MG കോമറ്റ് EV-യുടെ ഇന്റീരിയറിന്റെ പൂർണ്ണ രൂപം കാണാം

• ഏറ്റവും പുതിയ ടീസർ ഇൻഫോടെയ്ൻമെന്റ് സിസ്റ്റത്തിനും ഡ്രൈവർസ് ഡിസ്‌പ്ലേക്കുമായി ഡ്യുവൽ ഫ്ലോട്ടിംഗ് 10.25 ഇഞ്ച് ഡിസ്‌പ്ലേകൾ കാണിക്കുന്നു. 

• റോട്ടറി നോബുകളും ഇക്കോ/സ്‌പോർട്‌സ് മോഡിനുള്ള സ്വിച്ചും ടീസറിൽ കാണിച്ചിരിക്കുന്നു. 

• ഇതിൽ 17.3kWh, 26.7kWh ബാറ്ററി പായ്ക്ക് വരുമെന്നാണ് പ്രതീക്ഷിക്കുന്നത്, ഇതിന് 300km വരെയുള്ള റേഞ്ച് ഉണ്ട്. 

• 10 ലക്ഷം രൂപ മുതൽ 15 ലക്ഷം രൂപ വരെയാണ് (എക്സ് ഷോറൂം) ഇതിന്റെ വിലയായി പ്രതീക്ഷിക്കുന്നത്. 

കോമറ്റ് EV-യുടെ മറ്റൊരു ടീസർ ലോഞ്ചിന് തൊട്ടുമുന്നെ MG  പുറത്തിറക്കി. ഏറ്റവും പുതിയ ചിത്രത്തിൽ ഇലക്ട്രിക് ഹാച്ച്ബാക്കിന്റെ ഡാഷ്ബോർഡ് പൂർണ്ണമായും കാണിക്കുന്നു. സിട്രോൺ eC3, ടാറ്റ ടിയാഗോ EV എന്നിവക്ക് ഇത് എതിരാളിയാകും.

ഏറ്റവും പുതിയ ടീസർ ഡ്യുവൽ ഫ്ലോട്ടിംഗ് 10.25-ഇഞ്ച് ഡിസ്‌പ്ലേകൾ കാണിക്കുന്നു, അത് ഇൻഫോടെയ്ൻമെന്റ് ടച്ച്‌സ്‌ക്രീൻ സിസ്റ്റവും ഡ്രൈവർസ് ഡിസ്‌പ്ലേയും ഉൾക്കൊള്ളിക്കുന്നു, ഇതിൽ പ്ലേ ചെയ്യാനായി വ്യത്യസ്ത വിജറ്റുകളും ഇഷ്ടാനുസൃതമാക്കാവുന്ന പേജുകളും ലഭിക്കുന്നു. AC വെന്റുകളുള്ള ഡാഷ്‌ബോർഡിൽ ബ്രഷ് ചെയ്ത സിൽവർ ഘടകവും നിങ്ങൾക്ക് കാണാം. ഇതിൽ റോട്ടറി ഡയലുകളോട് കൂടിയ മാനുവൽ AC, സ്റ്റിയറിംഗ് വീലിനുള്ള ടെലിസ്‌കോപ്പിക് അഡ്ജസ്റ്റ്‌മെന്റ്, പോളിഷ് ചെയ്ത ബ്ലാക്ക് ഹൗസിംഗിൽ സ്ഥാപിച്ചിരിക്കുന്ന ഇക്കോ, സ്‌പോർട്‌സ് മോഡുകൾക്കിടയിൽ മാറുന്നതിനുള്ള ടോഗിൾ ബട്ടൺ എന്നിവ ഉണ്ടായിരിക്കും. 

ഇതും വായിക്കുക: ഇന്ത്യയിൽ ഇനിവരുന്ന ഇലക്ട്രിക് കാറുകൾ

സ്റ്റിയറിംഗ് മൗണ്ടഡ് കൺട്രോൾ, ഡ്യുവൽ ഫ്രണ്ട് എയർബാഗുകൾ, റിയർ പാർക്കിംഗ് ക്യാമറ, ഇലക്ട്രോണിക് സ്റ്റെബിലിറ്റി കൺട്രോൾ എന്നിവ കോമറ്റ് EV-യിലെ മറ്റ് ഫീച്ചറുകളിൽ ഉൾപ്പെടുന്നു. കിടിലനായ ചെറിയ ഹാച്ച്ബാക്ക് രണ്ട് ഡോറുകളുള്ള മോഡലായിരിക്കും, എന്നാൽ നാല് പേർക്ക് ഇരിക്കാൻ കഴിയും. 

കോമറ്റ് EV-യുടെ ഇന്തോനേഷ്യൻ-സ്പെക്ക് പതിപ്പായ വുളിംഗ് എയർ എന്ന പേരുകൂടിയുള്ള കോമറ്റ് EV-യിൽ 17.3kWh, 26.7kWh ബാറ്ററി പാക്ക് ചോയ്സുകൾ ഉണ്ടായിരിക്കും. ചെറിയ പാക്ക് 200km വരെയുള്ള റേഞ്ച് ഓഫർ ചെയ്യുന്നു, വലിയ യൂണിറ്റ് 300km വരെ നൽകുന്നു. ഇന്ത്യയ്‌ക്കായി MG-ബാഡ്ജ് ചെയ്‌ത മൈക്രോ EV-യിലേക്ക് ഏത് ബാറ്ററി ഓപ്ഷനാണ് എത്തുകയെന്ന് കണ്ടറിയണം. കോമറ്റിന് ശക്തിയേകുന്നത് സിംഗിൾ 40PS റിയർ ആക്സിൽ-മൌണ്ടഡ് മോട്ടോർ ആയിരിക്കും. 

ഇതും വായിക്കുക: 2023 Q2-ൽ അരങ്ങേറ്റം കുറിക്കുമെന്ന് പ്രതീക്ഷിക്കുന്ന മികച്ച 10 കാറുകൾ ഇവയാണ്

പൂർണ്ണമായ വെളിപ്പെടുത്തലും വില പ്രഖ്യാപനവും ഈ ഏപ്രിൽ അവസാനം പ്രതീക്ഷിക്കുന്നു, കോമറ്റിന് 10 ലക്ഷം രൂപ മുതൽ 15 ലക്ഷം രൂപ വരെ (എക്സ്-ഷോറൂം) വില പ്രതീക്ഷിക്കുന്നു.