65 മത് ജന്മദിനത്തിൽ പുതിയ Range Rover SUV സ്വന്തമാക്കി സഞ്ജയ് ദത്ത്

• സഞ്ജയ് ദത്ത് സ്വന്തമാക്കിയ റേഞ്ച് റോവർ SV, ലാൻഡ് റോവർ വാഗ്ദാനം ചെയ്യുന്ന സെറിനിറ്റി പായ്ക്ക് ഉപയോഗിച്ച് കസ്റ്റമൈസ് ചെയ്തിരിക്കുന്നു.

• ഗ്രില്ലിലും ഫ്രണ്ട് ബമ്പറിലും ടെയിൽഗേറ്റിലും ബ്രോൺസ് ഇൻസേർട്ടുകൾ ഇതിൽ ഉൾപ്പെടുത്തിയിരിക്കുന്നു.

• സെറിനിറ്റി തീമിനൊപ്പം, റേഞ്ച് റോവർ SUV വൈറ്റ് ഹൈലൈറ്റുകളുള്ള കാരവേ ബ്രൗൺ ഇൻ്റീരിയറുമായി വരുന്നു.

• ഓൺ ബോർഡ് സവിശേഷതകളിൽ  13.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, 4-സോൺ ക്ലൈമറ്റ് കൺട്രോൾ, പനോരമിക് ഗ്ലാസ് റൂഫ് എന്നിവ ഉൾപ്പെടുന്നു.

• ഒന്നിലധികം എയർബാഗുകൾ, 360-ഡിഗ്രി ക്യാമറ, ADAS എന്നിവയാണ് സുരക്ഷ സജ്ജീകരണങ്ങൾ.

• റേഞ്ച് റോവർ SVയിൽ 4.4 ലിറ്റർ ട്വിൻ ടർബോ V8 പെട്രോൾ എഞ്ചിൻ 615 PS 750 Nm ശേഷി ഉത്പാദിപ്പിക്കുന്നു.

കാർത്തിക് ആര്യൻ, പൂജാ ഹെഗ്‌ഡെ, ശിഖർ ധവാൻ, രൺബീർ കപൂർ തുടങ്ങിയ ബോളിവുഡ് സെലിബ്രിറ്റികളുടെ നിരയിൽ ചേർന്ന്,സഞ്ജു എന്നറിയപ്പെടുന്ന നടൻ സഞ്ജയ് ദത്ത്  തൻ്റെ 65 മത് ജന്മദിനം ആഘോഷിക്കാൻ ഒരു പുതിയ ലാൻഡ് റോവർ റേഞ്ച് റോവർ സ്വന്തമാക്കി. അൾട്രാ മെറ്റാലിക് ഗ്രീൻ നിറത്തിലുള്ള എക്സ്റ്റീരിയർ   ഷേഡിൽ പൂർത്തിയാക്കിയ തൻ്റെ പുതിയ റേഞ്ച് റോവർ ഓടിക്കുന്ന നടന്റെ ഒരു വീഡിയോ അടുത്തിടെ ഓൺലൈനിൽ പ്രത്യക്ഷപ്പെട്ടിരുന്നു.

A post shared by Durgesh Nakhate (@gadi_dekho_yt)

സഞ്ജയുടെ പുതിയ SUVയുടെ കൂടുതൽ വിവരങ്ങൾ

സഞ്ജയ് ദത്ത് വാങ്ങിയ റേഞ്ച് റോവർ സെറിനിറ്റി പായ്ക്ക് ഉപയോഗിച്ച് കസ്റ്റമൈസ് ചെയ്ത ഒരു SUV വേരിയൻ്റാണ്. ഈ പാക്കിൽ ഗ്രില്ലിലെ ബ്രോൺസ് ഇൻസേർട്ടുകൾ, ബ്രോൺസ് ആക്സൻ്റുകളുള്ള സിൽവർ നിറത്തിലുള്ള ഫ്രണ്ട് ബമ്പർ, ടെയിൽഗേറ്റിലെ  ബ്രോൻസ് അലങ്കാരം, മുൻ വാതിലുകളിലെ ബ്രോൺസ് ഭാഗങ്ങൾ എന്നിവ ഉൾപ്പെടുന്നു. അദ്ദേഹം തിരഞ്ഞെടുത്ത എല്ലാ കസ്റ്റമൈസേഷനുകളും കണക്കിലെടുക്കുമ്പോൾ, ഈ റേഞ്ച് റോവറിന് ഏകദേശം 5 കോടി രൂപ (എക്സ്-ഷോറൂം പാൻ-ഇന്ത്യ) വിലയുണ്ടെന്ന് ഞങ്ങൾ കണക്കാക്കുന്നു.

