ಭಾರತ್ NCAP ನಿಂದ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದ ಟಾಟಾ ನೆಕ್ಸಾನ್ EV ಲಾಂಗ್ ರೇಂಜ್ ವೇರಿಯೆಂಟ್‌

ಟಾಟಾ ನೆಕ್ಸಾನ್ ಇವಿಯನ್ನು ಟಾಟಾ ಕರ್ವ್ ಇವಿ ಗಿಂತ ದೊಡ್ಡದಾದ 45 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ ಹೊಂದಿರುವ ಹೊಸ ವೇರಿಯೆಂಟ್‌ಗಳೊಂದಿಗೆ ಆಪ್‌ಡೇಟ್‌ ಮಾಡಲಾಗಿದೆ. ಈಗ, ಭಾರತ್ NCAP ಈ ಹೊಸ ಲಾಂಗ್‌ ರೇಂಜ್‌ ಹಿಂದಿನ ಆವೃತ್ತಿಗಳಂತೆಯೇ 5-ಸ್ಟಾರ್ ಸುರಕ್ಷತಾ ಸ್ಕೋರ್ ಅನ್ನು ಪಡೆದುಕೊಂಡಿದೆ ಮತ್ತು ಅಂಕಗಳಲ್ಲಿ ಯಾವುದೇ ಬದಲಾವಣೆಯಿಲ್ಲ ಎಂದು ಘೋಷಿಸಿದೆ. ಟಾಟಾ ನೆಕ್ಸಾನ್ ಇವಿ ಪಡೆದಿರುವ ರೇಟಿಂಗ್‌ಗಳು ಮತ್ತು ಸ್ಕೋರ್‌ಗಳನ್ನು ನೋಡೋಣ.

ವಯಸ್ಕರು ಪ್ರಯಾಣಿಸುವಾಗಿನ ರಕ್ಷಣೆ: 29.86/32 ಅಂಕಗಳು

ಮುಂಭಾಗದ ಆಫ್‌ಸೆಟ್ ವಿರೂಪಗೊಳಿಸಬಹುದಾದ ತಡೆಗೋಡೆ ಪರೀಕ್ಷೆ: 14.26/16 ಅಂಕಗಳು

ಬದಿಯ ವಿರೂಪಗೊಳಿಸಬಹುದಾದ ತಡೆಗೋಡೆ ಪರೀಕ್ಷೆ: 15.60/16 ಅಂಕಗಳು

ಮುಂಭಾಗದ ಆಫ್‌ಸೆಟ್ ವಿರೂಪಗೊಳಿಸಬಹುದಾದ ತಡೆಗೋಡೆ ಪರೀಕ್ಷೆಗಳಲ್ಲಿ, ಚಾಲಕನ ತಲೆ, ಕುತ್ತಿಗೆ, ಸೊಂಟ, ಮತ್ತು ತೊಡೆಗಳು ಮತ್ತು ಪಾದಗಳು 'ಉತ್ತಮ' ರಕ್ಷಣೆಯನ್ನು ಪಡೆದರೆ, ಎದೆ ಮತ್ತು ಮೊಣಕಾಲು 'ಸರಾಸರಿ' ರೇಟಿಂಗ್ ಅನ್ನು ಪಡೆದಿವೆ. ಸಹ-ಚಾಲಕರ ತಲೆ, ಕುತ್ತಿಗೆ, ಎದೆ, ಸೊಂಟ, ತೊಡೆಗಳು ಮತ್ತು ಎಡ ಮೊಣಕಾಲು 'ಉತ್ತಮ' ರೇಟಿಂಗ್‌ಗಳನ್ನು ಪಡೆದಿವೆ. ಆದಾಗ್ಯೂ, ಬಲ ಮೊಣಕಾಲಿನ ರಕ್ಷಣೆಯನ್ನು 'ಸರಾಸರಿ' ಎಂದು ಗುರುತಿಸಲಾಗಿದೆ.

ಸೈಡ್ ಪೋಲ್ ಇಂಪ್ಯಾಕ್ಟ್ ಪರೀಕ್ಷೆಯಲ್ಲಿ ಚಾಲಕನ ಎಲ್ಲಾ ಭಾಗಗಳು 'ಉತ್ತಮ' ರಕ್ಷಣೆಯನ್ನು ಪಡೆಯುವಂತೆ ಗುರುತಿಸಲಾಗಿದ್ದರೆ, ಸೈಡ್ ಚಲಿಸಬಲ್ಲ ವಿರೂಪಗೊಳಿಸಬಹುದಾದ ತಡೆಗೋಡೆ ಪರೀಕ್ಷೆಯಲ್ಲಿ ಎದೆಯ ಪ್ರದೇಶವನ್ನು 'ಸರಾಸರಿ' ಎಂದು ಗುರುತಿಸಲಾಗಿದೆ ಮತ್ತು ಇತರ ಭಾಗಗಳು 'ಉತ್ತಮ' ರಕ್ಷಣಾ ರೇಟಿಂಗ್ ಅನ್ನು ಪಡೆದಿವೆ.

