2025ರ ಆಟೋ ಎಕ್ಸ್‌ಪೋದಲ್ಲಿ ಟಾಟಾ ಸಿಯೆರಾ ಅನಾವರಣ

ಟಾಟಾ ಸಿಯೆರಾ ತನ್ನ ICE (ಇಂಧನ ಚಾಲಿತ ಎಂಜಿನ್) ಅವತಾರದಲ್ಲಿ ಅದರ EV ಪ್ರತಿರೂಪವನ್ನು ನಿಕಟವಾಗಿ ಪ್ರತಿಬಿಂಬಿಸುತ್ತದೆ, ಆದರೂ ಇದು ಗ್ರಿಲ್ ಮತ್ತು ಬಂಪರ್ ವಿನ್ಯಾಸದಲ್ಲಿ ಸೂಕ್ಷ್ಮ ಬದಲಾವಣೆಗಳನ್ನು ಹೊಂದಿದೆ

• ಸಿಯೆರಾ ICE ಸಂಪೂರ್ಣವಾಗಿ ಹೊಸ ವಿನ್ಯಾಸ ಭಾಷೆಯನ್ನು ಹೊಂದಿದೆ, ಆದರೆ ಹಳೆಯ ಸಿಯೆರಾದ ಮೂಲ ಬಾಡಿ ಆಕೃತಿಯನ್ನು ಉಳಿಸಿಕೊಂಡಿದೆ.

• ಹೊರಭಾಗದ ಪ್ರಮುಖ ಹೈಲೈಟ್‌ಗಳಲ್ಲಿ ಕನೆಕ್ಟೆಡ್‌ ಎಲ್‌ಇಡಿ ಡಿಆರ್‌ಎಲ್‌ಗಳು, ಫ್ಲಶ್-ಟೈಪ್ ಡೋರ್ ಹ್ಯಾಂಡಲ್‌ಗಳು ಮತ್ತು ಕನೆಕ್ಟೆಡ್‌ ಎಲ್‌ಇಡಿ ಟೈಲ್‌ಲೈಟ್‌ಗಳು ಸೇರಿವೆ.

• ಡ್ಯಾಶ್‌ಬೋರ್ಡ್‌ನಲ್ಲಿ 3 ಸ್ಕ್ರೀನ್‌ಗಳೊಂದಿಗೆ ಹ್ಯಾರಿಯರ್ ಮತ್ತು ಸಫಾರಿಗಿಂತ ಹೆಚ್ಚು ಸುಧಾರಿತ ಇಂಟೀರಿಯರ್‌ ಅನ್ನು ಪಡೆಯುತ್ತದೆ.

• ಮೂರು 12.3-ಇಂಚಿನ ಸ್ಕ್ರೀನ್‌ಗಳು, ಪನೋರಮಿಕ್ ಸನ್‌ರೂಫ್ ಮತ್ತು ಮುಂಭಾಗದ ಸೀಟ್‌ನಲ್ಲಿ ವೆಂಟಿಲೇಶನ್‌ನಂತಹ ಸೌಲಭ್ಯಗಳೊಂದಿಗೆ ಬರುತ್ತದೆ.

• ಇದರ ಸುರಕ್ಷತಾ ಪ್ಯಾಕೇಜ್‌ 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್‌ ಆಗಿ), 360-ಡಿಗ್ರಿ ಕ್ಯಾಮೆರಾ ಮತ್ತು ADAS ಅನ್ನು ಒಳಗೊಂಡಿದೆ.

• 1.5-ಲೀಟರ್ ಟರ್ಬೊ-ಪೆಟ್ರೋಲ್ ಮತ್ತು 2-ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಗಳನ್ನು ಬಳಸಬಹುದು.

• ಇದರ ಬೆಲೆ 10.50 ಲಕ್ಷ ರೂ.ಗಳಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗಬಹುದು.

