂಭಾಗದ ಬಂಪರ್ ವಿನ್ಯಾಸವನ್ನು ನೀಡಿದೆ. ಬದಿಗಳಿಂದ, ಕೆಂಪು ಬ್ರೇಕ್ ಕ್ಯಾಲಿಪರ್‌ಗಳೊಂದಿಗೆ ದೊಡ್ಡ 18-ಇಂಚಿನ ಅಲಾಯ್‌ ವೀಲ್‌ಗಳನ್ನು ನೀವು ಗಮನಿಸಬಹುದು ಮತ್ತು ಸೈಡ್ ಸ್ಕರ್ಟಿಂಗ್‌ಗಳು ಕೆಂಪು ಇನ್ಸರ್ಟ್‌ಗಳನ್ನು ಹೊಂದಿರುತ್ತವೆ. ಸ್ಕಿಡ್ ಪ್ಲೇಟ್‌ಗಾಗಿ ಕೆಂಪು ಇನ್ಸರ್ಟ್‌ಗಳೊಂದಿಗೆ ಬದಲಾವಣೆ ಮಾಡಿದ ಬಂಪರ್ ಮತ್ತು ಡ್ಯುಯಲ್-ಟಿಪ್ ಎಕ್ಸಾಸ್ಟ್ ಈ ಎಸ್‌ಯುವಿಯ ಹಿಂಭಾಗದಲ್ಲಿ ಪ್ರಮುಖ ಬದಲಾವಣೆಗಳಾಗಿವೆ. ಇದು ಸ್ಪೋರ್ಟಿಯರ್ ಕ್ರೆಟಾ ಆಗಿರುವುದರಿಂದ, ಇದು ಮುಂಭಾಗ, ಬದಿ ಮತ್ತು ಹಿಂಭಾಗದ ಪ್ರೊಫೈಲ್‌ಗಳಲ್ಲಿ 'ಎನ್ ಲೈನ್' ಲಾಂಛನಗಳನ್ನು ಪಡೆಯುತ್ತದೆ.

• ಮನೆಬಾಗಿಲಿಗೆ ಕಾರ್ ಸರ್ವೀಸ್‌ 

• ಕಾರ್ ಸರ್ವೀಸ್‌ ಹಿಸ್ಟರಿಯನ್ನು ಪರಿಶೀಲಿಸಿ

ಇಂಟಿರೀಯರ್‌ ಬದಲಾವಣೆಯ ವಿವರಗಳು

ಒಳಭಾಗದಲ್ಲಿ, ಕ್ರೆಟಾ ಎನ್ ಲೈನ್ ಸಂಪೂರ್ಣ-ಕಪ್ಪು ಕ್ಯಾಬಿನ್ ಥೀಮ್‌ನೊಂದಿಗೆ ಬರುತ್ತದೆ, ಡ್ಯಾಶ್‌ಬೋರ್ಡ್‌ನಲ್ಲಿ ರೆಡ್‌ ಹೈಲೈಟ್‌ಗಳು ಮತ್ತು ಹೊಸ ಎನ್‌ ಲೈನ್-ನಿರ್ದಿಷ್ಟ ಆಪ್ಹೊಲ್ಸ್‌ಟೆರಿಗಾಗಿ ಕಾಂಟ್ರಾಸ್ಟ್ ರೆಡ್ ಸ್ಟಿಚಿಂಗ್ ಅನ್ನು ಸೇರಿಸಲಾಗಿದೆ. ಹ್ಯುಂಡೈಯು ಕ್ರೆಟಾ ಎನ್ ಲೈನ್ ಅನ್ನು ಎನ್ ಲೈನ್-ನಿರ್ದಿಷ್ಟ ಸ್ಟೀರಿಂಗ್ ವೀಲ್ ಮತ್ತು ಗೇರ್ ಶಿಫ್ಟರ್ ಜೊತೆಗೆ ಎಕ್ಸಿಲರೇಶನ್‌ ಮತ್ತು ಬ್ರೇಕ್ ಪೆಡಲ್‌ಗಳಿಗೆ ಮೆಟಲ್ ಫಿನಿಶ್‌ನೊಂದಿಗೆ ನೀಡಲಿದೆ. ಕೊನೆಯದಾಗಿ, ರೆಗುಲರ್‌ ಕ್ರೆಟಾದಲ್ಲಿ ಲಭ್ಯವಿರುವ ಅಂಬರ್-ಬಣ್ಣದ ಎಂಬಿಯಂಟ್‌ ಲೈಟಿಂಗ್‌ ಸ್ಪೋರ್ಟಿ ಥೀಮ್‌ನೊಂದಿಗೆ ಉತ್ತಮ ಜೆಲ್ ಮಾಡಲು ಕೆಂಪು ಬಣ್ಣದಿಂದ ಬದಲಾಯಿಸಲಾಗಿದೆ.

