டாடா நிக்சன் 2017-2020

இதில் அளிக்கப்பட்டுள்ள ஆற்றல் மோடுகள் குறிப்பிடத்தகுந்த வேறுப்பாட்டை கொண்டுள்ளன. இதன் சிட்டி மோடு மூலம் நகர்புற சாலைகளில் ஓட்டும் திறன் உண்மையிலேயே மேம்பட்டுள்ளது.

இந்த டாடா நெக்ஸான் கார், ஒரு சப்– காம்பேக்ட் SUV அல்லது ஒரு ஹேட்ச்பேக் என்ற இரண்டிற்கும் இடைப்பட்டதாக உள்ளது. உண்மையில் இது ஒரு கிராஸ்ஓவர் என்றே தோன்றுகிறது. இந்த நெக்ஸான் காரில் ஒரு SUV- தன்மையை காணலாம். ரெனால்ட் டஸ்டர் காரை ஒத்த 209 மிமீ அளவிலான கிரவுண்டு கிளியரன்ஸ் மற்றும் 16 இன்ச் பெரிய வீல்கள் ஆகியவற்றை குறிப்பிடலாம். ரேஞ்ச் ரோவர் இவோக் காரில் உள்ளதை ஒத்த நகரும் ரூஃப்லைன் மூலம் அதன் உயர்ந்த நிலை வெளிப்படுகிறது.

இதன் வழக்கத்திற்கு மாறான வடிவமைப்பு, கண்களை கவரும் வகையில் உள்ளது. இதனால் மற்ற ஹேட்ச்பேக் கார்கள் மற்றும் கச்சிதமான SUV-க்களின் நடுவே நிறுத்தும் போது, இதை கவனிக்க தவறுவது அரிதாகிறது. நாங்கள் ஓட்டி பார்த்த நெக்ஸான் காரின் உயர் தர வகையான XZ+ இல் ஸ்டீல் க்ரே உடன் சிவப்பு நிறத்தில் அமைந்து எடுத்து காட்டக்கூடிய நிறத்திலான ரூஃப் மற்றும் ஆரஞ்சு நிறத்திலான வெளிப்புற நிறம் ஆகியவற்றை பெற்று இருந்தது. இதில் உள்ள அடையாள பகுதி வெள்ளை நிறத்திலான பிளாஸ்டிக்கில் அமைந்து, பக்கவாட்டு பகுதியின் க்ரீன்ஹவுஸுக்கு கீழே செல்கிறது. இது பின்பகுதி வரை தொடர்கிறது. அது பிளாஸ்டிக் அல்ல, பெயிண்ட் ஆகும். அது இருப்பது போன்று அப்படியே அதை விட்டு இருக்கலாம், ஆனால் அப்படி செய்யாமல், அதை இன்னும் மெருகேற்றி இருக்கலாம் என்று தெரிகிறது. ஆரஞ்சு நிறத்திலான பெயிண்ட் கொண்ட காரில், ரூஃப் இருக்கும் அதே நிறத்தில் இந்த வரியும் அமைந்துள்ளது.

இந்த சாம்பல நிற ரூஃப் மற்றும் வெள்ளை நிற மேற்பூச்சு ஆகியவற்றை தவிர, வெளிப்புறத்தில் உள்ள மற்றொரு கவர்ந்திழுக்கும் தன்மையாக, கருப்பு பிளாஸ்டிக் கிளாடிங் அமைந்துள்ளது. நெக்ஸான் காருக்கு கடினமாக மற்றும் உயர்ந்த தரத்தை அளிப்பதில், இது முக்கிய பங்கு வகிக்கிறது.

நெக்ஸான் காரை நேரடியாக பார்க்கும் போது, டாடா நிறுவனம் தாக்கம் கொண்ட வடிவமைப்பை உங்களால் யூகிக்க முடிகிறது. முன்பக்க கிரிலின் மேல்பக்க வரி ஹெட்லெம்ப்கள் வரை நீண்டு சென்று, பக்கவாட்டு பகுதிக்கும் தொடர்கிறது. டாடா தயாரிப்புகளில் இது ஒரு உறுதியான வரி ஆக காண முடிகிறது. இதன் சக தயாரிப்புகளை விட, நெக்ஸான் காரின் வடிவமைப்பு அதிக கவர்ச்சியாக உள்ளது. இந்த காரின் முன்பக்க பகுதியில் LED டேடைம் ரன்னிங் லெம்ப்கள் உடன் கூடிய பின்நோக்கி தள்ளப்பட்ட ஹெட்லெம்ப்கள், உயர் தரத்திலான ஃபேக் லெம்ப்கள், ஒரு பெரிய முன்பக்க காற்று உள்ளிழுப்பு மற்றும் விரிவான வீல் ஆர்ச்சுகள் போன்றவை தைரியமான தோற்றத்தை அளிக்கின்றன.

