ಫೇಸ್‌ಲಿಫ್ಟೆಡ್‌ Audi Q7ನ ಬುಕಿಂಗ್‌ಗಳು ಪ್ರಾರಂಭ, ಬಿಡುಗಡೆಗೂ ದಿನಾಂಕ ಫಿಕ್ಸ್‌..!

• ಹೊರಭಾಗದ ಬದಲಾವಣೆಗಳಲ್ಲಿ ತಾಜಾ ಗ್ರಿಲ್ ಮತ್ತು ಹೊಸ 19-ಇಂಚಿನ ಅಲಾಯ್‌ ವೀಲ್‌ಗಳು ಸ್ಟ್ಯಾಂಡರ್ಡ್‌ ಆಗಿ ಇದೆ. 
• ಒಳಭಾಗದಲ್ಲಿ, ಇದು ಹೊರಹೋಗುವ ಮೊಡೆಲ್‌ನಂತೆಯೇ ಅದೇ ಡ್ಯಾಶ್‌ಬೋರ್ಡ್ ವಿನ್ಯಾಸವನ್ನು ಪಡೆಯುತ್ತದೆ, ಇದು ಡ್ಯುಯಲ್ ಡಿಜಿಟಲ್ ಡಿಸ್‌ಪ್ಲೇಗಳನ್ನು ಒಳಗೊಂಡಿದೆ.
• ಪ್ರಮುಖ ಫೀಚರ್‌ಗಳಲ್ಲಿ ಪನರೋಮಿಕ್‌ ಸನ್‌ರೂಫ್, 4-ಝೋನ್‌ ಎಸಿ ಮತ್ತು ADAS ಸೇರಿವೆ.
• ಹೊರಹೋಗುವ ಮೊಡೆಲ್‌ನ 3-ಲೀಟರ್ ವಿ7 ಟರ್ಬೊ-ಪೆಟ್ರೋಲ್ ಎಂಜಿನ್ (345 ಪಿಎಸ್‌/500 ಎನ್‌ಎಮ್‌) ಅನ್ನು ಬಳಸುತ್ತದೆ.
• 8-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಮೂಲಕ ಎಲ್ಲಾ ನಾಲ್ಕು ಚಕ್ರಗಳಿಗೆ ಪವರ್‌ ಅನ್ನು ವರ್ಗಾಯಿಸಲಾಗುತ್ತದೆ.
• 90 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ) ಬೆಲೆ ಪ್ರಾರಂಭವಾಗಬಹುದೆಂದು ನಿರೀಕ್ಷಿಸಲಾಗಿದೆ.

Audi Q7 ತನ್ನ ಎರಡನೇ ಫೇಸ್‌ಲಿಫ್ಟ್ ಅನ್ನು ಸ್ವೀಕರಿಸಲು ಸಿದ್ಧವಾಗಿದೆ, ಇದು ನವೆಂಬರ್ 28 ರಂದು ಮಾರುಕಟ್ಟೆಗೆ ಪಾದಾರ್ಪಣೆ ಮಾಡಲಿದೆ. ಈಗ, ಜರ್ಮನ್ ಮೂಲದ ವಾಹನ ತಯಾರಕರು ಆಪ್‌ಡೇಟ್‌ ಮಾಡಲಾದ ಮೊಡೆಲ್‌ಗಾಗಿ 2 ಲಕ್ಷ ರೂ.ಗೆ ಆರ್ಡರ್‌ಗಳನ್ನು ಪಡೆಯಲು ಪ್ರಾರಂಭಿಸಿದ್ದಾರೆ. ಎಸ್‌ಯುವಿಯನ್ನು ಅದರ ಛತ್ರಪತಿ ಸಂಭಾಜಿನಗರ (ಹಿಂದೆ ಔರಂಗಾಬಾದ್) ಪ್ಲ್ಯಾಂಟ್‌ನಲ್ಲಿ ಸ್ಥಳೀಯವಾಗಿ ಜೋಡಿಸಲು ಪ್ರಾರಂಭಿಸಿದ್ದಾರೆ. 2024ರ ಕ್ಯೂ7 ಸೂಕ್ಷ್ಮವಾದ ಬಾಹ್ಯ ಮತ್ತು ಇಂಟಿರಿಯರ್‌ ಆಪ್‌ಡೇಟ್‌ಗಳನ್ನು ಹೊಂದಿದೆ, ಆದರೂ ಇದು ಅದೇ 3-ಲೀಟರ್ V6 ಟರ್ಬೊ-ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗುವುದನ್ನು ಮುಂದುವರೆಸಿದೆ. ಫೇಸ್‌ಲಿಫ್ಟೆಡ್ Q7 ಗೆ ಮಾಡಲಾದ ಬದಲಾವಣೆಗಳನ್ನು ವಿವರವಾಗಿ ತಿಳಿಯೋಣ:

