14.99 ಲಕ್ಷ ರೂ. ಬೆಲೆಗೆ ಭಾರತದಲ್ಲಿ Hyundai Alcazar ಫೇಸ್‌ಲಿಫ್ಟ್ ಬಿಡುಗಡೆ

• ಭಾರತದಾದ್ಯಂತ ಟರ್ಬೊ-ಪೆಟ್ರೋಲ್ ಆವೃತ್ತಿಗಳ ಪರಿಚಯಾತ್ಮಕ ಎಕ್ಸ್-ಶೋರೂಂ ಬೆಲೆಗಳು 14.99 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತವೆ ಮತ್ತು ಡೀಸೆಲ್ ಆವೃತ್ತಿಗಳು 15.99 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತವೆ.
• ಹೊಸ ಗ್ರಿಲ್ ಮತ್ತು ಹೆಡ್‌ಲೈಟ್ ಸೆಟಪ್ ಸೇರಿದಂತೆ ಹೊಸ ಕ್ರೆಟಾದಂತೆಯೇ ಫೇಸ್‌ಲಿಫ್ಟ್ ಅಲ್ಕಾಜರ್ ವಿನ್ಯಾಸವನ್ನು ಹೊಂದಿದೆ.
• ಕ್ಯಾಬಿನ್‌ನಲ್ಲಿ ಕ್ರೆಟಾ ತರಹದ ಡ್ಯಾಶ್‌ಬೋರ್ಡ್ ಅನ್ನು ಹೊಂದಿದೆ, ನೇವಿ ನೀಲಿ ಮತ್ತು ಕಂದು ಬಣ್ಣದ ಥೀಮ್ ಮತ್ತು ಡ್ಯುಯಲ್-ಸ್ಕ್ರೀನ್ ಸೆಟಪ್ ಅನ್ನು ಹೊಂದಿದೆ. 
• 6-ಸೀಟರ್‌ ಮತ್ತು 7-ಸೀಟರ್‌ ಆಯ್ಕೆಗಳಲ್ಲಿ ನೀಡಲಾಗುತ್ತದೆ.
• ಇದು ಎಕ್ಸಿಕ್ಯುಟಿವ್, ಪ್ರೆಸ್ಟೀಜ್, ಪ್ಲಾಟಿನಮ್ ಮತ್ತು ಸಿಗ್ನೇಚರ್ ಎಂಬ ನಾಲ್ಕು ಪ್ರಮುಖ ಆವೃತ್ತಿಗಳಲ್ಲಿ ಲಭ್ಯವಿದೆ.
• ಫೀಚರ್‌ಗಳಲ್ಲಿ ಡ್ಯುಯಲ್-ಜೋನ್ ಎಸಿ, ಪನರೋಮಿಕ್‌ ಸನ್‌ರೂಫ್, 6 ಏರ್‌ಬ್ಯಾಗ್‌ಗಳು ಮತ್ತು ಲೆವೆಲ್ 2 ಎಡಿಎಎಸ್ ಸೇರಿವೆ.
• ಎಂಜಿನ್ ಆಯ್ಕೆಗಳಲ್ಲಿ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಮತ್ತು 1.5-ಲೀಟರ್ ಡೀಸೆಲ್ ಎಂಜಿನ್ ಸೇರಿವೆ.