நெக்ஸான் காரின் முன்பக்கத்தில் இருந்து பார்க்கும் போது, ஒரு SUV-த்தனம் தெரிந்தாலும், பின்பக்கத்தில் இருந்து பார்க்கும் ஹேட்ச்பேக் சாயலை அதிகமாக கொண்டுள்ளது. இதில் உள்ள அதிக அளவிலான கிரவுண்டு கிளியரன்ஸ் குறிப்பிட வேண்டிய ஒன்று. மேலும் நெக்ஸான் காரின் ஸ்டாக் டயர்கள் (215/60 R16), அதன் அளவை விரிவாக காட்டக் கூடியதாக உள்ளது. பின்பக்க பம்பரில் உள்ள பெளக்ஸ் ஸ்கிட் பிளேட் மூலம் உருவத்தில் சற்று கடினத்தன்மை சேர்க்கப்பட்டுள்ளது. தெளிவான லென்ஸ் டெயில் லெம்ப்களைச் சுற்றிலும் ஒரு வெள்ளை மற்றும் மங்கலான கருப்பு நிறத்திலான தன்மை காணப்படுவது, வடிவமைப்பிற்கு கூடுதல் பாதாக நிலையை ஏற்படுத்துகிறது. ஆனால் காலம் செல்லச்செல்ல அது உங்களுக்கு பழகிவிடும்.

இந்த நெக்ஸான் காரின் உள்புற அமைப்பியலில் மூன்று முக்கிய அடுக்குகள் காணப்படுகின்றன. இதன் மேற்பக்க பகுதி அடர்ந்த சாம்பல் நிற பிளாஸ்டிக் மூலம் தீர்க்கப்பட்டு, அதன் உயர் நிலைக்கு ஏற்ற தரத்தை கொண்டுள்ளது. இடைப்பட்ட அடுக்கு, ஒரு அலுமினியம் மூலம் தீர்க்கப்பட்டு, குறிப்பாக சந்தையில் உயர்ந்ததாக தெரிகிறது. உறுதியான மற்றும் அடர்த்தியான இந்த அடுக்கு, கேபின் முழுவதும் அமைந்துள்ளதால், நீங்கள் ஒரு அதிக பிரிமியம் தன்மை கொண்ட காரில் அமர்ந்திருப்பது போன்ற உணர்வை பெற முடிகிறது. கடைசி மற்றும் கீழ் பகுதியில் உள்ள அடுக்கு, பழுப்பு நிற நிழலை கொண்ட சாம்பல் நிறத்திலான ஒரு பிளாஸ்டிக்கில் அமைந்துள்ளது. இந்த பிளாஸ்டி தொடுவதற்கு கடினமாகவும், மிகவும் உயர்ந்த ரீதியிலான பொருத்தமோ, முழுமையான நிலைகளையோ காண முடிவதில்லை. இதற்கு எடுத்துக்காட்டாக, கிளோவ்பாக்ஸை மூடுவதற்கு ஒன்றிற்கு மேற்பட்ட முறை முயற்சி செய்ய வேண்டியுள்ளது. மேலும் கீழே பகுதியில் உள்ள டோர்கள் கூட மூட முடியுமா என்று கேள்விக்குறியாகவே உள்ளது. குறிப்பாக டோர் பாக்கெட்களைச் சுற்றிலும் உள்ளவை. இந்த இரண்டு காரியங்களில் பொருத்தம் மற்றும் தீர்க்கப்பட்ட நிலையில், பெரும்பாலும் சமரசம் செய்து கொள்ள வேண்டிய தேவை ஏற்படுகிறது. மற்றப்படி, பயன்படுத்தும் மற்ற எல்லா பகுதிகளின் தர நிலைகளும் திருப்தி அளிக்கும் வகையில், டாடா நிறுவனம் சிறப்பாக பணியாற்றி உள்ளது.

