HSRP ಗಡುವನ್ನು ಜೂನ್ 30, 2025 ರವರೆಗೆ ವಿಸ್ತರಿಸಿದ ನಮ್ಮ ನೆರೆಯ ರಾಜ್ಯ

ಮಹಾರಾಷ್ಟ್ರ ಸಾರಿಗೆ ಇಲಾಖೆಯು ಹೈ ಸೆಕ್ಯುರಿಟಿ ರಿಜಿಸ್ಟ್ರೇಶನ್‌ ಪ್ಲೇಟ್‌ಗಳನ್ನು (HSRP) ಅಳವಡಿಸುವ ಗಡುವನ್ನು ಮೂರನೇ ಬಾರಿಗೆ ವಿಸ್ತರಿಸಿದೆ. 2019 ಏಪ್ರಿಲ್‌ಗಿಂತ ಮೊದಲು ಮಾರಾಟವಾದ ಕಾರುಗಳಿಗೆ HSRP ಕಡ್ಡಾಯಗೊಳಿಸಿದಾಗ, ಸಾರಿಗೆ ಇಲಾಖೆಯು ಮೊದಲ ಗಡುವನ್ನು ಮಾರ್ಚ್ 31 ಎಂದು ಘೋಷಿಸಿತು, ಅದನ್ನು ಏಪ್ರಿಲ್ 30 ಕ್ಕೆ ವಿಸ್ತರಿಸಲಾಯಿತು ಮತ್ತು ಈಗ ಮೂರನೇ ಬಾರಿಗೆ ಜೂನ್ 30, 2025 ಕ್ಕೆ ವಿಸ್ತರಿಸಲಾಗಿದೆ. HSRP ಅಳವಡಿಕೆಗೆ ಆಸಕ್ತಿ ತೋರಿಸುವ ವಾಹನಗಳ ಸಂಖ್ಯೆ ನಿರೀಕ್ಷೆಗಿಂತ ಕಡಿಮೆಯಾದ ಕಾರಣ, ಸಾರಿಗೆ ಇಲಾಖೆಯು ಮೂರನೇ ಬಾರಿಗೆ ಗಡುವನ್ನು ಹೆಚ್ಚಿಸಲು ಅಧಿಕೃತ ಪ್ರಕಟಣೆಯಲ್ಲಿ ನಿರ್ಧರಿಸಿದೆ.

ನೀವು HSRP ಗೆ ಅರ್ಜಿ ಸಲ್ಲಿಸಲು ಬಯಸಿದರೆ, ನಿಮ್ಮ ವಾಹನಕ್ಕೆ ಅಪಾಯಿಂಟ್‌ಮೆಂಟ್ ಕಾಯ್ದಿರಿಸಲು ಅಗತ್ಯವಿರುವ ಹಂತಗಳ ಅವಲೋಕನ ಇಲ್ಲಿದೆ.

HSRP ಬುಕ್ ಮಾಡುವುದು ಹೇಗೆ?

HSRP ಗಾಗಿ ಅಪಾಯಿಂಟ್‌ಮೆಂಟ್ ಕಾಯ್ದಿರಿಸಲು, ಮಹಾರಾಷ್ಟ್ರದ ನಿವಾಸಿಗಳು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಸಾರಿಗೆ ಇಲಾಖೆಯು ರಾಜ್ಯಾದ್ಯಂತ ಆರ್‌ಟಿಒಗಳನ್ನು ಮೂರು ವಲಯಗಳಾಗಿ ವರ್ಗೀಕರಿಸಿದೆ. ಈ ಲಿಂಕ್‌ಗೆ ಭೇಟಿ ನೀಡಿ ನಿಮ್ಮ ವಾಹನವನ್ನು ನೋಂದಾಯಿಸಿರುವ ಸರಿಯಾದ ವಲಯವನ್ನು ಆಯ್ಕೆ ಮಾಡಬಹುದು. ಸರಿಯಾದ ಆರ್‌ಟಿಒ ಆಯ್ಕೆ ಮಾಡಿದ ನಂತರ, ದಯವಿಟ್ಟು ಅಗತ್ಯವಿರುವ ಮಾಹಿತಿಯನ್ನು ಒದಗಿಸಿ, ನಿಮ್ಮ ಆಯ್ಕೆಯ ದಿನಾಂಕ ಮತ್ತು ಸಮಯದಲ್ಲಿ ಹತ್ತಿರದ ಮಾರಾಟಗಾರರೊಂದಿಗೆ ಅಪಾಯಿಂಟ್‌ಮೆಂಟ್ ಅನ್ನು ನಿಗದಿಪಡಿಸಬಹುದು.