 ಹ್ಯುಂಡೈ ಅಲ್ಕಾಜರ್ ಫೇಸ್‌ಲಿಫ್ಟ್ ಅನ್ನು ಇತ್ತೀಚೆಗೆ ಸಂಪೂರ್ಣವಾಗಿ ಅನಾವರಣಗೊಳಿಸಿದ ನಂತರ ಭಾರತದಲ್ಲಿ 14.99 ಲಕ್ಷ ರೂಪಾಯಿಗಳಿಗೆ ಬಿಡುಗಡೆ ಮಾಡಲಾಗಿದೆ. ಭಾರತದಾದ್ಯಂತ ಡೀಸೆಲ್ ಆವೃತ್ತಿಗಳ ಪರಿಚಯಾತ್ಮಕ ಎಕ್ಸ್-ಶೋರೂಮ್ ಬೆಲೆಗಳು 15.99 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತವೆ. 3-ಸಾಲಿನ ಹ್ಯುಂಡೈ ಎಸ್‌ಯುವಿಯು ಈಗ ಅದೇ ರೀತಿಯ ಗ್ರಿಲ್ ಮತ್ತು ಹೆಡ್‌ಲೈಟ್ ಸೆಟಪ್ ಸೇರಿದಂತೆ ಆಪ್‌ಡೇಟ್‌ ಮಾಡಲಾದ ಹ್ಯುಂಡೈ ಕ್ರೆಟಾದೊಂದಿಗೆ ನಿಕಟವಾಗಿ ಹೊಂದಾಣಿಕೆ ಆಗುವ ವಿನ್ಯಾಸವನ್ನು ಹೊಂದಿದೆ. ಈ ಹೊಸ ನೋಟಕ್ಕೆ ಹೊಂದಿಕೆಯಾಗುವಂತೆ ಟೈಲ್‌ಲೈಟ್‌ಗಳು ಮತ್ತು  ಅಲಾಯ್‌ ವೀಲ್‌ಗಳನ್ನು ಮರುವಿನ್ಯಾಸಗೊಳಿಸಲಾಗಿದೆ. ಹೆಚ್ಚುವರಿಯಾಗಿ, ಡ್ಯಾಶ್‌ಬೋರ್ಡ್ ವಿನ್ಯಾಸವು ಕ್ರೆಟಾದಿಂದ ಸ್ಫೂರ್ತಿ ಪಡೆದಿದೆ. 2024ರ ಹ್ಯುಂಡೈ ಅಲ್ಕಾಜರ್ ಅನ್ನು ವಿವರವಾಗಿ ತಿಳಿಯೋಣ: 

ಎಕ್ಸ್‌ಟೀರಿಯರ್‌

ಫೇಸ್‌ಲಿಫ್ಟೆಡ್ ಹ್ಯುಂಡೈ ಅಲ್ಕಾಜರ್ ಪ್ರಮುಖ ವಿನ್ಯಾಸದ ಬದಲಾವಣೆಗಳನ್ನು ಪಡೆದುಕೊಂಡಿದೆ. ಇದರ ಹೊಸ ನೋಟವು ಆಪ್‌ಡೇಟ್‌ ಮಾಡಲಾದ ಹುಂಡೈ ಕ್ರೆಟಾದೊಂದಿಗೆ ನಿಕಟವಾಗಿ ಹೊಂದಿಕೆಯಾಗುತ್ತದೆ ಮತ್ತು ಎಕ್ಸ್‌ಟರ್‌ನಿಂದ ಸ್ವಲ್ಪ ಸ್ಫೂರ್ತಿಯನ್ನು ಪಡೆಯುತ್ತದೆ.

ಮುಂಭಾಗದಲ್ಲಿ, ಅಲ್ಕಾಜರ್ ಈಗ ಕನೆಕ್ಟೆಡ್‌ ಎಲ್‌ಇಡಿ ಡಿಆರ್‌ಎಲ್‌ ಸೆಟಪ್ ಅನ್ನು (ಹ್ಯುಂಡೈ ಕ್ರೆಟಾದಂತಹ) ಮತ್ತು H- ಆಕಾರದ ಲೈಟಿಂಗ್‌ ಅಂಶಗಳೊಂದಿಗೆ (ಹ್ಯುಂಡೈ ಎಕ್ಸ್‌ಟರ್‌ನಂತೆ) ಹೊಂದಿದೆ. ಗ್ರಿಲ್ ಕ್ರೆಟಾದಿಂದ ಪ್ರೇರಿತವಾದಂತೆ ಕಾಣುತ್ತದೆ ಮತ್ತು ಮೂರು-ಸ್ಲ್ಯಾಟ್ ಪ್ಯಾಟರ್ನ್‌ ಅನ್ನು ಹೊಂದಿದೆ. ಹೊಸ ಡ್ಯುಯಲ್-ಬ್ಯಾರೆಲ್ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ಗ್ರಿಲ್‌ನ ಪಕ್ಕದಲ್ಲಿ ಇರಿಸಲಾಗಿದೆ, ಇದು ಹಿಂದಿನ ಅಲ್ಕಾಜರ್‌ಗಿಂತ ಭಿನ್ನವಾಗಿ, ಚೌಕಾಕಾರದ ಆಕಾರವನ್ನು ಹೊಂದಿದೆ. ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳಿಗೆ (ADAS) ರಾಡಾರ್ ಸೆನ್ಸಾರ್‌ ಅನ್ನು ಬಂಪರ್‌ನಲ್ಲಿ ಸಂಯೋಜಿಸಲಾಗಿದೆ.