நெக்ஸான் காரில் உள்ள டேஸ்போர்டை பொறுத்த வரை, ஒரு 6.5 இன்ச் ஹார்மேன் இன்ஃபோடெயின்மெண்ட் சிஸ்டத்தை, டேஸ்போர்டில் கொண்டுள்ளது. அதில் எதுவும் இழந்ததாக தெரியவில்லை. குறிப்பாக, அது அதிக தரமானது மற்றும் நன்றாக ஆலோசித்து வைக்கப்பட்டது போன்ற உணர்வை அளிக்கிறது. அதிக சூரிய ஒளியில் கூட, அதன் டிஸ்ப்ளேயில் காட்டப்படும் அளவீடுகள் தெளிவாகவும் வாசிக்க வகையிலும் உள்ளது. இதில் உள்ள கேமரா டிஸ்ப்ளே தான் சற்று நெருடலை அளிக்கிறது. அது கேமரா அளிக்கும் வெளியிட்டை பொறுத்தது என்பதால், அதில் ஸ்கிரீனின் பங்களிப்பை நாம் எடுத்து கொள்ள முடியாது.

இதில் உள்ள பயனர் இன்டர்பேஸ் பயன்படுத்த எளிதாகவும் ஒத்ததாகவும் உள்ளது. இதில் உள்ள ஏர் கண்டீஷன் அமைப்புகள், ஆடியோ ஆதாரங்கள் மற்றும் பெரிய மேனு போன்ற செயல்பாடுகள் இயக்குவதற்கு மிகவும் எளிதாகவும், கைக்கு எட்டும் பகுதியிலும் உள்ளது. இதன் தொடுதிரையை அவ்வளவு சிறப்பானது என்று கூற முடியாது. ஏனெனில் ஒவ்வொரு முறை அதை பயன்படுத்தும் போதும், சற்று காலதாமதம் ஏற்பட தான் செய்கிறது. இதை விட பட்டன்கள் மற்றும் கினாப்கள் வேகமாக செயல்படுகின்றன. இதனால் டாடா நிறுவனம் புத்திசாலித்தனமாக, கை எட்டும் தூரத்தில் விரைவில் இயக்கும் வகையில், அவற்றை தகுந்த இடத்தில் வைத்துள்ளது.

இந்த கார் அறிமுகம் செய்யப்பட்ட போது, இதில் ஆப்பிள் கார்ப்ளே அளிக்க டாடா நிறுவனம் முடிவு செய்து இருந்தது. ஆனால் நாங்கள் ஓட்டி சோதித்து பார்த்த காரில், ஆண்ட்ராய்டு ஆட்டோ மட்டுமே அளிக்கப்பட்டு இருந்தது. ஓட்டுநர் பகுதியில் உள்ள இன்ஸ்ட்ருமெண்ட் பின்னாக்கிள் வடிவமைப்பில் எளிமையாகவும், ஸ்பீடோமீட்டர் மற்றும் டச்சோமீட்டர் ஆகியவற்றிற்கு இடைப்பட்ட பன்முக தகவல் அளவீடுகளை அளிப்பதாகவும் உள்ளது. இதில் சராசரி எரிபொருள் சேமிப்பு டிஸ்ப்ளே மற்றும் எரிபொருள் தீர்ந்து போகும் தூரம் ஆகிய இரண்டு ட்ரிப் மீட்டர்கள் காணப்படுவதோடு, வழக்கமான அளவீடுகளும் அளிக்கப்படுகிறது.

இந்த காரில் சென்ட்ரல் ஏசி திறப்பிகளின் கீழே இருந்து நீண்டு செல்லும் சென்டர் கன்சோல், பின்பகுதி வரை முழுமையாக செல்கிறது. தானியங்கி கிளைமேட் கன்ட்ரோல் கினாப்களை தவிர, இதில் ஒரு USB மற்றும் ஒரு AUX போர்ட் மற்றும் டிரைவ் தேர்ந்தெடுப்பு க்னாப் காணப்படுகிறது. இதில் ஒரு ஜோடி கப் ஹோல்டர்களை பெற்று, அவற்றை மூடுவதற்கான டம்போர் டோர் காணப்படுகிறது. இது சுழல் முறையில் மூடுவது போல அமைக்கப்பட்ட இது, சில உயர் தர கார்களில் மட்டுமே காண கிடைப்பவை ஆகும். நீங்கள் ஒரு முறை பார்த்த உடன், அது உங்களை கவர்ந்து விடுகிறது. அதே நேரத்தில் கப் வைக்க அளிக்கப்பட்ட துளைகள், அழகியல் தன்மையில் பின்னடைவை ஏற்படுத்துகிறது. இது மிகவும் ஆழமாகவும் இறுக்கமாகவும் இருப்பதால், கப்-களை உள்ளே வைக்கவும் வெளியே எடுக்கவும் கடினமாக உள்ளது. இன்னும் சற்று பின்னால் வந்தால்,ஆம்ரெஸ்ட் பகுதியை திறக்க, அதில் உள்ள ஒரு சிறிய கிளோவ் பாக்ஸில் உங்கள் ஸ்மார்ட்போன் மற்றும் வாலெட் ஆகியவற்றை வைக்க தேவையான இடவசதியை கொண்டுள்ளது. பொதுவாக இந்த பகுதியில் USB மற்றும் AUX ஆகியவை வைக்கப்படுவது வழக்கம். இந்த சென்டர் ஆர் பின்பக்க கேபின் வரை நீட்டிக்கப்பட்டு, அதில் பின்பக்க பயணிகளுக்கு தேவையான ஏர் கண்டீஷன் திறப்பிகள் அளிக்கப்பட்டுள்ளது.