ಟಾಟಾ ಮೋಟಾರ್ಸ್‌ನ ಇತಿಹಾಸದಲ್ಲಿ ಅತ್ಯಂತ ಪ್ರಸಿದ್ಧ ಬ್ರಾಂಡ್ ಹೆಸರುಗಳಲ್ಲಿ ಒಂದಾದ ಟಾಟಾ ಸಿಯೆರಾ, ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ರಲ್ಲಿ ICE ಅವತಾರದಲ್ಲಿ ಮತ್ತೆ ಕಾಣಿಸಿಕೊಂಡಿದೆ. ಹೊಸ ಸಿಯೆರಾ ICE ಕಾರು 1990 ರ ದಶಕದಲ್ಲಿ ಮಾರಾಟವಾದ ಸಿಯೆರಾ ಎಸ್‌ಯುವಿಯಿಂದ ಸ್ಫೂರ್ತಿ ಪಡೆದಿದೆ, ಆದರೆ ಟಾಟಾ ತನ್ನ ಪ್ರಸ್ತುತ ಕಾರುಗಳ ಪಟ್ಟಿಯಲ್ಲಿರುವ ಇತರ ಎಸ್‌ಯುವಿಗಳಿಗೆ ಹೊಂದಿಕೆಯಾಗುವಂತೆ ಹೊಸ ವಿನ್ಯಾಸ ತತ್ವಶಾಸ್ತ್ರವನ್ನು ಅಳವಡಿಸಿಕೊಂಡಿದೆ. ಈ ಹೊಸ ಅವತಾರದಲ್ಲಿ ಸಿಯೆರಾ ಹೇಗೆ ಕಾಣುತ್ತದೆ ಮತ್ತು ಅದು ಏನನ್ನು ನೀಡುತ್ತದೆ ಎಂಬುದನ್ನು ನೋಡೋಣ.

ಹೊಸದಾದ ವಿನ್ಯಾಸ

ಟಾಟಾ ಸಿಯೆರಾ ಐಸಿಇಯು, ಟಾಟಾ ಹ್ಯಾರಿಯರ್ ಮತ್ತು ಟಾಟಾ ಸಫಾರಿಯಂತಹ ಹೊಸ ಯುಗದ ಟಾಟಾ ಕಾರುಗಳಲ್ಲಿ ಇತ್ತೀಚೆಗೆ ಕಂಡುಬರುವ ಎಲ್ಲಾ ಹೊಸ ವಿನ್ಯಾಸ ಶೈಲಿಯನ್ನು ಒಳಗೊಂಡಿದೆ. ಆದರೆ, ಹಳೆಯ ಸಿಯೆರಾದೊಂದಿಗೆ ನೀಡಲಾದ ಅದೇ ರೀತಿಯ ನೋಟದ ಬಾಡಿಯ ಆಕೃತಿಯೊಂದಿಗೆ ಇದು ಇನ್ನೂ ತನ್ನ ಹಳೆಯ ಮೋಡಿಯನ್ನು ಉಳಿಸಿಕೊಂಡಿದೆ. ಮುಂಭಾಗದಲ್ಲಿ, ಇದು ಕನೆಕ್ಟೆಡ್‌ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಪಡೆಯುತ್ತದೆ ಮತ್ತು ಹೆಡ್‌ಲೈಟ್‌ಗಳನ್ನು ಬಂಪರ್‌ಗೆ ಸಂಯೋಜಿಸಲಾಗಿದೆ. ಬದಿಯಿಂದ ನೀವು ಗಮನಿಸುವ ಮೊದಲ ವಿಷಯವೆಂದರೆ ಮೂಲ ಸಿಯೆರಾದಲ್ಲಿ ಕಂಡುಬರುವಂತಹ ಅದರ ದೊಡ್ಡ ಆಲ್ಪೈನ್ ಕಿಟಕಿಗಳು ಮತ್ತು ಫ್ಲಶ್-ಟೈಪ್ ಡೋರ್ ಹ್ಯಾಂಡಲ್‌ಗಳು. ಹಿಂಭಾಗದಲ್ಲಿ, ಸಿಯೆರಾ ಕನೆಕ್ಟೆಡ್‌ ಎಲ್‌ಇಡಿ ಟೈಲ್ ಲೈಟ್‌ಗಳೊಂದಿಗೆ ಹೊಸ ಟ್ರೆಂಡ್‌ ಅನ್ನು ಅನುಸರಿಸುತ್ತದೆ.