ಸೈಡ್ ಪ್ರೊಫೈಲ್ ಬಹುತೇಕ ಒಂದೇ ಆಗಿರುತ್ತದೆ. ಆದರೆ ಹೊಸ ಅಲ್ಕಾಜರ್ ಈಗ ಡ್ಯುಯಲ್-ಟೋನ್ 18-ಇಂಚಿನ ಅಲಾಯ್‌ ವೀಲ್‌ಗಳನ್ನು ಪಡೆಯುವುದರೊಂದಿಗೆ ಆಪ್‌ಗ್ರೇಡ್‌ ಆಗಿದೆ. ಸೈಡ್ ಸ್ಟೆಪ್ ಅನ್ನು ಸಹ ತೆಗೆದುಹಾಕಲಾಗಿದೆ ಮತ್ತು ಸ್ಕಿಡ್ ಪ್ಲೇಟ್‌ನೊಂದಿಗೆ ಬದಲಾಯಿಸಲಾಗಿದೆ, ಆದರೆ ಮೇಲ್ಛಾವಣಿಯ ಹಳಿಗಳು ಈಗ ಸಿಲ್ವರ್‌ನ ಫಿನಿಶಿಂಗ್‌ ಆನ್ನು ಹೊಂದಿವೆ.

ಹಿಂಭಾಗದಲ್ಲಿ, ಅಲ್ಕಾಝರ್ ಕನೆಕ್ಟೆಡ್‌ ಎಲ್‌ಇಡಿ ಟೈಲ್‌ಲ್ಯಾಂಪ್‌ ಸೆಟಪ್ ಅನ್ನು ಲಂಬವಾಗಿ ಜೋಡಿಸಲಾದ ಘಟಕಗಳೊಂದಿಗೆ 'H' ಆಕಾರವನ್ನು ರೂಪಿಸುತ್ತದೆ. ಬಂಪರ್ ಆಯತಾಕಾರದ ವಿನ್ಯಾಸವನ್ನು ಹೊಂದಿದೆ ಮತ್ತು ಸಿಲ್ವರ್ ಸರೌಂಡ್‌ನೊಂದಿಗೆ ಚೌಕಟ್ಟಾಗಿದೆ. ಟೈಲ್ ಲೈಟ್‌ಗಳ ಮೇಲೆ ಪ್ಲಾಸ್ಟಿಕ್ ಟ್ರಿಮ್‌ನ ಕೆಳಗೆ 'ಅಲ್ಕಾಜರ್' ಬ್ಯಾಡ್ಜ್ ಅನ್ನು ಇರಿಸಲಾಗಿದೆ. ಹೆಚ್ಚುವರಿಯಾಗಿ, ಫೇಸ್‌ಲಿಫ್ಟೆಡ್ ಎಸ್‌ಯುವಿಯು ಅದರ ಡ್ಯುಯಲ್-ಟಿಪ್ ಎಕ್ಸಾಸ್ಟ್ ಅನ್ನು ಉಳಿಸಿಕೊಂಡಿದೆ.

ಇದನ್ನೂ ಓದಿ: 2024 Hyundai Creta Knight ಎಡಿಷನ್‌ ಬಿಡುಗಡೆ, ಬೆಲೆಗಳು 14.51 ಲಕ್ಷ ರೂ.ನಿಂದ ಪ್ರಾರಂಭ