ಇದನ್ನೂ ಓದಿ: ಮಾರುತಿ ಸುಜುಕಿ, ಟಾಟಾ ಮತ್ತು ಹ್ಯುಂಡೈ  2024ರ ಫೆಬ್ರವರಿಯಲ್ಲಿ ಹೆಚ್ಚು ಮಾರಾಟವಾದ ಕಾರ್ ಬ್ರಾಂಡ್‌ಗಳು

ಕ್ರೆಟಾ ಎನ್ ಲೈನ್ ವೈಶಿಷ್ಟ್ಯಗಳು

ಕ್ರೆಟಾ ಎನ್ ಲೈನ್ ರೆಗುಲರ್‌ ಕ್ರೆಟಾದ ಟಾಪ್‌ ವೇರಿಯೆಂಟ್‌ಗಳನ್ನು ಆಧರಿಸಿರುವುದರಿಂದ, ಇದು ಸಾಮಾನ್ಯ ಮೊಡೆಲ್‌ನ 10.25-ಇಂಚಿನ ಟಚ್‌ಸ್ಕ್ರೀನ್, ಡ್ಯುಯಲ್-ಜೋನ್ ಎಸಿ, 10.25-ಇಂಚಿನ ಆಲ್-ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ಪನೋರಮಿಕ್ ಸನ್‌ರೂಫ್ ಮತ್ತು ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳನ್ನು ಪಡೆಯುವ ನಿರೀಕ್ಷೆಯಿದೆ. ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ಬಹು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳು (ADAS) ಪ್ರಯಾಣಿಕರ ಸುರಕ್ಷತೆಯನ್ನು ನೋಡಿಕೊಳ್ಳುತ್ತದೆ.

ರೆಗುಲರ್‌ ಕ್ರೆಟಾದಂತೆ ಟರ್ಬೊ ಪವರ್‌ಟ್ರೇನ್ 

ಹ್ಯುಂಡೈ ಕ್ರೆಟಾ N ಲೈನ್ ಆವೃತ್ತಿಯು ರೆಗುಲರ್‌ ಕ್ರೆಟಾದಂತೆಯೇ ಅದೇ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ (160 PS/ 253 Nm) ಅನ್ನು ಪಡೆಯುತ್ತದೆ, ಆದರೆ ಇದನ್ನು 6-ಸ್ಪೀಡ್ ಮ್ಯಾನುವಲ್ ಮತ್ತು 7-ಸ್ಪೀಡ್ DCT (ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌) ಆಯ್ಕೆಗಳೊಂದಿಗೆ ಜೋಡಿಸಲಾಗಿದೆ. ರೆಗುಲರ್‌ ಕ್ರೆಟಾದಲ್ಲಿ, ಮ್ಯಾನುವಲ್ ಗೇರ್‌ಬಾಕ್ಸ್‌ಗೆ ಯಾವುದೇ ಆಯ್ಕೆಯಿಲ್ಲದೆ ನೀವು ಎರಡನೆಯದನ್ನು ಮಾತ್ರ ಪಡೆಯುತ್ತೀರಿ.

ಹ್ಯುಂಡೈ ತನ್ನ ಸ್ಪೋರ್ಟಿಯರ್ ಪಾತ್ರವನ್ನು ಸೂಚಿಸಲು ಸುಧಾರಿತ ನಿರ್ವಹಣೆಗಾಗಿ ಸ್ವಲ್ಪ ವಿಭಿನ್ನವಾದ ಸಸ್ಪೆನ್ಸನ್‌ ಸೆಟಪ್ ಮತ್ತು ಕ್ಷಿಪ್ರ ಸ್ಟೀರಿಂಗ್ ರ್ಯಾಕ್ ವ್ಯವಸ್ಥೆಯನ್ನು ಒದಗಿಸುವ ನಿರೀಕ್ಷೆಯಿದೆ. ಸ್ಪೋರ್ಟಿಯರ್-ಸೌಂಡಿಂಗ್‌ ಎಕ್ಸಾಸ್ಟ್ ಸೆಟಪ್ ಅನ್ನು ಸಹ ಹೊಂದುವ ಸಾಧ್ಯತೆ ಇದೆ. 

• ಕಾರ್‌ದೇಖೋ ನೀಡುವ ಕಾರ್ ಸರ್ವೀಸ್‌ಗಳು

• ಭಾರತದಲ್ಲಿ ಮುಂಬರುವ ಕಾರುಗಳು

ಇದರ ಬೆಲೆ ಎಷ್ಟು ? 

ಭಾರತದಾದ್ಯಂತ ಹುಂಡೈ ಕ್ರೆಟಾ ಎನ್ ಲೈನ್‌ನ ಪರಿಚಯಾತ್ಮಕ ಎಕ್ಸ್ ಶೋರೂಂ ಬೆಲೆಗಳು 16.82 ಲಕ್ಷ ರೂ.ನಿಂದ 20.30 ಲಕ್ಷ ರೂ.ವರೆಗೆ ಇರಲಿದೆ.  ಹ್ಯುಂಡೈ ಕ್ರೆಟಾ ಎನ್ ಲೈನ್ ಮಾರುಕಟ್ಟೆಯಲ್ಲಿ ಕಿಯಾ ಸೆಲ್ಟೋಸ್ ಜಿಟಿಎಕ್ಸ್ + ಮತ್ತು ಎಕ್ಸ್-ಲೈನ್ ಮತ್ತು ಫೋಕ್ಸ್‌ವ್ಯಾಗನ್ ಟೈಗನ್ ಜಿಟಿ, ಸ್ಕೋಡಾ ಕುಶಾಕ್ ಮತ್ತು ಎಂಜಿ ಆಸ್ಟರ್‌ನ ಟಾಪ್‌-ಎಂಡ್‌ ಆವೃತ್ತಿಗಳಿಗೆ ಪ್ರತಿಸ್ಪರ್ಧಿಯಾಗಿದೆ. 

ಇನ್ನಷ್ಟು ಓದಿ : ಕ್ರೆಟಾ ಎನ್ ಲೈನ್ ಆನ್‌ ರೋಡ್‌ಬೆಲೆ