ಕ್ಯಾಬಿನ್: ವಿಶಿಷ್ಟವಾದ ಟಾಟಾ ವಿನ್ಯಾಸ

ಈ ಕಾನ್ಸೆಪ್ಟ್ ಮೊಡೆಲ್‌ ಡ್ಯಾಶ್‌ಬೋರ್ಡ್‌ನಲ್ಲಿ ಟ್ರಿಪಲ್-ಸ್ಕ್ರೀನ್ ಸೆಟಪ್ ಮತ್ತು ಮಧ್ಯದಲ್ಲಿ ಪ್ರಕಾಶಿತ 'ಟಾಟಾ' ಲೋಗೋ ಹೊಂದಿರುವ 4-ಸ್ಪೋಕ್ ಸ್ಟೀರಿಂಗ್ ವೀಲ್‌ನೊಂದಿಗೆ ಬರುತ್ತದೆ. ಆದರೆ, ಸಿಯೆರಾದಲ್ಲಿ 4- ಮತ್ತು 5-ಸೀಟುಗಳೆರಡರ ಸಂರಚನೆಗಳು ಪ್ರಮುಖ ವ್ಯತ್ಯಾಸವಾಗಿರಬಹುದು.

ನಿರೀಕ್ಷಿತ ಫೀಚರ್‌ಗಳು

ಈ ಪರಿಕಲ್ಪನೆಯ ಪ್ರಕಾರ, ಟಾಟಾ ಸಿಯೆರಾ ಕಾರು 12.3-ಇಂಚಿನ ಮೂರು ಸ್ಕ್ರೀನ್‌ಗಳು, ಪ್ರೀಮಿಯಂ ಸೌಂಡ್ ಸಿಸ್ಟಮ್, ಪನೋರಮಿಕ್ ಸನ್‌ರೂಫ್, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಮುಂಭಾಗದ ಸೀಟುಗಳಲ್ಲಿ ವೆಂಟಿಲೇಶನ್‌ನೊಂದಿಗೆ ಲಭ್ಯವಿರುತ್ತದೆ. ಇದರ ಸುರಕ್ಷತಾ ಪ್ಯಾಕೇಜ್‌ 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್ ಆಗಿ), 360-ಡಿಗ್ರಿ ಕ್ಯಾಮೆರಾ, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ಮತ್ತು ಅಡ್ವಾನ್ಸ್‌ಡ್‌ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್‌ಗಳನ್ನು (ADAS) ಒಳಗೊಂಡಿರಬಹುದು.

ಪವರ್‌ಟ್ರೇನ್‌ಗಳ ಆಯ್ಕೆಗಳು

ಅದರ ICE ಅವತಾರದಲ್ಲಿರುವ ಸಿಯೆರಾವನ್ನು ಟರ್ಬೊ-ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುವುದು ಎಂದು ನಿರೀಕ್ಷಿಸಲಾಗಿದೆ. ವಿಶೇಷಣಗಳು ಈ ಕೆಳಗಿನಂತಿವೆ:

ಡಿಸಿಟಿ - ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ಎಟಿ - ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್

ಮೇಲೆ ತಿಳಿಸಲಾದ 1.5-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಟಾಟಾ ಹ್ಯಾರಿಯರ್ ಮತ್ತು ಟಾಟಾ ಸಫಾರಿಗಳಲ್ಲಿಯೂ ಅಳವಡಿಸುವ ನಿರೀಕ್ಷೆಯಿದೆ, ಹಾಗೆಯೇ, ಡೀಸೆಲ್ ಎಂಜಿನ್‌ ಅನ್ನು ಈಗಾಗಲೇ ಈ ಎಸ್‌ಯುವಿಗಳಲ್ಲಿ ನೀಡಲಾಗಿದೆ.

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಟಾಟಾ ಸಿಯೆರಾ ICE ಕಾರಿನ ಬೆಲೆ 10.50 ಲಕ್ಷ ರೂ.ಗಳಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗುವ ನಿರೀಕ್ಷೆಯಿದೆ.

ಕಾರುಗಳ ಲೋಕದ ನಿರಂತರ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