ಇಂಟೀರಿಯರ್‌

ಅಲ್ಕಾಜರ್ ಫೇಸ್‌ಲಿಫ್ಟ್‌ನ ಡ್ಯಾಶ್‌ಬೋರ್ಡ್ ಆಪ್‌ಡೇಟ್‌ ಮಾಡಲಾದ ಕ್ರೆಟಾಗೆ ಹೊಂದಿಕೆಯಾಗುತ್ತದೆ, ಇದು ಸ್ಲೀಕರ್ ಎಸಿ ವೆಂಟ್‌ಗಳು ಮತ್ತು ಹೊಸ ಕ್ಲೈಮೇಟ್‌ ಕಂಟ್ರೋಲ್‌ ಪ್ಯಾನಲ್‌ ಅನ್ನು ಒಳಗೊಂಡಿದೆ. ಇದು ಡ್ಯುಯಲ್ ಸ್ಕ್ರೀನ್‌ಗಳೊಂದಿಗೆ ಮುಂದುವರಿಯುತ್ತದೆ ಆದರೆ ಅವುಗಳನ್ನು ಈಗ ಸಂಯೋಜಿತ ಘಟಕದಲ್ಲಿ ಇರಿಸಲಾಗಿದೆ. ಇದರ ಕ್ಯಾಬಿನ್ ಈಗ ಗ್ಲಾಸ್ ಬ್ಲ್ಯಾಕ್ ಕ್ಲೈಮೇಟ್ ಕಂಟ್ರೋಲ್ ಪ್ಯಾನೆಲ್ ಅನ್ನು ಹೊಂದಿದೆ ಆದರೆ ನೇವಿ ಬ್ಲೂ ಮತ್ತು ಬ್ರೌನ್ ಇಂಟೀರಿಯರ್ ಕಲರ್ ಥೀಮ್‌ನಲ್ಲಿ ಬರುತ್ತದೆ.

 ಅಲ್ಕಾಜರ್ 6-ಸೀಟರ್‌ ಅಥವಾ 7-ಸೀಟರ್‌ನಲ್ಲಿ ಲಭ್ಯವಿದೆ. 6-ಸೀಟರ್‌ ಆವೃತ್ತಿಯಲ್ಲಿ, ಎರಡನೇ ಸಾಲಿನಲ್ಲಿ ಕ್ಯಾಪ್ಟನ್ ಸೀಟ್‌ಗಳನ್ನು ಹೊಂದಿದ್ದರೆ, 7-ಸೀಟರ್‌ ಆವೃತ್ತಿಯು ಬೆಂಚ್ ಸೀಟ್‌ಗಳನ್ನು ಹೊಂದಿದೆ. ಎಲ್ಲಾ ಸೀಟ್‌ಗಳನ್ನು ನೇವಿ ಬ್ಲೂ ಮತ್ತು ಬ್ರೌನ್ ಲೆಥೆರೆಟ್‌ನಲ್ಲಿ ಫಿನಿಶ್‌ ಮಾಡಲಾಗಿದೆ.  ಎರಡೂ ಮುಂಭಾಗದ ಸೀಟ್‌ಗಳು (ಮತ್ತು 6-ಆಸನಗಳಲ್ಲಿ ಕ್ಯಾಪ್ಟನ್ ಸೀಟ್‌ಗಳು) ವೆಂಟಿಲೇಶನ್‌ ಕಾರ್ಯವನ್ನು ಹೊಂದಿವೆ. ಹೆಚ್ಚುವರಿಯಾಗಿ, ಎರಡನೇ ಸಾಲು ಮುಂಭಾಗದ ಪ್ರಯಾಣಿಕರ ಆಸನವನ್ನು ಸರಿಹೊಂದಿಸಲು ಎಲೆಕ್ಟ್ರಿಕ್ ಬಾಸ್ ಮೋಡ್ ಅನ್ನು ಒಳಗೊಂಡಿದೆ (6-ಆಸನದ ಆವೃತ್ತಿಯೊಂದಿಗೆ ಮಾತ್ರ ಲಭ್ಯವಿದೆ).