ಮಕ್ಕಳು ಪ್ರಯಾಣಿಸುವಾಗಿನ ರಕ್ಷಣೆ: 44.95/49 ಅಂಕಗಳು

ಡೈನಾಮಿಕ್ ಸ್ಕೋರ್: 23.95/24 ಅಂಕಗಳು

ಚೈಲ್ಡ್‌ ರಿಸ್ಟ್ರೈಂಟ್‌ ಸಿಸ್ಟಮ್‌ (CRS) ಅಳವಡಿಕೆ ಸ್ಕೋರ್: 12/12 ಅಂಕಗಳು

ವಾಹನ ಮೌಲ್ಯಮಾಪನ ಸ್ಕೋರ್: 9/13 ಅಂಕಗಳು

COPಗಾಗಿ, ಹೊಸ ನೆಕ್ಸಾನ್ EV ವೇರಿಯೆಂಟ್‌ಗಳು ಚೈಲ್ಡ್‌ ರಿಸ್ಟ್ರೈಂಟ್‌ ಸಿಸ್ಟಮ್‌ಗಳನ್ನು ಬಳಸಿಕೊಂಡು ನಡೆಸಿದ ಡೈನಾಮಿಕ್ ಪರೀಕ್ಷೆಯಲ್ಲಿ 24 ರಲ್ಲಿ 23.95 ಅಂಕಗಳನ್ನು ಗಳಿಸಿವೆ. 18 ತಿಂಗಳ ಮಗು ಮತ್ತು 3 ವರ್ಷದ ಡಮ್ಮಿಯ ಸೈಡ್ ಪ್ರೊಟೆಕ್ಷನ್ ಎರಡಕ್ಕೂ, ಡೈನಾಮಿಕ್ ಸ್ಕೋರ್ 4 ರಲ್ಲಿ 4 ಆಗಿತ್ತು. 18 ತಿಂಗಳ ಮಗುವಿನ ಮುಂಭಾಗದ ರಕ್ಷಣೆ 8 ರಲ್ಲಿ 7.95 ಆಗಿದ್ದರೆ, 3 ವರ್ಷದ ಡಮ್ಮಿ ತನ್ನ ಪರೀಕ್ಷೆಗಳಲ್ಲಿ ಪೂರ್ಣ ಅಂಕಗಳನ್ನು ಗಳಿಸಿತು.

ಇದನ್ನೂ ಓದಿ: ಹೊಸ 2025ರ Kia Carens ಬಿಡುಗಡೆಗೆ ದಿನಾಂಕ ಫಿಕ್ಸ್‌

ಟಾಟಾ ನೆಕ್ಸಾನ್ EV: ಲಭ್ಯವಿರುವ ಸುರಕ್ಷತಾ ಫೀಚರ್‌ಗಳು

ಸುರಕ್ಷತಾ ವಿಚಾರದಲ್ಲಿ, ಟಾಟಾ ನೆಕ್ಸಾನ್ ಇವಿ ಆರು ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್ ಆಗಿ), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಹೊಂದಿದೆ. ಇದು ISOFIX ಚೈಲ್ಡ್ ಸೀಟ್ ಆಂಕಾರೇಜ್‌ಗಳು, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಹಾಗೂ ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಅನ್ನು ಸಹ ಪಡೆಯುತ್ತದೆ.

ಟಾಟಾ ನೆಕ್ಸಾನ್ EV: ಬ್ಯಾಟರಿ ಪ್ಯಾಕ್ ಮತ್ತು ಎಲೆಕ್ಟ್ರಿಕ್ ಮೋಟಾರ್ ವಿಶೇಷಣಗಳು 

ಟಾಟಾ ನೆಕ್ಸಾನ್ ಇವಿ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ಬರುತ್ತದೆ, ಮುಂಭಾಗದ ಆಕ್ಸಲ್‌ನಲ್ಲಿ ಜೋಡಿಸಲಾದ ಒಂದೇ ಮೋಟರ್‌ಗೆ ಜೋಡಿಸಲಾಗಿದೆ. ಅದರ ವಿವರಗಳು ಇಲ್ಲಿವೆ:

*MIDC ಪಾರ್ಟ್‌ 1 + ಪಾರ್ಟ್‌ 2 ಸೈಕಲ್‌ನ ಪ್ರಕಾರ 

30 ಕಿ.ವ್ಯಾಟ್‌ ಮತ್ತು 45 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ ಎರಡೂ ವೇರಿಯೆಂಟ್‌ಗಳು ಈಗ ಭಾರತ್ NCAP ನಿಂದ 5-ಸ್ಟಾರ್ ಕ್ರ್ಯಾಶ್ ಸುರಕ್ಷತೆಯನ್ನು ಪಡೆದಿವೆ.

ಟಾಟಾ ನೆಕ್ಸಾನ್ EV: ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಟಾಟಾ ನೆಕ್ಸಾನ್ ಇವಿ ಬೆಲೆ 12.49 ಲಕ್ಷ ರೂ.ನಿಂದ 17.19 ಲಕ್ಷ ರೂ.ವರೆಗೆ ಇದೆ(ಎಕ್ಸ್ ಶೋ ರೂಂ, ಪ್ಯಾನ್-ಇಂಡಿಯಾ). ಇದು ಭಾರತದಲ್ಲಿ ಮಹೀಂದ್ರಾಎಕ್ಸ್‌ಯುವಿ400 ಮತ್ತು ಎಮ್‌ಜಿ ವಿಂಡ್ಸರ್ ಇವಿಗಳಿಗೆ ಪೈಪೋಟಿ ನೀಡುತ್ತದೆ. 

ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