ടൊയോറ്റ 2016 ഇന്നോവയുടെ ടീസർ ഔദ്യോഗീയമായി പുറത്തിറക്കി!
ജയ്പൂർ: ടൊയൊറ്റ തങ്ങളുടെ വരാനിരിക്കുന്ന രണ്ടാം തലമുറ ഇന്നോവയുടെ ടീസർ ഉടൻ വരുന്നു എന്ന ടാഗോടെ പുറത്തിറക്കി. ആടുത്തിടെ 2016 ഇന്നോവയുടെ ഇന്തൊനേഷ്യൻ ബ്രോഷർ അടക്കമുള്ള ചില കാര്യങ്ങൾ ചോർന്നിരുന്നു. ഔദ്യോഗീയമായി പുറത്തിറക്കുന്നതിനെപ്പറ്റി പറയുകയാണെങ്കിൽ, ഈ രണ്ടാം തലമുറ ഇന്നോവയുടെ അരങ്ങേറ്റം ടൊയോറ്റ ഈ മസം 23 ന് നടത്തിയേക്കും. ഇന്ത്യയിൽ ഒരു പതിറ്റാണ്ടിന്റെ പാരമ്പര്യമുള്ള വാഹനത്തിന്റെ രണ്ടാം തലമുറ അടുത്ത വർഷത്തോടുകൂടിയായിരിക്കും പുറത്തിറങ്ങുക. അതിനു മുൻപ് ഫെബ്രുവരിയിലെ ഇന്ത്യൻ ഓട്ടോ എക്സ്പോയിൽ ഒരു പൊതു പ്രദർശനവും പ്രതീക്ഷിക്കാം.
- ഒരു അഭിപ്രായം എഴുതുക
പുതുതായി ചോർന്ന അഭ്യൂഹങ്ങൾ പ്രകാരം പുതിയ 2.4 ലിറ്റർ ഡീസൽ എഞ്ചിനായിരിക്കും 2016 ഇന്നോവയിലുണ്ടാകുക. ഒരു 5 സ്പീഡ് മാനുവൽ ട്രാൻസ്മിഷനോടൊ 6 സ്പീഡ് ഓട്ടൊമാറ്റിക് ട്രാൻസ്മിഷനോടൊ സംയോജിപ്പിച്ചായിരിക്കും എഞ്ചിനെത്തുക. ഈ 2393 സി സി 4 സിലിണ്ടർ എഞ്ചിൻ 3400 ആർ പി എമ്മിൽ സൃഷ്ടിക്കുന്നത് സെഗ്മെന്റിലെതന്നെ ഏറ്റവും മികച്ച പവറായ 149 പി എസ് ആണ്, 5 സ്പീഡ് മാനുവൽ ട്രാൻസ്മിഷനുമായി സംയോജിപ്പിച്ചിരിക്കുമ്പോൾ 1200-2800 ആർ പി എമ്മിൽ 343 എൻ എം ടോർക്കും 6 സ്പീഡ് ഓട്ടൊമാറ്റിക് ട്രാൻസ്മിഷനുമായി സംയോജിപ്പിക്കുമ്പോൾ 1200-2600 ആർ പി എമ്മിൽ 360 എൻ എം ടോർക്കും തരാൻ ഈ എഞ്ചിനു കഴിയും.
ഇന്തോനേഷ്യയിൽ വാഹനം എത്തുക 205/65 ആർ 16, 215/65 ആർ 17 എന്നീ അലോയ് ഓപ്ഷനുകളോടെയായിരിക്കും. എഞ്ചിന്റെ വിശദാംശങ്ങൾക്ക് മുൻപ് വെളിപ്പെടുത്തിയതിൽ നിന്ന് മാറ്റങ്ങളൊന്നും ഇല്ല, രണ്ടാം തലമുറ ഇന്നോവയ്ക്കും ഫോർച്യൂണറിനും ശക്തിയേകുക ഒരു കൂട്ടം പുത്തൻ ഡീസൽ എഞ്ചിനുകളായിരിക്കുമെന്ന് ടൊയോറ്റ ഈ വർഷം ആദ്യം വെളിപ്പെടുത്തിയിരുന്നു. മറ്റു രാജ്യങ്ങളിൽ ഇന്നോവയ്ക്ക് ഒരു 2.0 ലിറ്റർ ഡ്വൽ വി വി ടി - ഐ പെട്രോൾ എഞ്ചിനും കൂടിയുണ്ടാകും, എന്നാൽ ഇന്ത്യയിൽ ഡീസൽ വേർഷൻ മാത്രം പ്രതീക്ഷിച്ചാൽ മതിയാകും.