 ಇದನ್ನೂ ಓದಿ: ಈ ಹಬ್ಬದ ಸೀಸನ್‌ನಲ್ಲಿ ಬಿಡುಗಡೆಯಾಗಲಿರುವ EV ಕಾರುಗಳ ಪಟ್ಟಿ

ಫೀಚರ್‌ಗಳು ಮತ್ತು ಸುರಕ್ಷತೆ

ಅಲ್ಕಾಜರ್ 10.25-ಇಂಚಿನ ಡ್ಯುಯಲ್ ಸ್ಕ್ರೀನ್‌ಗಳನ್ನು  (ಒಂದು ಇನ್ಫೋಟೈನ್‌ಮೆಂಟ್ ಮತ್ತು ಮತ್ತೊಂದು ಡಿಜಿಟಲ್ ಡ್ರೈವರ್‌ಗಳ ಡಿಸ್‌ಪ್ಲೇಗಾಗಿ) ಹೊಂದಿದೆ. ಹೊಸ ಸೇರ್ಪಡೆಗಳಲ್ಲಿ ಡ್ಯುಯಲ್-ಝೋನ್ ಎಸಿ, ಮುಂಭಾಗದ ಸೀಟ್‌ಗಳಿಗೆ 8-ವೇ ಪವರ್-ಹೊಂದಾಣಿಕೆ ಸೀಟುಗಳು, ಡ್ರೈವರ್ ಸೀಟ್‌ಗಾಗಿ 2-ಲೆವೆಲ್ ಮೆಮೊರಿ ಸೆಟ್ಟಿಂಗ್‌ಗಳು ಮತ್ತು ಎರಡನೇ ಸಾಲಿಗೆ ವೈರ್‌ಲೆಸ್ ಫೋನ್ ಚಾರ್ಜರ್ ಸೇರಿವೆ. ಇದು ಮುಂಭಾಗದ ಪ್ರಯಾಣಿಕರಿಗೆ ಪನರೋಮಿಕ್‌ ಸನ್‌ರೂಫ್ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್ ಅನ್ನು ಸಹ ಉಳಿಸಿಕೊಂಡಿದೆ. ಎರಡನೇ ಸಾಲಿನಲ್ಲಿ ಫ್ಲಿಪ್-ಔಟ್ ಕಪ್ ಹೋಲ್ಡರ್ ಜೊತೆಗೆ ಮಡಚಬಹುದಾದ ಲ್ಯಾಪ್‌ಟಾಪ್ ಟ್ರೇ ಇದೆ.

ಸುರಕ್ಷತೆಗಾಗಿ, ಅಲ್ಕಾಜರ್ 6 ಏರ್‌ಬ್ಯಾಗ್‌ಗಳು (ಎಲ್ಲಾ ಆವೃತ್ತಿಗಳಲ್ಲಿ), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳು ಮತ್ತು 360-ಡಿಗ್ರಿ ಕ್ಯಾಮೆರಾದೊಂದಿಗೆ ಬರುತ್ತದೆ. ಇದು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮತ್ತು ಆಟೋನಸ್‌ ಎಮೆರ್ಜೆನ್ಸಿ ಬ್ರೇಕಿಂಗ್ ಸೇರಿದಂತೆ ಲೆವೆಲ್‌ 2 ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಸಹ ಒಳಗೊಂಡಿದೆ.

ಪವರ್‌ಟ್ರೈನ್‌

2024 ಹ್ಯುಂಡೈ ಅಲ್ಕಾಜರ್ ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ. ವಿವರವಾದ ವಿಶೇಷಣಗಳು ಇಲ್ಲಿವೆ:

• ಡಿಸಿಟಿ = ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌

• AT = ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌

ಫೇಸ್‌ಲಿಫ್ಟ್‌ನೊಂದಿಗೆ, 2024 ಹ್ಯುಂಡೈ ಅಲ್ಕಾಜರ್  ಪೂರ್ವ-ಫೇಸ್‌ಲಿಫ್ಟ್ ಮೊಡೆಲ್‌ನಿಂದ ಎಂಜಿನ್ ಆಯ್ಕೆಗಳನ್ನು ಮತ್ತು ಅವುಗಳ ಪರ್ಫಾರ್ಮೆನ್ಸ್‌ ಔಟ್‌ಪುಟ್‌ಗಳನ್ನು ಉಳಿಸಿಕೊಂಡಿದೆ. 

ಇದನ್ನೂ ಓದಿ: Hyundai Alcazar Facelift ವೇರಿಯಂಟ್-ವಾರು ಪವರ್‌ಟ್ರೇನ್ ಆಯ್ಕೆಗಳ ವಿವರಗಳು

ಪ್ರತಿಸ್ಪರ್ಧಿಗಳು

2024 ಹ್ಯುಂಡೈ ಎಸ್‌ಯುವಿಯು ಎಮ್‌ಜಿ ಹೆಕ್ಟರ್ ಪ್ಲಸ್, ಟಾಟಾ ಸಫಾರಿ ಮತ್ತು ಮಹೀಂದ್ರಾ ಎಕ್ಸ್‌ಯುವಿ700 ಗೆ ಪ್ರತಿಸ್ಪರ್ಧಿಯಾಗಿದೆ.

ಹ್ಯುಂಡೈ ಅಲ್ಕಾಜರ್ ಫೇಸ್‌ಲಿಫ್ಟ್ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಕೆಳಗಿನ ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.

ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ

ಇನ್ನಷ್ಟು ಓದಿ: ಅಲ್ಕಾಜರ್ ಆಟೋಮ್ಯಾಟಿಕ್‌