இதமான தன்மை

இந்த நெக்ஸான் காரில் உள்ள கேபின் குறிப்பாக எடுத்துக் கூற வேண்டிய நிலையில் மிகவும் இதமான தன்மையை கொண்டுள்ளது. முன்பக்கத்தில் உள்ள காரியங்களை வைத்து பார்க்கும் போது, இந்த நெக்ஸான் கார், சுற்றுப்பயணத்திற்கு ஏற்றது எனலாம். நாங்கள் அப்படி கூறியதால், அந்த கேபினில் அதிக இடவசதி இருக்காது என்று நினைக்க கூடாது. இதன் பின்பக்க சீட்கள் அந்த வகையில், சிறப்பாக வடிவமைக்கப்பட்டுள்ளது. எனவே பின்பக்கத்தில் அமர உங்களுக்கு இடம் அளிக்கப்பட்டால், அது இரண்டு பயணிகளுக்கு ஏற்ற வகையில் உட்கார தகுந்ததாக உள்ளது. மூன்றாவது பயணியை உட்கார வைக்க நீங்கள் விரும்பினால், நடுவில் உள்ள சென்ட்ரல் ஆம்ரெஸ் சிக்கலாக உள்ளது. குறுகிய தூரத்திலான பயணங்களை தவிர, அது போன்ற செயல்பாடுகளில் நீங்கள் ஈடுபட வேண்டிய அவசியம் இல்லை

இது தவிர, 4 மீட்டருக்கு குறைவான அளவில் அமைந்த வாகனங்களின் பிரிவிலேயே மிகவும் இதமான தன்மையை கொண்ட கேபினை கொண்ட கார்களில் ஒன்றாக நெக்ஸானின் கேபின் திகழ்கிறது. தேவைக்கேற்ப ஸ்டீயரிங் வீல் மாற்றி அமைக்க முடியும். ஓட்டுநர் சீட்டின் உயரத்தை மாற்றி அமைக்கலாம் என்பதோடு, கீழ் பின்பகுதிக்கு சிறப்பான ஆதரவையும் அளிக்கிறது. எனவே, எளிதாக ஒரு சிறந்த ஓட்டுநர் நிலையை அடைவது எளிதாக உள்ளது. இதில் உள்ள பக்கெட் சீட்களில் எந்த அளவில் மற்றும் வடிவிலான மக்கள் அமர்ந்தாலும், உட்கார போதுமான இடவசதி உள்ளது. மேலும் தொடைக்கு கீழே அளிக்கப்படும் கூடுதல் ஆதரவு, பயணத்திற்கு இதமான தன்மையை அளிக்கிறது. இதே தன்மை, பின்பக்க சீட்களுக்கு பொருந்துகின்றன. பின்பக்கத்தில் உள்ள இரண்டு சீட்களும், ஒரு கேப்டனுக்கு அளிக்கப்பட்டதாக நினைத்து கொள்ளுங்கள். (ஆமாம், அதன் வடிவமைப்பு அவ்வளவு நன்றாக அமைந்துள்ளது). இதில் அமர்ந்த உடன் அதனோடு ஐக்கியமாகி விடும் தன்மையைக் கொண்டுள்ளது. இதன் சீட் பின்பக்க ஆங்கிள், பொதுவாகவே இதமான நிலைக்கு அமைக்கப்பட்டுள்ளது. மற்ற இடங்களை வைத்து பார்க்கும் போது, தொடைக்கு கீழே மற்றும் பின்பகுதி இருக்கும் இடங்களில் கூடுதாக குஷின் அளிக்கப்பட்டுள்ளது. மேலும் சீட்களை சொல்லி வைத்து செய்தது போல உள்ளது.

