ಇತ್ತೀಚಿನ ವಿನ್ಯಾಸ ಸ್ಕೆಚ್‌ಗಳಲ್ಲಿ Tata Curvv ಮತ್ತು Tata Curvv EV ಇಂಟೀರಿಯರ್‌ನ ಟೀಸರ್‌ ಬಿಡುಗಡೆ

• ಹ್ಯುಂಡೈ ಕ್ರೆಟಾ ಮತ್ತು ಸ್ಕೋಡಾ ಕುಶಾಕ್‌ನಂತಹ ಎಸ್‌ಯುವಿಗಳಿಗೆ ಟಾಟಾದ ಪರ್ಯಾಯವಾಗಿ ಕರ್ವ್‌ ಆಗಿರುತ್ತದೆ.

• ಇದನ್ನು ಐಸಿಇ ಮತ್ತು ಇವಿ ಆವೃತ್ತಿಗಳಲ್ಲಿ ನೀಡಲಾಗುವುದು, ಇವಿಯು ಮೊಡೆಲ್‌ ಆಗಸ್ಟ್‌ನಲ್ಲಿ ಆಗಮಿಸಲಿದೆ.

• ಟೀಸರ್‌ನಲ್ಲಿ ಗಮನಿಸಲಾದ ವಿವರಗಳಲ್ಲಿ ಅದೇ ಡಿಜಿಟಲ್ ಡ್ರೈವರ್‌ನ ಡಿಸ್‌ಪ್ಲೇ ಮತ್ತು ಗೇರ್ ಶಿಫ್ಟರ್‌ನೊಂದಿಗೆ ನೆಕ್ಸಾನ್ ತರಹದ ಡ್ಯಾಶ್‌ಬೋರ್ಡ್ ಅನ್ನು ಒಳಗೊಂಡಿವೆ.

• ನಿರೀಕ್ಷಿತ ಫೀಚರ್‌ಗಳಲ್ಲಿ ಪನೋರಮಿಕ್ ಸನ್‌ರೂಫ್, 360-ಡಿಗ್ರಿ ಕ್ಯಾಮೆರಾ ಮತ್ತು ADAS ಸೇರಿವೆ.

• ಟಾಟಾ ಪೆಟ್ರೋಲ್ ಮತ್ತು ಡೀಸೆಲ್ ಪವರ್‌ಟ್ರೇನ್‌ಗಳೊಂದಿಗೆ ಕರ್ವ್‌ ಐಸಿಇಯನ್ನು ನೀಡುವ ಸಾಧ್ಯತೆಯಿದೆ.

• 2024ರ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆಯಾಗಬಹುದೆಂದು ನಿರೀಕ್ಷಿಸಲಾಗಿದೆ; ಬೆಲೆಗಳು 10.5 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗಬಹುದು.

 ಟಾಟಾ ಮೋಟಾರ್ಸ್‌ನಿಂದ ಬರುವ ಮುಂದಿನ ಹೊಸ ಬ್ರ್ಯಾಂಡ್‌ ಎಂದರೆ ಕರ್ವ್‌, ಇದನ್ನು ಇಂಟರ್ನಲ್‌ ಕಂಬಶನ್‌ ಎಂಜಿನ್ (ICE) ಮತ್ತು ಇವಿಗಳ ಅವೃತ್ತಿಯಲ್ಲಿ ನೀಡಲಾಗುತ್ತಿದೆ. ಟಾಟಾ ಕರ್ವ್‌ ಇವಿಯು ಆಗಸ್ಟ್ 7 ರಂದು ಮೊದಲ ಬಾರಿಗೆ ಮಾರಾಟವಾಗಲಿದ್ದು, ಟಾಟಾ ಕರ್ವ್‌ ಇಂಧನ ಚಾಲಿತ ಆವೃತ್ತಿಯು ಮುಂದಿನ ತಿಂಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಕಾರು ತಯಾರಕರು ಇತ್ತೀಚೆಗೆ ಎರಡೂ ಮೊಡೆಲ್‌ಗಳ ಹೊರಭಾಗದ ಕವರ್‌ಗಳನ್ನು ತೆಗೆದು ಅನಾವರಣಗೊಳಿಸಲಾಯಿತು ಮತ್ತು ಈಗ ವಿನ್ಯಾಸ ರೇಖಾಚಿತ್ರಗಳ ಮೂಲಕ ಅವರ ಕ್ಯಾಬಿನ್ ಹೇಗೆ ಕಾಣುತ್ತದೆ ಎಂಬುದರ ಒಂದು ನೋಟವನ್ನು ನೀಡಿದೆ.