ഇതും പരിശോധിക്കൂ: കാണൂ: ആശയത്തിൽ നിന്ന് യാഥാർത്ഥ്യത്തിലേക്ക് - ഒരു കാർ എങ്ങനെ ഡിസൈൻ ചെയ്യപ്പെടുന്നു-  ടാറ്റ കർവ്വ് 

ലാൻഡ് റോവർ റേഞ്ച് റോവർ SUV: ഒരു അവലോകനം

റേഞ്ച് റോവർ SUVയുടെ റേഞ്ച്-ടോപ്പിംഗ് SV വേരിയൻ്റിൽ 4.4 ലിറ്റർ ട്വിൻ-ടർബോ V8 പെട്രോൾ എഞ്ചിൻ ഉപയോഗിക്കുന്നു, ഇത് 615 PS ഉം 750 Nm ഉം ശേഷി ഉത്പാദിപ്പിക്കുന്നു. യൂണിറ്റ് 8-സ്പീഡ് ഓട്ടോമാറ്റിക് ട്രാൻസ്മിഷനുമായി ജോടിയാക്കുന്നു, ഇത് നാല് വീലുകളിലേക്കും പവർ നല്കുന്നു. ലാൻഡ് റോവർ റേഞ്ച് റോവർ SVക്ക് 0-100 കിലോമീറ്റർ സ്‌പ്രിൻ്റ് സമയം 4.5 സെക്കൻഡ് ആണ്.

HSE, ഓട്ടോബയോഗ്രഫി വേരിയൻ്റുകളിലും ലാൻഡ് റോവർ റേഞ്ച് റോവർ വാഗ്ദാനം ചെയ്യുന്നു. 351 PS ഉം 700 Nm ഉം ഉള്ള 3-ലിറ്റർ ഡീസൽ മൈൽഡ്-ഹൈബ്രിഡ് എഞ്ചിനാണ് HSE ന് കരുത്ത് പകരുന്നത്, അതേസമയം ഓട്ടോബയോഗ്രഫിക്ക് 398 PS ഉം 550 Nm ഉം ഉള്ള 3-ലിറ്റർ മൈൽഡ്-ഹൈബ്രിഡ് ടർബോ-പെട്രോൾ എഞ്ചിൻ ആണുള്ളത്. രണ്ട് എഞ്ചിനുകളും 8 സ്പീഡ് ഓട്ടോമാറ്റിക് ട്രാൻസ്മിഷനുമായി ഘടിപ്പിച്ചിരിക്കുന്നു.

ഇന്റിരിയറും സവിശേഷതകളും

ഡാഷ്‌ബോർഡിലും ഗിയർ സെലക്ടറിലും ക്ലൈമറ്റ് കൺട്രോൾ പാനലിന് ചുറ്റുമായി വെള്ള നിറത്തിലുള്ള സ്‌പ്ലാഷുകളുള്ള കാരവേ ബ്രൗൺ ഇൻ്റീരിയറുമായാണ് സെറിനിറ്റി പാക്കിലുള്ള ലാൻഡ് റോവർ റേഞ്ച് റോവർ SV അവതരിപ്പിക്കുന്നത്. 13.7 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, 13.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, പനോരമിക് ഗ്ലാസ് റൂഫ്, 4-സോൺ ക്ലൈമറ്റ് കൺട്രോൾ, 1600W മെറിഡിയൻ സൗണ്ട് സിസ്റ്റം, PM2.5 എയർ ഫിൽട്ടർ തുടങ്ങിയ സൗകര്യങ്ങൾ റേഞ്ച് റോവർ SVയിൽ ഉൾപ്പെടുത്തിയിരിക്കുന്നു.

360-ഡിഗ്രി ക്യാമറ, ഡൈനാമിക് സ്റ്റെബിലിറ്റി കൺട്രോൾ (DSC), മൾട്ടിപ്പിൾ എയർബാഗുകൾ, അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റങ്ങളുടെ (ADAS) സ്യൂട്ട് ആണ് യാത്രക്കാരുടെ സുരക്ഷയ്ക്കായി സജ്ജീകരിച്ചിട്ടുള്ളത് .

വില പരിധിയും എതിരാളികളും

ലാൻഡ് റോവർ റേഞ്ച് റോവറിൻ്റെ വില 2.36 കോടി രൂപയിൽ ആരംഭിക്കുന്നു, കസ്റ്റമൈസേഷനുകൾ അടിസ്ഥാനമാക്കി ടോപ്പ്-സ്പെക്ക് SV വേരിയൻ്റിന് ഏകദേശം 5 കോടി രൂപ (എക്സ്-ഷോറൂം) ലഭിക്കും. റേഞ്ച് റോവർ ലെക്‌സസ് LX, മെഴ്‌സിഡസ്-ബെൻസ് GLS എന്നിവയോട് കിടപിടിക്കുന്നതാണ് ഇത്.

ഏറ്റവും പുതിയ ഓട്ടോമോട്ടീവ് അപ്‌ഡേറ്റുകൾക്കുമായി കാർദേഖോയുടെ  വാട്സ്ആപ് ചാനൽ ഫോളോ ചെയ്യൂ

കൂടുതൽ വായിക്കൂ: ലാൻഡ് റോവർ റേഞ്ച് റോവർ ഓട്ടോമാറ്റിക്