இந்த நெக்ஸான் காரில் ஒரு 1.2 லிட்டர் டர்போ சார்ஜ்டு பெட்ரோல் என்ஜின் மற்றும் ஒரு 1.5 லிட்டர் டர்போ சார்ஜ்டு டீசல் என்ஜின் ஆகியவை காணப்படுகின்றன. இந்த இரண்டு என்ஜின்களும், ஒரு 6 ஸ்பீடு மேனுவல் டிரான்ஸ்மிஷன் உடன் இணைக்கப்பட்டு, 110PS என்ற அதிகபட்ச ஆற்றலை வெளியிடுகின்றன. இவை இரண்டும் டாடா நிறுவனத்திலேயே தயாரிக்கப்பட்டுள்ளன. இதில் பெட்ரோல் என்ஜினை பொறுத்த வரை, டைகர் காரில் உள்ள என்ஜினுக்கு ஒத்த ஒரு டர்போசார்ஜ்டு பதிப்பு ஆகும். இதன் டீசல் என்ஜின் முற்றிலும் புதுமையானது.

டீசல் என்ஜின்

இதுவரை வெளியாகி உள்ள டாடா நிறுவனத்தின் டீசல் என்ஜின்களிலேயே இது தான் சிறந்தது எனலாம். மேலும் கச்சிதமான கார் பிரிவில் உள்ள சிறந்த என்ஜின்களில் ஒன்றாகவும் இதை கருதுவதில் தவறு இல்லை. இந்த என்ஜின் மூலம் 1500-2700rpm இடைப்பட்ட உச்ச முடுக்குவிசையில் 260Nm மற்றும் 3750rpm இல் 110PS என்ற அதிகபட்ச ஆற்றலை அளிக்கிறது. காகிதத்தில் பார்க்கும் போது, இந்த பிரிவிலேயே அதிகபட்ச முடுக்குவிசையை அளிக்கிறது. அதற்காக அதிகபட்ச முடுக்குவிசையை அளிக்கும் முழுமையான தோல்வியை அடைகிறது என்பது எல்லாவற்றிலும் சிறந்ததாக இதை நிலை நிறுத்துகிறது. குறுகிய கியர்களில் இயங்கும் போது, பெட்ரோல் என்ஜினில் அளிப்பதை விட, எளிமையான ஓட்டும் அனுபவத்தை அளிக்கிறது. இதன்மூலம் கியரை குறைக்காமல் மணிக்கு 30 முதல் 40 கி.மீ. வரையிலான வேகத்தில் கூட மூன்றாவது கியரிலேயே ஓட்ட முடியும். நாம் செய்த செயல்பாட்டு சோதனையில், டீசல் என்ஜின் மூலம் 0 முதல் 100 கி.மீ என்ற வேகத்தை எட்ட 13.25 வினாடிகளை எடுத்து கொள்கிறது. இது சிறந்த செயல்பாட்டை அளித்து, நெடுஞ்சாலை பயணங்களில் லிட்டருக்கு 23.97 கி.மீ என்ற அளவிலான மைலேஜ் அளிக்கிறது. ஆனால் நகர்புற சாலைகளில் குறைந்த கியர்களில் அதிகமாக இயக்க வேண்டியிருப்பதால், லிட்டருக்கு 16.8 கி.மீ. என்ற சரிவை சந்திக்கிறது.