ಗಮನಿಸಿದ ಅಂಶಗಳು

ಇತ್ತೀಚಿನ ವಿನ್ಯಾಸದ ರೇಖಾಚಿತ್ರಗಳಲ್ಲಿ, ಕರ್ವ್‌ ಮತ್ತು ಕರ್ವ್‌ ಇವಿಯು ನೆಕ್ಸಾನ್ ತರಹದ ಡ್ಯಾಶ್‌ಬೋರ್ಡ್ ವಿನ್ಯಾಸವನ್ನು ಹೊಂದಿರುತ್ತದೆ ಎಂದು ನಾವು ಗಮನಿಸಬಹುದು. ಸಾಮ್ಯತೆಗಳಲ್ಲಿ ಫ್ರೀ-ಫ್ಲೋಟಿಂಗ್ ಇನ್ಫೋಟೈನ್‌ಮೆಂಟ್ ಯೂನಿಟ್ (ಹ್ಯಾರಿಯರ್‌ನ 12.3-ಇಂಚಿನ ಡಿಸ್‌ಪ್ಲೇ), ನಯವಾದ ಅಡ್ಡಲಾಗಿ ಇರಿಸಲಾದ ಎಸಿ ವೆಂಟ್‌ಗಳು ಮತ್ತು ಅದೇ ಟಚ್‌-ಸಕ್ರಿಯಗೊಳಿಸಿದ ಕ್ಲೈಮೇಟ್‌ ಕಂಟ್ರೋಲ್‌ ಪ್ಯಾನೆಲ್‌ ಅನ್ನು ಒಳಗೊಂಡಿರುತ್ತದೆ. ಇಂಟೀರಿಯರ್ ಡಿಸೈನ್‌ನ ಸ್ಕೆಚ್ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ (10.25-ಇಂಚಿನ ಯುನಿಟ್ ಆಗಿರಬಹುದು) ಮತ್ತು ಅದೇ ಗೇರ್ ಶಿಫ್ಟರ್ ಅನ್ನು ಸಹ ಬಹಿರಂಗಪಡಿಸುತ್ತದೆ, ಇವೆರಡನ್ನೂ ನೆಕ್ಸಾನ್‌ನಿಂದ ಪಡೆಯಲಾಗಿದೆ.

 ಟೀಸರ್ ಸ್ಕೆಚ್‌ಗಳು ಬೋರ್ಡ್‌ನಲ್ಲಿ 2-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ತೋರಿಸಿದರೆ, ನಮ್ಮ ಹಿಂದಿನ ವಿಶೇಷವಾದ ಇಂಟೀರಿಯರ್‌ನ ಸ್ಪೈ ಶಾಟ್‌ಗಳು ಹ್ಯಾರಿಯರ್-ಸಫಾರಿ ಜೋಡಿಯಲ್ಲಿ ನೋಡಿದಂತೆ ಇದು 4-ಸ್ಪೋಕ್ ಯೂನಿಟ್‌ನೊಂದಿಗೆ ಬರುತ್ತದೆ ಎಂದು ಸೂಚಿಸಿದೆ. ಭಾರತ್ ಮೊಬಿಲಿಟಿ ಎಕ್ಸ್‌ಪೋ 2024 ರಲ್ಲಿ ಮೊದಲ ಬಾರಿಗೆ ಪ್ರದರ್ಶಿಸಲಾದ Curvv ICE ನಲ್ಲಿ ಟಾಟಾ ಮೋಟಾರ್ಸ್ ಸ್ವತಃ 4-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಒದಗಿಸಿದೆ ಎಂಬುದು ನಮ್ಮ ನಂಬಿಕೆಗೆ ಮತ್ತಷ್ಟು ಸೇರಿಸುತ್ತದೆ.

ಇದನ್ನೂ ಸಹ ಓದಿ: Mahindra Thar Roxx (ಥಾರ್ 5-ಡೋರ್) ವರ್ಸಸ್‌ Mahindra Thar: 5 ಪ್ರಮುಖ ಬಾಹ್ಯ ವ್ಯತ್ಯಾಸಗಳ ವಿವರಣೆ

ಇತರ ನಿರೀಕ್ಷಿತ ಫೀಚರ್‌ಗಳು

ಟಚ್‌ಸ್ಕ್ರೀನ್ ಮತ್ತು ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇಯ ಹೊರತಾಗಿ, ಟಾಟಾ ಪ್ಯಾನರೋಮಿಕ್‌ ಸನ್‌ರೂಫ್, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು, ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಮತ್ತು ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್‌ನೊಂದಿಗೆ ಕರ್ವ್‌ ಅನ್ನು ಸಜ್ಜುಗೊಳಿಸುವ ನಿರೀಕ್ಷೆಯಿದೆ.

ಇದರ ಸುರಕ್ಷತಾ ಪ್ಯಾಕೇಜ್‌ ಆರು ಏರ್‌ಬ್ಯಾಗ್‌ಗಳನ್ನು (ಹೆಚ್ಚಾಗಿ ಸ್ಟ್ಯಾಂಡರ್ಡ್‌ ಆಗಿ), 360-ಡಿಗ್ರಿ ಕ್ಯಾಮೆರಾ, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಮತ್ತು ಕೆಲವು ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಒಳಗೊಂಡಿರುತ್ತದೆ.

ಇದು ಯಾವ ಎಂಜಿನ್ ಆಯ್ಕೆಗಳನ್ನು ಪಡೆಯುತ್ತದೆ?

ಟಾಟಾ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ಗಳ ಆಯ್ಕೆಯೊಂದಿಗೆ ಕರ್ವ್‌ ICE ಅನ್ನು ನೀಡುವ ನಿರೀಕ್ಷೆಯಿದೆ. ಅವರ ತಾಂತ್ರಿಕ ವಿಶೇಷಣಗಳನ್ನು ಇಲ್ಲಿ ಗಮನಿಸೋಣ:

*ಡಿಸಿಟಿ- ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ಕರ್ವ್‌ನ ಇವಿ ಆವೃತ್ತಿಯು ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಪಡೆಯುವ ನಿರೀಕ್ಷೆಯಿದೆ, ಸುಮಾರು 500 ಕಿಮೀ.ಯಷ್ಟು ಕ್ಲೈಮ್‌ ಮಾಡಲಾದ ರೇಂಜ್‌ ಅನ್ನು ನಿರೀಕ್ಷಿಸಲಾಗಿದೆ. ಕರ್ವ್‌ ಇವಿಗಾಗಿ ಬ್ಯಾಟರಿ ಪ್ಯಾಕ್ ಮತ್ತು ಎಲೆಕ್ಟ್ರಿಕ್ ಮೋಟಾರ್ ವಿಶೇಷಣಗಳನ್ನು ಟಾಟಾ ಇನ್ನೂ ಬಹಿರಂಗಪಡಿಸಿಲ್ಲ.