ವಿನ್ಯಾಸದಲ್ಲಿ ಸೂಕ್ಷ್ಮ ಬದಲಾವಣೆಗಳು

ಮೊದಲ ಲುಕ್‌ನಲ್ಲಿ, ಫೇಸ್‌ಲಿಫ್ಟೆಡ್ Q7 ಹೆಚ್ಚಾಗಿ ಬದಲಾಗದೆ ಕಾಣಿಸಬಹುದು, ವಿನ್ಯಾಸದ ಆಪ್‌ಡೇಟ್‌ಗಳು ಸಾಕಷ್ಟು ಸೂಕ್ಷ್ಮವಾಗಿರುತ್ತವೆ. ಹಾಗೆಯೇ, ಕ್ರೋಮ್ ಗಾರ್ನಿಶ್‌ನೊಂದಿಗೆ ಆಪ್‌ಡೇಟ್‌ ಮಾಡಲಾದ ಗ್ರಿಲ್‌ನಿಂದ ಮುಂಭಾಗವು ಹೊಸದಾಗಿ ಕಾಣುತ್ತದೆ. ಇದು ಪರಿಷ್ಕೃತ ಎಚ್‌ಡಿ ಮ್ಯಾಟ್ರಿಕ್ಸ್ ಎಲ್‌ಇಡಿ ಹೆಡ್‌ಲೈಟ್‌ಗಳು, ಡಿಜಿಟಲ್ ಸಿಗ್ನೇಚರ್‌ಗಳೊಂದಿಗೆ ಹೊಸ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ತಾಜಾ ಏರ್‌ ಇಂಟೇಕ್‌ಗಳೊಂದಿಗೆ ಮರುಹೊಂದಿಸಿದ ಬಂಪರ್ ಅನ್ನು ಸಹ ಪಡೆಯುತ್ತದೆ.

Q7 ಫೇಸ್‌ಲಿಫ್ಟ್‌ನ ಬಾಡಿಯ ಆಕೃತಿಯು ಒಂದೇ ಆಗಿರುತ್ತದೆ, ಆದರೆ ಹಿಂಭಾಗದಲ್ಲಿ ಪ್ರಮುಖ ವಿನ್ಯಾಸ ಬದಲಾವಣೆಗಳಿವೆ. ಹಾಗೆಯೇ, ಟೈಲ್ ಲೈಟ್‌ಗಳು ಪರಿಷ್ಕೃತ LED ಇಂಟರ್ನಲ್‌ ಲೈಟಿಂಗ್‌ ಅಂಶಗಳನ್ನು ಪಡೆಯುತ್ತವೆ. ಆಪ್‌ಡೇಟ್‌ ಮಾಡಲಾದ ಇಂಡಿಯಾ-ಸ್ಪೆಕ್ Q7 ಅನ್ನು ಸಖಿರ್ ಗೋಲ್ಡ್, ವೈಟೊಮೊ ಬ್ಲೂ, ಮೈಥೋಸ್ ಬ್ಲಾಕ್, ಸಮುರಾಯ್ ಗ್ರೇ ಮತ್ತು ಗ್ಲೇಸಿಯರ್ ವೈಟ್ ಎಂಬ ಐದು ಬಾಡಿ ಕಲರ್‌ನ ಆಯ್ಕೆಗಳಲ್ಲಿ ನೀಡಲಾಗುತ್ತದೆ. 

ಇದನ್ನೂ ಓದಿ: ಭಾರತದಲ್ಲಿ Mercedes-AMG C 63 S E ಪರ್ಫಾರ್ಮೆನ್ಸ್ ಬಿಡುಗಡೆ, ಬೆಲೆಗಳು 1.95 ಕೋಟಿ ರೂ.ನಿಂದ ಪ್ರಾರಂಭ

ಅದೇ ಕ್ಯಾಬಿನ್ ಲೇಔಟ್

ಹೊಸ Q7 ನ ಕ್ಯಾಬಿನ್‌ನಲ್ಲಿ ಆಡಿ ಯಾವುದೇ ಪ್ರಮುಖ ಬದಲಾವಣೆಗಳನ್ನು ಮಾಡಿಲ್ಲ ಮತ್ತು ಇದು ಹೊರಹೋಗುವ ಆವೃತ್ತಿಯನ್ನು ಹೋಲುತ್ತದೆ. ಫೇಸ್‌ಲಿಫ್ಟೆಡ್ Q7 ಅನ್ನು ಸೀಡರ್ ಬ್ರೌನ್ ಮತ್ತು ಸೈಗಾ ಬೀಜ್ ಎಂಬ ಎರಡು ಇಂಟಿರಿಯರ್‌ ಬಣ್ಣದ ಆಯ್ಕೆಗಳೊಂದಿಗೆ ಒದಗಿಸಲಾಗುತ್ತದೆ.