டீசல் - AMT

நீங்கள் ஒரு புதிய ஓட்டுநராக இருக்கும் பட்சத்தில் அல்லது நின்று நின்று செல்லும் சாலை நெரிசலில் கியர்களை மாற்றி மாற்றி நீங்கள் களைத்துவிட்டீர்கள் என்றால், இந்த AMT பதிப்பை தேர்ந்தெடுக்கலாம். பெரும்பாலான மற்ற AMT கார்களைப் போல இந்த டிரான்ஸ்மிஷன், அவ்வப்போது கியர்களை மாற்றி கொண்டே இருப்பது இல்லை. இதனால் 1500rpm இல் இருந்து 260Nm என்ற உன்னத முடுக்குவிசையை அளிப்பது சாத்தியமாக உள்ளது. SUV வாகனங்களில் இருப்பது போல, நகர்புறங்களில் கியரை குறைக்காமலேயே முந்தி செல்ல உதவுகிறது. இதுபோல, கியர்கள் அவ்வப்போது திடீரென மாற்றங்களை சந்திக்காமல் இருப்பது ஒரு நல்ல காரியம் ஆகும். முதல் கியரில் நிலை நிற்பது மட்டும் சற்று திணறலை சந்திக்கிறது. இந்த திணறல் நீக்க சற்று நேரம் எடுத்துக் கொள்கிறது. குறிப்பாக, ஆங்காங்கே நின்று செல்லும் சாலை நெரிசலில் இதை காண முடிகிறது. ஆனால் மெதுவாக நகரும் சாலை நெரிசல்களில் இந்த நிலை ஏற்படுவது இல்லை. ஏனெனில் அப்போது இரண்டாவது கியருக்கு மாறி விடுகிறது. இரண்டாவது கியருக்கு மாறிய பிறகு மென்மையான நகர்வையே கொண்டுள்ளது. ஒரு தாழ்வான பகுதியில் செல்லும் போது, என்ன செய்ய வேண்டும் என்பதில் இந்த கியர்பாக்ஸ் குழப்பம் அடைகிறது. அதாவது கியரை குறைப்பதா அல்லது குறைக்க வேண்டுமா என்ற முடிவை எடுக்க, இந்த டிரான்ஸ்மிஷன் தவறுகிறது. ஆனால் மற்ற நிர்ணயிக்கப்பட்ட கார்களிலும் இது போன்ற பிரச்சனை இருப்பதால், அது ஒரு பெரிய அளவில் உங்களை கஷ்டப்படுத்தாது. இந்த AMT பதிப்பில், இக்கோ, சிட்டி மற்றும் ஸ்போர்ட் என்ற மூன்று டிரைவிங் மோடுகளும் காணப்படுகின்றன. ஒட்டுமொத்தமாக பார்க்கும் போது, சாலை நெரிசலில் சிக்கி தவிப்போருக்கு இந்த AMT ஒரு சிறந்த தேர்வாக உள்ளது. ஆனால் நீங்கள் உண்மையிலேயே கியர்களை மாற்றுவதில் களைத்து போயிருந்தால் மட்டுமே இதன் மதிப்பு தெரியும். ஏனெனில் வழக்கமான விலையை விட, 70,200 ரூபாய் அதிகமாக செலவு செய்ய வேண்டியுள்ளது என்பது குறிப்பிடத்தக்கது.

பெட்ரோல் என்ஜின்

டைகர் காரில் உள்ள 1.2 லிட்டர், 3 சிலிண்டர் பெட்ரோல் என்ஜின் உடன் டர்போசார்ஜர் உறுதுணையில் 25PS கூடுதல் ஆற்றலைப் பெறுகிறது. இது 5000rpm இல் 110PSஅளவிலான அதிகபட்ச ஆற்றலும், 1750-4000rpm என்ற இடைப்பட்ட நிலையில் 170Nm அளவிலான முடுக்கு விசையும் வெளியிடுகிறது. இந்த காரின் டீசல் யூனிட்டை போல மறுசீரமைப்போ அல்லது செயல்பாட்டோ, இதில் காண முடிவதில்லை. குறைந்த rpm இல் கூட டீசல் என்ஜின் சிறந்த செயல்பாட்டை அளிக்க, இந்த பெட்ரோல் என்ஜின் மந்தமாக செயல்பாட்டை கொண்டிருப்பது போல உணர முடிகிறது. இதிலும் கார் முழுவதும் ஆட்கள் நிரம்பிய நிலையில், இதன் செயல்பாடு இன்னும் குறைகிறது. இந்த பெட்ரோல் என்ஜினின் செயல்பாட்டை பெற, குறைந்தது 1750rpm போதாது, சுமார் 3000rpm தேவைப்படுகிறது. அப்போது தான் அதிகபட்ச முடுக்குவிசையே இயங்க ஆரம்பிக்கிறது.

இந்த பெட்ரோல் என்ஜின் உயர்வான கியர் தன்மை, பொதுவான அழுத்தங்களுக்கு ஒத்ததாக அமைவது இல்லை. மேலும் வேகத்தை எடுக்க, அதிக முடுக்கு விசையை எதிர்பார்க்கிறது. முடுக்குவிசை பேண்டு விரிவாக

இருப்பதால், 4000rpm-க்கு மேல் சென்றாலும் வேகத்தை தொடர்ந்து கூட்டி அளிப்பதில் நெக்ஸான் தயங்குவதில்லை. 5500rpm என்ற சிவப்பு கோட்டை ஒட்டி சென்றாலும், இந்த என்ஜின் இறுக்கமோ அல்லது திணறலையோ காண முடிவதில்லை என்பது ஆச்சரியமான செய்தி ஆகும். இந்த உயர்வான கியர் தன்மையைக் கொண்ட இந்த பெட்ரோல், வெறும் 11.64 வினாடிகளில் மணிக்கு 100 கி.மீ. வேகத்தை அடைந்து விடுகிறது. இப்படி டீசல் காரை விட, சதம் கி.மீ. வேகத்தை அடைவதில், பெட்ரோல் ஒரு படி முன்னால் இருக்கிறது என்பதை ஏற்று கொள்ள வேண்டிய ஒரு உண்மை ஆகும். எரிபொருள் சிக்கனத்தை பொறுத்த வரை, நெடுஞ்சாலை பயணங்களில், லிட்டருக்கு 17.88 கி.மீ. மற்றும் நகர்புற சாலைகளில் லிட்டருக்கு 14.02 கி.மீ. என்ற அளவிலான மைலேஜை அளிக்கிறது.