ಹಿಂದಿನ ಹಂತದಲ್ಲಿ ಸಲ್ಲಿಸಲಾದ ಫೋನ್ ಸಂಖ್ಯೆ ಮತ್ತು ವಾಹನ ಸಂಖ್ಯೆಯಂತಹ ಮಾಹಿತಿಯು ನಿಮ್ಮ ನೋಂದಣಿ ಪ್ರಮಾಣಪತ್ರದಲ್ಲಿರುವ ಮಾಹಿತಿಗೆ ಹೊಂದಿಕೆಯಾಗಬೇಕು ಎಂಬುದನ್ನು ದಯವಿಟ್ಟು ಗಮನಿಸಬೇಕು. HSRP ಅನ್ನು ಹೇಗೆ ಇನ್ಸ್‌ಟಾಲ್‌ ಮಾಡುವುದು ಎಂಬುದರ ಕುರಿತು ನಾವು ಹಂತ-ಹಂತದ ಪ್ರಕ್ರಿಯೆಯನ್ನು ವಿವರಿಸಿದ್ದೇವೆ ಮತ್ತು ನಿಮಗೆ ಯಾವುದೇ ಸಂದೇಹಗಳಿದ್ದರೆ ನಮ್ಮ ವರದಿಯನ್ನು ನೀವು ಇಲ್ಲಿ ಪರಿಶೀಲಿಸಬಹುದು. 

HSRP ಪಡೆಯಲು ತಗುಲುವ ವೆಚ್ಚ

ಮಾರ್ಚ್ ಆರಂಭದಲ್ಲಿ ಬಿಡುಗಡೆಯಾದ ಸ್ಟ್ಯಾಂಡರ್ಡ್‌ ಒಪರೇಟಿಂಗ್‌ ಪ್ರೋಸಿಜರ್‌ (SOP), ಸರ್ಕಾರವು HSRP ಯ ಜೋಡಣೆಗೆ ಈ ಕೆಳಗಿನ ವೆಚ್ಚವನ್ನು ಬಿಡುಗಡೆ ಮಾಡಿತು. ಹೆಚ್ಚುವರಿಯಾಗಿ, ದ್ವಿಚಕ್ರ ವಾಹನಗಳಿಗೆ ರೂ. 125 ಮತ್ತು ಕಾರುಗಳಿಗೆ ರೂ. 250 ಹೆಚ್ಚುವರಿ ವೆಚ್ಚದಲ್ಲಿ ನೀವು HSRP ಅನ್ನು ನಿಮ್ಮ ಮನೆಗೆ ತಲುಪಿಸಬಹುದು.

ಇದನ್ನೂ ಓದಿ: ಟಾಟಾ ಮೋಟಾರ್ಸ್‌ನ ನೂತನ ಬ್ರಾಂಡ್ ಅಂಬಾಸಿಡರ್ ಆಗಿ ವಿಕಿ ಕೌಶಲ್ ನೇಮಕ, ಈ ಐಪಿಎಲ್‌ನ ಅಧಿಕೃತ ಕಾರು ಆಗಿ Tata Curvv ಆಯ್ಕೆ

ಎಚ್‌ಎಸ್‌ಆರ್‌ಪಿ ಎಂದರೇನು?

ಹೈ ಸೆಕ್ಯುರಿಟಿ ರಿಜಿಸ್ಟ್ರೇಷನ್‌ ನಂಬರ್‌ ಪ್ಲೇಟ್, ಅಥವಾ ಸಾಮಾನ್ಯವಾಗಿ HSRP ಎಂದು ಕರೆಯಲ್ಪಡುವ, ಭಾರತ ಸರ್ಕಾರವು ಕಡ್ಡಾಯಗೊಳಿಸಿರುವ ಟ್ಯಾಂಪರ್-ಪ್ರೂಫ್ ನಂಬರ್ ಪ್ಲೇಟ್‌ಗಳಾಗಿವೆ. ಈ ಪ್ಲೇಟ್‌ಗಳನ್ನು ವಿಶೇಷ ಲಾಕ್‌ಗಳನ್ನು ಬಳಸಿ ವಾಹನಕ್ಕೆ ಜೋಡಿಸಲಾಗುತ್ತದೆ, ಇವುಗಳನ್ನು ಒಮ್ಮೆ ನಂಬರ್ ಪ್ಲೇಟ್ ತೆಗೆದ ನಂತರ ಮರುಬಳಕೆ ಮಾಡಲು ಸಾಧ್ಯವಿಲ್ಲ. ಈ ಪ್ಲೇಟ್‌ಗಳನ್ನು ಒಂದು ಸಂಕೇತದೊಂದಿಗೆ ಕೆತ್ತಲಾಗಿದ್ದು, ಪ್ರತಿಯೊಂದು HSRP ವಿಶಿಷ್ಟವಾಗಿರುತ್ತದೆ. ಸರ್ಕಾರ ಹೇಳುವಂತೆ ಈ ಪ್ಲೇಟ್‌ಗಳನ್ನು ವಾಹನ ಸಂಬಂಧಿತ ಅಪರಾಧಗಳನ್ನು ಕಡಿಮೆ ಮಾಡಲು ಪರಿಚಯಿಸಲಾಗಿದೆ.

HSRP ಪಡೆಯುವ ಹಂತಗಳ ಕುರಿತು ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದೀರಾ? ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ, ನಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ನಾವು ನಿಮಗೆ ಸಹಾಯ ಮಾಡುತ್ತೇವೆ.

ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