Q7 ಫೇಸ್‌ಲಿಫ್ಟ್ ಅದೇ ಟ್ರೈ-ಸ್ಕ್ರೀನ್ ಸೆಟಪ್ ಅನ್ನು ಪಡೆಯುತ್ತದೆ, ಇದರಲ್ಲಿ 10.1-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ ಮತ್ತು ಕ್ಲೈಮೇಟ್ ಕಂಟ್ರೋಲ್ ಪ್ಯಾನೆಲ್‌ಗಾಗಿ ಇನ್ಫೋಟೈನ್‌ಮೆಂಟ್‌ನ ಕೆಳಗೆ ಮತ್ತೊಂದು ಡಿಸ್‌ಪ್ಲೇ ಇದೆ. ಫೇಸ್‌ಲಿಫ್ಟೆಡ್ Q7 19-ಸ್ಪೀಕರ್ ಬ್ಯಾಂಗ್ ಮತ್ತು ಒಲುಫ್‌ಸೆನ್ ಆಡಿಯೊ ಸಿಸ್ಟಮ್, 4-ಜೋನ್ ಕ್ಲೈಮೇಟ್ ಕಂಟ್ರೋಲ್, ಪನರೋಮಿಕ್‌ ಸನ್‌ರೂಫ್ ಮತ್ತು ಅದರ ಹೊರಹೋಗುವ ಆವೃತ್ತಿಯಿಂದ ಪಾರ್ಕ್ ಅಸಿಸ್ಟ್‌ನೊಂದಿಗೆ 360-ಡಿಗ್ರಿ ಕ್ಯಾಮೆರಾದಂತಹ ಫೀಚರ್‌ಗಳನ್ನು ಹೊಂದಿರಬಹುದು.

ಅದೇ 3-ಲೀಟರ್ V6 ಟರ್ಬೊ-ಪೆಟ್ರೋಲ್ ಎಂಜಿನ್ 

ಫೇಸ್‌ಲಿಫ್ಟೆಡ್ Q7 ಗಾಗಿ ಹೊರಹೋಗುವ ಮೊಡೆಲ್‌ನಿಂದ ಅದೇ 3-ಲೀಟರ್ V6 ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಆಡಿ ಉಳಿಸಿಕೊಳ್ಳುತ್ತದೆ. ಈ ಎಂಜಿನ್ 345 ಪಿಎಸ್‌ ಮತ್ತು 500 ಎನ್‌ಎಮ್‌ ಅನ್ನು ಹೊರಹಾಕುತ್ತದೆ ಮತ್ತು 8-ಸ್ಪೀಡ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್ ಮೂಲಕ ಎಲ್ಲಾ ನಾಲ್ಕು ಚಕ್ರಗಳಿಗೆ ಪವರ್‌ ಅನ್ನು  ತಲುಪಿಸಲಾಗುತ್ತದೆ.

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

2024ರ ಆಡಿ ಕ್ಯೂ7ನ ಬೆಲೆ 90 ಲಕ್ಷ ರೂ.ನಿಂದ ಪ್ರಾರಂಭವಾಗಬಹುದೆಂದು ನಿರೀಕ್ಷಿಸಲಾಗಿದೆ,  ಪ್ರಸ್ತುತ ಭಾರತದಾದ್ಯಂತ ಇದರ ಎಕ್ಸ್‌ಶೋರೂಮ್‌ ಬೆಲೆ 88.66 ಲಕ್ಷ ರೂ.ನಿಂದ 97.84 ಲಕ್ಷ ರೂ.ವರೆಗೆ ಇದೆ. ಹೊಸ Q7 ಮರ್ಸಿಡೀಸ್‌ ಬೆಂಝ್‌ GLE, ಬಿಎಮ್‌ಡಬ್ಲ್ಯೂ X5, ಮತ್ತು ವೋಲ್ವೋ XC90 ಗೆ ಸ್ಪರ್ಧೆಯನ್ನು ಒಡ್ಡುತ್ತದೆ.

 ನಿರಂತರ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋ ವಾಟ್ಸ್ಆಪ್ ಚಾನೆಲ್ ಅನ್ನು ಫಾಲೋ ಮಾಡಿ

ಇದರ ಬಗ್ಗೆ ಇನ್ನಷ್ಟು ಓದಿ : ಆಡಿ Q7 ಆಟೋಮ್ಯಾಟಿಕ್‌