டிரான்ஸ்மிஷன் மற்றும் டிரைவ் மோடுகள்

இந்த காரின் பெட்ரோல் மற்றும் டீசல் ஆகிய இவை இரண்டும், தற்போது 6 ஸ்பீடு கியர்பாக்ஸ்கள் உடன் இணைக்கப்பட்டுள்ளது. இதில் டீசல் கார்களில் மட்டும் சிறிய விகித குறைவை சந்திக்கின்றன. இதன்மூலம் டீசலுக்கு அட்டகாசமான ஓட்டும் தன்மையை பெற முடிகிறது. ஆனால் மணிக்கு 100 கி.மீ. வேகம் என்ற அளவை அடைய, அதிகளவிலான கியர்களை மாற்ற வேண்டிய நிலை ஏற்படும் என்பதை கருத்தில் கொள்ள வேண்டும். இதற்காக இதை மெதுவான வாகனம் என்பது காரணம் அல்ல. மாறாக, அதில் விரைவான மாற்றத்தை பெறும் கியர்பாக்ஸ் இல்லை. இதன் சுழல்கள் நீளமானவை என்பதோடு, மாற்றங்கள் நேர்மறையானவை அல்ல. எங்கள் செயல்பாட்டு திறனுக்கான சோதனையில், வளைவு நெளிவுகள் கொண்ட ஒரு சாலையில் வேகமாக பயணிக்கும் போது, மூன்றாவது கியரை போடுவதில் மிகவும் சிரமமாக இருந்தது என்பதோடு, எங்கள் எல்லாருக்கும் கியர் மாற்ற கணக்கில் தவறு ஏற்பட்டது என்பது குறிப்பிடத்தக்கது.

இந்த நெக்ஸான் காரில் மொத்தம் மூன்று டிரைவ் மோடுகள் உள்ளன. அவையாவன: ஸ்போர்ட், இக்கோ மற்றும் சிட்டி ஆகியவை. இவை மூன்றும், என்ஜின் தன்மையில் பெருமளவு வேறுபாட்டை கொண்டுள்ளன என்பதால், அவற்றை நீங்கள் மிகவும் புத்திசாலித்தனமாக பயன்படுத்தி கொள்ள வேண்டும். இதில் ஸ்போர்ட் மோடு மூலம் எல்லா சக்கர அசைவுகளும் எளிதாக்கப்படுகின்றன. சிட்டி மோடு மூலம் 2000rpm என்ற அளவை ஒட்டிய நிலையிலும் முடுக்கு விசை மென்மையாக

அளிக்கப்பட்டு, நகர்புறத்தில் ஓட்டி செல்ல எளிதாக மாற்றுகிறது. இக்கோ மோடு மூலம் இன்னும் மோசமான செயல்பாட்டை பெற முடிகிறது. இதனால் நீங்கள் அதிக அழுத்தம் கொடுத்து ஓட்ட வேண்டிய நிபந்தனை ஏற்படுகிறது.டீசல் என்ஜினில் மேற்கண்ட மூன்று மோடுகளையும் மணிக்கு 100 கி.மீ. வேகத்தை எட்ட எடுத்து கொள்ளும் நேரத்தை நாங்கள் சோதித்து பார்த்தோம். அதில் ஸ்போர்ட் (வேகமான நேர அளவு)மற்றும் இக்கோ (குறைந்த வேகம்) ஆகியவை இடையே 8 வினாடிகள் வித்தியாசத்தை காண முடிந்தது.

பயணம், கையாளுதல் மற்றும் பிரேக்கிங்

இந்த நெக்ஸான் காரில், மெக்பிரிசன் கம்பிகள் முன்பக்கத்திலும், ஒரு சுழல் பீம் அமைப்பு பின்பக்கத்திலும் அளிக்கப்பட்டுள்ளன. இதில் செய்யும் பயணம் இனிமையாக உள்ளது. கடுமையான மற்றும் மென்மையான என்ற இரண்டிற்கும் இடைப்பட்ட நிலையில் பயணம் அமைகிறது. இதில் உடல் அதிகமாக அலட்டப்படுவது இல்லை, காருக்குள் ஆடம்பரமாக செல்லும் ஒரு உணர்வை அளிக்கிறது. பெரிய SUV வாகனங்களைப் போல, சாலையில் உள்ள குண்டும் குழிகளையும் கையாளுகிறது. எனவே காருக்குள் விரைவில் நிலை அடையக் கூடிய, லேசான முன் பின், இடது வலது அசைவுகளை மட்டுமே உணரலாம். பெட்ரோல் காரை விட, டீசல் நெக்ஸான் கார் 68 கிலோ அதிக எடையை பெற்றுள்ளது. இந்த எடை அதிகரிப்பின் மூலம் கடினமான பாதையில் வேகமாக செல்லும் போது கூட, கேபின் கூடுதல் நிலைத் தன்மையைப் பெற முடிகிறது.

கையாளுதல் திறனில் வரும் போது, கூடுதல் எடையைக் கொண்ட டீசல் நெக்ஸான், அதற்கான விலையை செலுத்த வேண்டிய நிலை ஏற்படுகிறது. இது பெரிய அளவில் வித்தியாசம் இல்லை. இந்த வித்தியாசம் எப்படி என்றால், ஒரு வளைவில் செல்லும் போது, இந்த டீசல் நெக்ஸான் கார் சற்று தடுமாற்றத்தை சந்திக்கிறது. ஆனால் பெட்ரோல் நெக்ஸான் கார் ஒப்பீட்டில் கச்சிதமாக இருப்பதாக உணர முடிகிறது. ஆனால் ஒட்டுமொத்தமாக பார்க்கும் போது, நெக்ஸான் காரில் சாலையில் செல்ல தைரியமாக உணர முடிகிறது. நெடுஞ்சாலையில் வேகமாக செல்லும் போதும், நிலைத்தன்மை குறித்து பயப்பட வேண்டிய தேவை ஏற்படுவது இல்லை.

முன்பக்கத்தில் டிஸ்க் பிரேக்கும், பின்பக்கத்தில் டிரம்ஸும் இருப்பதால், கடினமாக பிரேக்கிங் சூழ்நிலைகளிலும் உறுதியாக உணர முடிகிறது. ஆனால் இந்த பிரேக்குகள் உடனடி பிடிப்பு அளிக்க மறுக்கின்றன. இதனால், சூழ்நிலைக்கு ஏற்ப, பிரேக் மீது அளிக்கப்படும் அழுத்தங்களை மாற்ற வேண்டிய தேவை ஏற்படுகிறது.

அழகியல் ரீதியாக பார்க்கும் போது, டாடா நெக்ஸான் காரில் உள்ள சிறந்த மதிப்புள்ள தன்மை மூலம் இந்த பிரிவில் இருந்து ஒரு படி மேலே இருப்பது போன்ற உணர்வை அளிக்கிறது.இதில் உள்ள 1.5 லிட்டர் என்ஜின் பயன்பாட்டிற்கு மிகவும் ஏற்றதாகவும், குறைந்த அழுத்தத்தில் கூட தெளிவான இழுவை அளிக்கிறது. மேலும் இது நன்றாக மறுசீரமைப்பு செய்யப்பட்டுள்ளது. இந்த காரில் உள்ள ஒவ்வொரு பகுதியும் சிறப்பாக அமைக்கப்பட்டுள்ளதால், மோசமான சாலைகளில் உள்ள குண்டும் குழியாக இருந்தாலும் அதை மேற்கொண்டு பயணிக்கிறது. மேற்கண்ட இந்த எல்லா காரியங்களும் சேர்ந்து, டாடா நெக்ஸான் காரை ஒரு சிறந்த ஆல் ரவுண்டராக உருவாக்கி உள்ளது.

“இதில் உள்ள ஆற்றல் மோடுகள் ஒரு பெரிய வித்தியாசத்தை ஏற்படுத்துகிறது. குறிப்பாக சிட்டி மோடு மூலம் நகர்புற சாலைகளில் ஓட்டும் திறன் வெகுவாக மேம்பாடு அடைந்துள்ளது.”

இந்நிலையில் நாங்கள் சோதனைக்காக எடுத்துக் கொண்ட காரில், எந்தொரு ஒரு எலக்ட்ரிக்கல் நிக்கல்களும் தவறவில்லை என்பதால், டாடா நெக்ஸான் காரின் கட்டுமான தரம் மற்றும் உறுதி நிலை குறித்து ஒரு கேள்விக்குறி எழ தான் செய்கிறது.